1 Tesaloniki ye 3
3
1 #
Kap 17:15
Amɛɛ ki da wɔ́ɔ̀ pye lè wolo a gbǎn ní gi kpàraco í, koro na wolo da gi kɔ̀rirɔ n tímana n kòro Atɛni ni wolo yagwɔɔlɔ, 2níì Timɔte tun, wi lè wolo senyɛnw ní Kolocɔlɔɔ falipyenyɛnnɛ Kirisi Syɛɛnjóocǎnri joolo kéele na, wolo maa wi tun jàngó wi sa yele dɛ̀ɛmɛ yele í nìri, si yele kɛɛlɛ yele tágali kéele na, 3koro ga pye yele wàa faala a kɔ́ wɔʔɔyi naa yaʔa yaa wi fíigi da máari í. Níì cán yele tiimaa n gi cán Kolocɔlɔɔ n gi kɔ̀rirɔ jàngó wo wɔʔɔ. 4Lǎli ni wolo da pye yaà ní yele ní lè, wolo maa sélì gi joo yele ma níì jo, cɛɛri ga pye pe a wo wɔʔɔ, a gi tɔ̀nɔ n wɔ́ɔ baa pye nya àmɛɛ yele gi cán lè. 5Gee bee na àmɛɛ gi nyɛ lè mii da gbàn bi ní gi kpàraco í, a mii si Timɔte tun yaà yele ma koro ga pye mii í yele tágali kéele cán, jàngó bi gi cán kapye syɛɛnkárimacow n yele kárima n cò á wolo fáliw pye gbanzan.
6 #
Kap 18:5
Kàjáa tɔ́ɔliw ni Timɔte n yìri yaà yele ma n nan naa wolo na n baa syɛɛntaanra joo wolo ma yele tágali ní yele tàmagi kéele na. Wi n baa wolo pye, ncan yele i yaà ni sɔ̀ngí wolo kéeli na làla o làla ní tàmaga ní, yele i caa bi wolo nyaa àmɛɛ wolo wɔ́ɔ̄ caa bi yele nyaa lè. 7Gee bee na, ni senyɛ̀nnɛ, n wolo yaʔa wolo funjurugori, ní wolo wɔʔɔyi myɛ ni, àmɛɛ wolo baa yele tágali kéele lóʔo lè a gee bee wolo fúnyi nyíngi. 8Tɔ́ɔliw ni wolo i nyɛ sìi na, àmɛɛ yele sámaga n yére lè Kàfɔw ni. 9Fundaanree di nyɛ wolo ni lè Kolocɔlɔɔ yɛ́ʔɛ ma yele kéeli na, mɛ̀ɛ́ wolo a gbǎn bariga kaan wi ma bi yɛlɛ ní fundaanri bee myɛ ní bi sɛ́ɛ? 10Wolo i wi nyɛ́ɛri gbanʔama canʔa ní yébilige koro ga pye wolo í yele nyaa, jàngó kérigèle gele ge fɔ̀n yele tágali ni lè wolo í gele bee foro.
11Ki n yɛlɛ wolo Tóow Kolocɔlɔɔ tiimaa, ní wolo Kàfɔw Zyezu í wolo kólogi sámaga wolo í taa nan yaà yele na! 12Tàmagee yele le ní yeyɛɛ ní lè n náà fàra syɛɛnsanbèle myɛ na, ki n yɛlɛ Kàfɔw í gi yaʔa kàa í da taari tàmagi bee na yele ma ki pye àmɛɛ wolo wógi nyɛ lè gee wolo le ní yele ní lè. 13Koro ga pye wi yele zɔ̌nbèle nìri yele si kòro wojanbéle ní, si wɔ́ɔ pye kajoolo fun wolo Tóow Kolocɔlɔɔ yɛ́ʔɛ ma fwɔɔ bi taa ba nan wolo Kàfɔw Zyezu làribanni na ní wi wojanbèle myɛ ní!
Currently Selected:
1 Tesaloniki ye 3: CB10
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.
1 Tesaloniki ye 3
3
1 #
Kap 17:15
Amɛɛ ki da wɔ́ɔ̀ pye lè wolo a gbǎn ní gi kpàraco í, koro na wolo da gi kɔ̀rirɔ n tímana n kòro Atɛni ni wolo yagwɔɔlɔ, 2níì Timɔte tun, wi lè wolo senyɛnw ní Kolocɔlɔɔ falipyenyɛnnɛ Kirisi Syɛɛnjóocǎnri joolo kéele na, wolo maa wi tun jàngó wi sa yele dɛ̀ɛmɛ yele í nìri, si yele kɛɛlɛ yele tágali kéele na, 3koro ga pye yele wàa faala a kɔ́ wɔʔɔyi naa yaʔa yaa wi fíigi da máari í. Níì cán yele tiimaa n gi cán Kolocɔlɔɔ n gi kɔ̀rirɔ jàngó wo wɔʔɔ. 4Lǎli ni wolo da pye yaà ní yele ní lè, wolo maa sélì gi joo yele ma níì jo, cɛɛri ga pye pe a wo wɔʔɔ, a gi tɔ̀nɔ n wɔ́ɔ baa pye nya àmɛɛ yele gi cán lè. 5Gee bee na àmɛɛ gi nyɛ lè mii da gbàn bi ní gi kpàraco í, a mii si Timɔte tun yaà yele ma koro ga pye mii í yele tágali kéele cán, jàngó bi gi cán kapye syɛɛnkárimacow n yele kárima n cò á wolo fáliw pye gbanzan.
6 #
Kap 18:5
Kàjáa tɔ́ɔliw ni Timɔte n yìri yaà yele ma n nan naa wolo na n baa syɛɛntaanra joo wolo ma yele tágali ní yele tàmagi kéele na. Wi n baa wolo pye, ncan yele i yaà ni sɔ̀ngí wolo kéeli na làla o làla ní tàmaga ní, yele i caa bi wolo nyaa àmɛɛ wolo wɔ́ɔ̄ caa bi yele nyaa lè. 7Gee bee na, ni senyɛ̀nnɛ, n wolo yaʔa wolo funjurugori, ní wolo wɔʔɔyi myɛ ni, àmɛɛ wolo baa yele tágali kéele lóʔo lè a gee bee wolo fúnyi nyíngi. 8Tɔ́ɔliw ni wolo i nyɛ sìi na, àmɛɛ yele sámaga n yére lè Kàfɔw ni. 9Fundaanree di nyɛ wolo ni lè Kolocɔlɔɔ yɛ́ʔɛ ma yele kéeli na, mɛ̀ɛ́ wolo a gbǎn bariga kaan wi ma bi yɛlɛ ní fundaanri bee myɛ ní bi sɛ́ɛ? 10Wolo i wi nyɛ́ɛri gbanʔama canʔa ní yébilige koro ga pye wolo í yele nyaa, jàngó kérigèle gele ge fɔ̀n yele tágali ni lè wolo í gele bee foro.
11Ki n yɛlɛ wolo Tóow Kolocɔlɔɔ tiimaa, ní wolo Kàfɔw Zyezu í wolo kólogi sámaga wolo í taa nan yaà yele na! 12Tàmagee yele le ní yeyɛɛ ní lè n náà fàra syɛɛnsanbèle myɛ na, ki n yɛlɛ Kàfɔw í gi yaʔa kàa í da taari tàmagi bee na yele ma ki pye àmɛɛ wolo wógi nyɛ lè gee wolo le ní yele ní lè. 13Koro ga pye wi yele zɔ̌nbèle nìri yele si kòro wojanbéle ní, si wɔ́ɔ pye kajoolo fun wolo Tóow Kolocɔlɔɔ yɛ́ʔɛ ma fwɔɔ bi taa ba nan wolo Kàfɔw Zyezu làribanni na ní wi wojanbèle myɛ ní!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Kolocɔlɔɔ Syɛ́ɛnri © Bible Society of Côte d'Ivoire, 2008.