San Marcos 1
1
Juan el Bautista lachhie'e lo yo' bichhi
(Mt 3.1-12; Lc 3.1-9,15-17; Jn 1.19-28)
1Kati gzolho rson wen ki Jesucristo, bene nake Xhi'in Diozo.
2Kin zoa lo guichi bzoaj bene btzalaje laza Diozo grelawe Isaías:
Ne'adia rsela to bene snerhoe lolho zajtixaje'e rson kia',
kinda salhaje neza kio'.
3To chi'i bene naye'an lo yo' bichhi:
Legon neza ki Diozo;
lesalhaj to neza lhi'.
4Na kan bchhin Juan el Bautista lo yo' bichhi; na rhe yogokate' rhala gsanke tamalha rhonke kan yezi'iloke, kinda Xosrha Diozo yezixhenhe dolaxhkia' kie'ake. 5Bene zen bene zake doxhen ga' nababa Judea kan bene zake yechhi Jerusalén rheajke rhajze'anagake tan rtzalaje. Rguixaje'eke dolaxhkia' kie'ake, na Juan rhosie loke lo yago rhelawe Jordán.
6Juan gokoe xhe'e naka le'an guitza ki camello, nogue le'anhe to sinchho de guidi; te gdawe bichizo kan goe' bchhin ki beaserha ta rdzelha loguixi. 7Ka' rse'adiene bene rne': Ziza'a to bene mazirhe xhen ka' ne'adia, nika rdolaza sye'achoa kinda yese'achhia guidi xelhe. 8Ne'adia bosialolhe le'an nisa; na le' yosielolhe le'an Be'egrasia ki Diozo.
Jesús rhosilawe
(Mt 3.13-17; Lc 3.21-22)
9Dza na', Jesús broaje yechhi rhelawe Nazaret, nababa Galilea, na Juan bosie lo Jesús lo yago rhelawe Jordán. 10Kati rherhoaje lo nisa, Jesús ble'ene byalhaj xhan yeba' na Be'egrasia ki Diozo betaj ga' zee ka' to gbeo. 11Te benkene chi'i Diozo chhie'e yeba', te rne': Loe' nakalho Xhi'inha rhe'akieda, no' chinabeaja.
Jesús lachhie'e lo yo' bichhi
(Mt 4.11; Lc 4.1-13)
12De ten, Be'egrasia ki Diozo beche'a Jesús lo yo' bichhi. 13Na' gzoe' chopa galaj dza, ga' zoa ka beaguixi snia' na Taxiwe go'onheta sina'ata le'; na ka angle ki Diozo gokale'anke Jesús.
Jesús gzolhoe rse'adiene xhtidza Diozo lo yechhi Galilea
(Mt 4.12-17; Lc 4.14-15)
14De glo'oke Juan lichhiguia, Jesús guiaje ka yechhi nababa Galilea yajtixaje'e rson wen ki Diozo. 15Rne': Chi bchhin tiembo chhiabe'a, na yelarne'abe'a ki Diozo zoa ga'agozi. Legsan tamalha rhonle na letzeajeye'a didza wen ki Diozo.
Jesús bledze tapa bene rzenke bela
(Mt 4.18-22; Lc 5.1-11)
16Jesús zeaje rhoa nisado' ki Galilea, kati ble'ene Simón kan bene bichie' rhelawe Andrés. Nakake bene rzenke bela, na ze'ake rzalake yexaj rzenkenhe bela lo nisa. 17Jesús gochhie le'ake:
—Leda' le'an ne'adia, na ne'adia gsloeda lén naka zajtobilhe bene kinda tzeajkene ye'a ne'adia.
18Tina'azi bka'anke yexaj kie'ake tan rzenkenhe bela te zeajke le'an le'.
19Gza'ake le'atido, na Jesús ble'ene Santiago kan bene bichie' Juan, nakake xhi'in Zebedeo, yo'oke lo to barko rheguiake yexaj rzenkenhe bela. 20Ka ble'ene le'ake bledze le'ake, na le'ake bka'anke xozike Zebedeo lo barko na le'an ka bene we'anchhin kie', na guiajke le'an Jesús.
To bene guio'o to be'e malha lo yikiajlawe
(Lc 4.31-37)
21Bchhinke Cafarnaúm, na to dza sabdo Jesús guioe' lo yo'o ga' rhedobike na gzolhoe rse'adiene ka bene. 22Ka bene rhe'akiekene banachhi ka' rse'adiene le'ake, le'a rse'adiene ka' to bene nape yelarne'abe'a te laga ka' rse'adieke muestro ki xhba'a. 23Lo yo'o ga' rhedobike lo yechhi na ze'a to bene yoe' be'e malha, na grechhiye'e:
24—¿Nobixhkia' rgotzaga kio' le'an ne'ato, Jesús bene Nazaret? ¿Ablalho dechhiagui'ilho ne'ato? Ne'adia nonbea loe', nezegseda nakalho Xhi'in Diozo.
25Jesús gdile be'e malha na, na gochhieta:
—¡Balanzi te bsan bene ni!
26Be'e malha na gro'onta bene na kon rpixi rtolota le', na grechhiya'ata tazidzaj te berhoajta bene na. 27Yogoke bdzebike, na rnabe leza'ake:
—¿Nobi ten? ¡Bi ta kobi rsloe rse'adie bene ni, nakabe'a nape yelarne'abe'a! ¡Le'ankaga be'e malha rze'anagakata kie', kati bi rhe leketa!
28Na tzadzite'alha gze'a didza sdo xhen yechhi nababaka Galilea tan rhon Jesús.
Jesús beyonhe xhna nigolha ki Simón
(Mt 8.14-15; Lc 4.38-39)
29Kati berhoajke lo yo'o ga' rhedobike, Jesús guiaje le'an Santiago kan Juan lo yo'o ki Simón kan ki Andrés. 30Xhna nigolha ki Simón die lo blaga, dze'e tala'. Na gdixaje'ekene Jesús, 31na le' guiaje ga'ago ga' die, na gdanhe na'a nigolha na te bechise lee; tina'azi bede'ala tala' na te gzolhoe gde'e ta gagoke.
Jesús beyonhe tixeka bene rhaka xhwe'ake
(Mt 8.16-17; Lc 4.40-41)
32Kati gchola, kati rheye'an gbidza, yajoake ga' ze'a Jesús yogoka bene rhaka xhwe'ake kan bene dze'eke be'e malha, 33na sdo xhen yechhi bedobike rhoa yo'o ga' ze'a Jesús. 34Jesús beyonhe tixe bene dze'eke bikala yelawe'a, kan bebeaje tixe be'e malha; te labi bde'e lataj sne'aka be'e malha na, le'a nezeketa no' nake.
Jesús rguixaje'e rson wen lo yo'o ga' rhedobike
(Lc 4.42-44)
35Bayengolha, kati ne rhe chola, Jesús guiase na broaje yechhi kinda zajledze Diozo lo to lataj ga' binodza'a. 36Simón le'an ka bene xhkompe guiajke yadilhajke Jesús, 37na kati ble'ekene le' gochhike le':
—Yogoke rheguilhajke loe'.
38Na le' gochhie le'ake:
—Dialhe tzeajrha yebalaka yechhi ga'ago; le'aksikan na' rhe'anhe zajtixajea xhtidza Diozo, le'a nia' kieke bida.
39Na kan Jesús lachhie'e yogoka yechhi nababaka Galilea, rguixaje'e xhtidza Diozo lo yo'o ga' rhedobike ki toto' yechhi kan rhebeaje be'e malha dze'eke.
Jesús beyonhe to bene chhie yedzo' rzi go'ochhi
(Mt 8.1-4; Lc 5.12-16)
40To bene chhie yedzo' rzi go'ochhi guiaje ga' ze'a Jesús, na bze'achoe xhibe lawe na gochhie le':
—Chen rhe'anlo, waka yeyonlo ne'adia ki yelawe'a kia'.
41Jesús beye'achilachhie bene na; na gdanhe le' le'an ne'e te gochhie le':
—Rhe'anda. ¡Chibeyakalho!
42Tina'azi bede'ala yelawe'a na rhaka bene na, te beyake chhia'a. 43Jesús gochhie le' waka yiajlho, na gochhie le':
44—Byokalho, bigslano ye'alho kan, ze'alhote'a guiaj yajsloe kuinlo lo bxozi, te bea tan chibeyakalho, to balan ka' gne'a Moisés, kinda snisieke bxozi chibeyakalho.
45Na bene na beze'e na gzolhoe rguixaje'ene yogoke ka' goka. Tanka Jesús labirhe goka tzeaje zakalho lo ka yechhi, rhega'anhe rhoa yechhi zi, lo lataj ga' bidzaka bene; za'akala kan rheajka bene gakalha yechhi rhajyoke le'.
Currently Selected:
San Marcos 1: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Marcos 1
1
Juan el Bautista lachhie'e lo yo' bichhi
(Mt 3.1-12; Lc 3.1-9,15-17; Jn 1.19-28)
1Kati gzolho rson wen ki Jesucristo, bene nake Xhi'in Diozo.
2Kin zoa lo guichi bzoaj bene btzalaje laza Diozo grelawe Isaías:
Ne'adia rsela to bene snerhoe lolho zajtixaje'e rson kia',
kinda salhaje neza kio'.
3To chi'i bene naye'an lo yo' bichhi:
Legon neza ki Diozo;
lesalhaj to neza lhi'.
4Na kan bchhin Juan el Bautista lo yo' bichhi; na rhe yogokate' rhala gsanke tamalha rhonke kan yezi'iloke, kinda Xosrha Diozo yezixhenhe dolaxhkia' kie'ake. 5Bene zen bene zake doxhen ga' nababa Judea kan bene zake yechhi Jerusalén rheajke rhajze'anagake tan rtzalaje. Rguixaje'eke dolaxhkia' kie'ake, na Juan rhosie loke lo yago rhelawe Jordán.
6Juan gokoe xhe'e naka le'an guitza ki camello, nogue le'anhe to sinchho de guidi; te gdawe bichizo kan goe' bchhin ki beaserha ta rdzelha loguixi. 7Ka' rse'adiene bene rne': Ziza'a to bene mazirhe xhen ka' ne'adia, nika rdolaza sye'achoa kinda yese'achhia guidi xelhe. 8Ne'adia bosialolhe le'an nisa; na le' yosielolhe le'an Be'egrasia ki Diozo.
Jesús rhosilawe
(Mt 3.13-17; Lc 3.21-22)
9Dza na', Jesús broaje yechhi rhelawe Nazaret, nababa Galilea, na Juan bosie lo Jesús lo yago rhelawe Jordán. 10Kati rherhoaje lo nisa, Jesús ble'ene byalhaj xhan yeba' na Be'egrasia ki Diozo betaj ga' zee ka' to gbeo. 11Te benkene chi'i Diozo chhie'e yeba', te rne': Loe' nakalho Xhi'inha rhe'akieda, no' chinabeaja.
Jesús lachhie'e lo yo' bichhi
(Mt 4.11; Lc 4.1-13)
12De ten, Be'egrasia ki Diozo beche'a Jesús lo yo' bichhi. 13Na' gzoe' chopa galaj dza, ga' zoa ka beaguixi snia' na Taxiwe go'onheta sina'ata le'; na ka angle ki Diozo gokale'anke Jesús.
Jesús gzolhoe rse'adiene xhtidza Diozo lo yechhi Galilea
(Mt 4.12-17; Lc 4.14-15)
14De glo'oke Juan lichhiguia, Jesús guiaje ka yechhi nababa Galilea yajtixaje'e rson wen ki Diozo. 15Rne': Chi bchhin tiembo chhiabe'a, na yelarne'abe'a ki Diozo zoa ga'agozi. Legsan tamalha rhonle na letzeajeye'a didza wen ki Diozo.
Jesús bledze tapa bene rzenke bela
(Mt 4.18-22; Lc 5.1-11)
16Jesús zeaje rhoa nisado' ki Galilea, kati ble'ene Simón kan bene bichie' rhelawe Andrés. Nakake bene rzenke bela, na ze'ake rzalake yexaj rzenkenhe bela lo nisa. 17Jesús gochhie le'ake:
—Leda' le'an ne'adia, na ne'adia gsloeda lén naka zajtobilhe bene kinda tzeajkene ye'a ne'adia.
18Tina'azi bka'anke yexaj kie'ake tan rzenkenhe bela te zeajke le'an le'.
19Gza'ake le'atido, na Jesús ble'ene Santiago kan bene bichie' Juan, nakake xhi'in Zebedeo, yo'oke lo to barko rheguiake yexaj rzenkenhe bela. 20Ka ble'ene le'ake bledze le'ake, na le'ake bka'anke xozike Zebedeo lo barko na le'an ka bene we'anchhin kie', na guiajke le'an Jesús.
To bene guio'o to be'e malha lo yikiajlawe
(Lc 4.31-37)
21Bchhinke Cafarnaúm, na to dza sabdo Jesús guioe' lo yo'o ga' rhedobike na gzolhoe rse'adiene ka bene. 22Ka bene rhe'akiekene banachhi ka' rse'adiene le'ake, le'a rse'adiene ka' to bene nape yelarne'abe'a te laga ka' rse'adieke muestro ki xhba'a. 23Lo yo'o ga' rhedobike lo yechhi na ze'a to bene yoe' be'e malha, na grechhiye'e:
24—¿Nobixhkia' rgotzaga kio' le'an ne'ato, Jesús bene Nazaret? ¿Ablalho dechhiagui'ilho ne'ato? Ne'adia nonbea loe', nezegseda nakalho Xhi'in Diozo.
25Jesús gdile be'e malha na, na gochhieta:
—¡Balanzi te bsan bene ni!
26Be'e malha na gro'onta bene na kon rpixi rtolota le', na grechhiya'ata tazidzaj te berhoajta bene na. 27Yogoke bdzebike, na rnabe leza'ake:
—¿Nobi ten? ¡Bi ta kobi rsloe rse'adie bene ni, nakabe'a nape yelarne'abe'a! ¡Le'ankaga be'e malha rze'anagakata kie', kati bi rhe leketa!
28Na tzadzite'alha gze'a didza sdo xhen yechhi nababaka Galilea tan rhon Jesús.
Jesús beyonhe xhna nigolha ki Simón
(Mt 8.14-15; Lc 4.38-39)
29Kati berhoajke lo yo'o ga' rhedobike, Jesús guiaje le'an Santiago kan Juan lo yo'o ki Simón kan ki Andrés. 30Xhna nigolha ki Simón die lo blaga, dze'e tala'. Na gdixaje'ekene Jesús, 31na le' guiaje ga'ago ga' die, na gdanhe na'a nigolha na te bechise lee; tina'azi bede'ala tala' na te gzolhoe gde'e ta gagoke.
Jesús beyonhe tixeka bene rhaka xhwe'ake
(Mt 8.16-17; Lc 4.40-41)
32Kati gchola, kati rheye'an gbidza, yajoake ga' ze'a Jesús yogoka bene rhaka xhwe'ake kan bene dze'eke be'e malha, 33na sdo xhen yechhi bedobike rhoa yo'o ga' ze'a Jesús. 34Jesús beyonhe tixe bene dze'eke bikala yelawe'a, kan bebeaje tixe be'e malha; te labi bde'e lataj sne'aka be'e malha na, le'a nezeketa no' nake.
Jesús rguixaje'e rson wen lo yo'o ga' rhedobike
(Lc 4.42-44)
35Bayengolha, kati ne rhe chola, Jesús guiase na broaje yechhi kinda zajledze Diozo lo to lataj ga' binodza'a. 36Simón le'an ka bene xhkompe guiajke yadilhajke Jesús, 37na kati ble'ekene le' gochhike le':
—Yogoke rheguilhajke loe'.
38Na le' gochhie le'ake:
—Dialhe tzeajrha yebalaka yechhi ga'ago; le'aksikan na' rhe'anhe zajtixajea xhtidza Diozo, le'a nia' kieke bida.
39Na kan Jesús lachhie'e yogoka yechhi nababaka Galilea, rguixaje'e xhtidza Diozo lo yo'o ga' rhedobike ki toto' yechhi kan rhebeaje be'e malha dze'eke.
Jesús beyonhe to bene chhie yedzo' rzi go'ochhi
(Mt 8.1-4; Lc 5.12-16)
40To bene chhie yedzo' rzi go'ochhi guiaje ga' ze'a Jesús, na bze'achoe xhibe lawe na gochhie le':
—Chen rhe'anlo, waka yeyonlo ne'adia ki yelawe'a kia'.
41Jesús beye'achilachhie bene na; na gdanhe le' le'an ne'e te gochhie le':
—Rhe'anda. ¡Chibeyakalho!
42Tina'azi bede'ala yelawe'a na rhaka bene na, te beyake chhia'a. 43Jesús gochhie le' waka yiajlho, na gochhie le':
44—Byokalho, bigslano ye'alho kan, ze'alhote'a guiaj yajsloe kuinlo lo bxozi, te bea tan chibeyakalho, to balan ka' gne'a Moisés, kinda snisieke bxozi chibeyakalho.
45Na bene na beze'e na gzolhoe rguixaje'ene yogoke ka' goka. Tanka Jesús labirhe goka tzeaje zakalho lo ka yechhi, rhega'anhe rhoa yechhi zi, lo lataj ga' bidzaka bene; za'akala kan rheajka bene gakalha yechhi rhajyoke le'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.