San Mateo 25
25
Xhkodza didza ki chi bin nigolha rhoaban
1Kan gaka lo yelarne'abe'a ki Diozo ka' goka ga' btzaganake: chi bin nigolha rhoaban gde'alakabi tan rze'ani tan rhon chhin le'an seti te broajkabi zajxikabi bene gtzagane'. 2Gayo bin nigolha labi rhonkabi koenda le'an ye gayo bin zoakate'azibi koenda. 3Bin nigolha labi rzikabi koenda beakabi tan rze'ani kie'akabi te labi beakabi seti kinda yodzakabi tayobilha; 4na bin nigolha zoakate'azibi koenda beakabi to ga' yodzo seti, le'an noakarhebi tan rze'ani kie'akabi. 5Na bene rtzagane' rdzene yechhinhe, goka chigasika bin nigolha na, te gosikabi. 6Kado gatzaj ye'alha, bye'an chi'i bene: ¡Chibla'a bene rtzagane'! ¡Lesrhoaj lezajxibi! 7Yogoka bin nigolha rhoaban na guiasakabi te gzolhokabi rhega'akabi seti tan rze'ani kie'abi. 8Na'arhe gayo bin nigolha labi rzikabi kuenda gochhikabi ye gayo bin nigolha zoakate'azibi koenda: Legonati kne'ato le'ati seti kie'alhe, le'a tan rze'ani kne'ato chi'i rheyolha. 9Te ka bin nigolha zoakate'azibi koenda bochhikabi: Labi, le'a chen kan labi ye'akie kne'ato ni kie'alhe. Wenkalha letzeaj lezajeo ta gonhelhe chhin ga' rho'otike. 10Te latzaka gayo ka bin nigolha guiajkabi yajeokabi seti, bchhin bin bguio' na gtzaganabi, te ka bin nigolha zoakate'azibi koenda guio'okabi le'an le'abi ga' rhaka wetzagane', te bye'ayaj porta. 11Dena'a bechhin ka bin nigolha yebalakabi, rne'akabi: ¡Xanha, Xanha, gsalhajti! 12Te le' bochhie': Tabalhate'a labi nonbea lén.
13Lesoa banisi —gne'a Jesús—, le'a labi nezelhe nobi dza kan tiembo.
Xhkodza didza ki domi
(Lc 19.11-27)
14Kanteka gaka lo yelarne'abe'a ki Diozo ka' goka ki to bene, za tzeaje yechhi xhen yobilha, bledze ka bene we'anchhin kie' te bka'anhe lona'ake gonke sigorha domi kie'. 15Ki toe' bde'e gayo milhe domi lasi, na ki ye toe' bde'e chopa milhe ki ye toe' bde'e to milhe: bde'e ki totoe' kon kalha se'akiekene. Na'arhe guiaje zito. 16Te bene we'anchhin gxhie' gayo milhe domi lasi, bxinajene domi na, te be'anhe gan ye gayo milhe. 17Kanteka, bene gxhie' chopa milhe be'anhe gan ye chopa milhe. 18Na bene gxhie' to milhe guiaje yajchenhe to ye'arho lo yo', te na bkachie domi ki xanhe na.
19Taxhtza goka te bechhin xanka bene we'anchhin na, te bebeaje koenda le'an le'ake. 20Zalho bchhin bene we'anchhin gxhie' gayo milhe domi lasi, na bode'e ki xanhe ye gayo milhe, rhe le': Xanha, loe' be'analo kia' gayo milhe, na ni dia ye gayo milhe ta be'anha gan. 21Xanhe na rhe le': Chhia'agazi be'anlo, nakalho bene we'anchhin wen le'an bene rhon tali; tan be'anlo chhia'a le'an tado le'ati bka'anha kio', na koa lona'alho taxhenrhe. Guio'o te gzoa legre le'an ne'adia 22Dena'a bchhin bene we'anchhin gxhie' chopa milhe domi lasi, te gne': Xanha, loe' be'analo kia' chopa milhe, te ni dia ye chopa milhe ta be'anha gan. 23Xanhe na rhe le': Chhia'agazi be'anlo, nakalho bene we'anchhin wen le'an bene rhon tali, tan be'anlo chhia'a le'an tado le'ati bka'anha kio', na koa lona'alho taxhenrhe. Guio'o te gzoa legre le'an ne'adia.
24Te kati bechhin bene we'anchhin gxhie' to milhe domi lasi, gochhie xanhe: Xanha, ne'adia nezeda tan nakalho bene tzotzo, rhelapalho ga' bigozalho te rhezilho ga' bigozalho. 25Tanka bdzeba, te guia'a yajkachia domi kio' lo yo'. Na ni dia domi kio'. 26Xanhe na bochhie': Loe' nakalho bene we'anchhin malha kan xhawe'adi, chen nezelho ne'adia rhelapa ga' labi goza' te rhesoa ga' labi goza', 27ka' yajoalho domi kia' ga' gon yikiaje', te kati yechhinha lo yo'o, yezia'a domi kia' le'an yikiaje'. 28Te gochhie bene dzake na': leyeguie'ala ta tomilhe domi lasi na, te legde ki bene nape chi milhe. 29Le'a no dia kie, wagdekarhe kie' mazirhe, yega'ankalha kie'; te no bidia kie, za' tale'ati dia kie weyede'ala. 30Te bene we'anchhin ka gon chhin ni, lekoaje lalealha, lo gachola. Na'arhe za' yelagrechhi le'an yelarhatilachhi.
Ka' gaka lo dza yelhalhe
31Kati Xhi'in bene bguio' yele', le'an yelaye'ani kie' kan yogote'a ka angle, koeke lo ga' rne'abe'. 32Bene ki yogote'a yechhi yela yedobike lo Jesús, te le' yele'e laze toto' bene ka' rhon to bene ryoe bekoxhilha le'an chivo. 33Te skoe' ka bekoxhilha kuite tzala'a lhi', te ka chivo tzala'a yegalha. 34Na'arhe bene rne'abe ye'e ka bene dzake kuite tzala'a lhi': Leda' lén, ga' chi be'an la'aya Xoza lén, lesi yelarne'abe'a chinaka laze gaka kie'alhe de kati be'ante'a Diozo lichhileyo'. 35Le'a gdonha, te lén be'analhe ta gdawa; gbileda nisa, te be'analhe ta goea; goka ka' to bene zito, te be'analhe ga' bega'aganha. 36Kati labi gota' xha'a na be'analhe ta gokoa, goka xhwea te bidalhe deyolhe ne'adia; yajtzoa lichhiguia, te deyolhe ne'adia. 37Na'arhe ka bene wen snabake le': Xanha, ¿Nobata ble'eto loe' rdonlo, te be'anato ta gdagolho? ¿O Nobata ble'eto loe' gbilelho nisa, te be'anato ta goelho? 38¿O nobata ble'eto loe' ka' to bene zito, te be'anato ga' bega'anlo o nobata ble'eto loe' binakolho xhalho te be'anato? 39¿Na nobata ble'eto loe' goka xhwe'alho o guio'olho lichhiguia, te bidato deyoto loe'? 40Bene rne'abe' yochhie'e kie'alhe: Talite'a yogote'a tan be'anle ki balaka bene bichia' mazirhe nexaj, nia' kia' be'anle.
41Na'arhe bene rne'abe ye'e bene dzake tzala'a yegalha: Lekoasa ga' zea', ga' rhedolale tze'aguislalhe; letzeaj lo gui'i gabila, chinaka ki taxiwe le'an ka angle kie'eta. 42Le'a gdonha, te bibe'anale ta gawa; gbileda nisa, te bibe'anale ta guia'aja; 43glachhia ka' to bene zito, te bibe'anale ga' yega'anha; glachhia sin xha'a na bibe'anale; goka xhwea, kan yajtzoa lichhiguia te labi bidalhe deyolhe ne'adia. 44Na'arhe le'ake gnabekene: Xanha ¿Nobata ble'eto loe' gdonlo kan gbilelho nisa, o ka' to bene zito, o ble'eto loe' rkinhelho xhalho, o rhaka xhwe'alho o guiajlho lichhiguia, te bibe'anto loe' yodarhe? 45Bene rne'abe' yochhie'e: Talite'a yogote'a tan labi be'anle ki to bene mazirhe nexaj, le'anksi kia' be'anle kan. 46Ka bene na tzeajke lo ga' sakayake bigslabata yochhi, te ka bene wen sdolekene yelanaban tzalasa.
Currently Selected:
San Mateo 25: XDZPY
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.
San Mateo 25
25
Xhkodza didza ki chi bin nigolha rhoaban
1Kan gaka lo yelarne'abe'a ki Diozo ka' goka ga' btzaganake: chi bin nigolha rhoaban gde'alakabi tan rze'ani tan rhon chhin le'an seti te broajkabi zajxikabi bene gtzagane'. 2Gayo bin nigolha labi rhonkabi koenda le'an ye gayo bin zoakate'azibi koenda. 3Bin nigolha labi rzikabi koenda beakabi tan rze'ani kie'akabi te labi beakabi seti kinda yodzakabi tayobilha; 4na bin nigolha zoakate'azibi koenda beakabi to ga' yodzo seti, le'an noakarhebi tan rze'ani kie'akabi. 5Na bene rtzagane' rdzene yechhinhe, goka chigasika bin nigolha na, te gosikabi. 6Kado gatzaj ye'alha, bye'an chi'i bene: ¡Chibla'a bene rtzagane'! ¡Lesrhoaj lezajxibi! 7Yogoka bin nigolha rhoaban na guiasakabi te gzolhokabi rhega'akabi seti tan rze'ani kie'abi. 8Na'arhe gayo bin nigolha labi rzikabi kuenda gochhikabi ye gayo bin nigolha zoakate'azibi koenda: Legonati kne'ato le'ati seti kie'alhe, le'a tan rze'ani kne'ato chi'i rheyolha. 9Te ka bin nigolha zoakate'azibi koenda bochhikabi: Labi, le'a chen kan labi ye'akie kne'ato ni kie'alhe. Wenkalha letzeaj lezajeo ta gonhelhe chhin ga' rho'otike. 10Te latzaka gayo ka bin nigolha guiajkabi yajeokabi seti, bchhin bin bguio' na gtzaganabi, te ka bin nigolha zoakate'azibi koenda guio'okabi le'an le'abi ga' rhaka wetzagane', te bye'ayaj porta. 11Dena'a bechhin ka bin nigolha yebalakabi, rne'akabi: ¡Xanha, Xanha, gsalhajti! 12Te le' bochhie': Tabalhate'a labi nonbea lén.
13Lesoa banisi —gne'a Jesús—, le'a labi nezelhe nobi dza kan tiembo.
Xhkodza didza ki domi
(Lc 19.11-27)
14Kanteka gaka lo yelarne'abe'a ki Diozo ka' goka ki to bene, za tzeaje yechhi xhen yobilha, bledze ka bene we'anchhin kie' te bka'anhe lona'ake gonke sigorha domi kie'. 15Ki toe' bde'e gayo milhe domi lasi, na ki ye toe' bde'e chopa milhe ki ye toe' bde'e to milhe: bde'e ki totoe' kon kalha se'akiekene. Na'arhe guiaje zito. 16Te bene we'anchhin gxhie' gayo milhe domi lasi, bxinajene domi na, te be'anhe gan ye gayo milhe. 17Kanteka, bene gxhie' chopa milhe be'anhe gan ye chopa milhe. 18Na bene gxhie' to milhe guiaje yajchenhe to ye'arho lo yo', te na bkachie domi ki xanhe na.
19Taxhtza goka te bechhin xanka bene we'anchhin na, te bebeaje koenda le'an le'ake. 20Zalho bchhin bene we'anchhin gxhie' gayo milhe domi lasi, na bode'e ki xanhe ye gayo milhe, rhe le': Xanha, loe' be'analo kia' gayo milhe, na ni dia ye gayo milhe ta be'anha gan. 21Xanhe na rhe le': Chhia'agazi be'anlo, nakalho bene we'anchhin wen le'an bene rhon tali; tan be'anlo chhia'a le'an tado le'ati bka'anha kio', na koa lona'alho taxhenrhe. Guio'o te gzoa legre le'an ne'adia 22Dena'a bchhin bene we'anchhin gxhie' chopa milhe domi lasi, te gne': Xanha, loe' be'analo kia' chopa milhe, te ni dia ye chopa milhe ta be'anha gan. 23Xanhe na rhe le': Chhia'agazi be'anlo, nakalho bene we'anchhin wen le'an bene rhon tali, tan be'anlo chhia'a le'an tado le'ati bka'anha kio', na koa lona'alho taxhenrhe. Guio'o te gzoa legre le'an ne'adia.
24Te kati bechhin bene we'anchhin gxhie' to milhe domi lasi, gochhie xanhe: Xanha, ne'adia nezeda tan nakalho bene tzotzo, rhelapalho ga' bigozalho te rhezilho ga' bigozalho. 25Tanka bdzeba, te guia'a yajkachia domi kio' lo yo'. Na ni dia domi kio'. 26Xanhe na bochhie': Loe' nakalho bene we'anchhin malha kan xhawe'adi, chen nezelho ne'adia rhelapa ga' labi goza' te rhesoa ga' labi goza', 27ka' yajoalho domi kia' ga' gon yikiaje', te kati yechhinha lo yo'o, yezia'a domi kia' le'an yikiaje'. 28Te gochhie bene dzake na': leyeguie'ala ta tomilhe domi lasi na, te legde ki bene nape chi milhe. 29Le'a no dia kie, wagdekarhe kie' mazirhe, yega'ankalha kie'; te no bidia kie, za' tale'ati dia kie weyede'ala. 30Te bene we'anchhin ka gon chhin ni, lekoaje lalealha, lo gachola. Na'arhe za' yelagrechhi le'an yelarhatilachhi.
Ka' gaka lo dza yelhalhe
31Kati Xhi'in bene bguio' yele', le'an yelaye'ani kie' kan yogote'a ka angle, koeke lo ga' rne'abe'. 32Bene ki yogote'a yechhi yela yedobike lo Jesús, te le' yele'e laze toto' bene ka' rhon to bene ryoe bekoxhilha le'an chivo. 33Te skoe' ka bekoxhilha kuite tzala'a lhi', te ka chivo tzala'a yegalha. 34Na'arhe bene rne'abe ye'e ka bene dzake kuite tzala'a lhi': Leda' lén, ga' chi be'an la'aya Xoza lén, lesi yelarne'abe'a chinaka laze gaka kie'alhe de kati be'ante'a Diozo lichhileyo'. 35Le'a gdonha, te lén be'analhe ta gdawa; gbileda nisa, te be'analhe ta goea; goka ka' to bene zito, te be'analhe ga' bega'aganha. 36Kati labi gota' xha'a na be'analhe ta gokoa, goka xhwea te bidalhe deyolhe ne'adia; yajtzoa lichhiguia, te deyolhe ne'adia. 37Na'arhe ka bene wen snabake le': Xanha, ¿Nobata ble'eto loe' rdonlo, te be'anato ta gdagolho? ¿O Nobata ble'eto loe' gbilelho nisa, te be'anato ta goelho? 38¿O nobata ble'eto loe' ka' to bene zito, te be'anato ga' bega'anlo o nobata ble'eto loe' binakolho xhalho te be'anato? 39¿Na nobata ble'eto loe' goka xhwe'alho o guio'olho lichhiguia, te bidato deyoto loe'? 40Bene rne'abe' yochhie'e kie'alhe: Talite'a yogote'a tan be'anle ki balaka bene bichia' mazirhe nexaj, nia' kia' be'anle.
41Na'arhe bene rne'abe ye'e bene dzake tzala'a yegalha: Lekoasa ga' zea', ga' rhedolale tze'aguislalhe; letzeaj lo gui'i gabila, chinaka ki taxiwe le'an ka angle kie'eta. 42Le'a gdonha, te bibe'anale ta gawa; gbileda nisa, te bibe'anale ta guia'aja; 43glachhia ka' to bene zito, te bibe'anale ga' yega'anha; glachhia sin xha'a na bibe'anale; goka xhwea, kan yajtzoa lichhiguia te labi bidalhe deyolhe ne'adia. 44Na'arhe le'ake gnabekene: Xanha ¿Nobata ble'eto loe' gdonlo kan gbilelho nisa, o ka' to bene zito, o ble'eto loe' rkinhelho xhalho, o rhaka xhwe'alho o guiajlho lichhiguia, te bibe'anto loe' yodarhe? 45Bene rne'abe' yochhie'e: Talite'a yogote'a tan labi be'anle ki to bene mazirhe nexaj, le'anksi kia' be'anle kan. 46Ka bene na tzeajke lo ga' sakayake bigslabata yochhi, te ka bene wen sdolekene yelanaban tzalasa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Porciones en Zapoteco de Yalahui, Oaxaca, México © Sociedad Bíblica de México, A.C.