Romanos 8
8
Ja Espiritu Santo wax ya'a jsak'aniltik
1Ja'yuj ja janek' ti'xa aytik sok ja Jesusi, mixa oj k'i'tik wokol. 2Ja ya'n, yuj ja ti'xa ayotik sok lajani, Ye'nxa oj yal kab'tik jas oj k'uluktik, ja Espiritu Santo oj cho ya' jsak'aniltik, cho yata elkotik ja b'a mulal sok ja b'a chamel ch'akeli. 3Ye'n sk'u'lan ja Dyos ja jas mi b'ob' sk'u'luk ja mandar it a'ji yi ja Moisesi, sok mini oj b'ob' sk'u'luka, yuj ja mi ma xb'ob' stojb'es ja jastal wa sle'a ja smule'i. Ja'yuj ja Dyosi, ja mandar iti, mini jas b'ob' sk'u'l jana, yuj ja mini jun ma' xb'ob' sk'ok ja jastal ja' jel wajel sk'ujole sle'jel ja smule ja kristyano jumasa. Ja'yuj ja Dyosi, sjeka ja Yunini, jach' sjeka jastal ja ke'ntik mulanumotiki. Sjeka b'a oj cham yuj ja jmul ke'ntiki. Ja'yuj ja ye'n ja Dyosi, sch'aya sna'jel ja mulali. 4Jach' sk'u'lan, b'a mixa oj k'u'luktik ja jas jex k'ank'uni oj k'u'luktiki, jaxa oj k'u'lktik spetsanil ja jas toj wa sje'a ja smandar jumasa it a'ji yi ja Moisesi, sok ja'ni oj cho skoltayotik ja Espiritu Santo.
5Ja ma' ja wajel sk'ujol oj sk'u'luke ja jas jel xk'ank'uni oj sk'u'luke'i, kechan ja wajel sk'ujole oj sk'u'luke ja b'a mi lekuki. Jaxa ma ja' wa sk'u'an ja jas wax yala ja Espiritu Santo kechani ja wa sk'ana oj sk'u'luk ja jas wa sk'ana ja ye'na. 6Kechan, ta ja ita k'a wajel jk'ujoltik oj k'u'luktik spetsanil ja jas mi lek wa sk'ana oj sk'u'luk ja jkwerpotiki, ja jastal jawi, pilani aytik sok ja Dyosi. Ta ja k'a wajel jk'ujoltik oj k'uluktik ja jas wa sk'ana ja Espiritu Santo, ojni jta'tik ja jsak'aniltik b'a mi oj ch'akuki, cho lamani oj ajyukotika. 7Ja ma'tik jel xk'ank'uni yuj oj sk'u'luk ja b'a mi lekuki yujni kechan ja wajel sk'ujol oj sk'u'luk ja jastik b'a mi lekuki. Mi lekuk xyila sb'aj sok ja Dyosi, yuj ja mi sk'ana sok mix b'ob' sk'u'uke ja smandar ja Dyosi. 8Ja'yuj, ja ma ja' wa sk'u'lan ja jas mi lekuki jel xk'ank'uni yuj oj sk'u'luk sok ja skwerpo, mix b'ob' ya'we yi ts'akatal ja Dyosi.
9Ta ja k'a ja Yespiritu ja Dyos ti ay a mokexi, mixa ojto a k'u'lukex ja jas mi lek it jel xk'ank'uni a wujilexi, ja'xani oj a k'u'ukex ja jas wax yala ja Yespiritu ja Dyosi. Ja ma' mey yi'oj ja Yespiritu ja Jesusi, mini sb'ajukex ja Jesusi. 10Smul ye'n ja mulal ja ti oj chamuk ja wa kwerpo'exi. Ta ja k'a tey a mokex ja Jesusi, mini oj chamuk ja wa waltsilexa, ja Dyosi yalata mixani ayuk a mulexa. 11Ja Dyosi, ya sak'wuk ja Jesusi, cho ye'nani oj ya sak'wuk ja wa kwerpo we'nlexa, ta yuj k'a tey a mokex ja Yespiritu ja Dyosi. Jach' oj sk'u'l jastal it sok ja Yespiritu it tey a mokexi.
12Ja'yuj moj aljel jumasa, mixa ma oj yal kab'tik t'ilan oj k'u'luktik ja jas wa sk'ana ja jkwerpotiki. 13Ta yuj k'a lekxa wilawex ja jas jel xk'ank'uni a wujilexi, ojni ch'ayuk a na'jelexa; Ta ja k'a yuj ja Espiritu Santo oj a wa'wex tek'an mixa oj ja k'u'lukex ja jas jel xk'ank'uni a wujilexi, ojni a ta' ja wa sak'anilex b'a mi oj ch'akuki. 14Spetsanil ja ma wa sk'u'an ja jas wax yala ja Yespiritu ja Dyosi, jaxa ni yuntikilex ja Dyosi. 15Yuj ja Yespiritu ja Dyos ya'oj a wi'exi, mi yuj wax ya ochanik ya'tijumil, cho mi wax ya ochuk a xiwelex. Ja smeranil ja Yespiritu ja Dyosi, wax ya ochkotik yuntikilil Dyos, sok wax ya'a b'a oj k'umuktik ja Dyosi: —Tatey— 16Ja Yespiritu ja Dyosi, wa sta'a sb'aj sok ja jb'ajtiki, wax cho ya'a sniwanil k'ujoltik ke yuntikilotikxa ja Dyosi. 17Yuj ja yuntikilotikxa, ja'yuj jb'ajtikxa ni spetsanil ja jas lek chapan yuj b'aj oj ya'kitiki. Spetsanil ja jawi ojto jk'ep jb'ajtik sok ja Jesusi ta yuj k'a ki'ajtik wokol ja ke'ntik jastal yi'aj wokol ja Ye'n, ja smeranili, lajani oj toyjukotik sok ja Jesusi.
Ja jas tsamal ti jakumi
18Wax na'a lek ja wokol jumasa wa'n ek'el kujtik ja ya'n lajan sok mi jas wa'n ek'el kujtik, yuj ja mini oj b'ob' slaj ja tsamal jsak'aniltik oj ya'kitik lajan sok ja Dyosi. 19Spetsanil ja jastik k'u'lub'ali, wa smajla oj sje' kitik ja Dyos jpetsaniltik ja ke'ntiki, yuj ja yuntikilotik xa. 20Ja'yuj spetsanil ja jas sk'ulan ja Dyosi ch'akta jom s'olome, mi smuluke, yujni jach' wa sk'ana ja Dyosi. Ja jaw jumasa, ayto sniwanil sk'ujole' 21ojto aji eluke ja b'a schamel ch'akeli. Ay sniwanil sk'ujole, oj to ajyuke lajan sok ja yuntikil jumasa ja Dyosi. 22Ja ke'ntiki wax na'atik ja swinkil ja lu'um iti, wa'nexta k'umal yuj ja jel wax yi'aje ja wokoli, ja lajan sok ja yajni jun ixuk kuchan yuj niwan chamel ja yajni ojxa sman ja yalatsi.
23Mi kechanuk ye'nle wa'ne yi'jel ja wokoli, cho jach'ni ja ke'ntik ja ma'tik ki'ojtikxa ja Espiritu Santo, yuj ja wa'ntik yi'jel wokol ja ya'n ja' yuj ja jas ojto ya'ki'tik ja Dyos ja tsa'ani. Ja ya'n ja'xta wa'ntik smajlajel oj ya' ochkotik yuntikilil ja Dyosi, sok a ya elkotik ja b'a spetsanil ja wokol jumasa jach' ch'ab'an ti ab'al. 24Ja Dyosi, skoltayotik yuj ja ay sniwanil jk'ujoltik ke jach'ni oj ek'uki. Yuj k'a wa'tik smajlajel ja jas wa'ntik yiljeli, ja jawi, mi sniwaniluk jk'ujoltika, ¿machunk'a ayto jas oj smajla, ta yuj k'a ti'xa yi'oj ji?. 25Ta yuj k'a ayto jas wa'ntik smajlajel mitox kilatik sati, jel t'ilan oj majlatik ja jas ojto kiltik sati.
26Cho jach'ni, ta yuj k'a jel ko'el ja sniwanil jk'ujoltik sok ja Dyosi, Ye'n oj skoltayotik ja Espiritu Santo. Yuj ja mix na'atik jastal oj k'umuktik ja Dyosi, Ye'n ja Espiritu Santo oj sk'an pavor yuj ja ke'ntiki, ja Ye'n mi tukuk ja jas wa sk'u'lani, ja ke'ntiki mixax ta'a jas oj kaltik. 27Jaxa Dyosi, wa sna'a spetsanil ja jas wa'ntik spensari, wa sna'a ja jas wa sk'ana ja yal ja Espiritu Santo. Yuj ja Espiritu Santo wa'n sk'anjel yi pavor ja Dyos yuj ja yuntikil mi tukuki, jaxa jas wa sk'ana, lekni ay sok ja jas wa sk'ana ja Dyosi.
28Wax na'atik ja Dyosi, wa'n schapjel spetsanil b'a slekil ja ma'tik wax yajtaji yuji, ja iti, ja'ni ja ma'tik stsa'unej jastal wa sk'ana ja Ye'n. 29Man kujlaji ja satk'inali, ja Dyosi, wanxani sna'a machunk'a oj stsa'i, cho yalata ma'chunk'a slaj ja jastal ja Yunini, b'a jach' oj na'xuk Ye'n b'ankilal ja Jesusi. 30Ja ma'tik Ye'nxa stsa'uneji, ti spaya'a; jaxa ma'tik spaya, chak ni yi'a; jaxa ma'tik chak yi'i, ya'yi jun lugar tsamal b'a oj ajyuki.
Ja Dyosi jel wa syajtayotik
31Jasunk'a oj kaltiki, ta yuj k'a tey jmoktik ja Dyosi, mini jun ma oj b'ob' yuj, b'a mi oj yilotik leka. 32Ja Dyosi, mini t'un yala mi oj ya' ja yunini, man skulan entregar b'a oj cham yuj ja ke'ntiki, ja'yuj ojtoni ya'kitik lajan spetsanil ja jastik junuka. 33¿Machunk'a oj b'ob' yal mi lekuk ja jas stsa'a ja Dyosi? —Ye'nani ja Dyos yalata mixa ay smule'a— 34¿Ay a ma, ma oj b'ob' yixtaluke? —Meyuk. Ye'n cham ja Kajwaltik Jesús yuj ja ye'nle'i— Mi kechanuka, ja Jesusi, cho sak'wi, ja ya'n tey b'a stojol sk'ab' ja Dyosi, wa'n sk'anjel pavor k'ot yuj ja ke'ntiki. 35¿Machunk'a oj b'ob' spil'otik ja b'a syajal sk'ujol ja Jesusi? Mini jas oj b'ob'uka sok mini jun ma' jas oj b'ob' yuj ja. Mini sok ja ab'al k'umal jumasa, mini sok ja wokol jumasa, sok mini ja ixtalajel jumasa. Cho mini ta yuj k'a wax jak jun niwan wa'in ma' niwan che'e, cho mini ta wax jak jun jastik b'a xiwela sb'aj sok mini ja chamel ch'akeli. 36Jach'ni wax yala ja b'a ts'ijb'anub'al ja yab'al ja Dyosi:
—Yuj ja we'n ja'yuj ti' wa smilawotikone'a;—
yuj ja we'n ja'yuj ti wala ijitikon
jastal ja chej jumasa b'a wax milji—.
37B'a yojol spetsanil ja jwokoltik jumasa, wax na'atik lek Ye'n ja Kajwaltik Jesús ja ma' jel syatayotiki oj ni ya' k'ultik ganara. 38Ja ke'n wax na'a lek mini jas oj b'ob' spil'otik ja b'a syajal sk'ujol ja Dyosi: Mini ja sak'anili, sok mini ja chamel ch'akeli, mini ja anjel jumasa, mini ja pukuj jumasa, mini sok ja ya'n, sok mini sok ja b'a ti jakumi, 39Mini sok ja ma'tik jel ja yip teye b'a satk'inali, mini sok ja yip ja wokol jumasa, sok mini ja yip ja jas sk'u'lunej ja Dyosi. —Mini jas oj b'ob' spil'otik ja b'a syajal sk'ujol ja Kajwaltik Jesusi—.
Currently Selected:
Romanos 8: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Romanos 8
8
Ja Espiritu Santo wax ya'a jsak'aniltik
1Ja'yuj ja janek' ti'xa aytik sok ja Jesusi, mixa oj k'i'tik wokol. 2Ja ya'n, yuj ja ti'xa ayotik sok lajani, Ye'nxa oj yal kab'tik jas oj k'uluktik, ja Espiritu Santo oj cho ya' jsak'aniltik, cho yata elkotik ja b'a mulal sok ja b'a chamel ch'akeli. 3Ye'n sk'u'lan ja Dyos ja jas mi b'ob' sk'u'luk ja mandar it a'ji yi ja Moisesi, sok mini oj b'ob' sk'u'luka, yuj ja mi ma xb'ob' stojb'es ja jastal wa sle'a ja smule'i. Ja'yuj ja Dyosi, ja mandar iti, mini jas b'ob' sk'u'l jana, yuj ja mini jun ma' xb'ob' sk'ok ja jastal ja' jel wajel sk'ujole sle'jel ja smule ja kristyano jumasa. Ja'yuj ja Dyosi, sjeka ja Yunini, jach' sjeka jastal ja ke'ntik mulanumotiki. Sjeka b'a oj cham yuj ja jmul ke'ntiki. Ja'yuj ja ye'n ja Dyosi, sch'aya sna'jel ja mulali. 4Jach' sk'u'lan, b'a mixa oj k'u'luktik ja jas jex k'ank'uni oj k'u'luktiki, jaxa oj k'u'lktik spetsanil ja jas toj wa sje'a ja smandar jumasa it a'ji yi ja Moisesi, sok ja'ni oj cho skoltayotik ja Espiritu Santo.
5Ja ma' ja wajel sk'ujol oj sk'u'luke ja jas jel xk'ank'uni oj sk'u'luke'i, kechan ja wajel sk'ujole oj sk'u'luke ja b'a mi lekuki. Jaxa ma ja' wa sk'u'an ja jas wax yala ja Espiritu Santo kechani ja wa sk'ana oj sk'u'luk ja jas wa sk'ana ja ye'na. 6Kechan, ta ja ita k'a wajel jk'ujoltik oj k'u'luktik spetsanil ja jas mi lek wa sk'ana oj sk'u'luk ja jkwerpotiki, ja jastal jawi, pilani aytik sok ja Dyosi. Ta ja k'a wajel jk'ujoltik oj k'uluktik ja jas wa sk'ana ja Espiritu Santo, ojni jta'tik ja jsak'aniltik b'a mi oj ch'akuki, cho lamani oj ajyukotika. 7Ja ma'tik jel xk'ank'uni yuj oj sk'u'luk ja b'a mi lekuki yujni kechan ja wajel sk'ujol oj sk'u'luk ja jastik b'a mi lekuki. Mi lekuk xyila sb'aj sok ja Dyosi, yuj ja mi sk'ana sok mix b'ob' sk'u'uke ja smandar ja Dyosi. 8Ja'yuj, ja ma ja' wa sk'u'lan ja jas mi lekuki jel xk'ank'uni yuj oj sk'u'luk sok ja skwerpo, mix b'ob' ya'we yi ts'akatal ja Dyosi.
9Ta ja k'a ja Yespiritu ja Dyos ti ay a mokexi, mixa ojto a k'u'lukex ja jas mi lek it jel xk'ank'uni a wujilexi, ja'xani oj a k'u'ukex ja jas wax yala ja Yespiritu ja Dyosi. Ja ma' mey yi'oj ja Yespiritu ja Jesusi, mini sb'ajukex ja Jesusi. 10Smul ye'n ja mulal ja ti oj chamuk ja wa kwerpo'exi. Ta ja k'a tey a mokex ja Jesusi, mini oj chamuk ja wa waltsilexa, ja Dyosi yalata mixani ayuk a mulexa. 11Ja Dyosi, ya sak'wuk ja Jesusi, cho ye'nani oj ya sak'wuk ja wa kwerpo we'nlexa, ta yuj k'a tey a mokex ja Yespiritu ja Dyosi. Jach' oj sk'u'l jastal it sok ja Yespiritu it tey a mokexi.
12Ja'yuj moj aljel jumasa, mixa ma oj yal kab'tik t'ilan oj k'u'luktik ja jas wa sk'ana ja jkwerpotiki. 13Ta yuj k'a lekxa wilawex ja jas jel xk'ank'uni a wujilexi, ojni ch'ayuk a na'jelexa; Ta ja k'a yuj ja Espiritu Santo oj a wa'wex tek'an mixa oj ja k'u'lukex ja jas jel xk'ank'uni a wujilexi, ojni a ta' ja wa sak'anilex b'a mi oj ch'akuki. 14Spetsanil ja ma wa sk'u'an ja jas wax yala ja Yespiritu ja Dyosi, jaxa ni yuntikilex ja Dyosi. 15Yuj ja Yespiritu ja Dyos ya'oj a wi'exi, mi yuj wax ya ochanik ya'tijumil, cho mi wax ya ochuk a xiwelex. Ja smeranil ja Yespiritu ja Dyosi, wax ya ochkotik yuntikilil Dyos, sok wax ya'a b'a oj k'umuktik ja Dyosi: —Tatey— 16Ja Yespiritu ja Dyosi, wa sta'a sb'aj sok ja jb'ajtiki, wax cho ya'a sniwanil k'ujoltik ke yuntikilotikxa ja Dyosi. 17Yuj ja yuntikilotikxa, ja'yuj jb'ajtikxa ni spetsanil ja jas lek chapan yuj b'aj oj ya'kitiki. Spetsanil ja jawi ojto jk'ep jb'ajtik sok ja Jesusi ta yuj k'a ki'ajtik wokol ja ke'ntik jastal yi'aj wokol ja Ye'n, ja smeranili, lajani oj toyjukotik sok ja Jesusi.
Ja jas tsamal ti jakumi
18Wax na'a lek ja wokol jumasa wa'n ek'el kujtik ja ya'n lajan sok mi jas wa'n ek'el kujtik, yuj ja mini oj b'ob' slaj ja tsamal jsak'aniltik oj ya'kitik lajan sok ja Dyosi. 19Spetsanil ja jastik k'u'lub'ali, wa smajla oj sje' kitik ja Dyos jpetsaniltik ja ke'ntiki, yuj ja yuntikilotik xa. 20Ja'yuj spetsanil ja jas sk'ulan ja Dyosi ch'akta jom s'olome, mi smuluke, yujni jach' wa sk'ana ja Dyosi. Ja jaw jumasa, ayto sniwanil sk'ujole' 21ojto aji eluke ja b'a schamel ch'akeli. Ay sniwanil sk'ujole, oj to ajyuke lajan sok ja yuntikil jumasa ja Dyosi. 22Ja ke'ntiki wax na'atik ja swinkil ja lu'um iti, wa'nexta k'umal yuj ja jel wax yi'aje ja wokoli, ja lajan sok ja yajni jun ixuk kuchan yuj niwan chamel ja yajni ojxa sman ja yalatsi.
23Mi kechanuk ye'nle wa'ne yi'jel ja wokoli, cho jach'ni ja ke'ntik ja ma'tik ki'ojtikxa ja Espiritu Santo, yuj ja wa'ntik yi'jel wokol ja ya'n ja' yuj ja jas ojto ya'ki'tik ja Dyos ja tsa'ani. Ja ya'n ja'xta wa'ntik smajlajel oj ya' ochkotik yuntikilil ja Dyosi, sok a ya elkotik ja b'a spetsanil ja wokol jumasa jach' ch'ab'an ti ab'al. 24Ja Dyosi, skoltayotik yuj ja ay sniwanil jk'ujoltik ke jach'ni oj ek'uki. Yuj k'a wa'tik smajlajel ja jas wa'ntik yiljeli, ja jawi, mi sniwaniluk jk'ujoltika, ¿machunk'a ayto jas oj smajla, ta yuj k'a ti'xa yi'oj ji?. 25Ta yuj k'a ayto jas wa'ntik smajlajel mitox kilatik sati, jel t'ilan oj majlatik ja jas ojto kiltik sati.
26Cho jach'ni, ta yuj k'a jel ko'el ja sniwanil jk'ujoltik sok ja Dyosi, Ye'n oj skoltayotik ja Espiritu Santo. Yuj ja mix na'atik jastal oj k'umuktik ja Dyosi, Ye'n ja Espiritu Santo oj sk'an pavor yuj ja ke'ntiki, ja Ye'n mi tukuk ja jas wa sk'u'lani, ja ke'ntiki mixax ta'a jas oj kaltik. 27Jaxa Dyosi, wa sna'a spetsanil ja jas wa'ntik spensari, wa sna'a ja jas wa sk'ana ja yal ja Espiritu Santo. Yuj ja Espiritu Santo wa'n sk'anjel yi pavor ja Dyos yuj ja yuntikil mi tukuki, jaxa jas wa sk'ana, lekni ay sok ja jas wa sk'ana ja Dyosi.
28Wax na'atik ja Dyosi, wa'n schapjel spetsanil b'a slekil ja ma'tik wax yajtaji yuji, ja iti, ja'ni ja ma'tik stsa'unej jastal wa sk'ana ja Ye'n. 29Man kujlaji ja satk'inali, ja Dyosi, wanxani sna'a machunk'a oj stsa'i, cho yalata ma'chunk'a slaj ja jastal ja Yunini, b'a jach' oj na'xuk Ye'n b'ankilal ja Jesusi. 30Ja ma'tik Ye'nxa stsa'uneji, ti spaya'a; jaxa ma'tik spaya, chak ni yi'a; jaxa ma'tik chak yi'i, ya'yi jun lugar tsamal b'a oj ajyuki.
Ja Dyosi jel wa syajtayotik
31Jasunk'a oj kaltiki, ta yuj k'a tey jmoktik ja Dyosi, mini jun ma oj b'ob' yuj, b'a mi oj yilotik leka. 32Ja Dyosi, mini t'un yala mi oj ya' ja yunini, man skulan entregar b'a oj cham yuj ja ke'ntiki, ja'yuj ojtoni ya'kitik lajan spetsanil ja jastik junuka. 33¿Machunk'a oj b'ob' yal mi lekuk ja jas stsa'a ja Dyosi? —Ye'nani ja Dyos yalata mixa ay smule'a— 34¿Ay a ma, ma oj b'ob' yixtaluke? —Meyuk. Ye'n cham ja Kajwaltik Jesús yuj ja ye'nle'i— Mi kechanuka, ja Jesusi, cho sak'wi, ja ya'n tey b'a stojol sk'ab' ja Dyosi, wa'n sk'anjel pavor k'ot yuj ja ke'ntiki. 35¿Machunk'a oj b'ob' spil'otik ja b'a syajal sk'ujol ja Jesusi? Mini jas oj b'ob'uka sok mini jun ma' jas oj b'ob' yuj ja. Mini sok ja ab'al k'umal jumasa, mini sok ja wokol jumasa, sok mini ja ixtalajel jumasa. Cho mini ta yuj k'a wax jak jun niwan wa'in ma' niwan che'e, cho mini ta wax jak jun jastik b'a xiwela sb'aj sok mini ja chamel ch'akeli. 36Jach'ni wax yala ja b'a ts'ijb'anub'al ja yab'al ja Dyosi:
—Yuj ja we'n ja'yuj ti' wa smilawotikone'a;—
yuj ja we'n ja'yuj ti wala ijitikon
jastal ja chej jumasa b'a wax milji—.
37B'a yojol spetsanil ja jwokoltik jumasa, wax na'atik lek Ye'n ja Kajwaltik Jesús ja ma' jel syatayotiki oj ni ya' k'ultik ganara. 38Ja ke'n wax na'a lek mini jas oj b'ob' spil'otik ja b'a syajal sk'ujol ja Dyosi: Mini ja sak'anili, sok mini ja chamel ch'akeli, mini ja anjel jumasa, mini ja pukuj jumasa, mini sok ja ya'n, sok mini sok ja b'a ti jakumi, 39Mini sok ja ma'tik jel ja yip teye b'a satk'inali, mini sok ja yip ja wokol jumasa, sok mini ja yip ja jas sk'u'lunej ja Dyosi. —Mini jas oj b'ob' spil'otik ja b'a syajal sk'ujol ja Kajwaltik Jesusi—.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021