Romanos 4
4
Ja jas sk'u'lan ja Abrahami
1La jneb'tik ja jastal ek' yuj ja Abraham ja ma' ek' paxta kujtiki. 2Lekukxta yi'aj ja Dyos spetsanil ja jas k'u'lani, b'ob'ta jel niwan oj ya sb'a jmoktika. Jaxa b'a sti sat ja Dyosi mini oj b'ob' ya' sb'aj niwana. 3Ja b'a ts'ijb'anub'al ja yab'al ja Dyosi, jach' wax yala jastal iti:
—I'ji lek ja Abraham yuj ja Dyosi,
Yuj ja sk'u'ani—.
4Merani'a, ta ay k'a jun winik wax tupji yuj ja ya'te'li, ja tak'in jawi, mi yuj jun smajtanuk, sb'ejni wax tupji'a yuj ja ya'teli. 5Jaxa Dyosi, sok syajal sk'ujol ja yala mixa ay smul ja mulanumi, a'nima mi jas lek sk'ulunej ja mulanum jaw ja b'a sti sati oj aljuk yab' jachuk, ja Dyosi wanix yi'aj niwan yuj ja ma wax k'u'aji yuj ja ye'na. 6Ja Davidi wax yal kab'tik ja jastal jel tsamal aye ja jaw jumasa, sok mi yuj ay ja sk'u'lane ja sta'awe'i, jaxa Dyosi, yala mixa ay smule yuj ja wax k'u'aji ja Ye'n. Jach' wax yala ja b'a ts'ijb'anub'al ja yab'al ja Dyos tak:
7—Jel lek wax yilawe ja jaw jumasa
ja ma'tik ch'ayji ja smule yuj ja Dyosi—
—Ja Dyosi sch'ayata sk'ujol
spetsanil ja smul jumasa sle'awe'i—.
8—Jel lek wax yilawe ja jaw jumasa
ja ma'tik ch'ayjile ja smule yuj ja Dyos
sok spetsanil ja jas mi lek ch'ak sk'u'luke'i—
9Ja stsamalil jumasa iti, ¿Kechan ma sb'aj ye'n ja ma'tik ay senya b'a sk'unili, ma cho sb'ajni ye'n ja ma mey senya? Kalatikta, ja Abrahami jel toj ilji yuj ja Dyos yuj ja sk'u'ani. 10Ja yora ilji lek ja Abraham yuj ja Dyosi, mito ni ay senya ja sk'unila. 11Ja smeranili, ja Abrahami a'jini senya ja sk'unila, b'a oj sje' ke sk'u'an ja Dyos ja ye'n. Ja jastal sk'u'an ja Dyos ja Abrahami, ja'yuj ye'n tatal b'a spetsanil ja ma wa sk'u'an ja Dyosi, a'nima mey senya ja b'a sk'unili. 12Cho jach'ni ja ma' ay senya ja sk'unile'i, cho state ja Abrahami, yuj ja wani sk'u'ane ja Dyos ja jastal sk'u'an ja Abrahami ja yajni mitox a'ji senya ja sk'unili.
Ja jas yalunej ja Dyosi
13Ja Dyosi, yal yab' ja Abraham sok ja yintil jumasa, oj a'juk b'a sk'ab'e ja lu'umi. Jach' alji yab'i, yuj ja mi ja'uk wa sk'u'an ja jas yala ja mandari, ja sk'u'an ja Dyosi; ja'yuj toj ilji. 14Ja jas yala ja Dyosi, lek ja'uk sb'aj ja ma wa sk'u'an ja mandar it a'ji yi ja Moisesi, b'a mi jas oj makunuk, ja oj xk'u'antik ja Dyosi, ja jas yala mini t'un oj makunuka.
15Ja Dyosi wax ya stup, ja ma wa sk'oko ja mandari; Ta mi k'a ayuk ja mandari, mi ma smul ta ay ma mi skisa. 16Ja'yujil, ja jas yala ja Dyosi, b'a oj yil ja yintil jumasa ja Abraham lekni'a, ja'yuj k'eb'ub'al ya'a ja jas yala, b'a spetsanil ja ma wax k'u'aji yuji. Mi kechanuk ye'n sb'aj ja ma wa sk'u'an ja yab'ali, cho sb'ajni ja ma wa sk'u'an ja Dyos jastal sk'u'an ja Abrahami. Ja'yuj ja Abrahami ye'n tatal b'a jpetsaniltik. 17Ja b'a ts'ijb'anub'al ja yab'al ja Dyosi, wax yala: Ja Dyosi yal yab' ja Abrahami, oj och tatalil yuj jitsan kristyano jumasa b'a niwak chonab' jumasa. Ja Dyosi, jach' yal yab' ja Abraham yuj ja k'u'aji'i, kechan ye'n Dyos ay yip b'a oj ya sak'wuk ja ma chamta oj cho b'ob' sk'ul jitsan jastik yajk'achil.
18Ja yajni alji yab' ja Abraham yuj ja Dyos jel jitsan oj ajyuk ja yintil jumasa, lajan sok yuj mi smeraniluk. Yuj ja sk'u'an jas alji yab' yuj ja Dyosi, ja'yuj ochni tatalil b'a jitsan kristyano jumasa'a yuj ja niwak chonab' jumasa, yujni wax cho sk'u'an ja Dyosi. 19Ja Abrahami a'nima mojanxa yi'oj ja jo' tajb'e (100) jab'ili, sok wa sna'a jelxa mojan oj chamuk, mini ya'a kan sk'u'ajel ja Dyosi. A'nima wa sna'a mi oj b'ob' yil sat untikanel ja sche'um Sara, 20Mini ek' sk'ujol mi oj b'ob' sk'u'luk ja jas yaluneji. Ayni lek sniwanil sk'ujola, sok jel wa stoyo ja Dyosi.
21Ja Abrahami wa sk'u'an lek ja Dyos ayni yip b'a oj sk'u'l ja jas yala'a. 22Ja'yuj jel toj wax ilji yuj ja Dyosi. 23Jaxa wax yala ja yab'al ja Dyos jel toj wax yila ja Abrahami, mi wa sk'ana yal kechan ye'na 24Cho jach'ni ja ke'ntiki. Ja Dyosi ye'n ya sak'wuk ja Kajwaltik Jesusi, sok lekni wax yilawotik ta wax k'u'antik ja ye'na. 25Ja Dyosi sk'ulan entregar ja Jesús b'a oj cham yuj ja jmultiki, cho ya sak'wuk, b'a oj ajyukotik toj ja b'a sti sati.
Currently Selected:
Romanos 4: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Romanos 4
4
Ja jas sk'u'lan ja Abrahami
1La jneb'tik ja jastal ek' yuj ja Abraham ja ma' ek' paxta kujtiki. 2Lekukxta yi'aj ja Dyos spetsanil ja jas k'u'lani, b'ob'ta jel niwan oj ya sb'a jmoktika. Jaxa b'a sti sat ja Dyosi mini oj b'ob' ya' sb'aj niwana. 3Ja b'a ts'ijb'anub'al ja yab'al ja Dyosi, jach' wax yala jastal iti:
—I'ji lek ja Abraham yuj ja Dyosi,
Yuj ja sk'u'ani—.
4Merani'a, ta ay k'a jun winik wax tupji yuj ja ya'te'li, ja tak'in jawi, mi yuj jun smajtanuk, sb'ejni wax tupji'a yuj ja ya'teli. 5Jaxa Dyosi, sok syajal sk'ujol ja yala mixa ay smul ja mulanumi, a'nima mi jas lek sk'ulunej ja mulanum jaw ja b'a sti sati oj aljuk yab' jachuk, ja Dyosi wanix yi'aj niwan yuj ja ma wax k'u'aji yuj ja ye'na. 6Ja Davidi wax yal kab'tik ja jastal jel tsamal aye ja jaw jumasa, sok mi yuj ay ja sk'u'lane ja sta'awe'i, jaxa Dyosi, yala mixa ay smule yuj ja wax k'u'aji ja Ye'n. Jach' wax yala ja b'a ts'ijb'anub'al ja yab'al ja Dyos tak:
7—Jel lek wax yilawe ja jaw jumasa
ja ma'tik ch'ayji ja smule yuj ja Dyosi—
—Ja Dyosi sch'ayata sk'ujol
spetsanil ja smul jumasa sle'awe'i—.
8—Jel lek wax yilawe ja jaw jumasa
ja ma'tik ch'ayjile ja smule yuj ja Dyos
sok spetsanil ja jas mi lek ch'ak sk'u'luke'i—
9Ja stsamalil jumasa iti, ¿Kechan ma sb'aj ye'n ja ma'tik ay senya b'a sk'unili, ma cho sb'ajni ye'n ja ma mey senya? Kalatikta, ja Abrahami jel toj ilji yuj ja Dyos yuj ja sk'u'ani. 10Ja yora ilji lek ja Abraham yuj ja Dyosi, mito ni ay senya ja sk'unila. 11Ja smeranili, ja Abrahami a'jini senya ja sk'unila, b'a oj sje' ke sk'u'an ja Dyos ja ye'n. Ja jastal sk'u'an ja Dyos ja Abrahami, ja'yuj ye'n tatal b'a spetsanil ja ma wa sk'u'an ja Dyosi, a'nima mey senya ja b'a sk'unili. 12Cho jach'ni ja ma' ay senya ja sk'unile'i, cho state ja Abrahami, yuj ja wani sk'u'ane ja Dyos ja jastal sk'u'an ja Abrahami ja yajni mitox a'ji senya ja sk'unili.
Ja jas yalunej ja Dyosi
13Ja Dyosi, yal yab' ja Abraham sok ja yintil jumasa, oj a'juk b'a sk'ab'e ja lu'umi. Jach' alji yab'i, yuj ja mi ja'uk wa sk'u'an ja jas yala ja mandari, ja sk'u'an ja Dyosi; ja'yuj toj ilji. 14Ja jas yala ja Dyosi, lek ja'uk sb'aj ja ma wa sk'u'an ja mandar it a'ji yi ja Moisesi, b'a mi jas oj makunuk, ja oj xk'u'antik ja Dyosi, ja jas yala mini t'un oj makunuka.
15Ja Dyosi wax ya stup, ja ma wa sk'oko ja mandari; Ta mi k'a ayuk ja mandari, mi ma smul ta ay ma mi skisa. 16Ja'yujil, ja jas yala ja Dyosi, b'a oj yil ja yintil jumasa ja Abraham lekni'a, ja'yuj k'eb'ub'al ya'a ja jas yala, b'a spetsanil ja ma wax k'u'aji yuji. Mi kechanuk ye'n sb'aj ja ma wa sk'u'an ja yab'ali, cho sb'ajni ja ma wa sk'u'an ja Dyos jastal sk'u'an ja Abrahami. Ja'yuj ja Abrahami ye'n tatal b'a jpetsaniltik. 17Ja b'a ts'ijb'anub'al ja yab'al ja Dyosi, wax yala: Ja Dyosi yal yab' ja Abrahami, oj och tatalil yuj jitsan kristyano jumasa b'a niwak chonab' jumasa. Ja Dyosi, jach' yal yab' ja Abraham yuj ja k'u'aji'i, kechan ye'n Dyos ay yip b'a oj ya sak'wuk ja ma chamta oj cho b'ob' sk'ul jitsan jastik yajk'achil.
18Ja yajni alji yab' ja Abraham yuj ja Dyos jel jitsan oj ajyuk ja yintil jumasa, lajan sok yuj mi smeraniluk. Yuj ja sk'u'an jas alji yab' yuj ja Dyosi, ja'yuj ochni tatalil b'a jitsan kristyano jumasa'a yuj ja niwak chonab' jumasa, yujni wax cho sk'u'an ja Dyosi. 19Ja Abrahami a'nima mojanxa yi'oj ja jo' tajb'e (100) jab'ili, sok wa sna'a jelxa mojan oj chamuk, mini ya'a kan sk'u'ajel ja Dyosi. A'nima wa sna'a mi oj b'ob' yil sat untikanel ja sche'um Sara, 20Mini ek' sk'ujol mi oj b'ob' sk'u'luk ja jas yaluneji. Ayni lek sniwanil sk'ujola, sok jel wa stoyo ja Dyosi.
21Ja Abrahami wa sk'u'an lek ja Dyos ayni yip b'a oj sk'u'l ja jas yala'a. 22Ja'yuj jel toj wax ilji yuj ja Dyosi. 23Jaxa wax yala ja yab'al ja Dyos jel toj wax yila ja Abrahami, mi wa sk'ana yal kechan ye'na 24Cho jach'ni ja ke'ntiki. Ja Dyosi ye'n ya sak'wuk ja Kajwaltik Jesusi, sok lekni wax yilawotik ta wax k'u'antik ja ye'na. 25Ja Dyosi sk'ulan entregar ja Jesús b'a oj cham yuj ja jmultiki, cho ya sak'wuk, b'a oj ajyukotik toj ja b'a sti sati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021