Filipenses 2
2
La' ajyukotik ja jastal ja Kajwaltik Jesusi
1Yuj k'a ye'n ja Kajwaltik Jesús ya'oj wa wipex b'a oj ja tsatsal k'ujolukex ja tuk jumasa, ma yuj ja' syajal wa k'ujol we'nlex wax a'ji kulan sk'ujol ja tuk jumasa, yuj k'a a petsanil ja we'nlex ti a wi'ojex ja yespiritu, cho jun k'ujolex k'a, 2wax k'ana wi'ex laja a b'ajik, yajta b'ajik sok ja tuk jumasa jastal waxa yajta b'ajex ja we'nlexi. B'a jach' jel gusto oj ya ajyukon ja ke'n. Laja b'ajik sok ja jas wa'nex pensar oj ja k'u'lukexi, junxta ja jas a ok' a k'ujolexi. 3Mok jas a k'u'lukex b'a kechan oj ja toya b'ajex ma b'a kechan oj ya k'e'anik ab'al k'umal. Jel lek k'u'lanik spetsanil sok syajal a k'ujolex, ilawik mas niwan ja ye'nle yuja we'nlexi cho ch'in a' a b'ajik. 4Mok ma kechan ye'n oj sle' ja slekilali, le'awik sb'a a petsanilex. 5A ajyuk junxta wa pensarex jastal sk'u'lan ja Kajwaltik Jesusi:
6Ja Kajwaltik Jesusi, a'nima lajanuk sok ja Dyosi,
jaxa ye'n mi sk'ana oj slaj jastal ja Dyosi.
7Jasa,
Mi jach sk'ulan jastal jawi,
jach' sk'u'lan sb'aj jastal ke'ntik,
ya'a sb'aj moso'il b'a jpetsaniltik.
8Jach' ya'a sb'aj jastal jun winik, ye'n ita ch'in ya'a sb'aj
cho sk'u'an ja Dyos man chami:
—ti cham ts'apub'al sklabo'il b'a Cruz.
9Ja'yuj ja Dyosi, je niwan ja ya'tel ya'yi'i
niwan lek ja scholi,
sok ja ya'yi ja a'tel b'a jel niwan
yuj b'a spetsanil ja ya'tel winik jumasa,
10B'a jach' oj ch'ak ko'uke mek'an b'a sti sat ja ye'n
spetsanil ja ma' tey b'a satk'inali,
jach'ni ja ma' tey b'a lu'umi,
cho jach'ni ja ma' ti aye b'a yib' lu'umi;
11B'a jach' spetsanile oj sna'e sb'aj
ja Jesús ye'n ja Kajwaltiki
oj cho ya'we yi ts'akatal ja Dyos Tatali.
Jastal oj ajyukotik b'a lu'um iti
12Jmoj aljel jumasa, ja k'ak'u ti ajyiyon a mokexi, wanixa k'u'anex ja jas wax kala'a. Jaxa ya'n yuj ja najatxa ayon amokex kechan mini oj ja wa'wex kan ja jastal waxa k'u'anonexa. Ja'yuj cho kisab'ajik sok ja Dyosi, kechan le'awik sk'ak'u'il b'a oj ja wabyex slugaril jasun wa sk'ana yal ja oj jta' jkoltajeltik sok ja Dyosi. 13Yuj ja ye'n ja Dyos wa sjulb'esotik oj k'u'ltik ja b'a leki, sok ye'n wa skoltayotik b'a oj k'u'luktiki, jach' wa sk'u'lan yuj ja jach'ni wa sk'ana.
14K'u'lanik spetsanil mok ma sta' sb'aj ti' b'a mi sb'ejuk, b'a spetsanil mok ma' cho jas yal sb'aj a wujilex, 15B'a jach' mi oj ja ta' a mulex, sok mi ma oj b'ob' sle' a mulex lom. Ja b'a lu'um iti, b'ut'ele sok ja jas mi lekuk ja swinkili, cho toj mulanume, Jaxa we'nlex b'a yuntikilexa ja Dyosi, jel t'ilan oj ja pila b'ajex sok spetsanil ja jas mi lekuki, je'awik ke lek ja jas waxa k'u'lanexi. 16Moka wa'ex kan sk'u'ajel ja ab'al it wax ya'a jsak'aniltiki. Ja jachuki jel gusto oj ajyukon a mokex ja ke'n ja k'ak'u oj kumxuk ja Kajwaltik Jesusi, ja ti oj na' ke ja ka'teli, mi lomuk ja kila st'ilanili.
17Ja we'nlexi waxa k'u'anex ja Dyosi sok waxa wa'teltayex, ja jastal jawi lajan sok jastal wax waja wa'ex kan yi smajtan ja Dyosi. B'ob'ta ja ke'n oj miljukon, lajan sok ke'nani wala ochyon smajtanil ja Dyosi. Yuj k'a jach' waj ek'uk jastal jawi, jelni lek oj kila, sok wax k'ana lajan gusto oj ajyukotikik. 18—Ja'yuj gusto ajyanik jmok—.
Ja Timoteo
19Wax majla mi oj ek' k'ak'u oj yal kab' ja Kajwaltik oj jek a mokex ja Timoteo, jel tsamal oj kab' ja yajnix kab' jastal ayexi. 20Kechan ye'n ja Timoteo wax cham sk'ujol yuj ja we'nlexi, sok jel sk'anawex ja jastal ja ke'n. 21Jaxa tuk jumasa kechan ja' wajel sk'ujole sok ja jastik sb'aj ye'nle'i, mini t'un ja' wanke pensar ja jas wa sk'ana ja Kajwaltik Jesusi. 22Ja we'nlexi wa'nxa xa na'awex jastal jel tsamal ja jas wa sk'u'lan ja Timoteo, wax cho a na'awex ye'n skoltunejon jastal jun kunin. Lajan kalatikon ek' ja yab'al ja Dyosi. 23Wax k'ana oj jeka mokex, jelxa mojan ja k'ak'u oj kab' ta oj elkon ma miyuk ja b'a lutanoni. 24A'nima wax k'u'an mi oj ek' k'ak'u oj sjek on ja Dyos b'a oj wa kil'exi.
Ja Epafrodito
25Ayxa t'un k'ak'u, we'n a jekawex ja jmoj aljeltik Epafrodito b'a oj skoltayon sok ja jas mey ki'oji. Ja ye'n jel a'tiji, cho lajan jel ki'ajtikon ja wokol yaljel ja yab'al ja Dyosi. Ja'yuj ja ya'n je lek wax kab' ja oj kumxuka mokexi. 26Ja ye'n jel gusto wax yab' ja oj waj yil'exi. Jel cham sk'ujol yuj ja ch'aka wabyex jastal jel malo ay ajyi. 27Ja smeranili yujni jel yi'oj ajyi'a, kolxani chamuka. Kechan jelni lek ilji yuj ja Dyosi, cho jach'ni sok ja ke'n, b'a mixa oj ya cham jk'ujol ja jastal ayoni. 28Ja'yuj sjeka a wi'ex b'a gusto oj ajyanik ja yajnixa wilawexi, jaxa ke'n ek' ja jcham k'ujoli. 29Gusto ilawik ja yajnix k'oti, ilawik jastal ilxi jun ya'tijum Kajwaltik Jesús. Yajtayik lek ja ma' jach' jastal ja ye'n, 30Yuj ja ya'telta ja Kajwaltik Jesusi, ja'yuj t'usan mi milji: Ti chikan jastal ek yuja wa sk'ana oj skoltayon, ja b'a jastal mix b'ob'a wujilex ja we'nlexi.
Currently Selected:
Filipenses 2: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Filipenses 2
2
La' ajyukotik ja jastal ja Kajwaltik Jesusi
1Yuj k'a ye'n ja Kajwaltik Jesús ya'oj wa wipex b'a oj ja tsatsal k'ujolukex ja tuk jumasa, ma yuj ja' syajal wa k'ujol we'nlex wax a'ji kulan sk'ujol ja tuk jumasa, yuj k'a a petsanil ja we'nlex ti a wi'ojex ja yespiritu, cho jun k'ujolex k'a, 2wax k'ana wi'ex laja a b'ajik, yajta b'ajik sok ja tuk jumasa jastal waxa yajta b'ajex ja we'nlexi. B'a jach' jel gusto oj ya ajyukon ja ke'n. Laja b'ajik sok ja jas wa'nex pensar oj ja k'u'lukexi, junxta ja jas a ok' a k'ujolexi. 3Mok jas a k'u'lukex b'a kechan oj ja toya b'ajex ma b'a kechan oj ya k'e'anik ab'al k'umal. Jel lek k'u'lanik spetsanil sok syajal a k'ujolex, ilawik mas niwan ja ye'nle yuja we'nlexi cho ch'in a' a b'ajik. 4Mok ma kechan ye'n oj sle' ja slekilali, le'awik sb'a a petsanilex. 5A ajyuk junxta wa pensarex jastal sk'u'lan ja Kajwaltik Jesusi:
6Ja Kajwaltik Jesusi, a'nima lajanuk sok ja Dyosi,
jaxa ye'n mi sk'ana oj slaj jastal ja Dyosi.
7Jasa,
Mi jach sk'ulan jastal jawi,
jach' sk'u'lan sb'aj jastal ke'ntik,
ya'a sb'aj moso'il b'a jpetsaniltik.
8Jach' ya'a sb'aj jastal jun winik, ye'n ita ch'in ya'a sb'aj
cho sk'u'an ja Dyos man chami:
—ti cham ts'apub'al sklabo'il b'a Cruz.
9Ja'yuj ja Dyosi, je niwan ja ya'tel ya'yi'i
niwan lek ja scholi,
sok ja ya'yi ja a'tel b'a jel niwan
yuj b'a spetsanil ja ya'tel winik jumasa,
10B'a jach' oj ch'ak ko'uke mek'an b'a sti sat ja ye'n
spetsanil ja ma' tey b'a satk'inali,
jach'ni ja ma' tey b'a lu'umi,
cho jach'ni ja ma' ti aye b'a yib' lu'umi;
11B'a jach' spetsanile oj sna'e sb'aj
ja Jesús ye'n ja Kajwaltiki
oj cho ya'we yi ts'akatal ja Dyos Tatali.
Jastal oj ajyukotik b'a lu'um iti
12Jmoj aljel jumasa, ja k'ak'u ti ajyiyon a mokexi, wanixa k'u'anex ja jas wax kala'a. Jaxa ya'n yuj ja najatxa ayon amokex kechan mini oj ja wa'wex kan ja jastal waxa k'u'anonexa. Ja'yuj cho kisab'ajik sok ja Dyosi, kechan le'awik sk'ak'u'il b'a oj ja wabyex slugaril jasun wa sk'ana yal ja oj jta' jkoltajeltik sok ja Dyosi. 13Yuj ja ye'n ja Dyos wa sjulb'esotik oj k'u'ltik ja b'a leki, sok ye'n wa skoltayotik b'a oj k'u'luktiki, jach' wa sk'u'lan yuj ja jach'ni wa sk'ana.
14K'u'lanik spetsanil mok ma sta' sb'aj ti' b'a mi sb'ejuk, b'a spetsanil mok ma' cho jas yal sb'aj a wujilex, 15B'a jach' mi oj ja ta' a mulex, sok mi ma oj b'ob' sle' a mulex lom. Ja b'a lu'um iti, b'ut'ele sok ja jas mi lekuk ja swinkili, cho toj mulanume, Jaxa we'nlex b'a yuntikilexa ja Dyosi, jel t'ilan oj ja pila b'ajex sok spetsanil ja jas mi lekuki, je'awik ke lek ja jas waxa k'u'lanexi. 16Moka wa'ex kan sk'u'ajel ja ab'al it wax ya'a jsak'aniltiki. Ja jachuki jel gusto oj ajyukon a mokex ja ke'n ja k'ak'u oj kumxuk ja Kajwaltik Jesusi, ja ti oj na' ke ja ka'teli, mi lomuk ja kila st'ilanili.
17Ja we'nlexi waxa k'u'anex ja Dyosi sok waxa wa'teltayex, ja jastal jawi lajan sok jastal wax waja wa'ex kan yi smajtan ja Dyosi. B'ob'ta ja ke'n oj miljukon, lajan sok ke'nani wala ochyon smajtanil ja Dyosi. Yuj k'a jach' waj ek'uk jastal jawi, jelni lek oj kila, sok wax k'ana lajan gusto oj ajyukotikik. 18—Ja'yuj gusto ajyanik jmok—.
Ja Timoteo
19Wax majla mi oj ek' k'ak'u oj yal kab' ja Kajwaltik oj jek a mokex ja Timoteo, jel tsamal oj kab' ja yajnix kab' jastal ayexi. 20Kechan ye'n ja Timoteo wax cham sk'ujol yuj ja we'nlexi, sok jel sk'anawex ja jastal ja ke'n. 21Jaxa tuk jumasa kechan ja' wajel sk'ujole sok ja jastik sb'aj ye'nle'i, mini t'un ja' wanke pensar ja jas wa sk'ana ja Kajwaltik Jesusi. 22Ja we'nlexi wa'nxa xa na'awex jastal jel tsamal ja jas wa sk'u'lan ja Timoteo, wax cho a na'awex ye'n skoltunejon jastal jun kunin. Lajan kalatikon ek' ja yab'al ja Dyosi. 23Wax k'ana oj jeka mokex, jelxa mojan ja k'ak'u oj kab' ta oj elkon ma miyuk ja b'a lutanoni. 24A'nima wax k'u'an mi oj ek' k'ak'u oj sjek on ja Dyos b'a oj wa kil'exi.
Ja Epafrodito
25Ayxa t'un k'ak'u, we'n a jekawex ja jmoj aljeltik Epafrodito b'a oj skoltayon sok ja jas mey ki'oji. Ja ye'n jel a'tiji, cho lajan jel ki'ajtikon ja wokol yaljel ja yab'al ja Dyosi. Ja'yuj ja ya'n je lek wax kab' ja oj kumxuka mokexi. 26Ja ye'n jel gusto wax yab' ja oj waj yil'exi. Jel cham sk'ujol yuj ja ch'aka wabyex jastal jel malo ay ajyi. 27Ja smeranili yujni jel yi'oj ajyi'a, kolxani chamuka. Kechan jelni lek ilji yuj ja Dyosi, cho jach'ni sok ja ke'n, b'a mixa oj ya cham jk'ujol ja jastal ayoni. 28Ja'yuj sjeka a wi'ex b'a gusto oj ajyanik ja yajnixa wilawexi, jaxa ke'n ek' ja jcham k'ujoli. 29Gusto ilawik ja yajnix k'oti, ilawik jastal ilxi jun ya'tijum Kajwaltik Jesús. Yajtayik lek ja ma' jach' jastal ja ye'n, 30Yuj ja ya'telta ja Kajwaltik Jesusi, ja'yuj t'usan mi milji: Ti chikan jastal ek yuja wa sk'ana oj skoltayon, ja b'a jastal mix b'ob'a wujilex ja we'nlexi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021