Mateo 9
9
Ja winik mix b'ob' b'ejyuki
(Mr 2:1-12; Lc 5:17-26)
1Tsa'an yuj ja iti, ja Jesusi, k'e' b'a jun barco ek' sk'uts' ja paman ja' b'a oj k'ot b'a Cafernaum, yujni ti'ni ajyi tiwa. 2Yajni k'oti, ay chab' oxe kristyano yi'aje ochyi jun winik ti b'a'an b'a sch'at mix b'ob' b'ejyuk. Yajni yila ja Jesús wanix k'u'aji yuj ja winik jumasa jawa, ti yal yab' ja winiki: —Kamigo tsatsal k'ujolan a b'aj—. Oj ch'ay a wi spetsanil ja wa mul jumasa—.
3Ja b'a lugar jawi, tey chab' oxe ja ma' was je'awe ja smandar ja Dyos it a'ji yi ja Moisesi, Ti ek' sk'ujole'a: —¿Jaxa iti ma'chunk'a wax yala sb'aji? ¿Ja iti, wax yala yuj Dyosuk? —Ch'ayel ay ja winik iti—.
4Jaxa Jesusi, sna' k'inal ja jas wa'n ek'el sk'ujol'ei, ja'yuj ti sjob'o yi'e'a: —¿Jasyuj ja jel tuk wa'nex pensar b'a? 5Alawi kab'i, ¿B'a'ya mi wokoluki? ¿Ja' sch'ayjel yi ja smul ja ma' mi lek ayi ma ja' ya'jel tojb'uki? 6Oj je'a wi'ex, ja ke'n ja' yuninon ja winiki, ay kip b'a lu'um it b'a oj ch'ay ja mulal jumasa—.
Ja'yuj ja Jesusi, ti yal yab' ja ma it mix b'ob' b'ejyuki: —K'e'an tulu a b'aj, i'aj wa waynub'i, ka'xa b'a wa naj—.
7Ti'xa stulu sb'aj ja winiki waj b'a snaj. 8Yajni yilawe ja kristyano ja jastal iti, jel cham sk'ujole, sok jel ya'we yi ts'akatal ja Dyos yuj ja yip je'ji yi'e'i.
Ja Jesusi, spaya ja Mateo
(Mr 2:13-17; Lc 5:27-32)
9Yajni el ja Jesús ja tiwi, ti yila jun winik Mateo sb'i'il kulan ek' wa'n stajb'ajel kontribusyon jumasa b'a sb'aj ja mandaranum b'a Roma. Jaxa Jesusi, ti yal yab'a: —Nochowon—.
Jaxa Mateo wego stulu sb'aj snocho ja Jesusi.
10Ja k'ak'u jaw ja Jesús sok ja sneb'uman jumasa, ti waj wa'uke b'a snaj ja Mateo. Jaxa tiwi ti cho wa'ne wa'el tuk tajb'a kontribusyona, ja ye'nle'i mix kiswaniye. 11Yajni yilawe chab' oxe fariseo jumasa ti wa'n wa'el ja Jesús sok spetsanil ja jaw jumasa, ti sjob'owe yi ja sneb'uman jumasa:
—¿Jasyuj ja wa maestro'ex wax wa' sok ja tantik tajb'a kontribusyon sok ja tantik tuk mulanum b'a?
12Yajni yab' ja Jesús ja jas wa'ne yaljel ja fariseo jumasa, ti yal yabye'a:
—Ja ma' wax makuni yuj ja loktori, ja ma' mi lek ayi, mi ja'uk ja ma' lek ayi. 13Ka'axik, kax neb'awik jasun wa sk'ana yal ja Dyos ja it yala: ja wax k'ana ja ke'n a ajyuk syajal a k'ujolex sok ja kristyano, yuj ja oj ja wi'ex jan ki jmajtani. Ja ke'n ja jak jle' ja ma' ch'ayel ay b'a oj och jneb'umanil, mi ja'uk jakel jle' ja ma' toj ay wax yab'i.
Ja Jesusi, sje'a ja skomjel wa'eli
(Mr 2:18-22; Lc 5:33-39)
14Ja sneb'uman jumasa ja Juan it wax ya'a yi'jel ja'i, waj yil'e ja Jesusi, ti sjob'owe yi'a:
—Ja ke'ntikon sok ja fariseo jumasa, wax komotikon jitsan majke ja jwa'eltikoni. ¿Jasyuj ja mi jach' wa sk'u'lan wa neb'uman jumasa we'n b'a?
15Ti jak'ji yi'e yuj ja Jesusi:
—Ja ma'tik wax lokji b'a jun ch'ak ab'ali, mi cham k'ujol wax ajyi ye yuj ja ti'to ay soke ja kerem ma' oj nupanuki. Kechan oj k'otuk ja k'ak'u oj i'juk yi'e ja keremi, ja' k'ak'u jaw ja lok jumasa ojni skom ja swa'ele'a.#9:15 Yuj ja skomjel ja wa'eli: Ja judio jumasa k'ajyel ja wa skomo ja swa'ele ja kwando ay ma' wax chami, ma kwando ajyi jun desgrasia. Ja'yuj wa sta'a ti' cham k'ujol, a'nima ja b'a parte iti, ja' wax yala jastal oj chamuk ja Jesusi.
16Jun juna'al b'a mixa lekuk wa'n k'ax ch'i'i, mi oj b'ob' maktontaxuk sok jun yajk'achil k'u'uts. Yuj ja yajnix waj chuk'xuk ja juna'al jawi, ja ajk'ach k'u'utsi, oj sujb'uk, ti oj ch'ak ch'i' spetsanila; jel niwan oj wajuk ja sch'i'elali.
17—Cho mini b'a jun ye'tal b'a mixa lekuk mi oj a'xi och ya'lel ts'usub' b'a yajk'achil, yuj ja yajnix waj pajb'uk ja ajk'ach ya'lel ts'usub'i, ojni sch'i'el ja ye'tal b'a mixa lekuka; yuj k'a jach' jastal jawi oj ch'ak pek'uk ja ya'lel ts'usub'i, jach'ni ja ye'tali oj ch'ay sna'jel. Ja'yuj ta yuj k'a yajk'achil ja ya'lel ts'usub'i, cho jelni t'ilan yajk'achil ja ye'tali. Ja jachuki, mini ja ya'lel ts'usub'i, sok mini ja ye'tal oj ch'ayuk.
Jun yal ak'ix chami, sok jun ixuk mi lek ay
(Mr 5:21-43; Lc 8:40-56)
18Ti'to wa'n lo'il ja Jesús ja yajni k'ot jun ma' ay ya'tel yuj ja judio jumasa, ti ko' mek'an b'a sti' sat ja Jesusi, ti yal yab'a: —Ja yal kak'ixi, wa'nto chami— Ja' lek yuj wanuk la jak b'a oj ja wa' kajan wa k'ab' ja b'a skwerpo, ojni sak'wuka—.
19Ti stulu sb'aj ja Jesusi, waj sok. Cho waj mojtajuk yuj ja sneb'uman jumasa.
20-21Ja b'a b'eji, ti sta'awe jun ixuk ayxa lajchawe (12) jab'il mi lek ay. Ja schamel ja ixuk jawi, ja mi smaka sb'aj ja chamel wax yila. Yajni yila ja ixuk jaw ek' ja Jesusi, ti ek' sk'ujola: —A'nima kechan oj yamyi ja snich ja sk'u' ja Jesusi, sok ja jawi, ojni tojb'ukona—. Ja'yuj, ti och mojan b'a spatik ja Kajwaltiki, jachuk ti syama yi ja sk'u'i. 22Ti sutu sb'aj ja Jesusi, ti yila ja ixuk jawi, ti yal yab'a: —Mixax cham a k'ujol, yuj ja a k'u'an ja Dyosi, ja'yuj tojb'iyata, x'utji ja ixuk jawi.
Merani'a yujni ti tojb'i kan ja k'ak'u jawa.
23Yajni el ja Jesús ja tiwi, ti k'ot b'a snaj jun winik judio ye'n ay ya'tel. Yajni k'oti, ti yila chapanxa ja k'inanum b'a oj wajuke ja mukwaneli, jaxa tuk jumasa wa'nexta ok'el. 24Jaxa Jesusi, ti yal yabye'a: —Ch'akan elanik ja ili. Ja yal ak'ixi, mi chameluk, kechan wa'n wayel, xchi ja Jesusi.
Jaxa ma'tik tey tiwi, kechan och stse'uke ja Jesusi. 25Yajni ch'ak el spetsanile'i, ti och ja Jesusi, syama yi ja sk'ab' ja yal ak'ixi, jaxa yal ak'ix jawi, wego k'e'i.
26Spetsanil ja chonab' jumasa b'a mojan yi'oj sb'aji, ch'ak yabye ja jas sk'u'lan ja Jesusi.
Ja Jesusi ya tojb'uk chawane ma mi xyila k'inal
27Yajni el ja Jesús ja tiwi, nochji yuj chab' winik mix yila k'inal, ti och yawa ye'a:
—Jesús, we'nani ja Mesiasi, talna jya'ujlaltikon—
28Ja ma'tik mix yila k'inali, snochowe ja Jesús man b'a na'its k'oti. Yajni ti'xa aye b'a yoj na'itsi, ti job'ji yi'e yuj ja Jesusi:
—¿Wa'n maxa k'u'anex ja we'nlex ke oj ka tojb'anik?
Jaxa ye'nle'i, ti yalawe'a:
—Wa'n Kajwal, wax k'u'antikon.
29Ja'yuj ja Jesusi, ti syamayi ja sate'i, ti yala'a:
—Yuj ja wa k'u'anonexi, ojni tojb'anika.
30Wego yilawe k'inal ja ma' tupel sat ajyi. Ti alji yabye yuj ja Jesusi:
—Mok ma a wal'ex yab' jastal a wilawex k'inal.
31Jasa, yajni elye ja tiwi, ti ch'ak spuk e' ek' b'a spetsanil ja chonab' jumasa ja jas sk'u'lan ja Jesusi.
Ja Jesús ya tojb'uk june mix k'umani
32Tsa'an yajni elye b'a na'its ja winike jumasa jawi, ti cho k'otye chab' oxe yi'oje och yi ja Jesús jun winik jel tsats wa'n ixtalajel yuj ja tan pukuji, mixax a'ji k'umanuk. 33Jaxa Jesusi, yajni snutsu el ja tan pukuji, ja winiki b'ob' k'umanuk. Jaxa ma'tik tey tiwi, jel cham k'ujol kanye, ti wax yalawe'a: —Mini b'a wax ilxi, ja jastal it ja b'a slujmal ja israelenio—.
34Jaxa fariseo jumasa, ti wax yalawe'a: —Ta yuj k'a wa snutsu ja tantik pukuj jumasa ja Jesusi, yuj ja wax a'ji yip yuj ja tan ma' ay ya'tel yuj spetsanil ja tantik pukuj jumasa—.
Ja Jesusi, stalna sya'ujlal ja kristyano'i
35Ja Jesusi, ch'ak sb'ejtes ek' ja niwak chonab' sok ja yal ch'in chonab' jumasa. Ti wa sje'a ek' b'a snajtsil tsomjel jumasa, ja jas lek sok b'a tsamal ja b'a wa sk'ulan mandar ja Dyosi, sok wax ch'ak ya tojb'uk spetsanil ja kristyano ma' mi lek ayi. 36Jaxa yajni yila ja Jesús jel jitsan ja kristyano jumasa nochob'al yuji, ti jak syajal sk'ujol soke'a, yuj ja yila yuj jomel olom aye ek'i, mey yi'oje ma' oj koltajuke yuj. —Lajan sok jastal jun nole chej b'a mey talnuman—.
37Jaxa Jesusi, ti yal yab' ja sneb'uman jumasa: —Jel jitsan ja ma wa sk'ana oj ya' sb'aj ja b'a wa sk'ulan mandar ja Dyosi, jel t'usan ja neb'uman jumasa ma' oj waj yal ja tsamal yab'al ja Dyosi. 38Ja'yuj, k'anawik yi ja Dyos a sjek tuk neb'uman b'a oj waj yal yab' ja tsamal ab'al ja kristyano jumasa jawi—.
Currently Selected:
Mateo 9: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Mateo 9
9
Ja winik mix b'ob' b'ejyuki
(Mr 2:1-12; Lc 5:17-26)
1Tsa'an yuj ja iti, ja Jesusi, k'e' b'a jun barco ek' sk'uts' ja paman ja' b'a oj k'ot b'a Cafernaum, yujni ti'ni ajyi tiwa. 2Yajni k'oti, ay chab' oxe kristyano yi'aje ochyi jun winik ti b'a'an b'a sch'at mix b'ob' b'ejyuk. Yajni yila ja Jesús wanix k'u'aji yuj ja winik jumasa jawa, ti yal yab' ja winiki: —Kamigo tsatsal k'ujolan a b'aj—. Oj ch'ay a wi spetsanil ja wa mul jumasa—.
3Ja b'a lugar jawi, tey chab' oxe ja ma' was je'awe ja smandar ja Dyos it a'ji yi ja Moisesi, Ti ek' sk'ujole'a: —¿Jaxa iti ma'chunk'a wax yala sb'aji? ¿Ja iti, wax yala yuj Dyosuk? —Ch'ayel ay ja winik iti—.
4Jaxa Jesusi, sna' k'inal ja jas wa'n ek'el sk'ujol'ei, ja'yuj ti sjob'o yi'e'a: —¿Jasyuj ja jel tuk wa'nex pensar b'a? 5Alawi kab'i, ¿B'a'ya mi wokoluki? ¿Ja' sch'ayjel yi ja smul ja ma' mi lek ayi ma ja' ya'jel tojb'uki? 6Oj je'a wi'ex, ja ke'n ja' yuninon ja winiki, ay kip b'a lu'um it b'a oj ch'ay ja mulal jumasa—.
Ja'yuj ja Jesusi, ti yal yab' ja ma it mix b'ob' b'ejyuki: —K'e'an tulu a b'aj, i'aj wa waynub'i, ka'xa b'a wa naj—.
7Ti'xa stulu sb'aj ja winiki waj b'a snaj. 8Yajni yilawe ja kristyano ja jastal iti, jel cham sk'ujole, sok jel ya'we yi ts'akatal ja Dyos yuj ja yip je'ji yi'e'i.
Ja Jesusi, spaya ja Mateo
(Mr 2:13-17; Lc 5:27-32)
9Yajni el ja Jesús ja tiwi, ti yila jun winik Mateo sb'i'il kulan ek' wa'n stajb'ajel kontribusyon jumasa b'a sb'aj ja mandaranum b'a Roma. Jaxa Jesusi, ti yal yab'a: —Nochowon—.
Jaxa Mateo wego stulu sb'aj snocho ja Jesusi.
10Ja k'ak'u jaw ja Jesús sok ja sneb'uman jumasa, ti waj wa'uke b'a snaj ja Mateo. Jaxa tiwi ti cho wa'ne wa'el tuk tajb'a kontribusyona, ja ye'nle'i mix kiswaniye. 11Yajni yilawe chab' oxe fariseo jumasa ti wa'n wa'el ja Jesús sok spetsanil ja jaw jumasa, ti sjob'owe yi ja sneb'uman jumasa:
—¿Jasyuj ja wa maestro'ex wax wa' sok ja tantik tajb'a kontribusyon sok ja tantik tuk mulanum b'a?
12Yajni yab' ja Jesús ja jas wa'ne yaljel ja fariseo jumasa, ti yal yabye'a:
—Ja ma' wax makuni yuj ja loktori, ja ma' mi lek ayi, mi ja'uk ja ma' lek ayi. 13Ka'axik, kax neb'awik jasun wa sk'ana yal ja Dyos ja it yala: ja wax k'ana ja ke'n a ajyuk syajal a k'ujolex sok ja kristyano, yuj ja oj ja wi'ex jan ki jmajtani. Ja ke'n ja jak jle' ja ma' ch'ayel ay b'a oj och jneb'umanil, mi ja'uk jakel jle' ja ma' toj ay wax yab'i.
Ja Jesusi, sje'a ja skomjel wa'eli
(Mr 2:18-22; Lc 5:33-39)
14Ja sneb'uman jumasa ja Juan it wax ya'a yi'jel ja'i, waj yil'e ja Jesusi, ti sjob'owe yi'a:
—Ja ke'ntikon sok ja fariseo jumasa, wax komotikon jitsan majke ja jwa'eltikoni. ¿Jasyuj ja mi jach' wa sk'u'lan wa neb'uman jumasa we'n b'a?
15Ti jak'ji yi'e yuj ja Jesusi:
—Ja ma'tik wax lokji b'a jun ch'ak ab'ali, mi cham k'ujol wax ajyi ye yuj ja ti'to ay soke ja kerem ma' oj nupanuki. Kechan oj k'otuk ja k'ak'u oj i'juk yi'e ja keremi, ja' k'ak'u jaw ja lok jumasa ojni skom ja swa'ele'a.#9:15 Yuj ja skomjel ja wa'eli: Ja judio jumasa k'ajyel ja wa skomo ja swa'ele ja kwando ay ma' wax chami, ma kwando ajyi jun desgrasia. Ja'yuj wa sta'a ti' cham k'ujol, a'nima ja b'a parte iti, ja' wax yala jastal oj chamuk ja Jesusi.
16Jun juna'al b'a mixa lekuk wa'n k'ax ch'i'i, mi oj b'ob' maktontaxuk sok jun yajk'achil k'u'uts. Yuj ja yajnix waj chuk'xuk ja juna'al jawi, ja ajk'ach k'u'utsi, oj sujb'uk, ti oj ch'ak ch'i' spetsanila; jel niwan oj wajuk ja sch'i'elali.
17—Cho mini b'a jun ye'tal b'a mixa lekuk mi oj a'xi och ya'lel ts'usub' b'a yajk'achil, yuj ja yajnix waj pajb'uk ja ajk'ach ya'lel ts'usub'i, ojni sch'i'el ja ye'tal b'a mixa lekuka; yuj k'a jach' jastal jawi oj ch'ak pek'uk ja ya'lel ts'usub'i, jach'ni ja ye'tali oj ch'ay sna'jel. Ja'yuj ta yuj k'a yajk'achil ja ya'lel ts'usub'i, cho jelni t'ilan yajk'achil ja ye'tali. Ja jachuki, mini ja ya'lel ts'usub'i, sok mini ja ye'tal oj ch'ayuk.
Jun yal ak'ix chami, sok jun ixuk mi lek ay
(Mr 5:21-43; Lc 8:40-56)
18Ti'to wa'n lo'il ja Jesús ja yajni k'ot jun ma' ay ya'tel yuj ja judio jumasa, ti ko' mek'an b'a sti' sat ja Jesusi, ti yal yab'a: —Ja yal kak'ixi, wa'nto chami— Ja' lek yuj wanuk la jak b'a oj ja wa' kajan wa k'ab' ja b'a skwerpo, ojni sak'wuka—.
19Ti stulu sb'aj ja Jesusi, waj sok. Cho waj mojtajuk yuj ja sneb'uman jumasa.
20-21Ja b'a b'eji, ti sta'awe jun ixuk ayxa lajchawe (12) jab'il mi lek ay. Ja schamel ja ixuk jawi, ja mi smaka sb'aj ja chamel wax yila. Yajni yila ja ixuk jaw ek' ja Jesusi, ti ek' sk'ujola: —A'nima kechan oj yamyi ja snich ja sk'u' ja Jesusi, sok ja jawi, ojni tojb'ukona—. Ja'yuj, ti och mojan b'a spatik ja Kajwaltiki, jachuk ti syama yi ja sk'u'i. 22Ti sutu sb'aj ja Jesusi, ti yila ja ixuk jawi, ti yal yab'a: —Mixax cham a k'ujol, yuj ja a k'u'an ja Dyosi, ja'yuj tojb'iyata, x'utji ja ixuk jawi.
Merani'a yujni ti tojb'i kan ja k'ak'u jawa.
23Yajni el ja Jesús ja tiwi, ti k'ot b'a snaj jun winik judio ye'n ay ya'tel. Yajni k'oti, ti yila chapanxa ja k'inanum b'a oj wajuke ja mukwaneli, jaxa tuk jumasa wa'nexta ok'el. 24Jaxa Jesusi, ti yal yabye'a: —Ch'akan elanik ja ili. Ja yal ak'ixi, mi chameluk, kechan wa'n wayel, xchi ja Jesusi.
Jaxa ma'tik tey tiwi, kechan och stse'uke ja Jesusi. 25Yajni ch'ak el spetsanile'i, ti och ja Jesusi, syama yi ja sk'ab' ja yal ak'ixi, jaxa yal ak'ix jawi, wego k'e'i.
26Spetsanil ja chonab' jumasa b'a mojan yi'oj sb'aji, ch'ak yabye ja jas sk'u'lan ja Jesusi.
Ja Jesusi ya tojb'uk chawane ma mi xyila k'inal
27Yajni el ja Jesús ja tiwi, nochji yuj chab' winik mix yila k'inal, ti och yawa ye'a:
—Jesús, we'nani ja Mesiasi, talna jya'ujlaltikon—
28Ja ma'tik mix yila k'inali, snochowe ja Jesús man b'a na'its k'oti. Yajni ti'xa aye b'a yoj na'itsi, ti job'ji yi'e yuj ja Jesusi:
—¿Wa'n maxa k'u'anex ja we'nlex ke oj ka tojb'anik?
Jaxa ye'nle'i, ti yalawe'a:
—Wa'n Kajwal, wax k'u'antikon.
29Ja'yuj ja Jesusi, ti syamayi ja sate'i, ti yala'a:
—Yuj ja wa k'u'anonexi, ojni tojb'anika.
30Wego yilawe k'inal ja ma' tupel sat ajyi. Ti alji yabye yuj ja Jesusi:
—Mok ma a wal'ex yab' jastal a wilawex k'inal.
31Jasa, yajni elye ja tiwi, ti ch'ak spuk e' ek' b'a spetsanil ja chonab' jumasa ja jas sk'u'lan ja Jesusi.
Ja Jesús ya tojb'uk june mix k'umani
32Tsa'an yajni elye b'a na'its ja winike jumasa jawi, ti cho k'otye chab' oxe yi'oje och yi ja Jesús jun winik jel tsats wa'n ixtalajel yuj ja tan pukuji, mixax a'ji k'umanuk. 33Jaxa Jesusi, yajni snutsu el ja tan pukuji, ja winiki b'ob' k'umanuk. Jaxa ma'tik tey tiwi, jel cham k'ujol kanye, ti wax yalawe'a: —Mini b'a wax ilxi, ja jastal it ja b'a slujmal ja israelenio—.
34Jaxa fariseo jumasa, ti wax yalawe'a: —Ta yuj k'a wa snutsu ja tantik pukuj jumasa ja Jesusi, yuj ja wax a'ji yip yuj ja tan ma' ay ya'tel yuj spetsanil ja tantik pukuj jumasa—.
Ja Jesusi, stalna sya'ujlal ja kristyano'i
35Ja Jesusi, ch'ak sb'ejtes ek' ja niwak chonab' sok ja yal ch'in chonab' jumasa. Ti wa sje'a ek' b'a snajtsil tsomjel jumasa, ja jas lek sok b'a tsamal ja b'a wa sk'ulan mandar ja Dyosi, sok wax ch'ak ya tojb'uk spetsanil ja kristyano ma' mi lek ayi. 36Jaxa yajni yila ja Jesús jel jitsan ja kristyano jumasa nochob'al yuji, ti jak syajal sk'ujol soke'a, yuj ja yila yuj jomel olom aye ek'i, mey yi'oje ma' oj koltajuke yuj. —Lajan sok jastal jun nole chej b'a mey talnuman—.
37Jaxa Jesusi, ti yal yab' ja sneb'uman jumasa: —Jel jitsan ja ma wa sk'ana oj ya' sb'aj ja b'a wa sk'ulan mandar ja Dyosi, jel t'usan ja neb'uman jumasa ma' oj waj yal ja tsamal yab'al ja Dyosi. 38Ja'yuj, k'anawik yi ja Dyos a sjek tuk neb'uman b'a oj waj yal yab' ja tsamal ab'al ja kristyano jumasa jawi—.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021