Mateo 22
22
Ja ch'ak ab'ali
(Lc 14:15-24)
1Ja Jesusi, cho yal yab' pilan senya lo'il ja pagre jumasa sok ja ma'tik ay ya'tel yuj ja judio jumasa, sok ja fariseo jumasa:
2Ja b'a wa sk'ulan mandar ja Dyosi, ja lajan sok ja jastal sk'u'lan jun mandaranum, sk'u'lan jun niwan k'in b'a ya ch'ak yab'alil ja yunin keremi. 3Ja mandaranumi, sjeka ja ya'tijum jumasa b'a oj waj spay jan ja ma'tik lok ay ja b'a k'ini. Jaxa ma'tik lokob'ali, mi sk'ana oj wajuke. 4Jaxa mandaranumi, ti sjeka pilan ya'tijuma, yal yabye jach' oj yal'e jastal ita; Ja wa'eli, nakaxa lek ay. Jekata miluman ja kojlel wakax jumasa. La'ikxa ja b'a k'in ch'ak ab'ali, la wa'anik, utajik.
5—Jaxa ma'tik waj lokjuki, mini t'un kisa we'a, ja juni ja waj sk'u'luk ja jas wa sk'ana ja ye'n. Ja juni waj yil yalaj, ja juni ja waj yil ja jas wa schono, 6jaxa tuk jumasa syamawe ja ya'tijum ja mandaranumi, syajb'ese lek man smilawe.
7—Jaxa mandaranumi, jel tajki, ti sjeka ja soldado jumasa yi'oji, ch'ak waj smil ja lok jumasa jawi, ch'ak slap'e kan yi k'ak' ja chonab'ile b'a ajyiye'i. 8Tsa'an ja mandaranumi, ti yal yab' ja ya'tijum jumasa: Ja k'in b'a ch'ak ab'ali, nakaxa lek ay, jaxa ma'tik lokxiye b'ajtani, yujni mi sb'ejuk ye'n oj jakuke'a. 9Ja ya'ni ka'axik ja b'a kaye jumasa, ch'akan lokowik jan spetsanil ja ma' oj a ta'exi, a jakuke ja b'a k'in ch'ak ab'ali.
10—Jachuk ja a'tijum jumasa, wajye ja b'a kaye jumasa, waj slok e jan ja kristyano jumasa, b'a lek ja smodo'e'i ma miyuk ch'ak stsom'e jani; jachuk b'ut' ja na'its ja b'ay ja k'in sb'a ch'ak ab'ali.
11—Jaxa mandaranumi, yajni och k'ot ja b'a na'its jawi b'a oj sna' sb'aj ja lok jumasa, ti yila june mi ja'uk lapan yuj ja sk'u' swex b'a k'in nupaneli, 12ti yal yab'a: —Jaxa we'ni— ¿Jastal a k'u'lan ja ochya jan a ili, mi lapanuk a wuj ja wa k'u'awex b'a k'inta?
—Jaxa winik jawi, mini jas yala'a. 13Ja'yuj ja mandaranumi, ti yal yab' ja ya'tijumi: Mochowik ja yok sk'ab'i, jipawik el b'a yoj k'ik'inal; ja tiwi jel ja ok'eli, wanxtax ya'we jech'eljuk ja ye'je ja ma'tik tey tiw yuj ja swokole'i.
14—Merani ye'na ja ma' wax lokji b'a oj ochuk ja b'a sk'ulan mandar ja Dyosi, jel jitsan, jasa ja ma' oj tsa'juki, jel t'usan—.
K'ulji probar ja Jesusi
(Mr 12:13-17; Lc 20:20-26)
15Jun k'ak'u ja fariseo jumasa stsomo sb'aje ti och yi' yab'al sb'aje b'a jastal oj ya'we k'umanuk b'a mi lekuk ja Kajwaltik Jesusi. 16Ti sjekawe chab' oxe ja sneb'uman ye'nle lajan sok ja swinik jumasa ja mandaranum Herodesi, b'a oj waj yal'e yab' ja Jesusi:
—Je'uman, ja ke'ntikoni, wax na'atikon spetsanil ja jas waxa wala smeranil. We'n wax cho a je'ayi ja kristyano jumasa t'ilan oj sk'u'uke ja Dyosi. Ja we'n mi a wocheluk ja jas wax yala ja tuk jumasa yuj ja jastik wa'na sje'jeli, ja we'n mi wa'nuka k'umal b'a jach' lek oj yil'a ja kristyano jumasa. 17Ja ya'ni ala kab'tikon jastal waxa na'a ja we'n: ¿Sb'ej a ma oj ka'tikon yi kontribusyon ja mandaranum b'a Roma, ma miyuk?
18Jaxa Jesusi, was sna' jasunk'a mi lek wan ek'el sk'ujole'i, ti yal yabye'a:
—Ja we'nlex chab' pensar ayex— ¿Jasyuj ja lom waxa k'ana oj ja wil k'ujol lukonex b'a? 19Je'awik ki jun sat tak'in ja it k'ajyel waxa tupuwex sok ja kontribusyoni.
Ja'yuj ti yi'aje jan jun sat tak'in b'a sakal tak'ina, 20ti job'ji yi'e yuj ja Jesusi:
—¿Ma' sat ja tey b'a tak'in jawi? ¿Ma' sb'i'il ja ti ts'ijb'anub'ali?
21Ti yalawe ja ye'nle'i:
—Ja sb'a mandaranum Cesar b'a Roma.
Ti alji yabye yuj ja Jesusi:
—Jayuj a'wik yi ja mandaranum Cesar ja b'a sb'aj ye'n, cho a'wik yi ja b'a sb'a ye'n ja Dyosi.
22Jel cham sk'ujole ja fariseo jumasa ja yajni ch'ak smakla ye ja jas alji yabye'i, ti'xa wajye'a.
Ja saduseo jumasa sk'umane' ja Jesusi
(Mr 12:18-27; Lc 20:27-40)
23Ja mismo k'ak'u jawi, ay chab' oxe saduseo waj skumuke ja Jesusi. Ja saduseo jumasa mi sk'u'ane ta ojto sak'wuk ja ma chamelxa, 24ja'yuj ti sjob'owe yi ja Jesusi:
—Je'uman, ja Moisesi, jach' sts'ijb'a kan jastal iti, jun winik ta yuj k'a wax chami mini jun yuntikil ajyi sok ja sche'umi, ja yijts'in ja winik jawi, ja oj nupanuk sok ja ma' cham ja statami, ojni ajyuk yuntikile'a. Jach'ni jastal wax yala ja smandari, ja yal untik oj ajyuki, ye'nani oj cho sb'ajuk ja chamel winika, ja oj i'juk yi ja sb'i'ili.
25—Lek ay, ajyi jukwane winik smoj alijel sb'aje. Ja b'ankilali nupani, tsa'an chami mini jun yuntikil kana. Jaxa ijts'inali ye'n cho nupani sok ja sche'um ajyi ja b'ankilali, 26cho jach'ni ja ye'n ja tsa'ani, chami mini jun yuntikil ya'kana. Jach' junxta cho ek' yuj ja b'a yoxili. Sjukwanile jach' ch'ak ek' yujile jastal jawi. 27Tsa'an cham ja ixuk jawi.
28—Jaxa yajnix waj ya sak'wuk ja Dyos ja ma'tik chamelxa, ¿Mach'xa junuk ja b'a sjukwanile oj yi'kan ja ixuk jawi, yu ja sjukwanile nupaniye sok?
29Ti yala ja Jesusi:
—Ja we'nlexi, jomel olom ayex. Mixa na'awex ja jas wax yala ja b'a ts'ijb'anub'al ja yab'al ja Dyosi, cho mini ja yip ja Dyosi, mi jas xa na'awex. 30Yajnix waj ya sak'wuk ja Dyos ja ma'tik chamelxa, mixani ma oj b'ob' nupanuka, yuj ja spetsanil ja kristyano ja'xa oj slaj'e' jastal ja anjel jumasa b'a satk'inali. 31Ja'yuj ja yajni xwaj sak'wuk ja ma'tik chamelxa, oj b'ob' a k'umukex ja b'a ts'ijb'anub'al ja yab'al ja Dyosi, ti oj a wabyex jach' alji yab' jastal it ja Moises yuj ja Dyosi: 32Ke'n Dyoson yuja Abrahami, ja Isaak sok ja Jacob ma' ek' paxta a wujilexi. Ja'yuj tak ja Dyosi, mi Dyosuk yuj cham winik, jas Dyos ja ma'tik sak'an ayi. Spetsanil ja ma'tik chamelxa ja Dyosi, sak'an ay wax yila.#22:32 Ja jas yala ja Kajwaltik Jesusi, yuj k'a toyji ja Dyos yuj ja Abrahami, ja Isaak sok ja Jacobi, entonces yuj sak'an aye ja ye'nle'i, porke ja Dyosi, jas Dyos ja ma'tik sak'an ayi.
33Yajni ch'ak yabye ja kristyano jumasa ja jastal wa sje'a ja Jesusi, jel cham ja sk'ujol'ei.
Ja chab' smandar ja Dyos mas niwaki
(Mr 12:28-34)
34Yajni yabye ja fariseo jumasa, mixa a'ji k'umanuke ja saduseo jumasa yuj ja Jesusi, ti stsomo sb'aje b'a waj sk'umuke ja Jesusi. 35Ay june ja ye'nle jel sna'a ja smandar ja judio jumasa, wa sk'ana oj yil sk'ujol ti sjob'o yi'a:
36—Je'uman, ¿B'a spetsanil ja smandar ja Dyosi, b'aya mas t'ilan b'a?
37-38Ti jak'ji yi yuj ja Jesusi:
—Ja sb'ajtanil smandar b'a mas niwani, ja it wax yala jastal iti: Yaj oj ja wab' ja wa Dyos sok spetsanil ja wa k'ujoli, sok spetsanil wa waltsili 39Jaxa b'a schab'il ja smandar mas niwan sok t'usan mi oj slaj ja b'a b'ajtani, ja it wax yala jastal iti: Yajta ja wa moj jastal waxa yajta a b'aj ja we'ni. 40Spetsanil ja jas wa sje'aki'tik ja b'a ts'ijb'anub'al ja smandar ja Dyosi, ja'ni chikan ta wax k'u'antik ja chab' mandar jumasa ita.
Ja jas wa sjob'owe yuj ja Mesiasi
(Mr 12:35-37; Lc 20:41-44)
41Yajni ti'to tsomane ja fariseo jumasa, Ja Jesusi, ti sjob'o yi'le'a:
42—¿Ja Mesiasi, ma' yintil b'a?
Jaxa ye'nle'i, ti yalawe'a:
—Ja'ni yintil ja mandaranum Davidi.
43-45Ti alji yabye yuj ja Jesusi:
—Yuj ja koltaji yuj ja Espiritu Santo ja Davidi, ja'yuj ti sts'ijb'an jastal ita:
Ti alji yab' yuj Dyos ja Kajwaltik Mesiasi:
Ja b'a wax k'u'lan mandari ti la ajyi kulan b'a stojol jk'ab'
man oj ch'ay sna'jel ja ma mi lek wax yilawa.
—Alawik kab'i: Ta ye'n ja mandaranum David ja wax yajwalan ja Mesiasi, ¿Jastal ay ja wax cho yala ye'n yintil b'a? —Man ye'ni ja Davidi, wax yila mas niwan ja Mesiasi—.
46Mini jun ma' b'ob' sjak'yi ja jas yala ja Jesusi, man k'ak'u jawi, jayuj mixa ma' ay jas b'ob' sjob' yujile'a.
Currently Selected:
Mateo 22: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Mateo 22
22
Ja ch'ak ab'ali
(Lc 14:15-24)
1Ja Jesusi, cho yal yab' pilan senya lo'il ja pagre jumasa sok ja ma'tik ay ya'tel yuj ja judio jumasa, sok ja fariseo jumasa:
2Ja b'a wa sk'ulan mandar ja Dyosi, ja lajan sok ja jastal sk'u'lan jun mandaranum, sk'u'lan jun niwan k'in b'a ya ch'ak yab'alil ja yunin keremi. 3Ja mandaranumi, sjeka ja ya'tijum jumasa b'a oj waj spay jan ja ma'tik lok ay ja b'a k'ini. Jaxa ma'tik lokob'ali, mi sk'ana oj wajuke. 4Jaxa mandaranumi, ti sjeka pilan ya'tijuma, yal yabye jach' oj yal'e jastal ita; Ja wa'eli, nakaxa lek ay. Jekata miluman ja kojlel wakax jumasa. La'ikxa ja b'a k'in ch'ak ab'ali, la wa'anik, utajik.
5—Jaxa ma'tik waj lokjuki, mini t'un kisa we'a, ja juni ja waj sk'u'luk ja jas wa sk'ana ja ye'n. Ja juni waj yil yalaj, ja juni ja waj yil ja jas wa schono, 6jaxa tuk jumasa syamawe ja ya'tijum ja mandaranumi, syajb'ese lek man smilawe.
7—Jaxa mandaranumi, jel tajki, ti sjeka ja soldado jumasa yi'oji, ch'ak waj smil ja lok jumasa jawi, ch'ak slap'e kan yi k'ak' ja chonab'ile b'a ajyiye'i. 8Tsa'an ja mandaranumi, ti yal yab' ja ya'tijum jumasa: Ja k'in b'a ch'ak ab'ali, nakaxa lek ay, jaxa ma'tik lokxiye b'ajtani, yujni mi sb'ejuk ye'n oj jakuke'a. 9Ja ya'ni ka'axik ja b'a kaye jumasa, ch'akan lokowik jan spetsanil ja ma' oj a ta'exi, a jakuke ja b'a k'in ch'ak ab'ali.
10—Jachuk ja a'tijum jumasa, wajye ja b'a kaye jumasa, waj slok e jan ja kristyano jumasa, b'a lek ja smodo'e'i ma miyuk ch'ak stsom'e jani; jachuk b'ut' ja na'its ja b'ay ja k'in sb'a ch'ak ab'ali.
11—Jaxa mandaranumi, yajni och k'ot ja b'a na'its jawi b'a oj sna' sb'aj ja lok jumasa, ti yila june mi ja'uk lapan yuj ja sk'u' swex b'a k'in nupaneli, 12ti yal yab'a: —Jaxa we'ni— ¿Jastal a k'u'lan ja ochya jan a ili, mi lapanuk a wuj ja wa k'u'awex b'a k'inta?
—Jaxa winik jawi, mini jas yala'a. 13Ja'yuj ja mandaranumi, ti yal yab' ja ya'tijumi: Mochowik ja yok sk'ab'i, jipawik el b'a yoj k'ik'inal; ja tiwi jel ja ok'eli, wanxtax ya'we jech'eljuk ja ye'je ja ma'tik tey tiw yuj ja swokole'i.
14—Merani ye'na ja ma' wax lokji b'a oj ochuk ja b'a sk'ulan mandar ja Dyosi, jel jitsan, jasa ja ma' oj tsa'juki, jel t'usan—.
K'ulji probar ja Jesusi
(Mr 12:13-17; Lc 20:20-26)
15Jun k'ak'u ja fariseo jumasa stsomo sb'aje ti och yi' yab'al sb'aje b'a jastal oj ya'we k'umanuk b'a mi lekuk ja Kajwaltik Jesusi. 16Ti sjekawe chab' oxe ja sneb'uman ye'nle lajan sok ja swinik jumasa ja mandaranum Herodesi, b'a oj waj yal'e yab' ja Jesusi:
—Je'uman, ja ke'ntikoni, wax na'atikon spetsanil ja jas waxa wala smeranil. We'n wax cho a je'ayi ja kristyano jumasa t'ilan oj sk'u'uke ja Dyosi. Ja we'n mi a wocheluk ja jas wax yala ja tuk jumasa yuj ja jastik wa'na sje'jeli, ja we'n mi wa'nuka k'umal b'a jach' lek oj yil'a ja kristyano jumasa. 17Ja ya'ni ala kab'tikon jastal waxa na'a ja we'n: ¿Sb'ej a ma oj ka'tikon yi kontribusyon ja mandaranum b'a Roma, ma miyuk?
18Jaxa Jesusi, was sna' jasunk'a mi lek wan ek'el sk'ujole'i, ti yal yabye'a:
—Ja we'nlex chab' pensar ayex— ¿Jasyuj ja lom waxa k'ana oj ja wil k'ujol lukonex b'a? 19Je'awik ki jun sat tak'in ja it k'ajyel waxa tupuwex sok ja kontribusyoni.
Ja'yuj ti yi'aje jan jun sat tak'in b'a sakal tak'ina, 20ti job'ji yi'e yuj ja Jesusi:
—¿Ma' sat ja tey b'a tak'in jawi? ¿Ma' sb'i'il ja ti ts'ijb'anub'ali?
21Ti yalawe ja ye'nle'i:
—Ja sb'a mandaranum Cesar b'a Roma.
Ti alji yabye yuj ja Jesusi:
—Jayuj a'wik yi ja mandaranum Cesar ja b'a sb'aj ye'n, cho a'wik yi ja b'a sb'a ye'n ja Dyosi.
22Jel cham sk'ujole ja fariseo jumasa ja yajni ch'ak smakla ye ja jas alji yabye'i, ti'xa wajye'a.
Ja saduseo jumasa sk'umane' ja Jesusi
(Mr 12:18-27; Lc 20:27-40)
23Ja mismo k'ak'u jawi, ay chab' oxe saduseo waj skumuke ja Jesusi. Ja saduseo jumasa mi sk'u'ane ta ojto sak'wuk ja ma chamelxa, 24ja'yuj ti sjob'owe yi ja Jesusi:
—Je'uman, ja Moisesi, jach' sts'ijb'a kan jastal iti, jun winik ta yuj k'a wax chami mini jun yuntikil ajyi sok ja sche'umi, ja yijts'in ja winik jawi, ja oj nupanuk sok ja ma' cham ja statami, ojni ajyuk yuntikile'a. Jach'ni jastal wax yala ja smandari, ja yal untik oj ajyuki, ye'nani oj cho sb'ajuk ja chamel winika, ja oj i'juk yi ja sb'i'ili.
25—Lek ay, ajyi jukwane winik smoj alijel sb'aje. Ja b'ankilali nupani, tsa'an chami mini jun yuntikil kana. Jaxa ijts'inali ye'n cho nupani sok ja sche'um ajyi ja b'ankilali, 26cho jach'ni ja ye'n ja tsa'ani, chami mini jun yuntikil ya'kana. Jach' junxta cho ek' yuj ja b'a yoxili. Sjukwanile jach' ch'ak ek' yujile jastal jawi. 27Tsa'an cham ja ixuk jawi.
28—Jaxa yajnix waj ya sak'wuk ja Dyos ja ma'tik chamelxa, ¿Mach'xa junuk ja b'a sjukwanile oj yi'kan ja ixuk jawi, yu ja sjukwanile nupaniye sok?
29Ti yala ja Jesusi:
—Ja we'nlexi, jomel olom ayex. Mixa na'awex ja jas wax yala ja b'a ts'ijb'anub'al ja yab'al ja Dyosi, cho mini ja yip ja Dyosi, mi jas xa na'awex. 30Yajnix waj ya sak'wuk ja Dyos ja ma'tik chamelxa, mixani ma oj b'ob' nupanuka, yuj ja spetsanil ja kristyano ja'xa oj slaj'e' jastal ja anjel jumasa b'a satk'inali. 31Ja'yuj ja yajni xwaj sak'wuk ja ma'tik chamelxa, oj b'ob' a k'umukex ja b'a ts'ijb'anub'al ja yab'al ja Dyosi, ti oj a wabyex jach' alji yab' jastal it ja Moises yuj ja Dyosi: 32Ke'n Dyoson yuja Abrahami, ja Isaak sok ja Jacob ma' ek' paxta a wujilexi. Ja'yuj tak ja Dyosi, mi Dyosuk yuj cham winik, jas Dyos ja ma'tik sak'an ayi. Spetsanil ja ma'tik chamelxa ja Dyosi, sak'an ay wax yila.#22:32 Ja jas yala ja Kajwaltik Jesusi, yuj k'a toyji ja Dyos yuj ja Abrahami, ja Isaak sok ja Jacobi, entonces yuj sak'an aye ja ye'nle'i, porke ja Dyosi, jas Dyos ja ma'tik sak'an ayi.
33Yajni ch'ak yabye ja kristyano jumasa ja jastal wa sje'a ja Jesusi, jel cham ja sk'ujol'ei.
Ja chab' smandar ja Dyos mas niwaki
(Mr 12:28-34)
34Yajni yabye ja fariseo jumasa, mixa a'ji k'umanuke ja saduseo jumasa yuj ja Jesusi, ti stsomo sb'aje b'a waj sk'umuke ja Jesusi. 35Ay june ja ye'nle jel sna'a ja smandar ja judio jumasa, wa sk'ana oj yil sk'ujol ti sjob'o yi'a:
36—Je'uman, ¿B'a spetsanil ja smandar ja Dyosi, b'aya mas t'ilan b'a?
37-38Ti jak'ji yi yuj ja Jesusi:
—Ja sb'ajtanil smandar b'a mas niwani, ja it wax yala jastal iti: Yaj oj ja wab' ja wa Dyos sok spetsanil ja wa k'ujoli, sok spetsanil wa waltsili 39Jaxa b'a schab'il ja smandar mas niwan sok t'usan mi oj slaj ja b'a b'ajtani, ja it wax yala jastal iti: Yajta ja wa moj jastal waxa yajta a b'aj ja we'ni. 40Spetsanil ja jas wa sje'aki'tik ja b'a ts'ijb'anub'al ja smandar ja Dyosi, ja'ni chikan ta wax k'u'antik ja chab' mandar jumasa ita.
Ja jas wa sjob'owe yuj ja Mesiasi
(Mr 12:35-37; Lc 20:41-44)
41Yajni ti'to tsomane ja fariseo jumasa, Ja Jesusi, ti sjob'o yi'le'a:
42—¿Ja Mesiasi, ma' yintil b'a?
Jaxa ye'nle'i, ti yalawe'a:
—Ja'ni yintil ja mandaranum Davidi.
43-45Ti alji yabye yuj ja Jesusi:
—Yuj ja koltaji yuj ja Espiritu Santo ja Davidi, ja'yuj ti sts'ijb'an jastal ita:
Ti alji yab' yuj Dyos ja Kajwaltik Mesiasi:
Ja b'a wax k'u'lan mandari ti la ajyi kulan b'a stojol jk'ab'
man oj ch'ay sna'jel ja ma mi lek wax yilawa.
—Alawik kab'i: Ta ye'n ja mandaranum David ja wax yajwalan ja Mesiasi, ¿Jastal ay ja wax cho yala ye'n yintil b'a? —Man ye'ni ja Davidi, wax yila mas niwan ja Mesiasi—.
46Mini jun ma' b'ob' sjak'yi ja jas yala ja Jesusi, man k'ak'u jawi, jayuj mixa ma' ay jas b'ob' sjob' yujile'a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021