Mateo 19
19
Ja ma' nupaneli mi sb'ejuk oj spil sb'aj
(Mr 10:1-12; Lc 16:18)
1Yajni ch'ak ja ya'tel ja Jesús ja b'a lugar jumasa b'a slujmal Galilea ti'xa ela, ti waj b'a slujmal Judea, b'a stojol wax jak ja k'ak'u yuj ja niwan ja' Jordani. 2Jel jitsan ja kristyano nochji yuji, ti' ya tojb'uk tiw spetsanil ja ma'tik mi lek aye'i.
3Ti' k'ot chab' oxe fariseo ja b'ay ja Jesús wa sk'ana oj skulke probar, ti sjob'owe yi'a:
—¿Ala kab'tikon, ja ma' nupaneli, sb'ej a ma oj spil sb'aje ta yuj k'a wax k'e'ye jun ab'al k'umali?
4Ti alji yabye yuj ja Jesusi:
—¿Mi a ma waxa na'awex ja jas wax yala ja b'a ts'ijb'anub'al ja yab'al ja Dyos b'a? Ja tiwi, ti ts'ijb'anub'ala, ja Dyos ja najate sk'u'lan winik sok ixuk, b'a jach' lajan oj ajyuke. 5Ja'yuj ti yala ja Dyosi: Ja winiki, ojni ya'kan ja snan stat ja yajnix nupani sok ja sche'umi, ye'nani lajan oj ajyuke'a. Schawanile, june'ita oj ajyuke. 6Ja'yuj ja ma' wax nupani, mixani chawane'uke'a, lajan sok kechanxta june'e. Ja'yuj ja Dyosi ye'n ya sta' sb'a ja winik sok ja ixuki, mini ma' oj ya spil sb'aja.
7Jaxa fariseo jumasa, ti sjob'owe'a:
—Ta yuj k'a jach' jastal jawi, ¿Jasyuj ja yala ja Moises oj b'ob' spil sb'aj sok ja sche'um ja winiki, kechan oj a'xuk yi jun ju'un b'a oj yal ke spilata sb'aje?
8Ti jak'ji yi'e yuj ja Jesusi:
—Jach' yala ja Moises oj b'ob' a pil a b'ajex ja'yuj ja jel ch'u'uy ja wa k'ujolexi, sok yujni mixa k'ana oj a k'u'ukex ja Dyosi. Jaxa Dyosi, man najate mini wa sk'ana oj spil sb'aj sok ja sche'um ja winika. 9Jaxa ke'n wax kala ta yuj k'a me' sle'a smul sok tuk winik ja wa che'umi, mini oj b'ob' a pil a b'aj soka, cho mini oj b'ob' nupanan sok pilan ixuk. Yuj k'a jach' a k'u'lan, ojni a'ji a tup yuj ja mila ajyi toj sok ja wa che'umi, —xchi ja Jesusi.
10Ti alji yab' yuj ja sneb'uman jumasa ja Jesusi:
—Yuj k'a jach' oj ek' yuj jastal jaw ja ma nupaneli, mas lek, mi lom ma'x nupani.
11Ti jak'ji yi'e yuj ja Jesusi:
—Ja jastal iti, mi chikan chikanxta ma oj yab' sb'ej, kechan ja ma yaloj yab' ja Dyos yujni mi oj nupanuki. 12Merani ye'na, ayni ma' mix nupani'a, yuj ja yajni me'x manxi ye'i, ay jas wax timji yuj mi oj b'ob' nupanuk. Cho ay ma' mix b'ob' nupanuk yuj ja ay ma' jomob'al yi yuj ja skwerpo. Cho ay ma' mix b'ob' nupanuk yuja kechan ja oj ya'telta ja smandar ja Dyosi. Ja'yuj tak yuj ja wax je'xi ja jastal iti, ja'ita sb'aj ja ma' wa sk'ana jach' oj ajyuk jastal iti.
Ja Jesús, sok ja yal untiki
(Mr 10:13-16; Lc 18:15-17)
13Chab' oxe nanal yi'aje och ja yal yuntikile b'a sti' sat ja Jesús b'a oj ya' kajan ja sk'ab' b'a s'olom ja yal untik jumasa jawi, b'a oj cho sk'umuk ja Dyos yuj ja ye'nle'i. Jaxa sneb'uman jumasa, mi yi'aje lek, yalawe ja jachuki mi sb'ejuk. 14Ja'yuj ja Jesusi ti yal yab' ja sneb'uman jumasa: —Aktayik ja yal untik jumasa a jak sta'one. Mi lomxa timawex; jasyuj ja b'a wa sk'ulan mandar ja Dyosi, kechan ja oj b'ob' ochuk ja ma oj slaj jastal ja yal untiki—.
15Jaxa Jesusi, ti ya' kajan ja sk'ab' b'a jujune ja yal untik jumasa, tsa'an ti'xa el ja b'a lugar jawa.
Ja kerem it jel ja jastik sb'aji
(Mr 10:17-31; Lc 18:18-30)
16Ti jak jun kerem jak sjob' yi ja Jesusi:
—Je'uman, ¿Jasunk'a lek oj k'u'luk b'a oj ta' ja jsak'anil b'a mi oj ch'akuki?
17Ti jak'ji yi yuj ja Jesusi:
—¿Jasyuj ja lom waxa job'o jasunka lek b'a? Kechan ja Dyos ja jel leki. Ta yuj k'a meran ja waxa k'ana ja wa sak'anili, k'u'an ja smandar jumasa ja Dyosi.
18Jaxa kerem jawi, ti cho sjob'o'a:
—¿Ja sb'e ja jaw b'a?
Ti alji yab' yuj ja Jesusi:
—Mok milwanan; mok a wi'ab'a sok pilan ixuk; mok elk'anan; mok a le' smul lom k'ik'inal ja wa moji; 19yajta sok talna ja wa nan a tati; cho yajta ja wa moj jumasa, jastal waxa yajta a b'aj ja we'ni.
20Ja'yuj ti yala ja kerem jawi:
—Spetsanil ja mandar jumasa jawi, wanix ch'ak jk'u'uk taka. ¿Jasunk'a was k'ana oj k'u'luk b'a?
21Ti alji yab' yuj ja Jesusi:
—Ta yuj k'a waxa k'ana toj oj ajyan, chono spetsanil ja jas a wi'oji, jaxa tuki, k'epa yi ja ma' jel ajula sb'aji. Ja jachuki, jel niwan ja wa majtan oj ya'wi ja Dyos b'a satk'inali. Tsa'an tila jak jmoka la nochowon.
22Yajni ch'ak yab' ja jastal jaw ja keremi, jel cham sk'ujol yuj ja jel ja jastik sb'aji.
23Ja'yuj ja Jesusi, ti yal yab' ja sneb'uman jumasa:
—Ja smeranili wax kala a wabyex, ja ma' jel ja jastik sb'aji, jel wokol oj ochuk ja b'a sk'ulan mandar ja Dyosi. 24Ja smeranili mas mi wokoluk oj ek' jun cameyo b'a jun chin sjotol ke yuj jun ja ma jel ja jastik sb'aj oj ochuk ja b'a wa sk'ulan mandar ja Dyosi.
25Jaxa sneb'uman jumasa ja Jesusi, jel cham sk'ujole ja yajni yabye jas yala, ti wax yala sb'aje ye'nle'ita'a:
—Ta yuj k'a jach' jastal jawi, ¿Machunk'a oj sta' skoltajel b'a?
26Ti k'elji ye yuj ja Jesusi, ti alji yabye'a:
—Ja jastal iti, ja kristyano jumasa, mi oj b'ob' yujile, ja Dyosi, spetsanil mini t'un wokoluk oj sk'u'luka.
27Ti yala ja Pedro:
—Na'a t'unuk ja ke'ntikoni, ch'akni ka'tikon kan spetsanil ja jas jb'ajtikon yuj ja jnochowatikoni. ¿Jasunk'a jmajtan oj ta'tikon b'a?
28Ti jak'ji yi'e yuj ja Jesusi:
—Oj kal a wabyex ja smeranili, a petsanilex ja we'nlexi, ti oj ajyanik jmok ja b'a oj a'juki b'a oj kulanukon b'a oj ka' ja mandar tsats lek yuj ja yuninon winik ja ke'n. Ja'yuj ja Dyosi, oj ch'ak stukb'es spetsanil ja jas jastik oj ch'ak ya ajk'achb'uki. Kada jujune ja we'nlexi, oj ja wal'ex yabye jujune ja lajchaw k'ole yi'oj ja israelenio jumasa. 29Ja'yuj spetsanil ja ma' snochowoni, ti ya'kan ja sche'umi, ja yuntikili, ja smoj alijel jumasa, ja wats jumasa, ja snan stati, ja snaji, ja slu'umi, oj a'juk a wi'ex jo' tajb'e (100) mas yuj ja janek' a wa'wex kani, mi kechanuk ja jawi, oj cho a ta'ex wa sak'anilex b'a mini oj ch'akuki. 30B'a'ya, ja ya'n jel jitsan ja ma niwan wax ya'a sb'aje'i, jelni ch'in oj iljuke'a, cho jach'ni ja ya'n k'ak'u ay ma' jel ch'in wax ya'a sb'aj, jelni niwan oj cho iljuke'a.
Currently Selected:
Mateo 19: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Mateo 19
19
Ja ma' nupaneli mi sb'ejuk oj spil sb'aj
(Mr 10:1-12; Lc 16:18)
1Yajni ch'ak ja ya'tel ja Jesús ja b'a lugar jumasa b'a slujmal Galilea ti'xa ela, ti waj b'a slujmal Judea, b'a stojol wax jak ja k'ak'u yuj ja niwan ja' Jordani. 2Jel jitsan ja kristyano nochji yuji, ti' ya tojb'uk tiw spetsanil ja ma'tik mi lek aye'i.
3Ti' k'ot chab' oxe fariseo ja b'ay ja Jesús wa sk'ana oj skulke probar, ti sjob'owe yi'a:
—¿Ala kab'tikon, ja ma' nupaneli, sb'ej a ma oj spil sb'aje ta yuj k'a wax k'e'ye jun ab'al k'umali?
4Ti alji yabye yuj ja Jesusi:
—¿Mi a ma waxa na'awex ja jas wax yala ja b'a ts'ijb'anub'al ja yab'al ja Dyos b'a? Ja tiwi, ti ts'ijb'anub'ala, ja Dyos ja najate sk'u'lan winik sok ixuk, b'a jach' lajan oj ajyuke. 5Ja'yuj ti yala ja Dyosi: Ja winiki, ojni ya'kan ja snan stat ja yajnix nupani sok ja sche'umi, ye'nani lajan oj ajyuke'a. Schawanile, june'ita oj ajyuke. 6Ja'yuj ja ma' wax nupani, mixani chawane'uke'a, lajan sok kechanxta june'e. Ja'yuj ja Dyosi ye'n ya sta' sb'a ja winik sok ja ixuki, mini ma' oj ya spil sb'aja.
7Jaxa fariseo jumasa, ti sjob'owe'a:
—Ta yuj k'a jach' jastal jawi, ¿Jasyuj ja yala ja Moises oj b'ob' spil sb'aj sok ja sche'um ja winiki, kechan oj a'xuk yi jun ju'un b'a oj yal ke spilata sb'aje?
8Ti jak'ji yi'e yuj ja Jesusi:
—Jach' yala ja Moises oj b'ob' a pil a b'ajex ja'yuj ja jel ch'u'uy ja wa k'ujolexi, sok yujni mixa k'ana oj a k'u'ukex ja Dyosi. Jaxa Dyosi, man najate mini wa sk'ana oj spil sb'aj sok ja sche'um ja winika. 9Jaxa ke'n wax kala ta yuj k'a me' sle'a smul sok tuk winik ja wa che'umi, mini oj b'ob' a pil a b'aj soka, cho mini oj b'ob' nupanan sok pilan ixuk. Yuj k'a jach' a k'u'lan, ojni a'ji a tup yuj ja mila ajyi toj sok ja wa che'umi, —xchi ja Jesusi.
10Ti alji yab' yuj ja sneb'uman jumasa ja Jesusi:
—Yuj k'a jach' oj ek' yuj jastal jaw ja ma nupaneli, mas lek, mi lom ma'x nupani.
11Ti jak'ji yi'e yuj ja Jesusi:
—Ja jastal iti, mi chikan chikanxta ma oj yab' sb'ej, kechan ja ma yaloj yab' ja Dyos yujni mi oj nupanuki. 12Merani ye'na, ayni ma' mix nupani'a, yuj ja yajni me'x manxi ye'i, ay jas wax timji yuj mi oj b'ob' nupanuk. Cho ay ma' mix b'ob' nupanuk yuj ja ay ma' jomob'al yi yuj ja skwerpo. Cho ay ma' mix b'ob' nupanuk yuja kechan ja oj ya'telta ja smandar ja Dyosi. Ja'yuj tak yuj ja wax je'xi ja jastal iti, ja'ita sb'aj ja ma' wa sk'ana jach' oj ajyuk jastal iti.
Ja Jesús, sok ja yal untiki
(Mr 10:13-16; Lc 18:15-17)
13Chab' oxe nanal yi'aje och ja yal yuntikile b'a sti' sat ja Jesús b'a oj ya' kajan ja sk'ab' b'a s'olom ja yal untik jumasa jawi, b'a oj cho sk'umuk ja Dyos yuj ja ye'nle'i. Jaxa sneb'uman jumasa, mi yi'aje lek, yalawe ja jachuki mi sb'ejuk. 14Ja'yuj ja Jesusi ti yal yab' ja sneb'uman jumasa: —Aktayik ja yal untik jumasa a jak sta'one. Mi lomxa timawex; jasyuj ja b'a wa sk'ulan mandar ja Dyosi, kechan ja oj b'ob' ochuk ja ma oj slaj jastal ja yal untiki—.
15Jaxa Jesusi, ti ya' kajan ja sk'ab' b'a jujune ja yal untik jumasa, tsa'an ti'xa el ja b'a lugar jawa.
Ja kerem it jel ja jastik sb'aji
(Mr 10:17-31; Lc 18:18-30)
16Ti jak jun kerem jak sjob' yi ja Jesusi:
—Je'uman, ¿Jasunk'a lek oj k'u'luk b'a oj ta' ja jsak'anil b'a mi oj ch'akuki?
17Ti jak'ji yi yuj ja Jesusi:
—¿Jasyuj ja lom waxa job'o jasunka lek b'a? Kechan ja Dyos ja jel leki. Ta yuj k'a meran ja waxa k'ana ja wa sak'anili, k'u'an ja smandar jumasa ja Dyosi.
18Jaxa kerem jawi, ti cho sjob'o'a:
—¿Ja sb'e ja jaw b'a?
Ti alji yab' yuj ja Jesusi:
—Mok milwanan; mok a wi'ab'a sok pilan ixuk; mok elk'anan; mok a le' smul lom k'ik'inal ja wa moji; 19yajta sok talna ja wa nan a tati; cho yajta ja wa moj jumasa, jastal waxa yajta a b'aj ja we'ni.
20Ja'yuj ti yala ja kerem jawi:
—Spetsanil ja mandar jumasa jawi, wanix ch'ak jk'u'uk taka. ¿Jasunk'a was k'ana oj k'u'luk b'a?
21Ti alji yab' yuj ja Jesusi:
—Ta yuj k'a waxa k'ana toj oj ajyan, chono spetsanil ja jas a wi'oji, jaxa tuki, k'epa yi ja ma' jel ajula sb'aji. Ja jachuki, jel niwan ja wa majtan oj ya'wi ja Dyos b'a satk'inali. Tsa'an tila jak jmoka la nochowon.
22Yajni ch'ak yab' ja jastal jaw ja keremi, jel cham sk'ujol yuj ja jel ja jastik sb'aji.
23Ja'yuj ja Jesusi, ti yal yab' ja sneb'uman jumasa:
—Ja smeranili wax kala a wabyex, ja ma' jel ja jastik sb'aji, jel wokol oj ochuk ja b'a sk'ulan mandar ja Dyosi. 24Ja smeranili mas mi wokoluk oj ek' jun cameyo b'a jun chin sjotol ke yuj jun ja ma jel ja jastik sb'aj oj ochuk ja b'a wa sk'ulan mandar ja Dyosi.
25Jaxa sneb'uman jumasa ja Jesusi, jel cham sk'ujole ja yajni yabye jas yala, ti wax yala sb'aje ye'nle'ita'a:
—Ta yuj k'a jach' jastal jawi, ¿Machunk'a oj sta' skoltajel b'a?
26Ti k'elji ye yuj ja Jesusi, ti alji yabye'a:
—Ja jastal iti, ja kristyano jumasa, mi oj b'ob' yujile, ja Dyosi, spetsanil mini t'un wokoluk oj sk'u'luka.
27Ti yala ja Pedro:
—Na'a t'unuk ja ke'ntikoni, ch'akni ka'tikon kan spetsanil ja jas jb'ajtikon yuj ja jnochowatikoni. ¿Jasunk'a jmajtan oj ta'tikon b'a?
28Ti jak'ji yi'e yuj ja Jesusi:
—Oj kal a wabyex ja smeranili, a petsanilex ja we'nlexi, ti oj ajyanik jmok ja b'a oj a'juki b'a oj kulanukon b'a oj ka' ja mandar tsats lek yuj ja yuninon winik ja ke'n. Ja'yuj ja Dyosi, oj ch'ak stukb'es spetsanil ja jas jastik oj ch'ak ya ajk'achb'uki. Kada jujune ja we'nlexi, oj ja wal'ex yabye jujune ja lajchaw k'ole yi'oj ja israelenio jumasa. 29Ja'yuj spetsanil ja ma' snochowoni, ti ya'kan ja sche'umi, ja yuntikili, ja smoj alijel jumasa, ja wats jumasa, ja snan stati, ja snaji, ja slu'umi, oj a'juk a wi'ex jo' tajb'e (100) mas yuj ja janek' a wa'wex kani, mi kechanuk ja jawi, oj cho a ta'ex wa sak'anilex b'a mini oj ch'akuki. 30B'a'ya, ja ya'n jel jitsan ja ma niwan wax ya'a sb'aje'i, jelni ch'in oj iljuke'a, cho jach'ni ja ya'n k'ak'u ay ma' jel ch'in wax ya'a sb'aj, jelni niwan oj cho iljuke'a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021