Mateo 17
17
Ja Jesusi, stukb'es sb'aj
(Mr 9:2-13; Lc 9:28-36)
1Tsa'an ek' wake k'ak'u, ti i'ji ye yuj ja Jesús ja Pedro, ja Santiago sok ja yijts'in Juan b'a jun cha'anil wits, b'a ti oj ajyuke stuch'ile tiwi. 2Ti b'a sti' sate stukb'es sb'aj ja Jesusi: Ja sati, wax lijpi jastal ja yijlab' ja k'ak'u, jaxa sk'u'i, sak lek jastal yijlab' ja k'ak'u yajni kulan leki. 3Ti'xta'a yilawe ja sneb'uman jumasa, ti wa'ne lo'il sok ja Jesús ja Moises sok ja aluman Dyos Eliasi.
4Jaxa Pedro ti yal yab' ja Jesusi: —Kajwal, —Jel lek ja ti aytik ili— Wa'n k'axa k'ana oj k'u'luktikon oxe yal na'its: June a b'aj we'na, june sb'a Moises sok june sb'a ja Elias—.
5Ti'to wa'n lo'il ja Pedro, jak musjuke el yuj jun nole ason, ja ason jawi, jex lijpi. B'a yojol ja ason jawi, ti yabye jun k'umala, ti wax yala'a: —Ja kunin ja iti, ja ke'n jex k'ana sok jel gusto ayon sok ja ye'n. Jaxa we'nlexi, jel t'ilan oj ja k'u'ukex ja jas wax yala—.
6Yajni yabye ja jastal it ja sneb'uman jumasa, ti ch'ak sjip sb'aje lu'uma, mixa b'ob' sk'el'e, jelxa wa'ne xiwel. 7Ti jak ta'juke mojan yuj ja Jesusi, ti yamjiye'a, ti alji yabye'a: —K'e'anik tulu a b'ajik, mi lom la xiwyex, —x'utji ye yuj ja Jesusi.
8Yajni stulu sb'aje'i, ti yilawe ja Jesusi, stuch'ilxa. 9Yajni ko'umexa kon b'a witsi, ti alji yabye yuj ja Jesusi:
—Ja jas a wilawexi, mok ma' a wal'ex yab'i, man oj ja wil'ex oj chamuk sok oj sak'wuk ja yunin ja winiki.
10Ti job'ji yi yuj ja sneb'umani:
—¿Jasyuj ja ma'tik wa sje'a ja mandar it a'ji yi ja Moises wax yalawe b'ajtan oj jakuk ja aluman Dyos Elias yuj ja Mesias b'a?
11Ti alji yabye yuj ja Jesusi:
—Ja jawi, smeranilni'a. Ja Eliasi, ye'n b'ajtan oj jak ch'ak schap spetsanil. 12Jasa, ja smeranil ja Eliasi, jakta; jaxa kristyano jumasa mi sna'awe sb'aj, ja'yuj ja' sk'u'laneyi ja jas wa sk'ana ja ye'nle'i. Jaxa ke'n, ja yuninon ja winiki, jach' oj cho sk'u'luke jastal jawi, sok jel oj ki' ja wokoli.
13Ja oxe sneb'uman jumasa ja Jesusi, ek' sk'ujole yuj ja wa'n sta'jel ti' ja Juan ma' ya'a yi'jel ja'i.
Ja Jesusi, ya tojb'uk jun kerem
(Mr 9:14-29; Lc 9:37-43)
14Yajni k'otye ja b'a'ye ja kristyano jumasa, ti och jan mojan jun winik jak sta' ja Jesusi, ti ko' mek'an b'a sti' sat 15ti yala'a:
—Kajwal, talna sya'ujlal ja yal jkeremi, cho kolta— Mi lek ay, jel wax yi'aj, wax tup ja yik'i. Yajni wax k'e' ja schameli, jitsan majke ti wax mok' yoj k'ak' ma b'a yoj ja'. 16Ki'aj jan yi ja wa neb'uman jumasa b'a oj ya'we tojb'uk, mi ja sk'u'lane yi'.
17Ti yala ja Jesusi:
—Ja we'nlexi, jel jomel olom ayex sok mixa k'u'anex ja Dyosi. ¿Mi oj kal yuj mi jas oj b'ob' a wujilex ja mi tey kon a mokexi? ¿Jas ora oj ja neb'ex b'a? —I'ajik jan ki il ja yal keremi, x'utjiye yuj ja Jesusi.
18Jaxa Jesusi, ti yal yab' ja tan pukuj it tey sok ja yal keremi, st'ena t'ilan ke a eluk ja b'a'yi. Jaxa yal keremi, ti'xta tojb'i'a. 19Tsa'an t'usan, ja sneb'uman jumasa, ti spayawe ja Jesús b'aj oj lo'lanuke sok stuch'il, ti sjob'owe yi'a:
—¿Jasyuj ja ke'ntikon ja mi b'ob' ka'tikon eluk ja tan pukuj jaw b'a?
20-21Ti alji yabye yuj ja Jesusi:
—Ja we'nlexi, yuj mixa k'u'anex meran ja Dyosi. Ja smeranili, a'nima jel t'usan waxa k'u'anex ja Dyos jastal ja yal b'ak' mostasa, oj b'ob' a wal'ex yab' ja wits a eluk ja b'a'yi, ojni b'ob' eluka. —Mini jas mi oj b'ob'uk a wujilexa—
Ja Jesusi, cho yala pilan majke jastal oj chamuk
(Mr 9:30-32; Lc 9:43-45)
22Yajni nakaxa ti wajume b'a slujmal Galilea, ja Jesusi, ti yal yab' ja sneb'uman jumasa: Ja ma'tik mi lek wax yilawoni oj yi'e jpatik, 23oj cho smil'one. Jaxa ke'n yuj ja ye'n yuninon ja Dyosi, b'a yoxil k'ak'u oj sak'wukon—.
Yajni yabye ja jastal it ja sneb'uman jumasa, jel cham sk'ujole.
Ja tak'in sb'a snajtsil tsomjeli
24Yajni k'otye ja Jesús sok ja sneb'uman jumasa b'a Cafernaumi, jaxa ma'tik wa stsomowe ja tak'in sb'a snajtsil tsomjeli, ti sjob'owe yi ja Pedro:
¿Ja wa je'umani wax ya'a ja tak'in sb'a snajtsil tsomjeli?
25Ti yala ja Pedro:
—Wa'n, wax ya'a.
Yajni och ja Pedro b'a na'its b'a ti tsomane spetsanile'i, ye'nto b'ajtan k'umani ja Jesusi, ti job'ji yi ja Pedro:
—Ala kab' Pedro, ¿Ja mandaranum jumasa, ma'chunk'a wa stajb'aye a ya'we ja tak'in jumasa? ¿Ja' ma ja winik jumasa ma' tey soke'i, ma ja' ma' tuk chonab' jakele'i?
26Ti yala ja Pedro:
—Ja ma' tuk chonab' jakele'i.
Ti yala ja Jesusi:
Ta yuj k'a jach' jastal jawi, ja winik jumasa ma'tik tey soki mix ya'awe ja tak'in jawi. 27Ja'yuj, b'a mi oj katik tajkuke ja tsomo tak'in jumasa jawi, i'aj wa wansuelo, ka'ax b'a niwan paman ja'. Ja b'ajtan chay oj wa eluki, jama yi ja sti'i, ti oj ja ta' tiw jun sat tak'in. I'aj ja tak'in jawi, kax tupu ja jkontribusyon ke'n sok ja wa b'aj we'ni.
Currently Selected:
Mateo 17: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Mateo 17
17
Ja Jesusi, stukb'es sb'aj
(Mr 9:2-13; Lc 9:28-36)
1Tsa'an ek' wake k'ak'u, ti i'ji ye yuj ja Jesús ja Pedro, ja Santiago sok ja yijts'in Juan b'a jun cha'anil wits, b'a ti oj ajyuke stuch'ile tiwi. 2Ti b'a sti' sate stukb'es sb'aj ja Jesusi: Ja sati, wax lijpi jastal ja yijlab' ja k'ak'u, jaxa sk'u'i, sak lek jastal yijlab' ja k'ak'u yajni kulan leki. 3Ti'xta'a yilawe ja sneb'uman jumasa, ti wa'ne lo'il sok ja Jesús ja Moises sok ja aluman Dyos Eliasi.
4Jaxa Pedro ti yal yab' ja Jesusi: —Kajwal, —Jel lek ja ti aytik ili— Wa'n k'axa k'ana oj k'u'luktikon oxe yal na'its: June a b'aj we'na, june sb'a Moises sok june sb'a ja Elias—.
5Ti'to wa'n lo'il ja Pedro, jak musjuke el yuj jun nole ason, ja ason jawi, jex lijpi. B'a yojol ja ason jawi, ti yabye jun k'umala, ti wax yala'a: —Ja kunin ja iti, ja ke'n jex k'ana sok jel gusto ayon sok ja ye'n. Jaxa we'nlexi, jel t'ilan oj ja k'u'ukex ja jas wax yala—.
6Yajni yabye ja jastal it ja sneb'uman jumasa, ti ch'ak sjip sb'aje lu'uma, mixa b'ob' sk'el'e, jelxa wa'ne xiwel. 7Ti jak ta'juke mojan yuj ja Jesusi, ti yamjiye'a, ti alji yabye'a: —K'e'anik tulu a b'ajik, mi lom la xiwyex, —x'utji ye yuj ja Jesusi.
8Yajni stulu sb'aje'i, ti yilawe ja Jesusi, stuch'ilxa. 9Yajni ko'umexa kon b'a witsi, ti alji yabye yuj ja Jesusi:
—Ja jas a wilawexi, mok ma' a wal'ex yab'i, man oj ja wil'ex oj chamuk sok oj sak'wuk ja yunin ja winiki.
10Ti job'ji yi yuj ja sneb'umani:
—¿Jasyuj ja ma'tik wa sje'a ja mandar it a'ji yi ja Moises wax yalawe b'ajtan oj jakuk ja aluman Dyos Elias yuj ja Mesias b'a?
11Ti alji yabye yuj ja Jesusi:
—Ja jawi, smeranilni'a. Ja Eliasi, ye'n b'ajtan oj jak ch'ak schap spetsanil. 12Jasa, ja smeranil ja Eliasi, jakta; jaxa kristyano jumasa mi sna'awe sb'aj, ja'yuj ja' sk'u'laneyi ja jas wa sk'ana ja ye'nle'i. Jaxa ke'n, ja yuninon ja winiki, jach' oj cho sk'u'luke jastal jawi, sok jel oj ki' ja wokoli.
13Ja oxe sneb'uman jumasa ja Jesusi, ek' sk'ujole yuj ja wa'n sta'jel ti' ja Juan ma' ya'a yi'jel ja'i.
Ja Jesusi, ya tojb'uk jun kerem
(Mr 9:14-29; Lc 9:37-43)
14Yajni k'otye ja b'a'ye ja kristyano jumasa, ti och jan mojan jun winik jak sta' ja Jesusi, ti ko' mek'an b'a sti' sat 15ti yala'a:
—Kajwal, talna sya'ujlal ja yal jkeremi, cho kolta— Mi lek ay, jel wax yi'aj, wax tup ja yik'i. Yajni wax k'e' ja schameli, jitsan majke ti wax mok' yoj k'ak' ma b'a yoj ja'. 16Ki'aj jan yi ja wa neb'uman jumasa b'a oj ya'we tojb'uk, mi ja sk'u'lane yi'.
17Ti yala ja Jesusi:
—Ja we'nlexi, jel jomel olom ayex sok mixa k'u'anex ja Dyosi. ¿Mi oj kal yuj mi jas oj b'ob' a wujilex ja mi tey kon a mokexi? ¿Jas ora oj ja neb'ex b'a? —I'ajik jan ki il ja yal keremi, x'utjiye yuj ja Jesusi.
18Jaxa Jesusi, ti yal yab' ja tan pukuj it tey sok ja yal keremi, st'ena t'ilan ke a eluk ja b'a'yi. Jaxa yal keremi, ti'xta tojb'i'a. 19Tsa'an t'usan, ja sneb'uman jumasa, ti spayawe ja Jesús b'aj oj lo'lanuke sok stuch'il, ti sjob'owe yi'a:
—¿Jasyuj ja ke'ntikon ja mi b'ob' ka'tikon eluk ja tan pukuj jaw b'a?
20-21Ti alji yabye yuj ja Jesusi:
—Ja we'nlexi, yuj mixa k'u'anex meran ja Dyosi. Ja smeranili, a'nima jel t'usan waxa k'u'anex ja Dyos jastal ja yal b'ak' mostasa, oj b'ob' a wal'ex yab' ja wits a eluk ja b'a'yi, ojni b'ob' eluka. —Mini jas mi oj b'ob'uk a wujilexa—
Ja Jesusi, cho yala pilan majke jastal oj chamuk
(Mr 9:30-32; Lc 9:43-45)
22Yajni nakaxa ti wajume b'a slujmal Galilea, ja Jesusi, ti yal yab' ja sneb'uman jumasa: Ja ma'tik mi lek wax yilawoni oj yi'e jpatik, 23oj cho smil'one. Jaxa ke'n yuj ja ye'n yuninon ja Dyosi, b'a yoxil k'ak'u oj sak'wukon—.
Yajni yabye ja jastal it ja sneb'uman jumasa, jel cham sk'ujole.
Ja tak'in sb'a snajtsil tsomjeli
24Yajni k'otye ja Jesús sok ja sneb'uman jumasa b'a Cafernaumi, jaxa ma'tik wa stsomowe ja tak'in sb'a snajtsil tsomjeli, ti sjob'owe yi ja Pedro:
¿Ja wa je'umani wax ya'a ja tak'in sb'a snajtsil tsomjeli?
25Ti yala ja Pedro:
—Wa'n, wax ya'a.
Yajni och ja Pedro b'a na'its b'a ti tsomane spetsanile'i, ye'nto b'ajtan k'umani ja Jesusi, ti job'ji yi ja Pedro:
—Ala kab' Pedro, ¿Ja mandaranum jumasa, ma'chunk'a wa stajb'aye a ya'we ja tak'in jumasa? ¿Ja' ma ja winik jumasa ma' tey soke'i, ma ja' ma' tuk chonab' jakele'i?
26Ti yala ja Pedro:
—Ja ma' tuk chonab' jakele'i.
Ti yala ja Jesusi:
Ta yuj k'a jach' jastal jawi, ja winik jumasa ma'tik tey soki mix ya'awe ja tak'in jawi. 27Ja'yuj, b'a mi oj katik tajkuke ja tsomo tak'in jumasa jawi, i'aj wa wansuelo, ka'ax b'a niwan paman ja'. Ja b'ajtan chay oj wa eluki, jama yi ja sti'i, ti oj ja ta' tiw jun sat tak'in. I'aj ja tak'in jawi, kax tupu ja jkontribusyon ke'n sok ja wa b'aj we'ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021