Levitico 4
4
Ja majtanal b'a sch'ayjel mulali
1Ja Dyosi, yal yab' ja Moises, 2-13b'a oj yal yab' ja israelenio ja ab'al jumasa iti:
—Ay k'a ma wa sle'a smul sok yujni jach' wa'n sna'jela, jach' oj sk'u'l jastal iti:
—Yuj k'a ye'n ja ma' niwan ya'tel yuj ja pagre jumasa sk'oko ja kab'ali, ja smuli ye'n oj skuch spetsanil ja kristyano'i. B'a jach' oj b'ob' jch'ayi ja mulal jaw ja ma' niwan ya'tel yuj ja pagre jumasa, t'ilan oj ya'ki jun yal wakax b'a jmajtan b'a mi yajb'eluk. Ti oj yi' och mojan b'a wax ajyi ochel b'a snajtsil tsomjeli, oj ya' kajan ja sk'ab' b'a s'olom ja yal wakaxi, ti oj smil b'a sat ja b'a wax a'xi kajan jas majtan ja dyosi. Jaxa schik'eli, ti oj yi' och b'a yoj snajtsil tsomjel oj sla' ja yal sk'ab' b'a schik'eli, ti oj stsijuk juk majke b'a stojol ja b'ay ja skajonil ja jas chapunej ja Dyosi, ja'ni b'a lib'an ja niwan k'u'uts b'a yoj na'its tsa'ub'ali.
—Tsa'an ja ma' niwan ya'tel yuj ja pagre jumasa, oj sjaxyi chik' ja sxulub' ja b'a wax a'xi kajan jas majtan ja Dyosi b'a wax tsikxi ja pom it jex ajb'ani yik'ili, jaxa janek' oj kanuki ti oj spek' yi b'a yuk'mal b'a wax a'xi kajan jas majtan ja Dyosi it tey mojan b'a wax ajyi ochel b'a snajtsil tsomjeli. Oj ch'ak ya elyi ja sb'a'al yojol ja yal wakaxi, jach' jastal wax k'u'laxi yi ja chante jumasa b'a wax k'anxi sak'anil sok lekilali, sok ti oj stsik b'a sat b'a wax a'xi kajan jas majtan ja Dyosi. Jaxa janek' oj kanuk ja b'ak'eti, ja s'olomi, ja yok sk'ab'i, ja schaktop sok ja sk'oyi, oj ya el najat ja b'a'y ja kristyano'i, ti oj stsik b'a wax jipxi ja ta'ani.
—Ta ja k'a kristyano jumasa ja ma wa sta'a smuli, 14a ya'we ki b'a jmajtan jun yal toro b'a mi yajb'eluk, b'a jach' oj b'ob' jch'ayi ja smule'i.
—Spetsanil ja kristyano'i, a yi'e och ja yal wakax jaw mojan b'a wax ajyi ochel b'a snajtsil tsomjeli, 15ja ma'tik ay schol yujile'i, ti oj ya'e kajan ja sk'ab'e b'a s'olom ja yal wakax jawi. Sok ti oj smil'e b'a sat b'a wax a'xi kajan jas majtan ja Dyosi, 16jaxa schik'eli, ti oj yi'e och ja pagre jumasa b'a yoj snajtsil tsomjel. 17Oj sla' ja yal sk'ab' b'a chik'i, oj stsijukyi juk majke b'a stojol ja lib'an k'u'uts b'a wa smaka b'a wax ajyi ochel b'a snajtsil tsomjeli. 18Tsa'an oj sjaxyi t'un chik' ja sxulub' ja b'a wax a'xi kajan jas majtan ja Dyosi b'a wax tsikxi ja pom b'a yoj snajtsil ja tsomjeli. Jaxa janek' oj kanuki, ti oj spek' yi b'a yuk'mal ja b'a wax a'xi kajan jas majtan ja Dyosi it tey b'a wax ajyi ochel b'a na'its k'u'lub'al sok k'u'utsi.
19—Jaxa ma'tik niwan ya'tel yuj ja pagre jumasa, oj ch'ak yi'e ja skojlelal ja yal wakax jawi, ti oj stsik e' b'a sat b'a wax a'xi kajan jas majtan ja Dyosi, 20-21jach' jastal jaw oj b'ob' jch'ayi ja smul ja kristyano'i. Jaxa janek' oj kanuki, ja pagre oj ya eluk ja b'a'y ja kristyano'i, ti oj stsik b'a wax jipxi ja ta'ani.
22—Yuj k'a jun ma' niwan ya'tel yuj ja kristyano ja ma oj sta smuli, 23oj a'ji sna' yuj ja ko'ta mulili. Ja ma' niwan ya'teli t'ilan oj ya'ki jun yal chivo b'a jmajtan b'a mi yajb'eluk, b'a jach' oj ch'ayi ja smuli. 24Oj ya' kajan ja sk'ab' b'a s'olom ja yal chivo ti oj smil b'a sat b'a wax a'xi kajan jas majtan ja Dyosi, ja iti, jun majtanal b'a oj ch'ay ja mulali. 25Jaxa pagre oj sla' ja yal sk'ab' b'a schik'eli, ja oj sjaxyi ja sni' ja b'a wax a'xi kajan jas majtan ja Dyosi, jaxa janek' oj kanuki ti oj spek' yi b'a yuk'mal ja b'a wax a'xi kajan jas majtan ja Dyosi. 26Tsa'an oj tsikxuk spetsanil ja skojlelali, jach' jastal wax k'u'laxi yi ja chante jumasa b'a wax k'anxi sak'anil sok lekilali. Jach' oj ya'ki ja majtanal it ja pagre yuj ja ma ko' mulali, jaxa ke'n jach' oj b'ob' jch'ayi ja smuli.
27—Ay k'a jun kristyano mi oj sk'u'ukon, 28oj a'ji sna' yuj ja ko'ta mulali. Jaxa ye'n oj yi' jan ki jun nan chiva b'a jmajtan b'a mi yajb'eluk. 29A ya' kajan ja sk'ab' b'a s'olom ja chiva jawi, sok ti oj smil b'a sat b'a wax a'xi kajan jas majtan ja Dyosi. 30Jaxa pagre oj sla' ja yal sk'ab' b'a schik'eli, ti oj sjax yi ja sni' ja b'a wax a'xi kajan jas majtan ja dyosi, jaxa janek' oj kanuki ti oj spek' b'a yuk'mal. 31Tsa'an oj ch'ak stsik spetsanil ja skojlelal b'a sat b'a wax a'xi kajan jas majtan ja dyosi, jach' jastal wax k'u'laxi sok ja majtanal b'a it wax k'anxi sak'anil sok lekilali. Jach' oj ya'ki ja pagre jastal jun majtanal b'a jex ajb'ani ja yik'ili, jaxa ma ko' mulali ojni jch'ayi ja smula.
32—Ja ma ko' mulali, oj k'a ya'ki jun yal chej ja'ni b'a mi yajb'eluki. 33Ja ma oj ya'i a ya' kajan ja sk'ab' b'a s'olom ja yal chej jawi, sok a smil b'a sat b'a wax a'xi kajan jas majtan ja dyosi. 34Jaxa pagre oj sla' ja yal sk'ab' b'a schik'eli, ja oj sjaxyi ja sni' ja b'a wax a'xi kajan jas majtan ja Dyosi, jaxa chik' janek' oj kanuki ti oj spek' b'a yuk'mal ja b'a wax a'xi kajan jas majtan ja Dyosi. 35Jaxa skojlelali, ti oj tsikxuk b'a sat ja b'a wax a'xi kajan jas majtan ja Dyosi, jach' jastal wax k'u'laxi sok ja majtanal it waxa wa'awex b'a waxa k'anawex sak'anil sok lekilali, sok ja majtanal it waxa wa'wexki yuj ja jel waxa toyowonexi. Jach' oj ya'ki ja pagre ja majtanal oj ya' ja ma ko' mulali, jaxa ke'n ojni jch'ayi ja smuli.
Currently Selected:
Levitico 4: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Levitico 4
4
Ja majtanal b'a sch'ayjel mulali
1Ja Dyosi, yal yab' ja Moises, 2-13b'a oj yal yab' ja israelenio ja ab'al jumasa iti:
—Ay k'a ma wa sle'a smul sok yujni jach' wa'n sna'jela, jach' oj sk'u'l jastal iti:
—Yuj k'a ye'n ja ma' niwan ya'tel yuj ja pagre jumasa sk'oko ja kab'ali, ja smuli ye'n oj skuch spetsanil ja kristyano'i. B'a jach' oj b'ob' jch'ayi ja mulal jaw ja ma' niwan ya'tel yuj ja pagre jumasa, t'ilan oj ya'ki jun yal wakax b'a jmajtan b'a mi yajb'eluk. Ti oj yi' och mojan b'a wax ajyi ochel b'a snajtsil tsomjeli, oj ya' kajan ja sk'ab' b'a s'olom ja yal wakaxi, ti oj smil b'a sat ja b'a wax a'xi kajan jas majtan ja dyosi. Jaxa schik'eli, ti oj yi' och b'a yoj snajtsil tsomjel oj sla' ja yal sk'ab' b'a schik'eli, ti oj stsijuk juk majke b'a stojol ja b'ay ja skajonil ja jas chapunej ja Dyosi, ja'ni b'a lib'an ja niwan k'u'uts b'a yoj na'its tsa'ub'ali.
—Tsa'an ja ma' niwan ya'tel yuj ja pagre jumasa, oj sjaxyi chik' ja sxulub' ja b'a wax a'xi kajan jas majtan ja Dyosi b'a wax tsikxi ja pom it jex ajb'ani yik'ili, jaxa janek' oj kanuki ti oj spek' yi b'a yuk'mal b'a wax a'xi kajan jas majtan ja Dyosi it tey mojan b'a wax ajyi ochel b'a snajtsil tsomjeli. Oj ch'ak ya elyi ja sb'a'al yojol ja yal wakaxi, jach' jastal wax k'u'laxi yi ja chante jumasa b'a wax k'anxi sak'anil sok lekilali, sok ti oj stsik b'a sat b'a wax a'xi kajan jas majtan ja Dyosi. Jaxa janek' oj kanuk ja b'ak'eti, ja s'olomi, ja yok sk'ab'i, ja schaktop sok ja sk'oyi, oj ya el najat ja b'a'y ja kristyano'i, ti oj stsik b'a wax jipxi ja ta'ani.
—Ta ja k'a kristyano jumasa ja ma wa sta'a smuli, 14a ya'we ki b'a jmajtan jun yal toro b'a mi yajb'eluk, b'a jach' oj b'ob' jch'ayi ja smule'i.
—Spetsanil ja kristyano'i, a yi'e och ja yal wakax jaw mojan b'a wax ajyi ochel b'a snajtsil tsomjeli, 15ja ma'tik ay schol yujile'i, ti oj ya'e kajan ja sk'ab'e b'a s'olom ja yal wakax jawi. Sok ti oj smil'e b'a sat b'a wax a'xi kajan jas majtan ja Dyosi, 16jaxa schik'eli, ti oj yi'e och ja pagre jumasa b'a yoj snajtsil tsomjel. 17Oj sla' ja yal sk'ab' b'a chik'i, oj stsijukyi juk majke b'a stojol ja lib'an k'u'uts b'a wa smaka b'a wax ajyi ochel b'a snajtsil tsomjeli. 18Tsa'an oj sjaxyi t'un chik' ja sxulub' ja b'a wax a'xi kajan jas majtan ja Dyosi b'a wax tsikxi ja pom b'a yoj snajtsil ja tsomjeli. Jaxa janek' oj kanuki, ti oj spek' yi b'a yuk'mal ja b'a wax a'xi kajan jas majtan ja Dyosi it tey b'a wax ajyi ochel b'a na'its k'u'lub'al sok k'u'utsi.
19—Jaxa ma'tik niwan ya'tel yuj ja pagre jumasa, oj ch'ak yi'e ja skojlelal ja yal wakax jawi, ti oj stsik e' b'a sat b'a wax a'xi kajan jas majtan ja Dyosi, 20-21jach' jastal jaw oj b'ob' jch'ayi ja smul ja kristyano'i. Jaxa janek' oj kanuki, ja pagre oj ya eluk ja b'a'y ja kristyano'i, ti oj stsik b'a wax jipxi ja ta'ani.
22—Yuj k'a jun ma' niwan ya'tel yuj ja kristyano ja ma oj sta smuli, 23oj a'ji sna' yuj ja ko'ta mulili. Ja ma' niwan ya'teli t'ilan oj ya'ki jun yal chivo b'a jmajtan b'a mi yajb'eluk, b'a jach' oj ch'ayi ja smuli. 24Oj ya' kajan ja sk'ab' b'a s'olom ja yal chivo ti oj smil b'a sat b'a wax a'xi kajan jas majtan ja Dyosi, ja iti, jun majtanal b'a oj ch'ay ja mulali. 25Jaxa pagre oj sla' ja yal sk'ab' b'a schik'eli, ja oj sjaxyi ja sni' ja b'a wax a'xi kajan jas majtan ja Dyosi, jaxa janek' oj kanuki ti oj spek' yi b'a yuk'mal ja b'a wax a'xi kajan jas majtan ja Dyosi. 26Tsa'an oj tsikxuk spetsanil ja skojlelali, jach' jastal wax k'u'laxi yi ja chante jumasa b'a wax k'anxi sak'anil sok lekilali. Jach' oj ya'ki ja majtanal it ja pagre yuj ja ma ko' mulali, jaxa ke'n jach' oj b'ob' jch'ayi ja smuli.
27—Ay k'a jun kristyano mi oj sk'u'ukon, 28oj a'ji sna' yuj ja ko'ta mulali. Jaxa ye'n oj yi' jan ki jun nan chiva b'a jmajtan b'a mi yajb'eluk. 29A ya' kajan ja sk'ab' b'a s'olom ja chiva jawi, sok ti oj smil b'a sat b'a wax a'xi kajan jas majtan ja Dyosi. 30Jaxa pagre oj sla' ja yal sk'ab' b'a schik'eli, ti oj sjax yi ja sni' ja b'a wax a'xi kajan jas majtan ja dyosi, jaxa janek' oj kanuki ti oj spek' b'a yuk'mal. 31Tsa'an oj ch'ak stsik spetsanil ja skojlelal b'a sat b'a wax a'xi kajan jas majtan ja dyosi, jach' jastal wax k'u'laxi sok ja majtanal b'a it wax k'anxi sak'anil sok lekilali. Jach' oj ya'ki ja pagre jastal jun majtanal b'a jex ajb'ani ja yik'ili, jaxa ma ko' mulali ojni jch'ayi ja smula.
32—Ja ma ko' mulali, oj k'a ya'ki jun yal chej ja'ni b'a mi yajb'eluki. 33Ja ma oj ya'i a ya' kajan ja sk'ab' b'a s'olom ja yal chej jawi, sok a smil b'a sat b'a wax a'xi kajan jas majtan ja dyosi. 34Jaxa pagre oj sla' ja yal sk'ab' b'a schik'eli, ja oj sjaxyi ja sni' ja b'a wax a'xi kajan jas majtan ja Dyosi, jaxa chik' janek' oj kanuki ti oj spek' b'a yuk'mal ja b'a wax a'xi kajan jas majtan ja Dyosi. 35Jaxa skojlelali, ti oj tsikxuk b'a sat ja b'a wax a'xi kajan jas majtan ja Dyosi, jach' jastal wax k'u'laxi sok ja majtanal it waxa wa'awex b'a waxa k'anawex sak'anil sok lekilali, sok ja majtanal it waxa wa'wexki yuj ja jel waxa toyowonexi. Jach' oj ya'ki ja pagre ja majtanal oj ya' ja ma ko' mulali, jaxa ke'n ojni jch'ayi ja smuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021