Josue 3
3
Ja israelenio sk'utsuwe ja niwan ja' Jordani
1Ja Josue sok ja israelenio jumasa ja pilan k'ak'u, sajto lek stuluwe ja karpa jumasa b'a Sitimi, ti ch'ak wajuke b'a niwan ja' Jordan. Ti' stojb'ese tiw ja yal snaje jumasa, man smajlane jas k'ak'u oj ek' sk'uts e' ja ja'i.
2Ja ma'tik ay ya'teli, b'a schab'il k'ak'u sb'ejtese spetsanil ja b'ay ja yal snaje jumasa, 3ti yalwe yab' ja kristyano jumasa: Yajni xa wilawex x'elye ja pagre jumasa sok ja skajonil ja trato sk'u'lunej ja Dyosi, tuluwik ja yal na'its jumasa nochowik. 4Ye'n oj sje' b'a oj wajanik yuj ja mixa na'awex ja b'ej ja we'nlexi. Kechan mok jel ochanik mojan sok ja skajonil ja trato sk'u'lunej ja Dyosi; kananik t'usan najat.
5Ja Josue ti yala yab' spetsanil ja kristyano jumasa: Chapa a b'ajik oj wajanik b'a sti' sat ja Dyosi. Ja jecheli oj sk'u'lki'tik jun niwan milagro ja Dyosi.
6Tsa'an ti cho yala yab' ja pagre jumasa: —Elanik, k'echawik ja skajonil strato ja Dyosi; jaxa ke'ntikoni, ti oj noch ex tikona.
Jach'ni sk'u'lane'a.
7Jaxa Dyosi, ti yala yab' ja Josue: —Ja ya'n t'ilan oj wa' sna' ja kristyano jumasa ti ayon a mok ja we'n jach'ni jastal ti ajyiyon sok ja Moisesi, sok oj sna'e we'n ay a wa'tel soke. 8Ala yabye ja pagre jumasa, a yi'e' och ja skajonil trato ja Dyosi, yajnix k'otye'i, a ochuke b'a yoj ja', tix kanye b'a mojan sti' ja'. 9Jaxa Josue yala yab' ja kristyano a ochuke mojan ti yala'a:
10—Ja Dyosi, yalunej ti oj waj moktik b'a oj ch'ak snuts spetsanil ja swinkil Canaani.#3:10 ja swinkil Canaani: Ja hitita jumasa, ja amorreo, ja cananeo, ja ferezeo, ja gergeseo, ja heveo sok ja jebuseo jumasa, ja it jumasa naka ti aye b'a chonab' jumasa iti, b'a yaxk'ul, b'a lajan k'inal, b'a mojan sti' niwan paman ja' Mediterraneo, man b'a wits Libano. 11Yajni xa wilawex ek' jk'uts ja niwan ja' Jordan ja skajonil strato sk'u'lunej ja Dyosi, ti oj ja na'ex ke ti'ni ay jmoktik ja Dyos sak'ana. 12-13Ja pagre jumasa ma'tik yi'oje och ja skajonil jas trato sk'u'lunej ja Dyosi, yajnix ya'we ko'uk ja yoke b'a yoj ja'i, mixa ojto yi' yok ja ja'i, oj snol sb'aj oj sk'u'l sb'aj jastal jun ts'akab'. Jaxa Dyosi, yalunej oj jle'tik lajchawe winik, b'a jujune k'ole yuj ja israelenio jumasa.
14-16Ja kristyano jumasa ya'we kan ja b'a ajyiye'i, schapa sb'aje b'a oj sk'uts e' ja niwan ja' Jordani, ja' k'ak'u ay lek ja sb'a'al ja lu'umi, jaxa niwan ja'i b'ut'el lek yuj ja ja' wax ko' jan b'a Adam mojan sok ja Saretani. Ti wajum b'a sti' sate ja pagre jumasa sok ja skajonil jas trato sk'u'lunej ja Dyosi, yajni ya'we ko'uk ja yoke ja b'a yoj ja'i, mixa b'ob' yi' yok ja ja'i, stsomo sb'aj. Jaxa janek' ek' kani, ti ch'ak waj b'a laman ja', ti ch'ak tiwi. Ja kristyano jumasa ti ek' sk'uts e' ja niwan ja' b'a stojol ja chonab' Jerico. 17B'a wa'n ek'el ja kristyano jumasa, takin lek, jaxa pagre jumasa ma' yi'oje ja skajonil ja strato sk'u'lunej ja Dyosi, ti k'otye tek'an b'a snalan ja niwan ja' Jordani, man ch'ak ek'uke spetsanile.
Currently Selected:
Josue 3: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
Josue 3
3
Ja israelenio sk'utsuwe ja niwan ja' Jordani
1Ja Josue sok ja israelenio jumasa ja pilan k'ak'u, sajto lek stuluwe ja karpa jumasa b'a Sitimi, ti ch'ak wajuke b'a niwan ja' Jordan. Ti' stojb'ese tiw ja yal snaje jumasa, man smajlane jas k'ak'u oj ek' sk'uts e' ja ja'i.
2Ja ma'tik ay ya'teli, b'a schab'il k'ak'u sb'ejtese spetsanil ja b'ay ja yal snaje jumasa, 3ti yalwe yab' ja kristyano jumasa: Yajni xa wilawex x'elye ja pagre jumasa sok ja skajonil ja trato sk'u'lunej ja Dyosi, tuluwik ja yal na'its jumasa nochowik. 4Ye'n oj sje' b'a oj wajanik yuj ja mixa na'awex ja b'ej ja we'nlexi. Kechan mok jel ochanik mojan sok ja skajonil ja trato sk'u'lunej ja Dyosi; kananik t'usan najat.
5Ja Josue ti yala yab' spetsanil ja kristyano jumasa: Chapa a b'ajik oj wajanik b'a sti' sat ja Dyosi. Ja jecheli oj sk'u'lki'tik jun niwan milagro ja Dyosi.
6Tsa'an ti cho yala yab' ja pagre jumasa: —Elanik, k'echawik ja skajonil strato ja Dyosi; jaxa ke'ntikoni, ti oj noch ex tikona.
Jach'ni sk'u'lane'a.
7Jaxa Dyosi, ti yala yab' ja Josue: —Ja ya'n t'ilan oj wa' sna' ja kristyano jumasa ti ayon a mok ja we'n jach'ni jastal ti ajyiyon sok ja Moisesi, sok oj sna'e we'n ay a wa'tel soke. 8Ala yabye ja pagre jumasa, a yi'e' och ja skajonil trato ja Dyosi, yajnix k'otye'i, a ochuke b'a yoj ja', tix kanye b'a mojan sti' ja'. 9Jaxa Josue yala yab' ja kristyano a ochuke mojan ti yala'a:
10—Ja Dyosi, yalunej ti oj waj moktik b'a oj ch'ak snuts spetsanil ja swinkil Canaani.#3:10 ja swinkil Canaani: Ja hitita jumasa, ja amorreo, ja cananeo, ja ferezeo, ja gergeseo, ja heveo sok ja jebuseo jumasa, ja it jumasa naka ti aye b'a chonab' jumasa iti, b'a yaxk'ul, b'a lajan k'inal, b'a mojan sti' niwan paman ja' Mediterraneo, man b'a wits Libano. 11Yajni xa wilawex ek' jk'uts ja niwan ja' Jordan ja skajonil strato sk'u'lunej ja Dyosi, ti oj ja na'ex ke ti'ni ay jmoktik ja Dyos sak'ana. 12-13Ja pagre jumasa ma'tik yi'oje och ja skajonil jas trato sk'u'lunej ja Dyosi, yajnix ya'we ko'uk ja yoke b'a yoj ja'i, mixa ojto yi' yok ja ja'i, oj snol sb'aj oj sk'u'l sb'aj jastal jun ts'akab'. Jaxa Dyosi, yalunej oj jle'tik lajchawe winik, b'a jujune k'ole yuj ja israelenio jumasa.
14-16Ja kristyano jumasa ya'we kan ja b'a ajyiye'i, schapa sb'aje b'a oj sk'uts e' ja niwan ja' Jordani, ja' k'ak'u ay lek ja sb'a'al ja lu'umi, jaxa niwan ja'i b'ut'el lek yuj ja ja' wax ko' jan b'a Adam mojan sok ja Saretani. Ti wajum b'a sti' sate ja pagre jumasa sok ja skajonil jas trato sk'u'lunej ja Dyosi, yajni ya'we ko'uk ja yoke ja b'a yoj ja'i, mixa b'ob' yi' yok ja ja'i, stsomo sb'aj. Jaxa janek' ek' kani, ti ch'ak waj b'a laman ja', ti ch'ak tiwi. Ja kristyano jumasa ti ek' sk'uts e' ja niwan ja' b'a stojol ja chonab' Jerico. 17B'a wa'n ek'el ja kristyano jumasa, takin lek, jaxa pagre jumasa ma' yi'oje ja skajonil ja strato sk'u'lunej ja Dyosi, ti k'otye tek'an b'a snalan ja niwan ja' Jordani, man ch'ak ek'uke spetsanile.
© Sociedad Bíblica de México 2021