Exodo 27
27
Ja altar b'a wa xtsikxi ja smajtan ja Dyosi
1Cho jachuk wax k'ana k'u'lan jun altar sok te' sb'i'il acasia, b'a chab' metro sok jun ch'ile sok chab' k'ab'e ja snajtili, b'a jun metro sok jun ch'ile sok chab' k'ab'e ja scha'anili. 2B'a jujune' schikin oj och sgancho'il jastal xulub'. Spetsanil ja altari, potso sok tak'in bronce, b'a june ita oj kanuk.
3—Jach'ni wa xcho jk'ana oj ja k'u'l sok bronce, spetsanil ja jas oj makunuk b'a altari: Ja b'a wa xnolxi ja ta'ani, ja lechub' ta'ani, ja slats'ulab'ili, cho jach'ni ja yorno'ili. 4-5K'u'lan jun jalub'al tak'in sok bronce ti xwa' och b'a snalan ja altari; cho k'u'lan jujune yargoya'il sok bronce b'a jujune' schikin, 6-7Sok chab' yal te' sb'i'il acasia, b'a oj a'xi ochyi b'a yargoya'il ja tak'in jawi, b'a jach' oj b'ob' likxuk ek' ja altari. Ja te' jawi potso lek sok bronce.
8—Ja altar oj ja k'u'luki sok te' oj ja wa'kan yojol, jach' oj ja k'u'luk ja jastal je'a a wi b'a witsi.
Ja sti' ja na'itsi
9-19—Ja b'a sjoyanal ja na'itsi wax k'ana oj ja k'u'l jun spatyo'il, b'a oj ja mak sok k'u'uts ja sts'e'el jumasa, ja b'a k'e'el sok b'a ko'eli, a'yi chab' tajb'e sok jo'e (45) metro ja snajtili, a och jun tajb'e ste'il b'a jujune' sts'e'el, a' och yi lek yip jujune. Jaxa stojol b'a wa xjak ja k'ak'u, sok b'a wax ochi, a'yi jun tajb'e chab'e sok snalan metro. Jaxa jun s'olom b'a stojol wax och ja k'ak'u, t'ilan oj och lajune ste'il, sok wake b'a wa xjak ja k'ak'u, oxtike b'a jujune' stojol b'a oj ajyuk ocheli, b'a jujune' te' oj ni och yipa.
—Spetsanil ja patyo oj kan makan sok ja lekil k'uts jumasa, ja scha'anili, a'kan chab' metro sok jun ch'ile sok oxk'ab'e, ja b'a sti' sati, a och juke metro k'u'uts b'a jujune' sts'e'el, jaxa b'a oj ajyuk ocheli, a' och b'alune metro ja k'u'uts b'a lek leki, sok tuktukil yelaw, b'a chak muk muk, b'a k'ik' muk muk, b'a chak lek. Ja k'u'uts jumasa jawi t'ilan tojb'el lek, oj mochxuk lek sok chane ts'apan te', sok ja yip jumasa.
Spetsanil ja te' jumasa oj ts'apxuki, t'ilan naka ay yi'oj argoya sok gancho, b'a sakal tak'in. Ja yip jumasa ja te'i, t'ilan bronce, cho jach'ni ja te' jumasa yip ja na'itsi, ste'il smakb'al ja sti na'its, sok spetsanil ja jas oj makunuk b'a kulto yuj ja na'its jawi.
Ja aceite b'a ajlub' jumasa
20-21—Ja ajlub' jumasa b'a lugar jel niwani b'a yoj na'itsi, ja b'a it b'ay ja skajonil ja trato, t'ilan k'ak'u a'kwal oj ajluk. Ja ma oj yi' schol ja a'tel jawi, ja Aaron sok ja yuntikili, jaxa we'n ja a chol oj ja wal yab' ja israelenio jumasa, a yi'e jan toj aceite olivo, b'a jach' spetsanil k'ak'u oj ajluk ja ajlub' jumasa. Ja iti jun ab'al yujni jach' t'ilan oj sk'u'luke ja israelenio'a.
Currently Selected:
Exodo 27: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 27
27
Ja altar b'a wa xtsikxi ja smajtan ja Dyosi
1Cho jachuk wax k'ana k'u'lan jun altar sok te' sb'i'il acasia, b'a chab' metro sok jun ch'ile sok chab' k'ab'e ja snajtili, b'a jun metro sok jun ch'ile sok chab' k'ab'e ja scha'anili. 2B'a jujune' schikin oj och sgancho'il jastal xulub'. Spetsanil ja altari, potso sok tak'in bronce, b'a june ita oj kanuk.
3—Jach'ni wa xcho jk'ana oj ja k'u'l sok bronce, spetsanil ja jas oj makunuk b'a altari: Ja b'a wa xnolxi ja ta'ani, ja lechub' ta'ani, ja slats'ulab'ili, cho jach'ni ja yorno'ili. 4-5K'u'lan jun jalub'al tak'in sok bronce ti xwa' och b'a snalan ja altari; cho k'u'lan jujune yargoya'il sok bronce b'a jujune' schikin, 6-7Sok chab' yal te' sb'i'il acasia, b'a oj a'xi ochyi b'a yargoya'il ja tak'in jawi, b'a jach' oj b'ob' likxuk ek' ja altari. Ja te' jawi potso lek sok bronce.
8—Ja altar oj ja k'u'luki sok te' oj ja wa'kan yojol, jach' oj ja k'u'luk ja jastal je'a a wi b'a witsi.
Ja sti' ja na'itsi
9-19—Ja b'a sjoyanal ja na'itsi wax k'ana oj ja k'u'l jun spatyo'il, b'a oj ja mak sok k'u'uts ja sts'e'el jumasa, ja b'a k'e'el sok b'a ko'eli, a'yi chab' tajb'e sok jo'e (45) metro ja snajtili, a och jun tajb'e ste'il b'a jujune' sts'e'el, a' och yi lek yip jujune. Jaxa stojol b'a wa xjak ja k'ak'u, sok b'a wax ochi, a'yi jun tajb'e chab'e sok snalan metro. Jaxa jun s'olom b'a stojol wax och ja k'ak'u, t'ilan oj och lajune ste'il, sok wake b'a wa xjak ja k'ak'u, oxtike b'a jujune' stojol b'a oj ajyuk ocheli, b'a jujune' te' oj ni och yipa.
—Spetsanil ja patyo oj kan makan sok ja lekil k'uts jumasa, ja scha'anili, a'kan chab' metro sok jun ch'ile sok oxk'ab'e, ja b'a sti' sati, a och juke metro k'u'uts b'a jujune' sts'e'el, jaxa b'a oj ajyuk ocheli, a' och b'alune metro ja k'u'uts b'a lek leki, sok tuktukil yelaw, b'a chak muk muk, b'a k'ik' muk muk, b'a chak lek. Ja k'u'uts jumasa jawi t'ilan tojb'el lek, oj mochxuk lek sok chane ts'apan te', sok ja yip jumasa.
Spetsanil ja te' jumasa oj ts'apxuki, t'ilan naka ay yi'oj argoya sok gancho, b'a sakal tak'in. Ja yip jumasa ja te'i, t'ilan bronce, cho jach'ni ja te' jumasa yip ja na'itsi, ste'il smakb'al ja sti na'its, sok spetsanil ja jas oj makunuk b'a kulto yuj ja na'its jawi.
Ja aceite b'a ajlub' jumasa
20-21—Ja ajlub' jumasa b'a lugar jel niwani b'a yoj na'itsi, ja b'a it b'ay ja skajonil ja trato, t'ilan k'ak'u a'kwal oj ajluk. Ja ma oj yi' schol ja a'tel jawi, ja Aaron sok ja yuntikili, jaxa we'n ja a chol oj ja wal yab' ja israelenio jumasa, a yi'e jan toj aceite olivo, b'a jach' spetsanil k'ak'u oj ajluk ja ajlub' jumasa. Ja iti jun ab'al yujni jach' t'ilan oj sk'u'luke ja israelenio'a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021