Exodo 18
18
Ulataji ja Moises yuj ja Jetro
1-5Ja yajni ti'to aye k'ot b'a Egipto ja Moisesi, ya kumxuk pilan majke ja sche'um b'a Madian. Jaxa Jetro sni'al ja Moisesi, ye'n pagre ay ja b'a madiani, ye'n ajiyi b'a sk'ab' oj stalna ja yunin Sefora sok ja chab' yij Guerson sok ja Eliezeri.
Ja sb'ajtanil yunin ja Moisesi, ya sb'i'iluk Guerson, ja b'i'ilal iti, wa sk'ana yale —pilan chonab'—, ja'yuj ja lom pilan chonab' ajyi b'a jun chonab'i. Jaxa schab'ili, ya sb'i'iluk Eliezer, ja b'i'ilal iti, wa sk'ana yale —Ja Dyosi, ye'n wa skoltayon—, ja'yuj ja jak sk'ujol jastal koltaji yuj ja Dyos yuj ja stati, cho ye'n koltaji yuj ja mi milji yuj ja mandaranum b'a Egipto.
Ja Jetro wanxax ch'ak sna' spetsanil ja jas k'u'laji yi ja Moises yuj ja Dyosi, sok ja jastal ya eluk ja israelenio jumasa b'a Egipto, jaxa yajni yab' ja ti jijlel b'a ch'ayan takin satk'inal b'a syaxk'ul ja Dyosi, yala oj waj yulata, waj sok ja yunin Sefora, sok ja chab' yiji. 6Ti yala yab' ja Moisesi: —Ke'n ja wa ni'aloni, jak kulatayatikon sok wa che'umi, sok schab'il wa wuntikili—.
7Jaxa Moisesi, ti waj sta' ja sni'al Jetro, jel wa skisa ti snujts'in sb'aj b'a sti' sati sok yujts'an. Yajni ch'ak ya' sb'aje dyosi ti'xa ochye lajan ja b'a yoj na'its k'u'lub'al sok k'u'utsi, 8jaxa Moisesi, yala yab' ja sni'al Jetro, spetsanil ja jas ch'ak sk'u'luk ja Dyos sok ja swinkil b'a Egipto, sok ja smandaranume'i. Cho ch'akni yala spetsanil ja wokol jumasa sta'awe sok ja israelenio jumasa ja b'a b'eji, yuj ja ye'n ja Dyos ja ma koltani.
9Jel lek yab' ja Jetro ja yajni yab' jel yaj sk'ujol ja Dyos sok ja israelenio jumasa, 10Ti yala'a: —Jel lek ja Dyos yuj ja israelenio, ye'n skolta ja mi miljiye yuj ja egipsiano sok ja smandaranume'i. 11Ye'n skoltanex ja Dyos, ja b'a wokol jumasa ya'wi'ex ja tantik kalax egipsiano jumasa. —Ja ya'n wax na'a, ja Dyos yuj ja israelenio jel ja yipi, yuj ja tuk dyos jumasa, —xchi ja Jetro.
12Yajni ch'ak yal jachuki ti yi'aj jan jun chej ya'yi b'a smajtan ja Dyosi, cho ya'a tuk majtanal. Tsa'an ti stsomo sb'aje ja Aaron sok ja tatal jumasa yuj ja israelenio, och wa'uke sok ja Jetro b'a sti' yaltar ja Dyosi.
Ja Moisesi, st'ojo koltanum
13Jaxa Moises ja pilan k'ak'u, ti och kulan smaklajel ja swokol ja israelenio, b'a oj skolta stojb'esjel ja wokol jumasa jawi. Snajtil k'ak'u ti cholan ja kristyano wa'n smajlajel jas ora oj elk'ot schol b'a oj lo'lanuk sok ja Moisesi. 14Yajni yila ja Jetro, jastal wa'n a'tel ja Moisesi, ti sjob'o yi'a:
—¿Jasyuj jach' waxa k'u'lan b'a? ¿Jasyuj ja snajtil k'ak'u tek'an a wuj ja kristyano'i, jaxa we'n kulana ek'e?
15-16Ti yala ja Moisesi:
—Ja israelenio jumasa, ta yuj k'a mi lek wax yila sb'aje. Spetsanil wax jak yal'e kab'i, ye'n ja Dyos oj yal machunk'a ay smuli, sok machunk'a miyuki. Jaxa ke'n ja wax ka sna'e spetsanil ja yab'al ja Dyosi.
17Ti cho yala ja Jetro:
—Ja jawi lek ay, ja b'a mi lek ayi, ja jastal waxa k'u'lani, 18ja we'n wala k'umb'i, jach'ni ja kristyano tey a moki wax cho k'umb'iye. Ja iti niwan a'tel sok tsats, mi oj b'ob' a k'u'l kechan we'na. 19Maklan ja jas oj kala wab'i, Dyos oj skoltaya. We'n oj ochan b'a sti' sat ja Dyos yuj ja kristyano jumasa, b'a oj ja k'an yi a stojb'es ja wokol jumasa wa'n ek'el yujile'i. 20Ja kristyano'i, jel t'ilan oj ja je'yi ja yab'al ja Dyosi, je'a yi'e jastal oj syajta sb'aje, sok jasunk'a oj sk'u'luke'i.
21—B'a oj b'ob' a k'u'luki, t'ilan oj ja tsa' ma'chunk'a oj b'ob' skoltaya. Le'a ja ma oj b'ob' yuji sok ja ma wa sk'u'an meran ja Dyosi, mok wa och jun le'a ab'al, cho mini ja ma ja wajel sk'ujol ja tak'ini. Ay ma oj ja wa'yi b'a sk'ab' jun mil (1,000) kristyano, ay ma oj ja wa'yi jo tajb'e (100), ay ma oj ja wa'yi chab' tajb'e sok lajune (50), ay ma ma' oj ja wa'yi lajune (10). 22Ye'nle ja ti oj ajyuke smaklajel ja swokol ja kristyano b'a mi jel tsatsuki, oj b'ob' stojb'es ye'nle, ay k'a jun wokol b'a mi oj tojb'uk yujile, ti'xa oj ya'we ek'uk a wi we'na'a, we'nxa oj ja koltaye, ja jachuki mi jel wokoluk oj ja wab'i. 23Ta Dyos sk'ana oj ja k'u'uk ja jas wax kala, ta oj k'a cho a k'u'luki, ojni b'ob' ka wuj ja, jach'ni ja kristyano'i, oj waj jijluke tsamal ja b'a snaje'i.
24Ja Moisesi, sk'u'an ja jas yala ja sni'ali. 25Stsa'a ja ma yila oj b'ob' yuji, ya'yi ya'tel b'a oj sk'el'e' ja swokol ja kristyano jumasa. Ay ma ya'yi b'a sk'ab' jun mil (1,000) kristyano, ay ma ya'yi jo tajb'e (100), ay ma ya'yi chab' tajb'e sok lajune (50), ay ma ya'yi lajune (10). 26Jachuk ye'n sk'elawe ja swokol ja kristyano jumasa, wa stojb'ese ja b'a mi jel wokoluki, jaxa b'a jel wokoli ja wax ya'we ek' yi ja Moisesi.
27Tsa'an spila sb'aj sok ja sni'al ja Moisesi, ti'xa kumxi b'a schonab'il ja ye'na.
Currently Selected:
Exodo 18: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
Exodo 18
18
Ulataji ja Moises yuj ja Jetro
1-5Ja yajni ti'to aye k'ot b'a Egipto ja Moisesi, ya kumxuk pilan majke ja sche'um b'a Madian. Jaxa Jetro sni'al ja Moisesi, ye'n pagre ay ja b'a madiani, ye'n ajiyi b'a sk'ab' oj stalna ja yunin Sefora sok ja chab' yij Guerson sok ja Eliezeri.
Ja sb'ajtanil yunin ja Moisesi, ya sb'i'iluk Guerson, ja b'i'ilal iti, wa sk'ana yale —pilan chonab'—, ja'yuj ja lom pilan chonab' ajyi b'a jun chonab'i. Jaxa schab'ili, ya sb'i'iluk Eliezer, ja b'i'ilal iti, wa sk'ana yale —Ja Dyosi, ye'n wa skoltayon—, ja'yuj ja jak sk'ujol jastal koltaji yuj ja Dyos yuj ja stati, cho ye'n koltaji yuj ja mi milji yuj ja mandaranum b'a Egipto.
Ja Jetro wanxax ch'ak sna' spetsanil ja jas k'u'laji yi ja Moises yuj ja Dyosi, sok ja jastal ya eluk ja israelenio jumasa b'a Egipto, jaxa yajni yab' ja ti jijlel b'a ch'ayan takin satk'inal b'a syaxk'ul ja Dyosi, yala oj waj yulata, waj sok ja yunin Sefora, sok ja chab' yiji. 6Ti yala yab' ja Moisesi: —Ke'n ja wa ni'aloni, jak kulatayatikon sok wa che'umi, sok schab'il wa wuntikili—.
7Jaxa Moisesi, ti waj sta' ja sni'al Jetro, jel wa skisa ti snujts'in sb'aj b'a sti' sati sok yujts'an. Yajni ch'ak ya' sb'aje dyosi ti'xa ochye lajan ja b'a yoj na'its k'u'lub'al sok k'u'utsi, 8jaxa Moisesi, yala yab' ja sni'al Jetro, spetsanil ja jas ch'ak sk'u'luk ja Dyos sok ja swinkil b'a Egipto, sok ja smandaranume'i. Cho ch'akni yala spetsanil ja wokol jumasa sta'awe sok ja israelenio jumasa ja b'a b'eji, yuj ja ye'n ja Dyos ja ma koltani.
9Jel lek yab' ja Jetro ja yajni yab' jel yaj sk'ujol ja Dyos sok ja israelenio jumasa, 10Ti yala'a: —Jel lek ja Dyos yuj ja israelenio, ye'n skolta ja mi miljiye yuj ja egipsiano sok ja smandaranume'i. 11Ye'n skoltanex ja Dyos, ja b'a wokol jumasa ya'wi'ex ja tantik kalax egipsiano jumasa. —Ja ya'n wax na'a, ja Dyos yuj ja israelenio jel ja yipi, yuj ja tuk dyos jumasa, —xchi ja Jetro.
12Yajni ch'ak yal jachuki ti yi'aj jan jun chej ya'yi b'a smajtan ja Dyosi, cho ya'a tuk majtanal. Tsa'an ti stsomo sb'aje ja Aaron sok ja tatal jumasa yuj ja israelenio, och wa'uke sok ja Jetro b'a sti' yaltar ja Dyosi.
Ja Moisesi, st'ojo koltanum
13Jaxa Moises ja pilan k'ak'u, ti och kulan smaklajel ja swokol ja israelenio, b'a oj skolta stojb'esjel ja wokol jumasa jawi. Snajtil k'ak'u ti cholan ja kristyano wa'n smajlajel jas ora oj elk'ot schol b'a oj lo'lanuk sok ja Moisesi. 14Yajni yila ja Jetro, jastal wa'n a'tel ja Moisesi, ti sjob'o yi'a:
—¿Jasyuj jach' waxa k'u'lan b'a? ¿Jasyuj ja snajtil k'ak'u tek'an a wuj ja kristyano'i, jaxa we'n kulana ek'e?
15-16Ti yala ja Moisesi:
—Ja israelenio jumasa, ta yuj k'a mi lek wax yila sb'aje. Spetsanil wax jak yal'e kab'i, ye'n ja Dyos oj yal machunk'a ay smuli, sok machunk'a miyuki. Jaxa ke'n ja wax ka sna'e spetsanil ja yab'al ja Dyosi.
17Ti cho yala ja Jetro:
—Ja jawi lek ay, ja b'a mi lek ayi, ja jastal waxa k'u'lani, 18ja we'n wala k'umb'i, jach'ni ja kristyano tey a moki wax cho k'umb'iye. Ja iti niwan a'tel sok tsats, mi oj b'ob' a k'u'l kechan we'na. 19Maklan ja jas oj kala wab'i, Dyos oj skoltaya. We'n oj ochan b'a sti' sat ja Dyos yuj ja kristyano jumasa, b'a oj ja k'an yi a stojb'es ja wokol jumasa wa'n ek'el yujile'i. 20Ja kristyano'i, jel t'ilan oj ja je'yi ja yab'al ja Dyosi, je'a yi'e jastal oj syajta sb'aje, sok jasunk'a oj sk'u'luke'i.
21—B'a oj b'ob' a k'u'luki, t'ilan oj ja tsa' ma'chunk'a oj b'ob' skoltaya. Le'a ja ma oj b'ob' yuji sok ja ma wa sk'u'an meran ja Dyosi, mok wa och jun le'a ab'al, cho mini ja ma ja wajel sk'ujol ja tak'ini. Ay ma oj ja wa'yi b'a sk'ab' jun mil (1,000) kristyano, ay ma oj ja wa'yi jo tajb'e (100), ay ma oj ja wa'yi chab' tajb'e sok lajune (50), ay ma ma' oj ja wa'yi lajune (10). 22Ye'nle ja ti oj ajyuke smaklajel ja swokol ja kristyano b'a mi jel tsatsuki, oj b'ob' stojb'es ye'nle, ay k'a jun wokol b'a mi oj tojb'uk yujile, ti'xa oj ya'we ek'uk a wi we'na'a, we'nxa oj ja koltaye, ja jachuki mi jel wokoluk oj ja wab'i. 23Ta Dyos sk'ana oj ja k'u'uk ja jas wax kala, ta oj k'a cho a k'u'luki, ojni b'ob' ka wuj ja, jach'ni ja kristyano'i, oj waj jijluke tsamal ja b'a snaje'i.
24Ja Moisesi, sk'u'an ja jas yala ja sni'ali. 25Stsa'a ja ma yila oj b'ob' yuji, ya'yi ya'tel b'a oj sk'el'e' ja swokol ja kristyano jumasa. Ay ma ya'yi b'a sk'ab' jun mil (1,000) kristyano, ay ma ya'yi jo tajb'e (100), ay ma ya'yi chab' tajb'e sok lajune (50), ay ma ya'yi lajune (10). 26Jachuk ye'n sk'elawe ja swokol ja kristyano jumasa, wa stojb'ese ja b'a mi jel wokoluki, jaxa b'a jel wokoli ja wax ya'we ek' yi ja Moisesi.
27Tsa'an spila sb'aj sok ja sni'al ja Moisesi, ti'xa kumxi b'a schonab'il ja ye'na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021