2 Corintios 8
8
La ka'tik ja smajtan ja Dyos sok spetsanil jk'ujoltik
1Jmoj aljel jumasa wax k'ana oj kaltikon a wabyex jastal sje'a ja syajal sk'ujol ja Dyos sok ja jmoj aljeltik jumasa b'a Masedonia. 2Ja jmoj aljeltik jumasa jawi, jelxa ya'weta ek'uk ja wokol jumasa, jel gusto aye. Jel ajula sb'aje, jel a'ay ya'a ja smajtan ja Dyos ja jastal jun ma' jel yi'oj. 3Wax na'a lek ya'awe'ni ja janek' b'ob' yujile'a, man ya'awe ja janek' t'ilan oj ya'we'i. Mi ma' t'enjiye yuj ja janek' ya'awe'i, yujni jach' wa sk'ana oj ya'e'a, 4asta man sk'anawe' ki'tikon pabor mok jtimtikon ja jastal ja wa sk'anawe oj skoltaye ja yuntikil ja Dyosi. 5Mas toj jitsan ya'awe yuj ja janek' wax k'u'antikon oj ya'e'i. Ja it jumasa, b'ajtan ya'a sb'aje b'a yib' sk'ab' ja Dyosi, tsa'an ya'a sb'aje jmoktikon ja ke'ntikoni. Jach' sk'u'lane jastal it ja jastal wa'n smajlajel ja Dyos oj sk'u'luke'i.
6Ja Tito ye'n k'e stul stsomjel ja smajtan ja Dyos jel niwani. Ja'yuj wax k'anatikon yi pabor mok ya'kan sk'ulajel. 7Spetsanile, wa sna'awe ke ja we'nlexi yujni jel lekexa: sok jel toj waxa k'u'anex ja Dyosi, jel lek wala k'umaniyex, jel xa waxa na'awex, jel tsamal waxa wa'teltayex ja wa mojex jumasa, sok jel ja syajal wa k'ujolex jmoktikoni. Ja b'a koltanel iti, we'nlex ja jel niwan a wa'awex ja smajtan ja Dyos iti.
8Mi yuj wa'nukon ya'jel awi'ex jun mandar, kechan wax k'ana oj a na'ex jastal wa'ne ya'jel ja smajtan ja Dyos ja tuk jmoj aljeltik jumasa, b'a jach' oj a ja je'ex ja we'nlex jel niwan ja syajal wa k'ujolexi. 9Ja we'nlexi, wanixa na'awex jelni ja jas b'aj ja Kajwaltik Jesusi, ja Ye'n jel syajtayex, ja'yuj jak ja b'a lu'umi, jel ajula sb'aj ya'a sb'aj, yuj ja jel ajula sb'aj ya'a sb'aji, ja'yuj we'nlex jel ja jas a ta'awexi.
10B'a a lekil we'nlex oj ka'wi'ex ja rason iti. Ja jujnab'e we'n awa'awex b'ajtan ja smajtan ja Dyos jumasa iti, mi kechanuk ja jawi, jel gusto a wa'awex. 11Mi lomxa tukb'esex ja jastal k'e' a k'u'lukex jani, k'u'lanik sok ja jastal k'e' a k'u'lukex jan ja b'a b'ajtani, a ya' b'a kada jujune ja janek' wa sk'ana oj ya'i. 12Ta yuj k'a meran ja waxa k'ana oj wa'ex ja smajtan ja Dyosi, jelni lek oj yil ja Dyos ja smajtan jumasa jawa, ja Dyosi, mi yuj ja'uk wa sk'ana oj ka'tiyi ja jas mey ki'ojtiki.
13Mix k'anatikon yuj ja oj a koltayex ja tuk jumasa, ja ti mi oj a ta'ex ja we'nlex ja jas t'ilan oj makunuk a wujilexi. Ja wax k'anatikon, junxta kab'altik oj ajyukotik. 14Ja we'nlex ja ya'ni jel wa jastik a b'ajexi, ja'yuj jel t'ilan oj a koltayex ja ma jel t'usan yi'oji. Oj cho k'otuk ja k'ak'u oj cho sta' lek ja ye'nle'i, ye'nxa oj cho skoltayex ja we'nlexa, jach' jastal it ja oj b'ob' jlaj b'ajtiki. 15Ja b'a sts'ijb'anub'al ja yab'al ja Dyosi, jach' wax yala jastal iti: —Mi jas kan yuj ja ma jel jitsan stsomo, cho mi sk'u'lan palta yuj ja ma jel t'usan stsomo.
Jun modo jastal tsomoxuk ja tak'in sb'a koltaneli
16—Sts'akatal ja Dyos yuj wax cham sk'ujol ja jmoj aljeltik Tito b'a oj b'ob' skoltayex ja we'nlexi, sok ja ke'ni— 17Ja ye'n jel t'ilan wax yila ja oj skoltayex ja we'nlexi, sok jel gusto yab' ja jas kal a yab' oj sk'u'luki, ja'yuj sok spetsanil sk'ujol waj yulatayex.
18Sok ja Tito jekatikon sok jun jmoj aljeltik, ja ye'n jel tsats wax yala ek' ja yab'al ja Dyosi jel wax a'tiji ja b'a yaljel ja tsamal yab'al ja Dyosi. B'a spetsanil ja jmoj aljeltik jumasa jel wax ta'ji ti' ja ye'n, 19ja'yuj tsa'ji b'a oj waj jmojtatikon ja yajni wax ki'ajtikon och ja smajtan ja Dyosi. Spetsanil ja iti, wax k'u'lantikon b'a stoyjel ja Dyosi, sok jach' oj b'ob' cho je'tikon jel ja jgustikon oj kolnukotikoni. 20Mix k'anatikon ma oj sta'otikon ti', yuj ja jastal wa'ntikon a'tel b'a stsomjel ja smajtan ja Dyos iti. 21Wax le'atikon jastal lek oj k'u'ltikon ja b'a sti sat ja Dyosi, cho jach'ni ja b'a sti' sat ja kristyano jumasa.
22Sok ja ye'nle'i, cho jekatikon chab' jmoj aljeltik jumasa, ja ma' ti'xa nochan sok ja yab'al ja Kajwaltik Jesusi, jitsan majke sok tuktukil sje'ata jastal jel tsamal wax koltaniye. Jaxa ya'n wani sk'ana oj sk'u'luke'a, sok jel niwan sk'ujole sok ja we'nlexi. 23Na'awik lek ja moj aljel Tito jmojni jb'ajtikon a'tela, sok lajani wala a'tijitikona, jach' wax b'ob' kolta jb'ajtikon lek. Cho jach'ni ja chawane jmoj aljeltik wajume sok ja Tito, ja'ni jekub'ale yuj ja jmoj aljeltik jumasa'a, yuj ja jel wa stoyowe ja Kajwaltik Jesusi. 24Ja'yuj je'awik yi'e ja syajal ja wa k'ujolexi, b'a jach' oj sna'e ja jmoj aljeltik jumasa ma' wa sjekawex ke jel gusto aytikon a mokex.
Currently Selected:
2 Corintios 8: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
2 Corintios 8
8
La ka'tik ja smajtan ja Dyos sok spetsanil jk'ujoltik
1Jmoj aljel jumasa wax k'ana oj kaltikon a wabyex jastal sje'a ja syajal sk'ujol ja Dyos sok ja jmoj aljeltik jumasa b'a Masedonia. 2Ja jmoj aljeltik jumasa jawi, jelxa ya'weta ek'uk ja wokol jumasa, jel gusto aye. Jel ajula sb'aje, jel a'ay ya'a ja smajtan ja Dyos ja jastal jun ma' jel yi'oj. 3Wax na'a lek ya'awe'ni ja janek' b'ob' yujile'a, man ya'awe ja janek' t'ilan oj ya'we'i. Mi ma' t'enjiye yuj ja janek' ya'awe'i, yujni jach' wa sk'ana oj ya'e'a, 4asta man sk'anawe' ki'tikon pabor mok jtimtikon ja jastal ja wa sk'anawe oj skoltaye ja yuntikil ja Dyosi. 5Mas toj jitsan ya'awe yuj ja janek' wax k'u'antikon oj ya'e'i. Ja it jumasa, b'ajtan ya'a sb'aje b'a yib' sk'ab' ja Dyosi, tsa'an ya'a sb'aje jmoktikon ja ke'ntikoni. Jach' sk'u'lane jastal it ja jastal wa'n smajlajel ja Dyos oj sk'u'luke'i.
6Ja Tito ye'n k'e stul stsomjel ja smajtan ja Dyos jel niwani. Ja'yuj wax k'anatikon yi pabor mok ya'kan sk'ulajel. 7Spetsanile, wa sna'awe ke ja we'nlexi yujni jel lekexa: sok jel toj waxa k'u'anex ja Dyosi, jel lek wala k'umaniyex, jel xa waxa na'awex, jel tsamal waxa wa'teltayex ja wa mojex jumasa, sok jel ja syajal wa k'ujolex jmoktikoni. Ja b'a koltanel iti, we'nlex ja jel niwan a wa'awex ja smajtan ja Dyos iti.
8Mi yuj wa'nukon ya'jel awi'ex jun mandar, kechan wax k'ana oj a na'ex jastal wa'ne ya'jel ja smajtan ja Dyos ja tuk jmoj aljeltik jumasa, b'a jach' oj a ja je'ex ja we'nlex jel niwan ja syajal wa k'ujolexi. 9Ja we'nlexi, wanixa na'awex jelni ja jas b'aj ja Kajwaltik Jesusi, ja Ye'n jel syajtayex, ja'yuj jak ja b'a lu'umi, jel ajula sb'aj ya'a sb'aj, yuj ja jel ajula sb'aj ya'a sb'aji, ja'yuj we'nlex jel ja jas a ta'awexi.
10B'a a lekil we'nlex oj ka'wi'ex ja rason iti. Ja jujnab'e we'n awa'awex b'ajtan ja smajtan ja Dyos jumasa iti, mi kechanuk ja jawi, jel gusto a wa'awex. 11Mi lomxa tukb'esex ja jastal k'e' a k'u'lukex jani, k'u'lanik sok ja jastal k'e' a k'u'lukex jan ja b'a b'ajtani, a ya' b'a kada jujune ja janek' wa sk'ana oj ya'i. 12Ta yuj k'a meran ja waxa k'ana oj wa'ex ja smajtan ja Dyosi, jelni lek oj yil ja Dyos ja smajtan jumasa jawa, ja Dyosi, mi yuj ja'uk wa sk'ana oj ka'tiyi ja jas mey ki'ojtiki.
13Mix k'anatikon yuj ja oj a koltayex ja tuk jumasa, ja ti mi oj a ta'ex ja we'nlex ja jas t'ilan oj makunuk a wujilexi. Ja wax k'anatikon, junxta kab'altik oj ajyukotik. 14Ja we'nlex ja ya'ni jel wa jastik a b'ajexi, ja'yuj jel t'ilan oj a koltayex ja ma jel t'usan yi'oji. Oj cho k'otuk ja k'ak'u oj cho sta' lek ja ye'nle'i, ye'nxa oj cho skoltayex ja we'nlexa, jach' jastal it ja oj b'ob' jlaj b'ajtiki. 15Ja b'a sts'ijb'anub'al ja yab'al ja Dyosi, jach' wax yala jastal iti: —Mi jas kan yuj ja ma jel jitsan stsomo, cho mi sk'u'lan palta yuj ja ma jel t'usan stsomo.
Jun modo jastal tsomoxuk ja tak'in sb'a koltaneli
16—Sts'akatal ja Dyos yuj wax cham sk'ujol ja jmoj aljeltik Tito b'a oj b'ob' skoltayex ja we'nlexi, sok ja ke'ni— 17Ja ye'n jel t'ilan wax yila ja oj skoltayex ja we'nlexi, sok jel gusto yab' ja jas kal a yab' oj sk'u'luki, ja'yuj sok spetsanil sk'ujol waj yulatayex.
18Sok ja Tito jekatikon sok jun jmoj aljeltik, ja ye'n jel tsats wax yala ek' ja yab'al ja Dyosi jel wax a'tiji ja b'a yaljel ja tsamal yab'al ja Dyosi. B'a spetsanil ja jmoj aljeltik jumasa jel wax ta'ji ti' ja ye'n, 19ja'yuj tsa'ji b'a oj waj jmojtatikon ja yajni wax ki'ajtikon och ja smajtan ja Dyosi. Spetsanil ja iti, wax k'u'lantikon b'a stoyjel ja Dyosi, sok jach' oj b'ob' cho je'tikon jel ja jgustikon oj kolnukotikoni. 20Mix k'anatikon ma oj sta'otikon ti', yuj ja jastal wa'ntikon a'tel b'a stsomjel ja smajtan ja Dyos iti. 21Wax le'atikon jastal lek oj k'u'ltikon ja b'a sti sat ja Dyosi, cho jach'ni ja b'a sti' sat ja kristyano jumasa.
22Sok ja ye'nle'i, cho jekatikon chab' jmoj aljeltik jumasa, ja ma' ti'xa nochan sok ja yab'al ja Kajwaltik Jesusi, jitsan majke sok tuktukil sje'ata jastal jel tsamal wax koltaniye. Jaxa ya'n wani sk'ana oj sk'u'luke'a, sok jel niwan sk'ujole sok ja we'nlexi. 23Na'awik lek ja moj aljel Tito jmojni jb'ajtikon a'tela, sok lajani wala a'tijitikona, jach' wax b'ob' kolta jb'ajtikon lek. Cho jach'ni ja chawane jmoj aljeltik wajume sok ja Tito, ja'ni jekub'ale yuj ja jmoj aljeltik jumasa'a, yuj ja jel wa stoyowe ja Kajwaltik Jesusi. 24Ja'yuj je'awik yi'e ja syajal ja wa k'ujolexi, b'a jach' oj sna'e ja jmoj aljeltik jumasa ma' wa sjekawex ke jel gusto aytikon a mokex.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021