2 Corintios 4
4
Jun lekil jastik tey b'a jun sek'
1Ja Dyosi, jel lek wa sk'ana oj ka'teltatik. Ja'yuj mok axwukotikik. 2Mi jas la k'ixwitikon yuj sok mi jas nak'ul jk'u'lantikon. Mi jle'atikon jastal oj jlo'latikon ja kristyano'i, sok mi jtukb'estikon ja yab'al ja Dyosi. Ja smeranili, yila ja Dyos smeranil ja jas kalatikoni. Ja'yuj spetsanile wax b'ob' ya' sniwanil sk'ujole' jmoktikon. 3Kechan mix b'ob' yabye ja tsamal yab'al ja Dyosi, ja ma'tik mi oj sta' skoltajeli.
4Ja tsamal ab'al jawi, wax yala jastal jel niwan ja Kajwaltik Jesusi, jaxa Kajwaltik Jesusi ye'n wa sje'a ki'tik jastal jel niwan ja jTatik Dyos ja ab'al jawi, wax lijpi jastal jun k'ak'; jayuj ja ma mi sk'u'ani mini oj yila, yuj ja lajan sok makub'al ja sate yuj ja tan pukuji. 5Ja ke'ntikoni mi ja'uk wax kalatikon jel lekotikon, ja' wax kalatikon ja Kajwaltik Jesús ye'n ja Kajwaltiki, jaxa ke'ntikoni a wa'tijumotikonex yuj ja wax k'u'antikon ja Kajwaltik Jesusi. 6Ja yajni sk'u'lan ja satk'inal sok ja lu'um ja jTatik Dyosi, yala: —a ijlab'anuk ja k'ak' ja b'a k'ik'inali— Ja'yuj ja ya'ni, ya kab'tik sb'ej ja yab'al ja Dyosi, lajan sok ijlab'ani ja wax na'atikoni, b'a jachuk yuj ja Kajwaltik Jesusi, ti jna'atik sb'aj jastal jel niwan ja Dyosi.
7Ja yajni ya jnatik ja tsamal yab'al ja Dyosi, lajan sok ti ya'ki'tik b'a jun sek' b'a mey lek yip k'u'lub'al sok lu'um. Ja'yuj ja kristyano wax kalatik ja tsamal yab'ali, ja kristyano wani sna'awe ja yip ja ab'al jawi ye'nani wax ya'a ja Dyosi, mi sok ke'nuktik, jel ajula b'ajtik ja ke'ntiki lajanotik sok ja k'unil lokoki. 8Ja'yuj a'nimax k'i'ajtikon jitsan wokol, mini la xiwtikona. Wax cham jk'ujoltikon mini la axwitikona. 9Ja kristyano'i, koraja wax yilawotikone, jaxa Dyosi, mix yawotikon kan jtuch'iltikon. Wa sjipawotikone lu'um mi sch'ayawe jna'jeltikon. 10-11Chikan b'a wala wajtikona, spetsanile wax yilawe wanix ki'ajtikon wokol jastal yi'aj wokol ja Kajwaltik Jesusi, jachuk yuj ja wax k'u'antikoni, ay modo ke jel mojan ki'ojtikon ja chamel ch'akeli. Cho jach'ni yuj ja ke'ntikoni oj b'ob' cho yil'e ja Kajwaltik Jesusi, ayni yip b'a oj ya sak'wuk ja cham winik jumasa. 12Ja'yuj ja ke'ntikoni a'nima wa'ntikonxa chamel, jaxa we'nlexi, wa'nexni sta'jel yajk'achil ja wa sak'anilexi.
13Ja b'a ts'ijb'anub'al ja yab'al ja Dyosi, jach' wax yala jastal iti: —Ja ke'n jk'u'an ja Dyosi, ja'yuj kala—. Jach'ni ja ke'ntikoni wax k'u'antikon ja Dyosi, ja'yuj wax kalatikon ja tsamal yab'al ja Dyosi. 14Yuj ja wax na'tikon ja yajni la chamtikoni, ja Dyosi, ojni ya jsak'aniltikona, jach'ni jastal sk'u'lan sok ja Kajwaltik Jesusi, jaxa mas tsa'ani, ti oj yi'otikon ja b'ay ja ye'ni. 15Spetsanil ja iti, yujni ja b'a wa lekil we'nlexa. Ta yuj k'a ay jitsan ja ma wa sk'u'an ja syajal sk'ujol ja Dyosi, jach'ni jitsan jama oj ya'yi ts'akatal yuj ja wa sna'awe jastal jel niwan ja syajal sk'ujol ja Dyosi.
16Ja'yuj mi lom la axwitik. A'nima wax k'umb'i ja jkwerpotiki, jaxa kaltsiltiki wani sta'jel yipa. 17Ja wokol jumasa wa'ntik sta'jeli jel ko'el, sok mi oj alb'uk jitsan k'ak'u. Sts'akatal ja wokol jumasa jawi, ja Dyosi, jel gusto oj yil'otik sok ojni alb'uk jitsan k'ak'u'a: Jel niwan ja stsamalili, sok jel lek. 18Jayuj ja ke'ntiki, mix cham jk'ujoltik yuj ja jas wax ek' ja b'a lu'um iti, mini oj alb'uka. Ja b'a wax ya cham jk'ujoltiki, ja jastal oj ek' kujtik ja b'a satk'inali. Ja yajni mix na'atik jastal oj ek' kujtik ja tiwi. Ja b'a wax na'atiki, mini sb'aj oj ch'akuka.
Currently Selected:
2 Corintios 4: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
2 Corintios 4
4
Jun lekil jastik tey b'a jun sek'
1Ja Dyosi, jel lek wa sk'ana oj ka'teltatik. Ja'yuj mok axwukotikik. 2Mi jas la k'ixwitikon yuj sok mi jas nak'ul jk'u'lantikon. Mi jle'atikon jastal oj jlo'latikon ja kristyano'i, sok mi jtukb'estikon ja yab'al ja Dyosi. Ja smeranili, yila ja Dyos smeranil ja jas kalatikoni. Ja'yuj spetsanile wax b'ob' ya' sniwanil sk'ujole' jmoktikon. 3Kechan mix b'ob' yabye ja tsamal yab'al ja Dyosi, ja ma'tik mi oj sta' skoltajeli.
4Ja tsamal ab'al jawi, wax yala jastal jel niwan ja Kajwaltik Jesusi, jaxa Kajwaltik Jesusi ye'n wa sje'a ki'tik jastal jel niwan ja jTatik Dyos ja ab'al jawi, wax lijpi jastal jun k'ak'; jayuj ja ma mi sk'u'ani mini oj yila, yuj ja lajan sok makub'al ja sate yuj ja tan pukuji. 5Ja ke'ntikoni mi ja'uk wax kalatikon jel lekotikon, ja' wax kalatikon ja Kajwaltik Jesús ye'n ja Kajwaltiki, jaxa ke'ntikoni a wa'tijumotikonex yuj ja wax k'u'antikon ja Kajwaltik Jesusi. 6Ja yajni sk'u'lan ja satk'inal sok ja lu'um ja jTatik Dyosi, yala: —a ijlab'anuk ja k'ak' ja b'a k'ik'inali— Ja'yuj ja ya'ni, ya kab'tik sb'ej ja yab'al ja Dyosi, lajan sok ijlab'ani ja wax na'atikoni, b'a jachuk yuj ja Kajwaltik Jesusi, ti jna'atik sb'aj jastal jel niwan ja Dyosi.
7Ja yajni ya jnatik ja tsamal yab'al ja Dyosi, lajan sok ti ya'ki'tik b'a jun sek' b'a mey lek yip k'u'lub'al sok lu'um. Ja'yuj ja kristyano wax kalatik ja tsamal yab'ali, ja kristyano wani sna'awe ja yip ja ab'al jawi ye'nani wax ya'a ja Dyosi, mi sok ke'nuktik, jel ajula b'ajtik ja ke'ntiki lajanotik sok ja k'unil lokoki. 8Ja'yuj a'nimax k'i'ajtikon jitsan wokol, mini la xiwtikona. Wax cham jk'ujoltikon mini la axwitikona. 9Ja kristyano'i, koraja wax yilawotikone, jaxa Dyosi, mix yawotikon kan jtuch'iltikon. Wa sjipawotikone lu'um mi sch'ayawe jna'jeltikon. 10-11Chikan b'a wala wajtikona, spetsanile wax yilawe wanix ki'ajtikon wokol jastal yi'aj wokol ja Kajwaltik Jesusi, jachuk yuj ja wax k'u'antikoni, ay modo ke jel mojan ki'ojtikon ja chamel ch'akeli. Cho jach'ni yuj ja ke'ntikoni oj b'ob' cho yil'e ja Kajwaltik Jesusi, ayni yip b'a oj ya sak'wuk ja cham winik jumasa. 12Ja'yuj ja ke'ntikoni a'nima wa'ntikonxa chamel, jaxa we'nlexi, wa'nexni sta'jel yajk'achil ja wa sak'anilexi.
13Ja b'a ts'ijb'anub'al ja yab'al ja Dyosi, jach' wax yala jastal iti: —Ja ke'n jk'u'an ja Dyosi, ja'yuj kala—. Jach'ni ja ke'ntikoni wax k'u'antikon ja Dyosi, ja'yuj wax kalatikon ja tsamal yab'al ja Dyosi. 14Yuj ja wax na'tikon ja yajni la chamtikoni, ja Dyosi, ojni ya jsak'aniltikona, jach'ni jastal sk'u'lan sok ja Kajwaltik Jesusi, jaxa mas tsa'ani, ti oj yi'otikon ja b'ay ja ye'ni. 15Spetsanil ja iti, yujni ja b'a wa lekil we'nlexa. Ta yuj k'a ay jitsan ja ma wa sk'u'an ja syajal sk'ujol ja Dyosi, jach'ni jitsan jama oj ya'yi ts'akatal yuj ja wa sna'awe jastal jel niwan ja syajal sk'ujol ja Dyosi.
16Ja'yuj mi lom la axwitik. A'nima wax k'umb'i ja jkwerpotiki, jaxa kaltsiltiki wani sta'jel yipa. 17Ja wokol jumasa wa'ntik sta'jeli jel ko'el, sok mi oj alb'uk jitsan k'ak'u. Sts'akatal ja wokol jumasa jawi, ja Dyosi, jel gusto oj yil'otik sok ojni alb'uk jitsan k'ak'u'a: Jel niwan ja stsamalili, sok jel lek. 18Jayuj ja ke'ntiki, mix cham jk'ujoltik yuj ja jas wax ek' ja b'a lu'um iti, mini oj alb'uka. Ja b'a wax ya cham jk'ujoltiki, ja jastal oj ek' kujtik ja b'a satk'inali. Ja yajni mix na'atik jastal oj ek' kujtik ja tiwi. Ja b'a wax na'atiki, mini sb'aj oj ch'akuka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021