Sasampune wusan marayunan, Ida Hyang Yesus raris ngandika ring Dane Simon Petrus asapuniki: “Simon, pianak Yohanes, apake cening tresna asih teken Guru lebihan teken timpal-timpal ceninge?” Pasaur Dane Petrus: “Inggih Ratu Sang Panembahan, IRatu wikan mungguing titiang tresna asih ring IRatu.” Ida Hyang Yesus ngandika: “Angonangja panak biri-birin Gurune!” Sane kaping kalihipun Ida Hyang Yesus malih ngandika ring dane: “Simon pianak Yohanes, apake cening tresna asih teken Guru?” Pasaur danene: “Inggih Ratu Sang Panembahan, IRatu wikan, mungguing titiang tresna asih ring IRatu!” Ida ngandika ring dane: “Angonangja biri-birin Gurune.” Ring kaping tiganipun Ida Hyang Yesus malih ngandika: “Simon, pianak Yohanes, apake cening tresna asih teken Guru?” Irika Dane Petrus raris sedih, santukan kantos ping tiga Ida mataken ring dane sapuniki: “Apake cening tresna asih teken Guru?” Tur pasaur danene: “Inggih Ratu Sang Panembahan, IRatu wikan ring saluiring paindikan; IRatu wikan mungguing titiang tresna asih ring IRatu!” Ida Hyang Yesus ngandika ring dane: “Angonangja biri-birin Gurune!
Read YOHANES 21
Listen to YOHANES 21
Share
Compare All Versions: YOHANES 21:15-17
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos