Eclesiástico 34
34
Jiñi lak ñajal
1-2Che' mi lak xuk'chokoñ lak pusik'al ti ñajal
lajaläch che' bajche' mi lak ña'tañ mäktañ jiñi ik'.
Majki machbä añobik iña'täbal
mi' loñ xuk'chokoñ ipusik'al ti' itojlel pejtelel iliyi.
3Pejtelel chuki mi lak ñajleñ
iyejtaljach chuki mi la jk'el,
lajaläch che' bajche' la jkejtal ti k'eloñib wut.
4Ma'añik chuki säk ti itojlel jiñi bi'bi'lel,
mi' añik jiñi isujmlel ti' itojlel lotiya.
5Jiñi lak ñajal loñ mulañtikbä yilal,
lajal che' bajche' lotbä t'añ mu'bä iyäl xi'bajob,
yik'ot lajaläch che' bajche' pejtelel chuki mi to'ol ña'tañ
jiñi x-ixik käñtäbilbä icha'añ iyalobil.
6Jiñ cha'añ, mach yom ma' ñop jiñi ñajal
mi mach jiñik Lak Ch'ujutat woli ichok tilel ti' atojlel,
7kome ka'bälob tsi' yäk'äyob ti sajtel
cha'añ tsi' laj ñopoyob iliyi.
8Ma'añik yambä ñumeñ uts'at
che' mi lak ñop ixik'ojel Lak Yum
yik'ot che' mi lak cha'leñ t'añ yik'ot ña'täbal.
Jiñi xämbal ti pañämil
9-10Jiñi mu'bä ichäñ lok'el ti xämbal,
mux iñumeñ taj ich'ejlel yik'ot ka'bältak chuki mi' käñ.
Ixku, k'ax ts'itajax chuki yujil
majki ma'añik mi' lok'el ti xämbal ti ñajtäl
cha'añ mi' ikäñ pañämil.
11Joñoñ ka'bäl chuki kämbil kcha'añ
k'äläl che'bä woliyoñ ti xämbal,
yik'ot mach tajbeyik kcha'añ jiñi t'añ cha'añ mik tsiktesañ
pejtelel chuki tsa'bä jkäñä.
12Ka'bäl tsa' kmälä chämel
yik'ot tsa'ix mejli jkoltañ kbä,
cha'añ ti' kaj pejtelel chuki tsa'bä kñopo.
Ich'ujbiñtel it'añ Lak Yum
13-14Majki mi' ch'ujbiñob Lak Yum
tijikña mi' chumtälob ti pañämil,
kome tsa'ix ixuk'chokoyob ipusik'al
ti' itojlel Lak Ch'ujutat,
mu'bä imejlel ikoltañob.
15K'ax ñuk itijikñäyel
majki mu'bä ich'ujbiñob it'añ Lak Yum,
kome añäch xkoltaya ti' itojlelob.
16Lak Ch'ujutat mi' koltañ majki mu'bä ik'uxbiñob,
jiñäch jiñi k'ax p'ätälbä xkäñtaya;
mi' mojch'añob ti' tojlel p'ätälbä ik',
mi iyäk'ob jiñi axñal che' ti xiñk'iñil,
mi' techob che' mi yajlelob,
17mi' cha' yäk'eñob ip'ätälel,
ik'ok'lel yik'ot ikuxtälel,
che' ja'el mi' päs ti' itojlelob ñukbä ik'uxbiya.
Majtañäl ti' itojlel Lak Ch'ujutat
18-19Jiñi xjoñtolob mux iyäk'ob
ka'bäl majtañältak ti' itojlel Lak Yum
mäñbilbä yik'ot xujch'ibilbä tak'iñ,
ixku jiñi Lak Ch'ujutat mi' ts'a'leñ
che'bä tajbil jiñi majtañäl.
20Che' mi' lak xujch'ibeñ ichu'bä añ jiñi p'ump'uño'bä,
cha'añ mi lak käk'eñ imajtañ Lak Ch'ujutat,
lajaläch bajche' mi' tsänsäñtel juñtikil aläl ti' iwut itat.
21-22Jiñi p'ump'uño'bä kuxulob ti chuki mi iyäk'beñtelob
ti' ikaj jiñi koltäñtel,
che' mi lak chäkibeñob chuki woli ik'ajtiñob
woliyäch lak chilbeñob iwaj;
¡Lajaläch che' bajche' woli lak tsäñsañob!
Che'äch mi' imel jiñi yumäl
che'bä ma'añik mi' toj ti ts'äkäl iye'tel iwiñikob.
23Ma'añix ik'äjñibal awe'tel
che' añ chuki mi awa'chokoñ
ixku mi' itilel yambä cha'añ mi' jem;
24mi añik mi ik'äjñibäyel ak'ajtiya ti Lak Yum,
mi jatet ma' amel ch'ujutesaya ixku yambä mi' imel p'ajoñel;
25Mi juñtikil mi' itäl chämeñixbä, mi' isäk'esañ ibä,
ixku mi' icha' täl jiñi chämeñixbä,
¿Chuki to ye'tel che' tsa' iloñ säk'esa ibä?
26Ma'añix ik'äjñibal jiñi ch'ajb
yik'ot che' ma' k'ajtiñ iñusäñtel mulil,
mi ti wi'il ma' cha' otsañ amul.
Lak Ch'ujutat ma'añik mi' kaj ijak'beñet ak'ajtiya.
Currently Selected:
Eclesiástico 34: CholDc
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM