Marku 5
5
Olamihiwa wa mutthu orino munepa woonanara
1Awo yaalapuwa ephareiya ni yaarowa elapo ya oGeraseno. 2Akhuruwakaru Yeesu munikulani, mutthu aarino munepa woonanara aahoowa wa Yoowo, akhumelelaka omahiyeni. 3Mulopwana owo annakhala variyari wa mahiye. Khaawo yaangwera omutthuka, hata ni onyooro, 4niwoko imaara sincipale yaamutthukaaya ni onyooro munaawoni ni mmatatani, mene owo annapasa onyooro ni iyuuma sa mmanaawoni. Khaawo aarino ikuru weera angwere. 5Ohiyu ni othana owo anneetta variyari wa mahiye ni mattumuxa, akhuwelaka ni iithikilaka ni maluku. 6Amoonakaru Yeesu ottaiwene, aatthimaka ni aamukokhorela vahoolowawe, 7anakhuwela vancipale: “Nyuwo ni miyo muntthuna eheeni, Yeesu, Mwaana a Muluku musulusulu? Kinoodyoonttelelani ni Muluku weera muhikittaruxe.” 8Munepa ole wuulumale yeeyo niwoko Yeesu aaheerela: “Okhume wa mulopwana ola, munepa woonanara!” 9Vano Yeesu aakoha: “Nsinanawo taani?” Owo waamwaakhula: “Nsinanaka ti Elexawu*, niwoko nri minepa sincipale.” 10Ni munepa woonanara waamudyoonttelelaxa Yeesu weera Owo ahilamulele ovenya elapo ele. 11Vano, nakupa mutokotoko a ikhumba eera acaaka vanttumuxani nookhuveela. 12Minepa soonanara saamudyoonttelela Yeesu: “Munoomolele okhumbani weera navolowe mwemmo.” 13Owo aatthunihera, ni minepa soonanara saakhuma ni saavolowa mukhumbani. Nakupa oophiyera macira miloko miili a ikhumba aatthimaka arowaka oxepani, anakhumbwela mpareiyani ni anamireiya mwemmo. 14Yaawo yaakukhula ikhumba, yaatthawa ni yaathaliha itthu iye osidade ni mmamattani, ni muloko wa atthu waarowa weera woone yeeyo yeereiye. 15Omwaattamelaka Yeesu, waamoona vaavaale mulopwana aarino Elexawu* ya minepa soonanara, akilaantheene, awanreene ni uupuwelaka nnenesene, ni waahoova. 16Yaawo yoonne yaathalihera muloko wa atthu yeeyo yeereiye ni mulopwana ole aarino minepa soonanara, ni yaahuulumatho mwaha wa ikhumba. 17Vano muloko wa atthu waapacera omudyoonttelela Yeesu weera avenye elapwaaya ele. 18Yeesu avolowaka munikulani, mulopwana aarino minepa soonanara aamudyoonttelela weera amutthunihere orowa vamoha ni Yoowo. 19Yeesu khaamutthunihenre, mene aamweerela: “Murowe owaani wa emusaanyu ni mwaaleele yeeyo Apwiya yoopankaayani, ni moota yoomorenlaayani ikharari nyuwo.” 20Mulopwana ole aarowa ni aapacera olaleiya elapo ya oDekapolisi yeeyo Yeesu aamupakenlaawe. Vano ootheene yaatikhina.
Ikuru sa Yeesu mwaha wa iretta ni okhwa
21Ahokoleenleenetho Yeesu okhopela munikulani, atthu ancipale yaathukumana emurukureenreene Owo areene mukerekhere wa ephareiya. 22Vano aaphiya vaavaale muhooleli mmoha a eSinagoga* iitthaniwa Yairu. Amoonakaru Yeesu, aamukokhorela inaawosawe 23ni aamudyoonttelela ni ovilela, eeraka: “Mwanaka muthiyana ohanle vakhaani okhwa. Dyoontte, murowe ni mwamwiikaathere matata weera alamihiwe ni akhale ni okumi.” 24Vanonto Yeesu aarowa ni yoowo. Atthu ancipale yaamutthara ni yaahaamaana ni Yoowo. 25Aakhala vaavaale muthiyana mmoha aahaawa iyaakha muloko ni piili eretta ya okhuma ephome. 26Annahaawa vancipale niwoko na weereriwa ni mameediku, ni aananariha sootheene aarinaawe, mene ohiya olama, aamweera otepa. 27Owo iiwalaawe wuulummwa sa Yeesu, aaphiya ottuli wa Yeesu variyari wa atthu ancipale, anatava soowarasawe, 28niwoko uupuwela: “Miyo paahi katavaru soowarasawe, kinoolama.” 29Woowaakuveya, yaamaala okhuma ephome, ni owo aahiiwelela mweerutthunimwawe weera aalama mohaawanimwawe. 30Ehuhu emoharu yeele Yeesu aasuwela weera saakhuma ikuru wa Yoowo. Aahaarukunuwela atthu ancipale ni aahaakoha: “Taani otamve soowarasaka?” 31Oohuseraawe yaamwaakhula: “Ngwoone atthu ancipale amaraanne variyariwanyu, ni munookohatho: ‘Taani okitamve?’” 32Yeesutho aapwaherera awehawehaka mukhwipimwawe weera amoone taani aapanke yeeyo. 33Muthiyana asuwelaka yeeyo yaamukhumelenle, aamwaattamela, anamukokhorela inaawosawe, ni athukumelaka ni woova, anamuthalihera ekhaikhai yootheene. 34Vano Owo aamweerela: “Mwaana, nroromelonanyu nohoolamihani. Murowe mmuretteleni ni mukhale oolamihiwa ni ohaawawanyu.” 35Yeesu nlelo eera uulumaka, yaaphiyalaaya atthu akina a muhooleli a eSinagoga*. Awo yaamweerela: “Mwaninyu ohookhwa. Khoontthuneyatho omuxupa Muhusiha.” 36Ahipwatthaka etthu yeeyo awo yeenraaya, Yeesu aamweerela muhooleli a eSinagoga*: “Muhoove, muroromele paahi.” 37Khaatthunihenre akina omutthara Yoowo, ahikhanle Pedru, Yakobe, ni axunneiye Yohaane. 38Yaaphiyalaaya owannyawe muhooleli a eSinagoga*, Yeesu aaphwanya onyakula otokotoko ni atthu yiinlaka ni elalamikaka vancipale. 39Vanonto aavolowa ni aaweerela: “Heeni onyakula otokotoko ni olalamika wu? Mwaana khakhwiiye, mene onookona.” 40Vaheera awo yaamutheiya. Awoomolakaru ootheene, aahaakuxa atithawe ni amayawe mwaana, ni oohusera yaari ni Yoowo. Aavolowa weiwo aaraawe mwaana. 41Aamvara ntata anamweerela: “Talita kumi!” entaphulela: “Mwaamwali, Miyo kinoolamula weera ovenye!” 42Woowaakuveya mwaamwali, aarino iyaakha muloko ni piili, aavenya anapacera weetta. Eyo yaahaatikhinihaxa akina yaari mwemmo. 43Owo aahaalamulelaxa weera ahikhale aneera asuwele, nitho weera emvahe etthu ace.
Currently Selected:
Marku 5: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Marku 5
5
Olamihiwa wa mutthu orino munepa woonanara
1Awo yaalapuwa ephareiya ni yaarowa elapo ya oGeraseno. 2Akhuruwakaru Yeesu munikulani, mutthu aarino munepa woonanara aahoowa wa Yoowo, akhumelelaka omahiyeni. 3Mulopwana owo annakhala variyari wa mahiye. Khaawo yaangwera omutthuka, hata ni onyooro, 4niwoko imaara sincipale yaamutthukaaya ni onyooro munaawoni ni mmatatani, mene owo annapasa onyooro ni iyuuma sa mmanaawoni. Khaawo aarino ikuru weera angwere. 5Ohiyu ni othana owo anneetta variyari wa mahiye ni mattumuxa, akhuwelaka ni iithikilaka ni maluku. 6Amoonakaru Yeesu ottaiwene, aatthimaka ni aamukokhorela vahoolowawe, 7anakhuwela vancipale: “Nyuwo ni miyo muntthuna eheeni, Yeesu, Mwaana a Muluku musulusulu? Kinoodyoonttelelani ni Muluku weera muhikittaruxe.” 8Munepa ole wuulumale yeeyo niwoko Yeesu aaheerela: “Okhume wa mulopwana ola, munepa woonanara!” 9Vano Yeesu aakoha: “Nsinanawo taani?” Owo waamwaakhula: “Nsinanaka ti Elexawu*, niwoko nri minepa sincipale.” 10Ni munepa woonanara waamudyoonttelelaxa Yeesu weera Owo ahilamulele ovenya elapo ele. 11Vano, nakupa mutokotoko a ikhumba eera acaaka vanttumuxani nookhuveela. 12Minepa soonanara saamudyoonttelela Yeesu: “Munoomolele okhumbani weera navolowe mwemmo.” 13Owo aatthunihera, ni minepa soonanara saakhuma ni saavolowa mukhumbani. Nakupa oophiyera macira miloko miili a ikhumba aatthimaka arowaka oxepani, anakhumbwela mpareiyani ni anamireiya mwemmo. 14Yaawo yaakukhula ikhumba, yaatthawa ni yaathaliha itthu iye osidade ni mmamattani, ni muloko wa atthu waarowa weera woone yeeyo yeereiye. 15Omwaattamelaka Yeesu, waamoona vaavaale mulopwana aarino Elexawu* ya minepa soonanara, akilaantheene, awanreene ni uupuwelaka nnenesene, ni waahoova. 16Yaawo yoonne yaathalihera muloko wa atthu yeeyo yeereiye ni mulopwana ole aarino minepa soonanara, ni yaahuulumatho mwaha wa ikhumba. 17Vano muloko wa atthu waapacera omudyoonttelela Yeesu weera avenye elapwaaya ele. 18Yeesu avolowaka munikulani, mulopwana aarino minepa soonanara aamudyoonttelela weera amutthunihere orowa vamoha ni Yoowo. 19Yeesu khaamutthunihenre, mene aamweerela: “Murowe owaani wa emusaanyu ni mwaaleele yeeyo Apwiya yoopankaayani, ni moota yoomorenlaayani ikharari nyuwo.” 20Mulopwana ole aarowa ni aapacera olaleiya elapo ya oDekapolisi yeeyo Yeesu aamupakenlaawe. Vano ootheene yaatikhina.
Ikuru sa Yeesu mwaha wa iretta ni okhwa
21Ahokoleenleenetho Yeesu okhopela munikulani, atthu ancipale yaathukumana emurukureenreene Owo areene mukerekhere wa ephareiya. 22Vano aaphiya vaavaale muhooleli mmoha a eSinagoga* iitthaniwa Yairu. Amoonakaru Yeesu, aamukokhorela inaawosawe 23ni aamudyoonttelela ni ovilela, eeraka: “Mwanaka muthiyana ohanle vakhaani okhwa. Dyoontte, murowe ni mwamwiikaathere matata weera alamihiwe ni akhale ni okumi.” 24Vanonto Yeesu aarowa ni yoowo. Atthu ancipale yaamutthara ni yaahaamaana ni Yoowo. 25Aakhala vaavaale muthiyana mmoha aahaawa iyaakha muloko ni piili eretta ya okhuma ephome. 26Annahaawa vancipale niwoko na weereriwa ni mameediku, ni aananariha sootheene aarinaawe, mene ohiya olama, aamweera otepa. 27Owo iiwalaawe wuulummwa sa Yeesu, aaphiya ottuli wa Yeesu variyari wa atthu ancipale, anatava soowarasawe, 28niwoko uupuwela: “Miyo paahi katavaru soowarasawe, kinoolama.” 29Woowaakuveya, yaamaala okhuma ephome, ni owo aahiiwelela mweerutthunimwawe weera aalama mohaawanimwawe. 30Ehuhu emoharu yeele Yeesu aasuwela weera saakhuma ikuru wa Yoowo. Aahaarukunuwela atthu ancipale ni aahaakoha: “Taani otamve soowarasaka?” 31Oohuseraawe yaamwaakhula: “Ngwoone atthu ancipale amaraanne variyariwanyu, ni munookohatho: ‘Taani okitamve?’” 32Yeesutho aapwaherera awehawehaka mukhwipimwawe weera amoone taani aapanke yeeyo. 33Muthiyana asuwelaka yeeyo yaamukhumelenle, aamwaattamela, anamukokhorela inaawosawe, ni athukumelaka ni woova, anamuthalihera ekhaikhai yootheene. 34Vano Owo aamweerela: “Mwaana, nroromelonanyu nohoolamihani. Murowe mmuretteleni ni mukhale oolamihiwa ni ohaawawanyu.” 35Yeesu nlelo eera uulumaka, yaaphiyalaaya atthu akina a muhooleli a eSinagoga*. Awo yaamweerela: “Mwaninyu ohookhwa. Khoontthuneyatho omuxupa Muhusiha.” 36Ahipwatthaka etthu yeeyo awo yeenraaya, Yeesu aamweerela muhooleli a eSinagoga*: “Muhoove, muroromele paahi.” 37Khaatthunihenre akina omutthara Yoowo, ahikhanle Pedru, Yakobe, ni axunneiye Yohaane. 38Yaaphiyalaaya owannyawe muhooleli a eSinagoga*, Yeesu aaphwanya onyakula otokotoko ni atthu yiinlaka ni elalamikaka vancipale. 39Vanonto aavolowa ni aaweerela: “Heeni onyakula otokotoko ni olalamika wu? Mwaana khakhwiiye, mene onookona.” 40Vaheera awo yaamutheiya. Awoomolakaru ootheene, aahaakuxa atithawe ni amayawe mwaana, ni oohusera yaari ni Yoowo. Aavolowa weiwo aaraawe mwaana. 41Aamvara ntata anamweerela: “Talita kumi!” entaphulela: “Mwaamwali, Miyo kinoolamula weera ovenye!” 42Woowaakuveya mwaamwali, aarino iyaakha muloko ni piili, aavenya anapacera weetta. Eyo yaahaatikhinihaxa akina yaari mwemmo. 43Owo aahaalamulelaxa weera ahikhale aneera asuwele, nitho weera emvahe etthu ace.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.