Marku 3
3
1Ehuhu ekina Yeesu aavolowa muSinagogani*, ni aakhala mwemmwe mulopwana aarino ntata nimoha noorakala. 2Akina a yaawo yannaasaasa nthowa weera emoothere Yeesu. Tivawo yaangwehexenxaaya weera yoone Owo aariki alamihe eSaabadu. 3Yeesu aamweerela mulopwana oorakala ntata: “Mweemele ni ngwe eriyari va.” 4Vano Yeesu aahaakoha: “Entthuniheriwa eheeni opaka eSaabadu: yooreera, hoye hoye yoonanara, ovuluxa okumi, hoye hoye wiiva?” Mene awosa yaamaala. 5Anyoonyiweene, aahaaweha yaawo yaamurukureenre, ni athananihiweene vancipale niwoko na mirimasaya soowuuma, Owo aamweerela mulopwana: “Mookole ntatananyu.” Owo aahookola, ni ntata naalamihiwa. 6Vano aFarisi* yaavenya ni yaapacera omvaanelela ni atthu a Herodi moota heeni yeeraaya emwiive Yeesu.
Atthu ancipale animutthara Yeesu
7Yeesu aavenya ni oohuseraawe, arowaka ophareiyani. Atthu ancipale eweelaka oGalileiya yaamutthara. 8Yiiwalaaya mwaha wa sootheene Owo aapakaawe, atthu ancipale eweelaka oYudeiya, oYerusaleemu, wIdumeiya, ilapo sa mukhwipi wa oYordanu ni sa mukerekhere wa oTiro ni oSidoni yaahoorwa wa Yoowo. 9Hapo yaakhala atthu ancipale, Owo aahaalamulela oohuseraawe weera yaasaase nikula nikhaani weera ahaamaane ni atthu. 10Vano Owo aahaalamiha ancipale, moota wooweera aretta yaamukakhana yeerelaka omutava. 11Imaara sootheene saamoonaaya minepa soonanara Yeesu, saamukokhorela vahoolowawe sikhuwelaka: “Weyo Mwaana a Muluku!.” 12Vano Owo aalamulelaxa weera sihimuhime.
Othanliwa wa arummwa muloko neeli
13Yeesu aawela vamwaakoni ni aawiitthana yaawo aatthunaawe, ni awo yaahoorwa wa Yoowo. 14Aahaathanla muloko neeli, aakhalihaka ntoko arummwa, weera ekhale ni Yoowo, ni erumihiwe olaleiya 15nitho weera ekhalane ikuru soowoomola minepa soonanara. 16Vano, muloko neeli aathanlalaawe ti ala: Simeyoni (aamuttenghaawe nsina na Pedru), 17Yakobe, mwaana a Zebedeyo ni munneiye Yohaane (wa yaawo aattenghaawe nsina na Bowanergesi, entaphulela anamwane a etari), 18Andreiya, Filipe, Bartolomeyo, Matheyo, Tomaxi, Yakobe mwaana a Alfeyu, Tadaiyo, Simeyoni Zeloti*, 19ni Yudasi Iskariyoti aamvarihale Yeesu.
Yeesu ni Beelzebuli
20Yeesu aavolowa mpaani, ni yaathukumanatho mwemmwe atthu ancipale, moota wooweera Owo ni oohuseraawe hata khayaawenre oca. 21Yiiwalaaya amusaawe mwaha wa yeeyo, yaavenya weera emvenxe, niwoko yeera: “Owo naanepa.” 22Ni anamawera a nlamulo* yaarweenle oYerusaleemu yeeratho: “Owo ookhalano Beelzebuli. Ti ni ikuru sa muneene a minepa soonanara Owo onoomolaawe minepa soonanara.” 23Vano Yeesu aawiitthana ni aawuulumela ni soolikanyiha: “Ongwereya hai Satana omoomola Satana? 24Omwene wakawanyeiya muneenaayaru, khoongwereya opwaherera. 25Vaate wakawanyeiya muneenaayaru, khoongwereyatho opwaherera. 26Satana iiwananaka muneenaawe ni iikawanyiha muneenaaweru, khangwereya okhala; ommaleloniwawe woophiya. 27Mwa yeeyo, khaawo ongwera ovolowa mpaani mwa mulopwana oolipa ni okuxamo sooreelasawe, ahinaaye toko omutthuka. Paahi hiiho onoowera omwiiyera empaawe. 28Kinooleelani ni ekhaikhai weera onoowereya atthu waakhela elelevelo ya soottheka sootheene ni oveiha wootheene, 29mene yoowo omveiha Munepa Wootteela, khanleveleliwaru: owo ookhalano nthowa na yoottheka yoohimala.” 30Yeesu uulumale yeeyo niwoko awo yeenre: “Ole ookhalano munepa woonanara.”
Amayawe ni axunneiye Yeesu
31Yaaphiya amayawe ni axunneiye Yeesu. Ereene vaate, yaamurumiha mukina weera amwiitthane. 32Yaakhala atthu ancipale ekilaantheene ni emurukureenreene Yeesu, awo yaamweerela: “Amayinyu ni axunninyu ari vaate ni anoowaasani.” 33Vano Owo aahaakoha: “Amayaka ni axunnaka taani?” 34Aahaaweha atthu yaakilaanthi emurukureenreene ni aaweerela: “Va ari amayaka ni axunnaka. 35Yoowo oniiwelela otthuna wa Muluku, owo ti munnaka, murokoraka ni amayaka.”
Currently Selected:
Marku 3: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Marku 3
3
1Ehuhu ekina Yeesu aavolowa muSinagogani*, ni aakhala mwemmwe mulopwana aarino ntata nimoha noorakala. 2Akina a yaawo yannaasaasa nthowa weera emoothere Yeesu. Tivawo yaangwehexenxaaya weera yoone Owo aariki alamihe eSaabadu. 3Yeesu aamweerela mulopwana oorakala ntata: “Mweemele ni ngwe eriyari va.” 4Vano Yeesu aahaakoha: “Entthuniheriwa eheeni opaka eSaabadu: yooreera, hoye hoye yoonanara, ovuluxa okumi, hoye hoye wiiva?” Mene awosa yaamaala. 5Anyoonyiweene, aahaaweha yaawo yaamurukureenre, ni athananihiweene vancipale niwoko na mirimasaya soowuuma, Owo aamweerela mulopwana: “Mookole ntatananyu.” Owo aahookola, ni ntata naalamihiwa. 6Vano aFarisi* yaavenya ni yaapacera omvaanelela ni atthu a Herodi moota heeni yeeraaya emwiive Yeesu.
Atthu ancipale animutthara Yeesu
7Yeesu aavenya ni oohuseraawe, arowaka ophareiyani. Atthu ancipale eweelaka oGalileiya yaamutthara. 8Yiiwalaaya mwaha wa sootheene Owo aapakaawe, atthu ancipale eweelaka oYudeiya, oYerusaleemu, wIdumeiya, ilapo sa mukhwipi wa oYordanu ni sa mukerekhere wa oTiro ni oSidoni yaahoorwa wa Yoowo. 9Hapo yaakhala atthu ancipale, Owo aahaalamulela oohuseraawe weera yaasaase nikula nikhaani weera ahaamaane ni atthu. 10Vano Owo aahaalamiha ancipale, moota wooweera aretta yaamukakhana yeerelaka omutava. 11Imaara sootheene saamoonaaya minepa soonanara Yeesu, saamukokhorela vahoolowawe sikhuwelaka: “Weyo Mwaana a Muluku!.” 12Vano Owo aalamulelaxa weera sihimuhime.
Othanliwa wa arummwa muloko neeli
13Yeesu aawela vamwaakoni ni aawiitthana yaawo aatthunaawe, ni awo yaahoorwa wa Yoowo. 14Aahaathanla muloko neeli, aakhalihaka ntoko arummwa, weera ekhale ni Yoowo, ni erumihiwe olaleiya 15nitho weera ekhalane ikuru soowoomola minepa soonanara. 16Vano, muloko neeli aathanlalaawe ti ala: Simeyoni (aamuttenghaawe nsina na Pedru), 17Yakobe, mwaana a Zebedeyo ni munneiye Yohaane (wa yaawo aattenghaawe nsina na Bowanergesi, entaphulela anamwane a etari), 18Andreiya, Filipe, Bartolomeyo, Matheyo, Tomaxi, Yakobe mwaana a Alfeyu, Tadaiyo, Simeyoni Zeloti*, 19ni Yudasi Iskariyoti aamvarihale Yeesu.
Yeesu ni Beelzebuli
20Yeesu aavolowa mpaani, ni yaathukumanatho mwemmwe atthu ancipale, moota wooweera Owo ni oohuseraawe hata khayaawenre oca. 21Yiiwalaaya amusaawe mwaha wa yeeyo, yaavenya weera emvenxe, niwoko yeera: “Owo naanepa.” 22Ni anamawera a nlamulo* yaarweenle oYerusaleemu yeeratho: “Owo ookhalano Beelzebuli. Ti ni ikuru sa muneene a minepa soonanara Owo onoomolaawe minepa soonanara.” 23Vano Yeesu aawiitthana ni aawuulumela ni soolikanyiha: “Ongwereya hai Satana omoomola Satana? 24Omwene wakawanyeiya muneenaayaru, khoongwereya opwaherera. 25Vaate wakawanyeiya muneenaayaru, khoongwereyatho opwaherera. 26Satana iiwananaka muneenaawe ni iikawanyiha muneenaaweru, khangwereya okhala; ommaleloniwawe woophiya. 27Mwa yeeyo, khaawo ongwera ovolowa mpaani mwa mulopwana oolipa ni okuxamo sooreelasawe, ahinaaye toko omutthuka. Paahi hiiho onoowera omwiiyera empaawe. 28Kinooleelani ni ekhaikhai weera onoowereya atthu waakhela elelevelo ya soottheka sootheene ni oveiha wootheene, 29mene yoowo omveiha Munepa Wootteela, khanleveleliwaru: owo ookhalano nthowa na yoottheka yoohimala.” 30Yeesu uulumale yeeyo niwoko awo yeenre: “Ole ookhalano munepa woonanara.”
Amayawe ni axunneiye Yeesu
31Yaaphiya amayawe ni axunneiye Yeesu. Ereene vaate, yaamurumiha mukina weera amwiitthane. 32Yaakhala atthu ancipale ekilaantheene ni emurukureenreene Yeesu, awo yaamweerela: “Amayinyu ni axunninyu ari vaate ni anoowaasani.” 33Vano Owo aahaakoha: “Amayaka ni axunnaka taani?” 34Aahaaweha atthu yaakilaanthi emurukureenreene ni aaweerela: “Va ari amayaka ni axunnaka. 35Yoowo oniiwelela otthuna wa Muluku, owo ti munnaka, murokoraka ni amayaka.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.