Marku 1
1
Yohaane mpatisa onreherera ephiro
1Epacerero ya masu ooreeraxa mwaha wa Yeesu Kristu, Mwaana a Muluku, yaari ha: 2Ntoko elempwalaaya mulivuruni ya Yesaya: “Nkimurumihe ohoolowanyu namutthengaaka, ni owo anaareherere ephirowaanyu – 3nsu ninkhuwela munikareni: ‘Mwaarehererele ephiro Apwiya! Ngwookolele ephiro Yaawo.’” 4Hiiho aahoowa Yohaane, apatisaka munikareni ni alaleiyaka opatiso wa orukunxa murima, weera atthu yaakhele elevelelo ya soottheka. 5Atthu a elapo yootheene ya oYudeiya ni muloko wootheene wa oYerusaleemu yaahoowa wa yoole. Elapaka sootthekasaya, yaapatisiwa ni yoowo mmoolokoni Yordanu. 6Yohaane aawara ikuwo sa ixapala sa ekamelu* ni laamba a exapala, ni aakhuura misoope nitho oravo wa ntuphini. 7Vano, mutthengaawe waari ola: “Ottuliwaka anaawe Mutthu ooweraxa okipwaha miyo. Nkimphwanela okokhora weera kitaphule miraamba sa ikwakwaattasawe. 8Miyo kinoopatisani ni maahi, mene Owo anoopatiseni ni Munepa Wootteela.”
Opatisiwa ni weereriwa wa Yeesu
9Ehuhuweene yeele, Yeesu aahoowa oNasarete elapo ya oGalileiya, ni aapatisiwa ni Yohaane muYordanu. 10Akhumakaru Yeesu mmaahini, aahoona wiirimu ohuleiyeene ni Munepa omukhuruwelaka Yoowo ntoko ekhunda. 11Vano naakhuma nsu na wiirimu neeraka: “Weyo ori Mwanaka ootthuneyaxa. Mwa Weyo, onkisiveliha!” 12Woowaakuveya Munepa waamweettiha Yeesu mpaka munikareni. 13Weiwo aakhala mahuku miloko mixexe, eereriwaka ni Satana. Aakhala ni inama sa ntuphini, ni andyelo yaamurumeela.
Yeesu ongwiitthana oohusera oopacera
14Yohaane atthukiweene, Yeesu aarowa oGalileiya, alaleiyaka masu ooreeraxa a Muluku. 15Owo anneera: “Yoophiya ehuhu! Omwene wa Muluku wookhuveela. Murukunxe murima, ni muroromele masu ooreeraxa!” 16Eettaka mukerekhere wa ephareiya ya oGalileiya, Yeesu aamoona Simeyoni ni munneiye Andreiya evonyeraka itthavi mphareiyani, niwoko yaari anamakoka. 17Vano Yeesu aaweerela: “Mukitthare, ni Miyo kinimookhalihani anamakoka a atthu.” 18Woowaakuveya yaahiya itthavisaya ni yaamutthara. 19Arowaka vahoolo vakhaani, Yeesu aamoona munikulani Yakobe, mwaana a Zebedeyo, ni munneiye Yohaane, erehereraka itthavisaya. 20Woowaakuveya aawiitthana, ni awo yaamutthara, yaahiyaka atithaya ni anamiteko munikulani.
Yeesu onoomola munepa woonanara
21Awo yaarowa oKafarnawu, ni niphiyaka nihuku na eSaabadu, Yeesu aavolowa muSinagogani* ni aapacera oxuttiha. 22Ootheene yaatikhina mwaha wa nihusihonawe, niwoko aaxuttiha ntoko Mutthu a ikuruxa, ohikhanle ntoko anamawera a nlamulo*. 23Ehuhu emoharu yeeyo muSinagogani*, mulopwana aarino munepa woonanara aakhuwela: 24“Ontthuna eheeni ni hiyo, Yeesu a oNasarete? Waaweenle oniphwata? Koosuwela Weyo taani: ori Ootteela a Muluku.” 25Vano Yeesu aahiiha: “Omaaleke ni okhume mwa yoowo!” 26Munepa woonanara waamutathaxa mulopwana ni waakhuma mwa yoowo okhuwelaka. 27Ootheene yaatikhina, moota wooweera yaakohana: “Eheeni yeeyo? Nihusiho nnyowani, nitho ni ikuru! Owo onoolamula mpaka minepa soonanara, ni seiyo sinoomwiiwelela!” 28Vano ihaali mwaha wa Yeesu saamwaramwareiya woowaakuveya mweelaponi yootheene ya oGalileiya.
Ikuru sa Yeesu mwa minepa soonanara ni iretta
29Woovenyani muSinagogani*, Yeesu aarowa vamoha ni Yakobe ni Yohaane mpaka vaate wa Simeyoni ni Andreiya. 30Apwiyamwaanaawe Simeyoni yaari vabeettini, yaavihaka erutthu, ni oohusera yaamuleela Yeesu weera anoovoreiwa. 31Yeesu aawaattamela, anaavara ntata, anaakhavihera weera yeemele. Oviha wa erutthu waamaala, ni awo yaapacera waarumeela. 32Wiilaka, nsuwa nineenleene, muloko wa atthu waahaarongha wa Yeesu aretta ootheene ni atthu yaarino minepa soonanara. 33Atthu ootheene a esidade yaathukumana vamulako, 34ni Yeesu aahaalamiha ancipale yaahaawa ni iretta soohiyanahiyana. Aahoomolatho minepa soonanara sincipale, mene khaatthunihera weera iyo suulume, niwoko minepa iyo saasuwela weera Yeesu taani.
Yeesu onoovekela
35Oyaaka ni oxa, Yeesu aaheemela, aakhuma mpaani ni aarowa wa nipuro na meekhaawe, ni iwe aavekela. 36Simeyoni ni asikhwaawe yaarowa weera yaamwaasaase, 37ni emphwanyakaru, yaamweerela: “Ootheene anoowaasani.” 38Yeesu aawaakhula: “Nrowe wa nipuro nikina, wa mmittettheni soowaattamana, weera iwotho Miyo kalaleiye. Vano, Miyo kaarweenle yeeyo.” 39Owo aheetteetta elapo ya oGalileiya yootheene, alaleiyaka muSinagogani* ni oomolaka minepa soonanara.
Yeesu onimulamiha namakokho
40Namakokho mmoha aamwaattamela Yoowo ni aamukokhorela amudyoonttelelaka: “Mwatthuna, munoowera okitteeliha.” 41Asareiyeene ni ikharari, Yeesu aahookola moono, anamutava, anamweerela: “Kinootthuna, mukhale ootteelihiwa.” 42Woowaakuveya makokho yaamuhiya, ni owo aatteelihiwa. 43Woottharelana, Yeesu aamupwahiha yoowo ni aamooperera vancipale eeraka: 44“Moone, muhaaleele yeeyo akina, mene murowe ni mwiixoonihere wa musaserdoti* ni mwavahe sooveleela sa otteelihiwawanyu ntoko Moisesi aalamulenlaawe, weera eyo ekhale eneneero wa atthu.” 45Wa soothesene, owo aavenya, anapacera wuuluma mwaatthuni, amwaramwaxaka ihaali. Tivawo Yeesu khaawera ovolowatho hata esidade emoha, mene annakhala okerekhere, mmapuroni a meekhaawe. Hata hiiho, yannawa wa Yoowo atthu a ilapo sootheene.
Currently Selected:
Marku 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Marku 1
1
Yohaane mpatisa onreherera ephiro
1Epacerero ya masu ooreeraxa mwaha wa Yeesu Kristu, Mwaana a Muluku, yaari ha: 2Ntoko elempwalaaya mulivuruni ya Yesaya: “Nkimurumihe ohoolowanyu namutthengaaka, ni owo anaareherere ephirowaanyu – 3nsu ninkhuwela munikareni: ‘Mwaarehererele ephiro Apwiya! Ngwookolele ephiro Yaawo.’” 4Hiiho aahoowa Yohaane, apatisaka munikareni ni alaleiyaka opatiso wa orukunxa murima, weera atthu yaakhele elevelelo ya soottheka. 5Atthu a elapo yootheene ya oYudeiya ni muloko wootheene wa oYerusaleemu yaahoowa wa yoole. Elapaka sootthekasaya, yaapatisiwa ni yoowo mmoolokoni Yordanu. 6Yohaane aawara ikuwo sa ixapala sa ekamelu* ni laamba a exapala, ni aakhuura misoope nitho oravo wa ntuphini. 7Vano, mutthengaawe waari ola: “Ottuliwaka anaawe Mutthu ooweraxa okipwaha miyo. Nkimphwanela okokhora weera kitaphule miraamba sa ikwakwaattasawe. 8Miyo kinoopatisani ni maahi, mene Owo anoopatiseni ni Munepa Wootteela.”
Opatisiwa ni weereriwa wa Yeesu
9Ehuhuweene yeele, Yeesu aahoowa oNasarete elapo ya oGalileiya, ni aapatisiwa ni Yohaane muYordanu. 10Akhumakaru Yeesu mmaahini, aahoona wiirimu ohuleiyeene ni Munepa omukhuruwelaka Yoowo ntoko ekhunda. 11Vano naakhuma nsu na wiirimu neeraka: “Weyo ori Mwanaka ootthuneyaxa. Mwa Weyo, onkisiveliha!” 12Woowaakuveya Munepa waamweettiha Yeesu mpaka munikareni. 13Weiwo aakhala mahuku miloko mixexe, eereriwaka ni Satana. Aakhala ni inama sa ntuphini, ni andyelo yaamurumeela.
Yeesu ongwiitthana oohusera oopacera
14Yohaane atthukiweene, Yeesu aarowa oGalileiya, alaleiyaka masu ooreeraxa a Muluku. 15Owo anneera: “Yoophiya ehuhu! Omwene wa Muluku wookhuveela. Murukunxe murima, ni muroromele masu ooreeraxa!” 16Eettaka mukerekhere wa ephareiya ya oGalileiya, Yeesu aamoona Simeyoni ni munneiye Andreiya evonyeraka itthavi mphareiyani, niwoko yaari anamakoka. 17Vano Yeesu aaweerela: “Mukitthare, ni Miyo kinimookhalihani anamakoka a atthu.” 18Woowaakuveya yaahiya itthavisaya ni yaamutthara. 19Arowaka vahoolo vakhaani, Yeesu aamoona munikulani Yakobe, mwaana a Zebedeyo, ni munneiye Yohaane, erehereraka itthavisaya. 20Woowaakuveya aawiitthana, ni awo yaamutthara, yaahiyaka atithaya ni anamiteko munikulani.
Yeesu onoomola munepa woonanara
21Awo yaarowa oKafarnawu, ni niphiyaka nihuku na eSaabadu, Yeesu aavolowa muSinagogani* ni aapacera oxuttiha. 22Ootheene yaatikhina mwaha wa nihusihonawe, niwoko aaxuttiha ntoko Mutthu a ikuruxa, ohikhanle ntoko anamawera a nlamulo*. 23Ehuhu emoharu yeeyo muSinagogani*, mulopwana aarino munepa woonanara aakhuwela: 24“Ontthuna eheeni ni hiyo, Yeesu a oNasarete? Waaweenle oniphwata? Koosuwela Weyo taani: ori Ootteela a Muluku.” 25Vano Yeesu aahiiha: “Omaaleke ni okhume mwa yoowo!” 26Munepa woonanara waamutathaxa mulopwana ni waakhuma mwa yoowo okhuwelaka. 27Ootheene yaatikhina, moota wooweera yaakohana: “Eheeni yeeyo? Nihusiho nnyowani, nitho ni ikuru! Owo onoolamula mpaka minepa soonanara, ni seiyo sinoomwiiwelela!” 28Vano ihaali mwaha wa Yeesu saamwaramwareiya woowaakuveya mweelaponi yootheene ya oGalileiya.
Ikuru sa Yeesu mwa minepa soonanara ni iretta
29Woovenyani muSinagogani*, Yeesu aarowa vamoha ni Yakobe ni Yohaane mpaka vaate wa Simeyoni ni Andreiya. 30Apwiyamwaanaawe Simeyoni yaari vabeettini, yaavihaka erutthu, ni oohusera yaamuleela Yeesu weera anoovoreiwa. 31Yeesu aawaattamela, anaavara ntata, anaakhavihera weera yeemele. Oviha wa erutthu waamaala, ni awo yaapacera waarumeela. 32Wiilaka, nsuwa nineenleene, muloko wa atthu waahaarongha wa Yeesu aretta ootheene ni atthu yaarino minepa soonanara. 33Atthu ootheene a esidade yaathukumana vamulako, 34ni Yeesu aahaalamiha ancipale yaahaawa ni iretta soohiyanahiyana. Aahoomolatho minepa soonanara sincipale, mene khaatthunihera weera iyo suulume, niwoko minepa iyo saasuwela weera Yeesu taani.
Yeesu onoovekela
35Oyaaka ni oxa, Yeesu aaheemela, aakhuma mpaani ni aarowa wa nipuro na meekhaawe, ni iwe aavekela. 36Simeyoni ni asikhwaawe yaarowa weera yaamwaasaase, 37ni emphwanyakaru, yaamweerela: “Ootheene anoowaasani.” 38Yeesu aawaakhula: “Nrowe wa nipuro nikina, wa mmittettheni soowaattamana, weera iwotho Miyo kalaleiye. Vano, Miyo kaarweenle yeeyo.” 39Owo aheetteetta elapo ya oGalileiya yootheene, alaleiyaka muSinagogani* ni oomolaka minepa soonanara.
Yeesu onimulamiha namakokho
40Namakokho mmoha aamwaattamela Yoowo ni aamukokhorela amudyoonttelelaka: “Mwatthuna, munoowera okitteeliha.” 41Asareiyeene ni ikharari, Yeesu aahookola moono, anamutava, anamweerela: “Kinootthuna, mukhale ootteelihiwa.” 42Woowaakuveya makokho yaamuhiya, ni owo aatteelihiwa. 43Woottharelana, Yeesu aamupwahiha yoowo ni aamooperera vancipale eeraka: 44“Moone, muhaaleele yeeyo akina, mene murowe ni mwiixoonihere wa musaserdoti* ni mwavahe sooveleela sa otteelihiwawanyu ntoko Moisesi aalamulenlaawe, weera eyo ekhale eneneero wa atthu.” 45Wa soothesene, owo aavenya, anapacera wuuluma mwaatthuni, amwaramwaxaka ihaali. Tivawo Yeesu khaawera ovolowatho hata esidade emoha, mene annakhala okerekhere, mmapuroni a meekhaawe. Hata hiiho, yannawa wa Yoowo atthu a ilapo sootheene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.