Matheyo 24
24
Eneneero ya emalihero ya ihuhu
1Yeesu aakhuma Mpaani mwa Muluku ni eera eettaka, oohuseraawe yaamwaattamela Yoowo weera emoonihere otekiwa wa Empa ya Muluku. 2Vano Owo aahaakoha: “Munimoona sootheene iya? Miyo kinoororomelihani: khanirwa nikhala va nluku ni nluku. Ootheene awo eniipwexiwe.” 3Yeesu akilaantheene vamwaakoni wa Sooliveira, oohuseraawe yaarowa wa Yoowo okhwipi ni yaamweerela: “Munileele, yaakhani sineeraaya sikhumelele itthu iyo? Ni eneneero heeni ya owawanyu ni emalihero ya ihuhu?” 4Yeesu aawaakhula: “Mwiipasoope weera ahikhale aneera oolokottheni, 5niwoko ancipale eniirwe mwa Nsinanaka yeeraka: ‘Miyo ti Kristu,’ ni eniyaalokotthe ancipale. 6Nyuwo mmwiiwe sa ikhotto ni suulummwaka sa ikhotto, vano mwiipasoope weera muhituthuwe. Ontthuneya weera itthusene seiyo seereiye, mene iyo khasinthoonyera ommaleloni. 7Elapo eniiwane ni elapo, aani, omwene onuuwane ni omwene. Nsikhale itala ni otetereiya wa mapuro makina. 8Sootheene iyo nsikhale ompacereroni wa ovoreiya wa oyara. 9Vano awo eniyoovaherereni weera musoondiwe ni mmwiiviwe. Nyuwo mmwithanyiwe ni ilapo sootheene niwoko na Miyo. 10Ehuhuweene yeeyo, ancipale eniihapuwe munroromeloni, evarihanaka ni esoondanaka akina ni akhwaaya. 11Maprofeeti oowootha ancipale eniiwe ni eniyaalokotthe ancipale. 12Niwoko na waandyeerereiya otakhala, osivela wa ancipale onuuriire, 13mene yoowo anaavilele mpaka ommaleloni anaavuluxiwe. 14Ni masu ooreeraxa ala a omwene eniilaleiwe mweelaponi yootheene ntoko onamoona wa miloko sootheene, ni vahoolowaya onuuwe ommaleloni. 15Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke! 16Vano, moona, awo eneera ekhale oYudeiya, etthaweleke omwaakoni. 17Yoowo aneera akhale vanipathoni na empaawe, ahikhuruwe weera akuxe etthu mpaani. 18Yoowo aneera akhale omattawawe ahihokolowe weera akuxe mukaandyowaawe. 19Eniikhale oowoopihaxa mahuku awo wa asithiyana oorupala ehuhuweene yeeyo ni wa yaawo oowaamwiha. 20Muvekele weera otthawawanyu ohikhumelele mulaala, hoye hoye eSaabadu, 21niwoko ehuhuweene yeeyo nsikhale soohooxa sincipale, moota wooweera kheenatoko okhumelela okhuma ompacereroni wa elapo ya vathi mpaka vaanaano vaava, hata kheerwa ekhumelelatho. 22Vano, mahukweene yaawo yahaavukuliwe, saano ahivuluxiwe hata mmoha, mene niwoko na oothanliwa, mahuku awo eniivukuliwe. 23Akhala mukina ongweerelani: ‘Moone, Kristu ori va!’ Hoye hoye: ‘Iwe ori Owo,’ muhimwaakhulele! 24Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa. 25Moone, Miyo kooleenleni ehinaaye. 26Hiihotho akhala mukina ongweerelani: ‘Owo ori onikareni iwe,’ muhirowe, naari ‘Owo ori mpaani mmwe,’ muhimwaakhulele! 27Vano, ntoko overinya onkhuma ninkhuma nsuwa ti woowooneya mpaka ninkela nsuwa, hiihotho onuukhale owa wa Mwaana a mutthu. 28Weiwo onkhalaayawo muttembo, marepo eniithukumanewotho. 29Woowaakuveya saamalakaru soohooxa sa mahukweene yaawo, ‘Nsuwa khanoopa ni mweeri khawaaratho; ithenyeeri sinoomora sikhumaka wiirimu, ni ikuru sa wiirimu nsikhale sootathiwa.’ 30Vano eniiwe wiirimu eneneero ya Mwaana a mutthu. Miloko sootheene sa elapo ya vathi nsilalamike, ni nsimoone Mwaana a mutthu arweelaka mmahutteni a wiirimu ni ikuru ni ovuwa otokotoko. 31Owo anaarumihe andyelowaawe ni nsu ntokotoko na nipalapatta, ni awo eniyaathukumanyihe oothanliwaawe wa elapo ya vathi yootheene, okhuma ekotenle erimu mpaka mpatta mukinatho. 32Muxuttere yeeyo ya efiigu: iphandisaya saakhalaka sikithi ni makukhwaaya yaapaceraka ophuwa, moosuwela weera elimwe eri vakhiviru. 33Hiihotho, moonaka itthu sootheene seiyo, musuwele weera Owo ookhuveela wa milako. 34Miyo kinoororomelihani: ekhapira ela kheerwa emala mpaka sootheene iyo sineeraaya seereiye. 35Wiirimu ni vathi onuuvire, mene maswaaka kheerwa eviratho.
Ehuhu ni nihuku khanisuweliwe
36Nihuku ni ewoora khaawo asuwenle, hata andyelo a wiirimu, hata Mwaana, ehikhanle Atiithi paahi. 37Ntoko yaakhumelenlaaya mahuku a Nowe, hiihotho onuukhale moowaani wa Mwaana a mutthu. 38Vano, mahuku a khalayi ale, sihinaaye mirupi, atthu yeera ecaaka, ewuraka, ethelaka ni ethelanaka, mpaka nihuku nenne Nowe aavolongwaawe munikulani. 39Awo khayiiwexenxe mpaka saaphiyalaaya mirupi ni saakuxalaaya ootheene. Hiiho eniyeereiye moowaani wa Mwaana a mutthu. 40Asilopwana eeli eniikhale omatta: mmoha anaakuxiwe; mukina anaahale. 41Asithiyana eeli eniixile vamoha: mmoha anaakuxiwe; mukina anaahale. 42Tivawo, mukhale oowehaweha, niwoko khamusuwenle nihuku angwaaya Apwiyaanyu. 43Mwiiwexexetho yeeyo: Mwaneene a vaate aasuwenle ewoora heeni aneeraawe awe namwiiya, owo saano alipelenleene ni ahihiyale vaatewawe wiiyiwaka. 44Hiiho nyuwotho ontthuneya wiireherera, niwoko Mwaana a mutthu anaawe ewoora nyuwo mungwehereraanyu vakhaani. 45Murumeiyi heeni oororomeleya ni a miruku wa yoowo animvahereraaya Apwiyaawe sa owannyaya weera aavaheke akina yooca ya ehuhu yootthuneya? 46Ooreelihiwa ti murumeiyi, Apwiyaawe yaahokolowaka, eneeraaya emphwanye apakaka yeeyo. 47Miyo kinoororomelihani weera awo enimukhalihe muneene a sooreelasaya sootheene. 48Waaritho weera murumeiyi owo onkhala oonanara ni oniixeerela: ‘Apwiyaaka anoopisa’ 49ni vano anapacera waamana arumeiyi akhwaawe, acaaka ni awuraka ni anamawura, 50vanonto Apwiya a murumeiyi owo eniiwe nihuku ohinaawehereraawe yaawo ni ewoora ohisuwenlaawe. 51Awo eniimuthikile eriyariru ni eniimvaherere vanipuroni na anamwiixeera, weiwo onuukhale wiinla ni okhuuriha maino.
Currently Selected:
Matheyo 24: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Matheyo 24
24
Eneneero ya emalihero ya ihuhu
1Yeesu aakhuma Mpaani mwa Muluku ni eera eettaka, oohuseraawe yaamwaattamela Yoowo weera emoonihere otekiwa wa Empa ya Muluku. 2Vano Owo aahaakoha: “Munimoona sootheene iya? Miyo kinoororomelihani: khanirwa nikhala va nluku ni nluku. Ootheene awo eniipwexiwe.” 3Yeesu akilaantheene vamwaakoni wa Sooliveira, oohuseraawe yaarowa wa Yoowo okhwipi ni yaamweerela: “Munileele, yaakhani sineeraaya sikhumelele itthu iyo? Ni eneneero heeni ya owawanyu ni emalihero ya ihuhu?” 4Yeesu aawaakhula: “Mwiipasoope weera ahikhale aneera oolokottheni, 5niwoko ancipale eniirwe mwa Nsinanaka yeeraka: ‘Miyo ti Kristu,’ ni eniyaalokotthe ancipale. 6Nyuwo mmwiiwe sa ikhotto ni suulummwaka sa ikhotto, vano mwiipasoope weera muhituthuwe. Ontthuneya weera itthusene seiyo seereiye, mene iyo khasinthoonyera ommaleloni. 7Elapo eniiwane ni elapo, aani, omwene onuuwane ni omwene. Nsikhale itala ni otetereiya wa mapuro makina. 8Sootheene iyo nsikhale ompacereroni wa ovoreiya wa oyara. 9Vano awo eniyoovaherereni weera musoondiwe ni mmwiiviwe. Nyuwo mmwithanyiwe ni ilapo sootheene niwoko na Miyo. 10Ehuhuweene yeeyo, ancipale eniihapuwe munroromeloni, evarihanaka ni esoondanaka akina ni akhwaaya. 11Maprofeeti oowootha ancipale eniiwe ni eniyaalokotthe ancipale. 12Niwoko na waandyeerereiya otakhala, osivela wa ancipale onuuriire, 13mene yoowo anaavilele mpaka ommaleloni anaavuluxiwe. 14Ni masu ooreeraxa ala a omwene eniilaleiwe mweelaponi yootheene ntoko onamoona wa miloko sootheene, ni vahoolowaya onuuwe ommaleloni. 15Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke! 16Vano, moona, awo eneera ekhale oYudeiya, etthaweleke omwaakoni. 17Yoowo aneera akhale vanipathoni na empaawe, ahikhuruwe weera akuxe etthu mpaani. 18Yoowo aneera akhale omattawawe ahihokolowe weera akuxe mukaandyowaawe. 19Eniikhale oowoopihaxa mahuku awo wa asithiyana oorupala ehuhuweene yeeyo ni wa yaawo oowaamwiha. 20Muvekele weera otthawawanyu ohikhumelele mulaala, hoye hoye eSaabadu, 21niwoko ehuhuweene yeeyo nsikhale soohooxa sincipale, moota wooweera kheenatoko okhumelela okhuma ompacereroni wa elapo ya vathi mpaka vaanaano vaava, hata kheerwa ekhumelelatho. 22Vano, mahukweene yaawo yahaavukuliwe, saano ahivuluxiwe hata mmoha, mene niwoko na oothanliwa, mahuku awo eniivukuliwe. 23Akhala mukina ongweerelani: ‘Moone, Kristu ori va!’ Hoye hoye: ‘Iwe ori Owo,’ muhimwaakhulele! 24Eniikhumelele akristu oowootha ni maprofeeti oowootha eneera epake ineneero sitokotoko ni sootikhiniha weera, wawereya, yaalokotthe mpaka oothanliwa. 25Moone, Miyo kooleenleni ehinaaye. 26Hiihotho akhala mukina ongweerelani: ‘Owo ori onikareni iwe,’ muhirowe, naari ‘Owo ori mpaani mmwe,’ muhimwaakhulele! 27Vano, ntoko overinya onkhuma ninkhuma nsuwa ti woowooneya mpaka ninkela nsuwa, hiihotho onuukhale owa wa Mwaana a mutthu. 28Weiwo onkhalaayawo muttembo, marepo eniithukumanewotho. 29Woowaakuveya saamalakaru soohooxa sa mahukweene yaawo, ‘Nsuwa khanoopa ni mweeri khawaaratho; ithenyeeri sinoomora sikhumaka wiirimu, ni ikuru sa wiirimu nsikhale sootathiwa.’ 30Vano eniiwe wiirimu eneneero ya Mwaana a mutthu. Miloko sootheene sa elapo ya vathi nsilalamike, ni nsimoone Mwaana a mutthu arweelaka mmahutteni a wiirimu ni ikuru ni ovuwa otokotoko. 31Owo anaarumihe andyelowaawe ni nsu ntokotoko na nipalapatta, ni awo eniyaathukumanyihe oothanliwaawe wa elapo ya vathi yootheene, okhuma ekotenle erimu mpaka mpatta mukinatho. 32Muxuttere yeeyo ya efiigu: iphandisaya saakhalaka sikithi ni makukhwaaya yaapaceraka ophuwa, moosuwela weera elimwe eri vakhiviru. 33Hiihotho, moonaka itthu sootheene seiyo, musuwele weera Owo ookhuveela wa milako. 34Miyo kinoororomelihani: ekhapira ela kheerwa emala mpaka sootheene iyo sineeraaya seereiye. 35Wiirimu ni vathi onuuvire, mene maswaaka kheerwa eviratho.
Ehuhu ni nihuku khanisuweliwe
36Nihuku ni ewoora khaawo asuwenle, hata andyelo a wiirimu, hata Mwaana, ehikhanle Atiithi paahi. 37Ntoko yaakhumelenlaaya mahuku a Nowe, hiihotho onuukhale moowaani wa Mwaana a mutthu. 38Vano, mahuku a khalayi ale, sihinaaye mirupi, atthu yeera ecaaka, ewuraka, ethelaka ni ethelanaka, mpaka nihuku nenne Nowe aavolongwaawe munikulani. 39Awo khayiiwexenxe mpaka saaphiyalaaya mirupi ni saakuxalaaya ootheene. Hiiho eniyeereiye moowaani wa Mwaana a mutthu. 40Asilopwana eeli eniikhale omatta: mmoha anaakuxiwe; mukina anaahale. 41Asithiyana eeli eniixile vamoha: mmoha anaakuxiwe; mukina anaahale. 42Tivawo, mukhale oowehaweha, niwoko khamusuwenle nihuku angwaaya Apwiyaanyu. 43Mwiiwexexetho yeeyo: Mwaneene a vaate aasuwenle ewoora heeni aneeraawe awe namwiiya, owo saano alipelenleene ni ahihiyale vaatewawe wiiyiwaka. 44Hiiho nyuwotho ontthuneya wiireherera, niwoko Mwaana a mutthu anaawe ewoora nyuwo mungwehereraanyu vakhaani. 45Murumeiyi heeni oororomeleya ni a miruku wa yoowo animvahereraaya Apwiyaawe sa owannyaya weera aavaheke akina yooca ya ehuhu yootthuneya? 46Ooreelihiwa ti murumeiyi, Apwiyaawe yaahokolowaka, eneeraaya emphwanye apakaka yeeyo. 47Miyo kinoororomelihani weera awo enimukhalihe muneene a sooreelasaya sootheene. 48Waaritho weera murumeiyi owo onkhala oonanara ni oniixeerela: ‘Apwiyaaka anoopisa’ 49ni vano anapacera waamana arumeiyi akhwaawe, acaaka ni awuraka ni anamawura, 50vanonto Apwiya a murumeiyi owo eniiwe nihuku ohinaawehereraawe yaawo ni ewoora ohisuwenlaawe. 51Awo eniimuthikile eriyariru ni eniimvaherere vanipuroni na anamwiixeera, weiwo onuukhale wiinla ni okhuuriha maino.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.