Levitiku 14
14
Otteelihiwa wa anamakokho ni impasaya
1Yave aamweerelatho Moisesi: 2“Ikano mwaha wa otteelihiwa wa namakokho ti iya: owo aronghiweke wa musaserdoti* 3ni musaserdoti* amuroiheke okerekhere wa okonelingwe, ni angwehaweheke namakokho. Mutthu owo olamihingwe makokho, 4musaserdoti* alamuleke weera siruuhiwe ipalame piili ikumi soowaakhuleleya, etthaabwa ya esidari*, ekuwo yooxeera ni ephandi ya hisopo* mwaha wa yoole aneera atteelihiwe. 5Vahoolowaya musaserdoti* alamuleke weera mmoha a ipalame yiiveliweke muyoopweni ni maahi a oluusi. 6Vano amukuxe mwaapalame mukumi vamoha ni etthaabwa ya esidari*, ekuwo yooxeera ni ephandi ya hisopo*, amuxuweyeke mphomeni mwa mwaapalame iiveliwe mmaahini a oluusi. 7Musaserdoti* ammisekeno namakokho aneera atteelihiwe mwa makokho imaara ithannapiili, ni amwiitthaneke ootteelihiwa. Vaholowaya amutaphulele mwaapalame ori ni okumi vanlakani. 8Mutthu aneera atteelihiwe akatthe soowarasawe, ametthe mayihi ni mapururu, arapeke ni vahoolowaya onookhala ootteela. Aamalihakaru opaka yeeyo, owo avoloweke okonelingwe, mene akhaleke okerekhere wa eheemaawe wa mahuku mathannameeli. 9Vanihukuni nanaathannameeli owo amettheke mayihaawe ootheene, irerusawe, makwikhwaawe ni mapururu ootheene. Owo akattheke ikuwosawe, arapeke ni onookhala ootteelihiwa. 10Vanihukuni nanaathannamararu aruuheke iputtiputthi ilopwana piili ni yoothiyana emoha ya eyaakha emoha ni soohirakala vamoha ni iliitru* ithannamosa ni nttikha sa ephepa ya etrigu yooreerela yooweetheeliwa makhura ntoko yooveleela ya irooro nitho nttikha na eliitru* emoha ya makhura. 11Musaserdoti* ompakiha ootteelihiwa amoonihereke mutthu owo vamoha ni sooveleelasawe wa Yave vamulako wa Eheema ya Muthukumano*. 12Vano musaserdoti* akuxeke emoha ya iputtiputthi ilopwana, ni iiveke ntoko yooveleelela nthowa vamoha ni nttikha na eliitru* emoha ya makhura; owo iinainiheke ohoolo wa Yave ntoko yooveleela yoowiinainihiwa. 13Owo iiveleke eputtiputthi vaNipuroni Nootteela* siniiveliwaayawo sooveleelela soottheka ni soohisa. Hiiho ntoko simpakiwaaya sooveleelela soottheka, hiihotho sooveleelela nthowa ti sa musaserdoti*; ti sootteelaxa. 14Musaserdoti* ahingeke ephome ya yooveleelela nthowa okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana. 15Vahoolowaya musaserdoti* akuxeke makhuraawo ni amiineleke muntatanimwawe noothiyana, 16axuweyeke ekatha ya woolopwana mmakhurani ari muntatani noothiyana ni amisekeno imaara ithannapiili vamaithoni wa Yave. 17Woottharelana musaserdoti* aheletho makhura ahanle mmatatanimwawe okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana vasulu wa ephome ya yooveleelela nthowa. 18Makhura eneera ehale muntatanimwawe musaserdoti* amiineleke mmuru mwa yoowo aneera atteelihiwe, amurehererelaka wiiwanana ni Yave vamaithoni wa Yoowo. 19Vanonto musaserdoti* iiveke yooveleelela yoottheka ni amureherereleke wiiwanana ni Yave yoole aneera atteelihiwe moohitteelanimwawe. Vahoolowaya musaserdoti* iiveke yooveleela yoohisa, 20ni aveleeleke valtaarini* vamoha ni yooveleela ya irooro ni hiiho onoomurehererela wiiwanana ni Yave namaveleela mwa yoowo anaatteele. 21Vaheera mukina akhala namahaawa ahiweraka oliva itthusene seiyo, akuxeke eputtiputthi elopwana emoha ntoko yooveleelela nthowa eniinainiheriwa weera amurehererele wiiwanana ni Yave, vamoha ni iliitru* piili sa ephepa yooreerela yooweetheeliwa makhura ntoko yooveleela ya irooro, nitho nttikha na eliitru* emoha ya makhura, 22ni aximasiya meeli hoye hoye makhinda meeli ntoko ongwerelaawe – nimoha wa yooveleelela yoottheka ni nikina wa yooveleela yoohisa. 23Vanihukuni nanaathannamararu owo amuruuheleke musaserdoti* wa otteelihiwawawe vamulako wa Eheema ya Muthukumano*, vamaithoni wa Yave. 24Musaserdoti* akuxeke eputtiputthi wa yooveleelela nthowa vamoha ni nttikha na eliitru* ya makhura, ni iinainihereke ohoolo wa Yave ntoko yooveleela yoowiinainihiwa. 25Musaserdoti* iiveke eputtiputthi wa yooveleelela nthowa, akuxeke ephome vakhaani ni ahingeke okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana. 26Vahoolowaya musaserdoti* akuxeke makhura awo ni amiineleke muntatanimwawe noothiyana, 27ni amisekeno makhura vakhaani a ntatanawe noothiyana ni nthoonyo noolopwana imaara ithannapiili vamaithoni wa Yave. 28Owo ahingekeno makhura a muntatanimwawe mmapuronimwene mwemmo ohingaawe ephome ya yooveleelela nthowa – okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana. 29Makhura eneera ehale muntatanimwawe musaserdoti* amiineleke mmuru mwa yoowo aneera atteelihiwe, amurehererelaka wiiwanana ni Yave vamaithoni wa Yoowo. 30Woottharelana iiveke mwaansiya hoye hoye nikhinda nimoha ntoko ongwerelaawe oliva – 31nimoha wa yooveleelela yoottheka ni nikina wa yooveleela yoohisa vamoha ni yooveleela ya irooro. Moota hiiho musaserdoti* onoomurehererela wiiwanana ni Yave vamaithoni wa Yoowo mwaha wa yoowo aneera atteelihiwe.” 32Iya ikano mwaha wa yaawo arino makokho ehikhalanaka maveleelelo a otteelihiwawaya. 33Yave aamweerela Moisesi ni Aharoni: 34“Mwaavolowaka mulaponi ya oKanaani Miyo kineeraaka koovaheeni ntoko yawinyu ni Miyo kiikaathera eretta yoowoopiha ya muxirini enamwareela mpaani mweelaponi eyo, 35vano muneene a empa eyo aroweke wa musaserdoti* weera amweerele: ‘Kinoona ntoko nookhala muxirini nlepa na eretta yoowoopiha mpaanimwaka.’ 36Musaserdoti* alamuleke weera sikhumihiwe itthu sootheene siri mpaani, owo ahinaaye ovolowa weera sootheene sirimo sihithatuwe soohitteela. Vahoolowaya musaserdoti* avoloweke ni awehaweheke empa. 37Owo awehawehe malepa a muxirini ni awo yarimbelela hoye hoye yaxeera ni yakhala ntoko aaphiya mpuwa, 38musaserdoti* akhumeke mpaani ni ahiyeke ewaleliwo wa mahuku mathannameeli. 39Vanihukuni nanaathannameeli musaserdoti* ahokoloweke weera awehawehe empa. Vano malepa yamwareela muxirini, 40owo alamuleke weera indyerwa soovaliheya ni malepa sivenxiweke ni sivonyeriweke vanipuroni noohitteela okhwipi wa esidade. 41Owo alamuleke weera ixiri sootheene siwakiwe mpuwapuwa ni seiyo singwakiwa mukulukutthingwe sivonyeriweke vanipuroni noohitteela okhwipi wa esidade. 42Vahoolowaya awo ehokoloxereke indyerwa sikina mmapuroni oopacera ni ekulukutthiweketho. 43Malepa yakhumelelatho emwareelaka muxirini vahoolo wa ovenxiwa wa indyerwa ni okulukutthiwawaya, 44musaserdoti* aroweke ni awehaweheke ni malepa yamwareela muxirini, ti eretta yoowoopiha ya muxirini; empa eyo ti yoohitteela. 45Empa eyo ekurumuliweke – indyerwa, itthaabwa ni mookulukutthiwa moothemwene, ni sootheene iyo siriheliweke vanipuroni noohitteela okhwipi wa esidade. 46Yoole aneera avolowe mpaani mmo ewalingweene, vano onookhala oohitteela mpaka oxekuwa. 47Yoowo anaakonemo hoye hoye anaacemo akattheke ikuwosawe. 48Vaheera musaserdoti* arwa ni awehaweha, anoona weera malepa khaamwareenletho ekulukutthiwakaru, owo iitthaneke empa eyo yootteela niwoko malepa aalakaseya. 49Musaserdoti* akuxe ipalame piili, etthaabwa ya esidari*, ekuwo yooxeera ni ephandi ya hisopo* weera empa etteelihiwe. 50Vahoolowaya owo amwiiveleke mwaapalame mmoha muyoopweni ereenemo maahi a oluusi. 51Woottharelana akuxeke etthaabwa ya esidari*, ephandi ya hisopo*, ekuwo yooxeera ni mwaapalame mukumi ni amuxuweyeke mphomeni mwaapalame iiviwe ni mmaahini a oluusi, ni vano amisekeno empa imaara ithannapiili. 52Owo atteeliheke empa ni ephome ya mwaapalame, maahi a oluusi, mwaapalame mukumi, etthaabwa ya esidari*, ephandi ya hisopo* ni ekuwo yooxeera. 53Vaholowaya amutaphuleleke mwaapalame mukumi vanlakani okhwipi wa esidade. Moota hiiho owo onoorehererela wiiwanana ni Yave wa empa, ni empa eyo enootteelihiwa.” 54Iya ikano mwaha wa makokho, ovele, 55malepa a eretta yoowoopiha ya mukuwoni hoye hoye muxirini, 56soowiipa, ethuku naari nleepela noowaara 57weera yooneye etthu yaareene yootteela hoye hoye yoohitteela. Iya ikano mwaha wa yakhalaru ekhalelo ya makokho ni malepa a eretta yoowoopiha.
Currently Selected:
Levitiku 14: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Levitiku 14
14
Otteelihiwa wa anamakokho ni impasaya
1Yave aamweerelatho Moisesi: 2“Ikano mwaha wa otteelihiwa wa namakokho ti iya: owo aronghiweke wa musaserdoti* 3ni musaserdoti* amuroiheke okerekhere wa okonelingwe, ni angwehaweheke namakokho. Mutthu owo olamihingwe makokho, 4musaserdoti* alamuleke weera siruuhiwe ipalame piili ikumi soowaakhuleleya, etthaabwa ya esidari*, ekuwo yooxeera ni ephandi ya hisopo* mwaha wa yoole aneera atteelihiwe. 5Vahoolowaya musaserdoti* alamuleke weera mmoha a ipalame yiiveliweke muyoopweni ni maahi a oluusi. 6Vano amukuxe mwaapalame mukumi vamoha ni etthaabwa ya esidari*, ekuwo yooxeera ni ephandi ya hisopo*, amuxuweyeke mphomeni mwa mwaapalame iiveliwe mmaahini a oluusi. 7Musaserdoti* ammisekeno namakokho aneera atteelihiwe mwa makokho imaara ithannapiili, ni amwiitthaneke ootteelihiwa. Vaholowaya amutaphulele mwaapalame ori ni okumi vanlakani. 8Mutthu aneera atteelihiwe akatthe soowarasawe, ametthe mayihi ni mapururu, arapeke ni vahoolowaya onookhala ootteela. Aamalihakaru opaka yeeyo, owo avoloweke okonelingwe, mene akhaleke okerekhere wa eheemaawe wa mahuku mathannameeli. 9Vanihukuni nanaathannameeli owo amettheke mayihaawe ootheene, irerusawe, makwikhwaawe ni mapururu ootheene. Owo akattheke ikuwosawe, arapeke ni onookhala ootteelihiwa. 10Vanihukuni nanaathannamararu aruuheke iputtiputthi ilopwana piili ni yoothiyana emoha ya eyaakha emoha ni soohirakala vamoha ni iliitru* ithannamosa ni nttikha sa ephepa ya etrigu yooreerela yooweetheeliwa makhura ntoko yooveleela ya irooro nitho nttikha na eliitru* emoha ya makhura. 11Musaserdoti* ompakiha ootteelihiwa amoonihereke mutthu owo vamoha ni sooveleelasawe wa Yave vamulako wa Eheema ya Muthukumano*. 12Vano musaserdoti* akuxeke emoha ya iputtiputthi ilopwana, ni iiveke ntoko yooveleelela nthowa vamoha ni nttikha na eliitru* emoha ya makhura; owo iinainiheke ohoolo wa Yave ntoko yooveleela yoowiinainihiwa. 13Owo iiveleke eputtiputthi vaNipuroni Nootteela* siniiveliwaayawo sooveleelela soottheka ni soohisa. Hiiho ntoko simpakiwaaya sooveleelela soottheka, hiihotho sooveleelela nthowa ti sa musaserdoti*; ti sootteelaxa. 14Musaserdoti* ahingeke ephome ya yooveleelela nthowa okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana. 15Vahoolowaya musaserdoti* akuxeke makhuraawo ni amiineleke muntatanimwawe noothiyana, 16axuweyeke ekatha ya woolopwana mmakhurani ari muntatani noothiyana ni amisekeno imaara ithannapiili vamaithoni wa Yave. 17Woottharelana musaserdoti* aheletho makhura ahanle mmatatanimwawe okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana vasulu wa ephome ya yooveleelela nthowa. 18Makhura eneera ehale muntatanimwawe musaserdoti* amiineleke mmuru mwa yoowo aneera atteelihiwe, amurehererelaka wiiwanana ni Yave vamaithoni wa Yoowo. 19Vanonto musaserdoti* iiveke yooveleelela yoottheka ni amureherereleke wiiwanana ni Yave yoole aneera atteelihiwe moohitteelanimwawe. Vahoolowaya musaserdoti* iiveke yooveleela yoohisa, 20ni aveleeleke valtaarini* vamoha ni yooveleela ya irooro ni hiiho onoomurehererela wiiwanana ni Yave namaveleela mwa yoowo anaatteele. 21Vaheera mukina akhala namahaawa ahiweraka oliva itthusene seiyo, akuxeke eputtiputthi elopwana emoha ntoko yooveleelela nthowa eniinainiheriwa weera amurehererele wiiwanana ni Yave, vamoha ni iliitru* piili sa ephepa yooreerela yooweetheeliwa makhura ntoko yooveleela ya irooro, nitho nttikha na eliitru* emoha ya makhura, 22ni aximasiya meeli hoye hoye makhinda meeli ntoko ongwerelaawe – nimoha wa yooveleelela yoottheka ni nikina wa yooveleela yoohisa. 23Vanihukuni nanaathannamararu owo amuruuheleke musaserdoti* wa otteelihiwawawe vamulako wa Eheema ya Muthukumano*, vamaithoni wa Yave. 24Musaserdoti* akuxeke eputtiputthi wa yooveleelela nthowa vamoha ni nttikha na eliitru* ya makhura, ni iinainihereke ohoolo wa Yave ntoko yooveleela yoowiinainihiwa. 25Musaserdoti* iiveke eputtiputthi wa yooveleelela nthowa, akuxeke ephome vakhaani ni ahingeke okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana. 26Vahoolowaya musaserdoti* akuxeke makhura awo ni amiineleke muntatanimwawe noothiyana, 27ni amisekeno makhura vakhaani a ntatanawe noothiyana ni nthoonyo noolopwana imaara ithannapiili vamaithoni wa Yave. 28Owo ahingekeno makhura a muntatanimwawe mmapuronimwene mwemmo ohingaawe ephome ya yooveleelela nthowa – okhipi wa naaru noolopwana na yoowo aneera atteelihiwe, vakathani etokweene ya ntatanawe noolopwana ni ya nnaawonawe noolopwana. 29Makhura eneera ehale muntatanimwawe musaserdoti* amiineleke mmuru mwa yoowo aneera atteelihiwe, amurehererelaka wiiwanana ni Yave vamaithoni wa Yoowo. 30Woottharelana iiveke mwaansiya hoye hoye nikhinda nimoha ntoko ongwerelaawe oliva – 31nimoha wa yooveleelela yoottheka ni nikina wa yooveleela yoohisa vamoha ni yooveleela ya irooro. Moota hiiho musaserdoti* onoomurehererela wiiwanana ni Yave vamaithoni wa Yoowo mwaha wa yoowo aneera atteelihiwe.” 32Iya ikano mwaha wa yaawo arino makokho ehikhalanaka maveleelelo a otteelihiwawaya. 33Yave aamweerela Moisesi ni Aharoni: 34“Mwaavolowaka mulaponi ya oKanaani Miyo kineeraaka koovaheeni ntoko yawinyu ni Miyo kiikaathera eretta yoowoopiha ya muxirini enamwareela mpaani mweelaponi eyo, 35vano muneene a empa eyo aroweke wa musaserdoti* weera amweerele: ‘Kinoona ntoko nookhala muxirini nlepa na eretta yoowoopiha mpaanimwaka.’ 36Musaserdoti* alamuleke weera sikhumihiwe itthu sootheene siri mpaani, owo ahinaaye ovolowa weera sootheene sirimo sihithatuwe soohitteela. Vahoolowaya musaserdoti* avoloweke ni awehaweheke empa. 37Owo awehawehe malepa a muxirini ni awo yarimbelela hoye hoye yaxeera ni yakhala ntoko aaphiya mpuwa, 38musaserdoti* akhumeke mpaani ni ahiyeke ewaleliwo wa mahuku mathannameeli. 39Vanihukuni nanaathannameeli musaserdoti* ahokoloweke weera awehawehe empa. Vano malepa yamwareela muxirini, 40owo alamuleke weera indyerwa soovaliheya ni malepa sivenxiweke ni sivonyeriweke vanipuroni noohitteela okhwipi wa esidade. 41Owo alamuleke weera ixiri sootheene siwakiwe mpuwapuwa ni seiyo singwakiwa mukulukutthingwe sivonyeriweke vanipuroni noohitteela okhwipi wa esidade. 42Vahoolowaya awo ehokoloxereke indyerwa sikina mmapuroni oopacera ni ekulukutthiweketho. 43Malepa yakhumelelatho emwareelaka muxirini vahoolo wa ovenxiwa wa indyerwa ni okulukutthiwawaya, 44musaserdoti* aroweke ni awehaweheke ni malepa yamwareela muxirini, ti eretta yoowoopiha ya muxirini; empa eyo ti yoohitteela. 45Empa eyo ekurumuliweke – indyerwa, itthaabwa ni mookulukutthiwa moothemwene, ni sootheene iyo siriheliweke vanipuroni noohitteela okhwipi wa esidade. 46Yoole aneera avolowe mpaani mmo ewalingweene, vano onookhala oohitteela mpaka oxekuwa. 47Yoowo anaakonemo hoye hoye anaacemo akattheke ikuwosawe. 48Vaheera musaserdoti* arwa ni awehaweha, anoona weera malepa khaamwareenletho ekulukutthiwakaru, owo iitthaneke empa eyo yootteela niwoko malepa aalakaseya. 49Musaserdoti* akuxe ipalame piili, etthaabwa ya esidari*, ekuwo yooxeera ni ephandi ya hisopo* weera empa etteelihiwe. 50Vahoolowaya owo amwiiveleke mwaapalame mmoha muyoopweni ereenemo maahi a oluusi. 51Woottharelana akuxeke etthaabwa ya esidari*, ephandi ya hisopo*, ekuwo yooxeera ni mwaapalame mukumi ni amuxuweyeke mphomeni mwaapalame iiviwe ni mmaahini a oluusi, ni vano amisekeno empa imaara ithannapiili. 52Owo atteeliheke empa ni ephome ya mwaapalame, maahi a oluusi, mwaapalame mukumi, etthaabwa ya esidari*, ephandi ya hisopo* ni ekuwo yooxeera. 53Vaholowaya amutaphuleleke mwaapalame mukumi vanlakani okhwipi wa esidade. Moota hiiho owo onoorehererela wiiwanana ni Yave wa empa, ni empa eyo enootteelihiwa.” 54Iya ikano mwaha wa makokho, ovele, 55malepa a eretta yoowoopiha ya mukuwoni hoye hoye muxirini, 56soowiipa, ethuku naari nleepela noowaara 57weera yooneye etthu yaareene yootteela hoye hoye yoohitteela. Iya ikano mwaha wa yakhalaru ekhalelo ya makokho ni malepa a eretta yoowoopiha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.