Levitiku 11
11
Sooca sootteela ni soohitteela
1Yave aamweerela Moisesi ni Aharoni: 2“Mwaaleele aYixrayeli: ‘Variyari wa axinama ootheene a mulaponi muneeraanyu mwakhuureke ti ala: 3Akhalaru mwaamunama orino inaawo soothaleya makharu meeli ni oncukhula, munkhuureke. 4Aakhala akina ancukhula paahi ehikhalanne inaawo soothaleya sa makharu meeli hoye hoye arino inaawo soothaleya sa makharu meeli, mene khaancukhula – muhaakhuure. Haaci, onoocukhularu, khathaleiye inaawo sa makharu meeli; ti yoohitteela wa nyuwo. 5Matthika onoocukhularu, khathaleiye inaawo makharu meeli, ti oohitteela wa nyuwo. 6Hukula, onoocukhularu, khathaleye inaawo makharu meeli, ti oohitteela wa nyuwo. 7Ekuluwe eroothaleyaru inaawo makharu meeli kheencukhula, ti yoohitteela wa nyuwo. 8Muhikhuure inamasene seiyo hata muhitaveru sookhwasaya, ti soohitteela wa nyuwo. 9Sa soopattuxiwa sootheene sinkhala mmaahini nyuwosa mukhuureke seiyo sirino malakhalakha ni makamba. 10Vaheera sootheene iyo sihikhalanne malakhalakha ni makamba – sikhalaka sa soopattuxiwa sikhaani sootheene, sikhalaka sa sikina iyo sinkhala mmaahini – muthanyeke. 11Weenre otthuneyaka othanya, muhikhuure inamasaya ni muthanye sookhwasaya. 12Soopattuxiwa sootheene sinkhala mmaahini sihikhalanne malakhalakha ni makamba ti sa mwiikho wa nyuwosa. 13Ipalame siri soohitteela wa nyuwo mwa seiyo muneeraanyu muhikhuureke niwoko sookhoottiheriwa ti iya: xaaka, enaka, nrepo, 14xaattula makula, ni ikhalelo sootheene sa nttawo, 15ikhalelo sootheene sa anakhuku, 16nikhakanttore, namame, haamaama, ikhalelo sootheene sa ahaamaama, 17esiisi, engwasi, nikunkhuni, 18mwaacaace, mwaacaace a mmakareni, khuruwela, 19ntiki, ikhalelo sootheene sa antiki, kokotthi ni nantuuthu. 20Aciitthu ootheene amvava yeettaka nyetto mixexe mwaathanyeke. 21Wa soothesene variyariwaya mwaakhuureke arino miphonyoongo sootuphano. 22Variyariwaya mootthuniheriwa okhuura wakhalaru moota wa misoope. 23Vaheera ikhalelo sootheene sirino mapupha ni nyetto mixexe sikhaleke sa mwiikho wa nyuwo. 24Ikhalelosene seiyo sinimootatuxani oohitteela; yoole aneera atave sookhwasaya onookhala oohitteela mpaka oxekuwa. 25Yoole aneera akuxe yakhalaru yookhwa emoha ya seiyo, acapeke soowarasawe ni onookhala oohitteela mpaka oxekuwa. 26Akhalaru mwaamunama oohikawanyeya inaawo ni makharu meeli hoye hoye ohincukhula ti oohitteela wa nyuwo. Yoole aneera atave yookhwa emoha ya seiyo onookhala oohitteela. 27Variyari wa axinama ootheene aneetta ni nyetto mixexe, yaawo aneetta ni inaawo ti oohitteela wa nyuwo; yoole aneera atave sookhwasaya onookhala oohitteela mpaka oxekuwa. 28Yoole aneera akuxe yakhalaru yookhwa emoha ya seiyo, acapeke soowarasawe ni onookhala oohitteela mpaka oxekuwa. Seiyo ti soohitteela wa nyuwo. 29Eriyari ya axinama aniipurula ari oohitteela wa nyuwo ti ala: nawili, nikhule ni sakhalaru ikhalelo sa makoottwa, 30nimara, naakoonkho munengele, hala, naakoonkho a mweehaavani ni namanriya. 31Eriyari ya axinama aniipurula ti ari oohitteela wa nyuwo. Yoole aneera amutave ookhwa mmoha a yaawo onookhala oohitteela mpaka oxekuwa. 32Mmoha a yaawo akhwiiyeene amorela vasulu wa yakhalaru ekaruma emvareliwa muteko, vano etthweene yeeyo enookhala yoohitteela. Ekaruma eyo, hata ekhalaka etthu ya itthaabwa, ekuwo, exapala hata esaakho, ti yoohitteela. Eruweiweke – enookhala yoohitteela mpaka oxekuwa ni vahoolowaya enootteela. 33Mmoha a yaawo amorela mmwaapuni, sootheene siri mwemmo sinookhala soohitteela ni nyuwo mpwexeke. 34Yakhalaru yooca eniittonyeriwe ni maahi awo enookhala yoohitteela ni yakhalaru yoowura eniikhale mmwaapuni mmo enookhalatho yoohitteela. 35Yakhalaru etthu eneera emoreliwe ni akhalaru mwaamunama ookhwa a yaawo enoothatuwa yoohitteela. Akhala ttukuttha hoye hoye moota wa niikho na oloko mpwexeke. Ti soohitteela ni nyuwosa moonele okhala soohitteela. 36Wa soothesene naattuuttu hoye hoye ehime ya maahi enoopwaherera okhala yootteela, mene yoole aneera atave sookhwasaya onookhala oohitteela. 37Mwaamunama ookhwa amorela vammisoni oneera waaliwe, vano owo onoopwaherera okhala wootteela; 38vaheera yariheliwa maahi vammisoni ti woohitteela wa nyuwo. 39Akhwa mwaamunama onkhuuriwa, vano yoole aneera amutave ookhwa a yoowo, onookhala oohitteela mpaka oxekuwa. 40Yoole aneera amukhuure mwaamunama oowiikhwela, acapeke soowarasawe ni onookhala oohitteela mpaka oxekuwa. Yoole aneera amukuxe mwaamunama ookhwa, acapeke soowarasawe ni onookhala oohitteela mpaka oxekuwa. 41Ikhalelo sootheene siniipurula ti sa mwiikho wa nyuwo; khamuntthuniheriwa okhuura. 42Khamuntthuniheriwa okhuura yakhalaru ekhalelo eniipurula, ekhalaka ni erukulu, ekhalaka ni nyetto mixexe hoye hoye nyetto sincipale; sootheene iyo ti sa mwiikho wa nyuwo. 43Muhiivalihe ni ikhalelosene seiyo. Muhiitatuxe oohitteela ni seiyo ni sihootatuxeni oohitteela. 44Miyo ti Yave, Mulukwaanyu; mwiitteelihe ni mukhaleke ootteela niwoko Miyo ti Ootteela. Muhiivalihe ni yakhalaru ekhalelo eniipurula. 45Miyo ti Yave ookhumihaleni wExipitu weera kikhale Mulukwaanyu; tivawo: mukhaleke ootteela niwoko Miyo ti Ootteela. 46Iya ikano mwaha wa axinama, ipalame, ikhalelo sootheene siri mmaahini ni seiyo siniipurula. 47Mwaakawanyihe axinama ootteela ni oohitteela; yaawo mutthuniheriwaanyu waakhuura ni ohaakhuura.’”
Currently Selected:
Levitiku 11: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Levitiku 11
11
Sooca sootteela ni soohitteela
1Yave aamweerela Moisesi ni Aharoni: 2“Mwaaleele aYixrayeli: ‘Variyari wa axinama ootheene a mulaponi muneeraanyu mwakhuureke ti ala: 3Akhalaru mwaamunama orino inaawo soothaleya makharu meeli ni oncukhula, munkhuureke. 4Aakhala akina ancukhula paahi ehikhalanne inaawo soothaleya sa makharu meeli hoye hoye arino inaawo soothaleya sa makharu meeli, mene khaancukhula – muhaakhuure. Haaci, onoocukhularu, khathaleiye inaawo sa makharu meeli; ti yoohitteela wa nyuwo. 5Matthika onoocukhularu, khathaleiye inaawo makharu meeli, ti oohitteela wa nyuwo. 6Hukula, onoocukhularu, khathaleye inaawo makharu meeli, ti oohitteela wa nyuwo. 7Ekuluwe eroothaleyaru inaawo makharu meeli kheencukhula, ti yoohitteela wa nyuwo. 8Muhikhuure inamasene seiyo hata muhitaveru sookhwasaya, ti soohitteela wa nyuwo. 9Sa soopattuxiwa sootheene sinkhala mmaahini nyuwosa mukhuureke seiyo sirino malakhalakha ni makamba. 10Vaheera sootheene iyo sihikhalanne malakhalakha ni makamba – sikhalaka sa soopattuxiwa sikhaani sootheene, sikhalaka sa sikina iyo sinkhala mmaahini – muthanyeke. 11Weenre otthuneyaka othanya, muhikhuure inamasaya ni muthanye sookhwasaya. 12Soopattuxiwa sootheene sinkhala mmaahini sihikhalanne malakhalakha ni makamba ti sa mwiikho wa nyuwosa. 13Ipalame siri soohitteela wa nyuwo mwa seiyo muneeraanyu muhikhuureke niwoko sookhoottiheriwa ti iya: xaaka, enaka, nrepo, 14xaattula makula, ni ikhalelo sootheene sa nttawo, 15ikhalelo sootheene sa anakhuku, 16nikhakanttore, namame, haamaama, ikhalelo sootheene sa ahaamaama, 17esiisi, engwasi, nikunkhuni, 18mwaacaace, mwaacaace a mmakareni, khuruwela, 19ntiki, ikhalelo sootheene sa antiki, kokotthi ni nantuuthu. 20Aciitthu ootheene amvava yeettaka nyetto mixexe mwaathanyeke. 21Wa soothesene variyariwaya mwaakhuureke arino miphonyoongo sootuphano. 22Variyariwaya mootthuniheriwa okhuura wakhalaru moota wa misoope. 23Vaheera ikhalelo sootheene sirino mapupha ni nyetto mixexe sikhaleke sa mwiikho wa nyuwo. 24Ikhalelosene seiyo sinimootatuxani oohitteela; yoole aneera atave sookhwasaya onookhala oohitteela mpaka oxekuwa. 25Yoole aneera akuxe yakhalaru yookhwa emoha ya seiyo, acapeke soowarasawe ni onookhala oohitteela mpaka oxekuwa. 26Akhalaru mwaamunama oohikawanyeya inaawo ni makharu meeli hoye hoye ohincukhula ti oohitteela wa nyuwo. Yoole aneera atave yookhwa emoha ya seiyo onookhala oohitteela. 27Variyari wa axinama ootheene aneetta ni nyetto mixexe, yaawo aneetta ni inaawo ti oohitteela wa nyuwo; yoole aneera atave sookhwasaya onookhala oohitteela mpaka oxekuwa. 28Yoole aneera akuxe yakhalaru yookhwa emoha ya seiyo, acapeke soowarasawe ni onookhala oohitteela mpaka oxekuwa. Seiyo ti soohitteela wa nyuwo. 29Eriyari ya axinama aniipurula ari oohitteela wa nyuwo ti ala: nawili, nikhule ni sakhalaru ikhalelo sa makoottwa, 30nimara, naakoonkho munengele, hala, naakoonkho a mweehaavani ni namanriya. 31Eriyari ya axinama aniipurula ti ari oohitteela wa nyuwo. Yoole aneera amutave ookhwa mmoha a yaawo onookhala oohitteela mpaka oxekuwa. 32Mmoha a yaawo akhwiiyeene amorela vasulu wa yakhalaru ekaruma emvareliwa muteko, vano etthweene yeeyo enookhala yoohitteela. Ekaruma eyo, hata ekhalaka etthu ya itthaabwa, ekuwo, exapala hata esaakho, ti yoohitteela. Eruweiweke – enookhala yoohitteela mpaka oxekuwa ni vahoolowaya enootteela. 33Mmoha a yaawo amorela mmwaapuni, sootheene siri mwemmo sinookhala soohitteela ni nyuwo mpwexeke. 34Yakhalaru yooca eniittonyeriwe ni maahi awo enookhala yoohitteela ni yakhalaru yoowura eniikhale mmwaapuni mmo enookhalatho yoohitteela. 35Yakhalaru etthu eneera emoreliwe ni akhalaru mwaamunama ookhwa a yaawo enoothatuwa yoohitteela. Akhala ttukuttha hoye hoye moota wa niikho na oloko mpwexeke. Ti soohitteela ni nyuwosa moonele okhala soohitteela. 36Wa soothesene naattuuttu hoye hoye ehime ya maahi enoopwaherera okhala yootteela, mene yoole aneera atave sookhwasaya onookhala oohitteela. 37Mwaamunama ookhwa amorela vammisoni oneera waaliwe, vano owo onoopwaherera okhala wootteela; 38vaheera yariheliwa maahi vammisoni ti woohitteela wa nyuwo. 39Akhwa mwaamunama onkhuuriwa, vano yoole aneera amutave ookhwa a yoowo, onookhala oohitteela mpaka oxekuwa. 40Yoole aneera amukhuure mwaamunama oowiikhwela, acapeke soowarasawe ni onookhala oohitteela mpaka oxekuwa. Yoole aneera amukuxe mwaamunama ookhwa, acapeke soowarasawe ni onookhala oohitteela mpaka oxekuwa. 41Ikhalelo sootheene siniipurula ti sa mwiikho wa nyuwo; khamuntthuniheriwa okhuura. 42Khamuntthuniheriwa okhuura yakhalaru ekhalelo eniipurula, ekhalaka ni erukulu, ekhalaka ni nyetto mixexe hoye hoye nyetto sincipale; sootheene iyo ti sa mwiikho wa nyuwo. 43Muhiivalihe ni ikhalelosene seiyo. Muhiitatuxe oohitteela ni seiyo ni sihootatuxeni oohitteela. 44Miyo ti Yave, Mulukwaanyu; mwiitteelihe ni mukhaleke ootteela niwoko Miyo ti Ootteela. Muhiivalihe ni yakhalaru ekhalelo eniipurula. 45Miyo ti Yave ookhumihaleni wExipitu weera kikhale Mulukwaanyu; tivawo: mukhaleke ootteela niwoko Miyo ti Ootteela. 46Iya ikano mwaha wa axinama, ipalame, ikhalelo sootheene siri mmaahini ni seiyo siniipurula. 47Mwaakawanyihe axinama ootteela ni oohitteela; yaawo mutthuniheriwaanyu waakhuura ni ohaakhuura.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.