Habakuki 2
2
1Miyo kinimweemela vanipuronivaka noolipelela; vaxirini ya esidade. Kinoowehererawo weera kiiwe yeeyo Yave aneeraawe akaakhule; aani yoowaakhulaawe ya ottaandawulawaka.
Yoowaakhula yanaaveeli ya Muluku
2Vano Yave aamwaakhula: "Mulepe nnenesene moonelo vatthaabwani weera namutthenga atthimakeno. 3Vanonto moonelo oniweereiye mweehuhuni yootthuneya; onghima sa ommaleloni ni ti wa ekhaikhai. Naari opisaka, ngweherere yoowo, niwoko vekhaikhai enoophiya ehuhuwaaya. 4Mmoone, owo ti oowiixoona; soohaawelasawe khasireenre; vaheera oororomeleya onookhala niwoko na nroromelonawe. 5Aani eviinyu ti enimulokottha; owo ti oowiixoona ahiitthuuwaka mahuku ootheene. Khamvona ntoko okhwa okhalawawe ti wootthunatthuna, awinaka miloko sincipale. Onthukumanyiha mukhwipimwawe milokosene seiyo. 6Nihuku na muhoolo miloko sootheene iyo sinoomutthebwa ni icipo sa munyemu, seeraka: ‘Ii! Yoowo onthukumanyiha itthu soohuhula ni oniipuhiha ni wiixoopopiha. Mpaka yaakhani eyo eneeraaya epwaherere?’ 7Anamakopaanyu anoovenya woowaakuveya; yaawosa avennye animoothukumelihani. Vano munoothatuwa oovariwa ni yaawosa. 8Mweenre muhuhulaka miloko sincipale, seiyo sihalahanle sinimoohuhulani nyuwo niwoko na owiivawanyu oohinthowa. Moophwata ilapo ni isidade ni amakaaya ootheene. 9Ootakhaliwa yoole onteka empaawe ni musurukhu woowiiyiwa. Mulopwana owo onreherera epuurwaawe vanipuroni na osuluxa weera atthawe ngwoopihani moothemwene. 10Moovaanela waaphwata atthu ancipale muulihihaka muru vaatevanyu ni mutthekihaka okumaahu. 11Maluku a exiri animookhuwelelani ni itthaabwa sa mapatho sinimookhalelani namalwe. 12Ootakhaliwa yoole onteka esidade ni ephome ni oniitekela muttetthe ni nipuhero! 13Yave a ikuru sootheene oolakela weera miteko sa miloko sinoomala ni mooro paahi. Mitekosaya soovihaxa sinookhala soohivareleya etthu. 14Vaheera elapo ya vathi eniisareye ni osuwela ovuwa wa Yave, ntoko maahi ansareyaaya mphareiya. 15Ootakhaliwa yoowo onimvaha eviinyu mukhwaawe, atakanseraka yoohapala weera amuhapalihe eerelaka omoona tiriya. 16Munoosareya wuuliwa muru ohikhanle ovuwa. Vano, ti emaaraanyu! Ngwureke ni mwiixoonihere etiriyaanyu. Ekoomixi ya ntata noolopwana na Yave mumvahiwa nyuwo ni ovuwawanyu onoosareya wuuliwa muru. 17Nipuhero mwaapakenlaanyu oLibanu nnimoophwanyani ni munoosareya woova niwoko na owiivawanyu axinama. Nyuwo mooyeeha ephome yincipale, munapuhera ilapo, isidade ni amakaaya. 18Muluku oolokottha khamvareleya muteko, eenre apakiwaka ni mutthu. Hiihotho ecaambulo enxuttiha soowootha kheemvareleya muteko. Vano yoowo opanke onroromela yeeyo opankaawe, apakaka miluku sihingwera wuuluma. 19Ootakhaliwa yoowo oneerela mwiri: ‘Okhaleke ni okumi!’ Hoye hoye oneerela nluku noohikhalano okumi: ‘Ovenyeke!’ Nno nnoowera woovahani miruku? Nihuruweliwe eyuuma yoorikaxa ni eparatha*, mene khanimmumula.” 20Vaheera Yave ori Mpaanimwawe yootteela; elapo ya vathi yootheene emaaleke vahoolowawe.
Currently Selected:
Habakuki 2: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Habakuki 2
2
1Miyo kinimweemela vanipuronivaka noolipelela; vaxirini ya esidade. Kinoowehererawo weera kiiwe yeeyo Yave aneeraawe akaakhule; aani yoowaakhulaawe ya ottaandawulawaka.
Yoowaakhula yanaaveeli ya Muluku
2Vano Yave aamwaakhula: "Mulepe nnenesene moonelo vatthaabwani weera namutthenga atthimakeno. 3Vanonto moonelo oniweereiye mweehuhuni yootthuneya; onghima sa ommaleloni ni ti wa ekhaikhai. Naari opisaka, ngweherere yoowo, niwoko vekhaikhai enoophiya ehuhuwaaya. 4Mmoone, owo ti oowiixoona; soohaawelasawe khasireenre; vaheera oororomeleya onookhala niwoko na nroromelonawe. 5Aani eviinyu ti enimulokottha; owo ti oowiixoona ahiitthuuwaka mahuku ootheene. Khamvona ntoko okhwa okhalawawe ti wootthunatthuna, awinaka miloko sincipale. Onthukumanyiha mukhwipimwawe milokosene seiyo. 6Nihuku na muhoolo miloko sootheene iyo sinoomutthebwa ni icipo sa munyemu, seeraka: ‘Ii! Yoowo onthukumanyiha itthu soohuhula ni oniipuhiha ni wiixoopopiha. Mpaka yaakhani eyo eneeraaya epwaherere?’ 7Anamakopaanyu anoovenya woowaakuveya; yaawosa avennye animoothukumelihani. Vano munoothatuwa oovariwa ni yaawosa. 8Mweenre muhuhulaka miloko sincipale, seiyo sihalahanle sinimoohuhulani nyuwo niwoko na owiivawanyu oohinthowa. Moophwata ilapo ni isidade ni amakaaya ootheene. 9Ootakhaliwa yoole onteka empaawe ni musurukhu woowiiyiwa. Mulopwana owo onreherera epuurwaawe vanipuroni na osuluxa weera atthawe ngwoopihani moothemwene. 10Moovaanela waaphwata atthu ancipale muulihihaka muru vaatevanyu ni mutthekihaka okumaahu. 11Maluku a exiri animookhuwelelani ni itthaabwa sa mapatho sinimookhalelani namalwe. 12Ootakhaliwa yoole onteka esidade ni ephome ni oniitekela muttetthe ni nipuhero! 13Yave a ikuru sootheene oolakela weera miteko sa miloko sinoomala ni mooro paahi. Mitekosaya soovihaxa sinookhala soohivareleya etthu. 14Vaheera elapo ya vathi eniisareye ni osuwela ovuwa wa Yave, ntoko maahi ansareyaaya mphareiya. 15Ootakhaliwa yoowo onimvaha eviinyu mukhwaawe, atakanseraka yoohapala weera amuhapalihe eerelaka omoona tiriya. 16Munoosareya wuuliwa muru ohikhanle ovuwa. Vano, ti emaaraanyu! Ngwureke ni mwiixoonihere etiriyaanyu. Ekoomixi ya ntata noolopwana na Yave mumvahiwa nyuwo ni ovuwawanyu onoosareya wuuliwa muru. 17Nipuhero mwaapakenlaanyu oLibanu nnimoophwanyani ni munoosareya woova niwoko na owiivawanyu axinama. Nyuwo mooyeeha ephome yincipale, munapuhera ilapo, isidade ni amakaaya. 18Muluku oolokottha khamvareleya muteko, eenre apakiwaka ni mutthu. Hiihotho ecaambulo enxuttiha soowootha kheemvareleya muteko. Vano yoowo opanke onroromela yeeyo opankaawe, apakaka miluku sihingwera wuuluma. 19Ootakhaliwa yoowo oneerela mwiri: ‘Okhaleke ni okumi!’ Hoye hoye oneerela nluku noohikhalano okumi: ‘Ovenyeke!’ Nno nnoowera woovahani miruku? Nihuruweliwe eyuuma yoorikaxa ni eparatha*, mene khanimmumula.” 20Vaheera Yave ori Mpaanimwawe yootteela; elapo ya vathi yootheene emaaleke vahoolowawe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.