Epacerero 43
43
Benyamini onrowa ni axunneiye wExipitu
1Etala yaawirima mulaponi. 2Emalihakaru etrigu anamwane a Yakobe yaaruuhalaaya wExipitu, atithaya yaaweerela: “Muhokoleeletho wExipitu weera mwathumetho yooca.” 3Yuda aawaakhula: “Mulopwana ole aanoopereraxa weera nihihokoleelewotho nihimukuxale munnihu ola. 4Mwanivaherera munnihu, nnirowe ni nnoothumeleni yooca. 5Mwaahinivaherera, khanirowa, niwoko mulopwana ole eenre ha: ‘Muhihokoleele kiraaka muhikiruuhenle neetthaako.” 6Yixrayeli aahaakoha: “Heeni munkithananihaanyu munleelaka mulopwana owo weera ookhalatho munna mukinatho?” 7Awo yaawaakhula: “Ti mulopwana owo aanikohakonghe sa emusaahu. Aanikoha: ‘Atithinyu nlelo akumi? Nyuwosa mookhalano munninyu mukina? Vano hiyo naakhunle paahi yeeyo owo aanikonghaawe. Naarowa osuwela hai weera ole aarowa oninyesereriha omukuxa munnihu?” 8Yuda aahaavekela atithawe, Yixrayeli: “Munghiye mmiravo arowe ni miyo. Hiiho nnipwahe woowaakuveya weera hiyo ootheene nikhale ni okumi, nihikhwaaka etala. 9Miyo kohiipereka muneenaaka, kinoomulipano mukiweheke miyo kineera kingwehawehe. Miyo kaahimuhokoloxa, ni kaahimwiikaathi nnenesene va, nkikhale ni nthowa ohoolowanyu mookuminimwaka wootheene. 10Ori woowooneyawene, nahaapinse, sano nirongweene ni nihokolongweene imaara piili.” 11Atithaya, Yixrayeli, yaaweerela: “Hapo yoheereya hiiho, nneere ha: Muhele musaakhonimwanyu itthu soottittikala nraahuno mweelaponi ni mwamvahe mulopwaneene yoowo. Mukuxeke ebalsamu*, oravo, itthu sooreerela, emiira* ni mutteesa a epistasiyo* ni a emandoweira*. 12Mukuxeke musurukhu woopwaha yoowo muhokoloxeringwaanyu weera muhokoloxe yoowo waaheliwe musaakhonimwanyu ni mwathumetho yooca. Apaale waari otapanya. 13Munkuxeketho munninyu, ni muhokoleele wa mulopwana owo. 14Muluku a ikuru sootheene oomoreliweni ikharari vamaithoni wa mulopwaneene yoowo weera owo atthunihere omuhokoloxa munninyu ni Benyamini vamoha ni nyuwosa. Vano, kaahikhalano anamwane, kheewo yooweera.” 15Asilopwana ale yaarowa wExipitu ekuxaka soovaha, musurukhu woopwaha ni Benyamini. Ephiyakaru, yaahiixoonihera wa Yoseefe. 16Yoseefe amoonakaru Benyamini areene ni yaale, aamweerela mutokweene a vaatewawe: “Waaronghe asilopwana ala owannyaka, wiive enama emoha, wareherere, niwoko eniice ni miyo othana eriyari.” 17Mulopwana ole aapaka yeeyo Yoseefe aamulamulenlaawe, anaaroiha asilopwana ale owannyawe Yoseefe. 18Yoonaka weera yaaroihiwa owannyawe Yoseefe, yaapacera woova yeerelanaka: “Ti niwoko na musurukhu hiyo naaphwannyaahu musaakhoni emaara yoopacera. Owo onooniwanano, aninyesereraka weera nikhale ipotthasawe ni onoowaakamelatho abuurwaahu.” 19Evolowaka vaate wa Yoseefe, yaamwaattamela mulopwana aakunxe, enamweerela: 20“Mwiiwe apwiya! Emaara yoopacera hiyo naarwiiyaahu wExipitu nno, vekhaikhai naatthuna othuma etrigu paahi. 21Vano, nihokoleelaka owaani, naaheemela mphironi ni naaphwanya musaakhonimwahu musurukhu wa khula mutthu aaruuhalaawe mpaka wookwaneleene. Tivawo nihokolonxaahu musurukhu ole. 22Nooruuha musurukhu mukinatho weera nithume etrigu. Khanimusuwenle taani aahenle musurukhu ole musaakhonimwahu.” 23Mulopwana ole aawaakhula: “Mukakamuwe. Mulukwaanyu ni Muluku a atithinyu, ti Yoowo aahenle muhakhu musaakhonimwanyu, niwoko musurukhwaanyu kaahaakhelela.” Mulopwana ole aamutaphula Simeyoni, anamuroiha vaavaale yaaraayawo. 24Vahoolowaya aahaaroiha vaate wa Yoseefe, anaavaha maahi weera erapiheke inaawosaya, anaavahatho yooca abuurwaaya. 25Awosa yaareherera soovahasaya, ewehereraka orwa wa Yoseefe othana eriyari, niwoko yaasuwela weera yaarowa oca vaavaale. 26Yoseefe aphiyakaru vaatewawe, awosa yaamvaha soovaha yaaruuhalaaya, enuuramela ohoolowawe. 27Awuulumihakaru, aahaakoha: “Ari salaama atithinyu, mulopwana oowuuluvala mwaakileenlaanyu? Nlelo ori ni okumi?” 28Awosa yaamwaakhula: “Murumeiyaanyu, atithihu, nlelo akumi ni aneetta ni salaama. Vahoolowaya yaahuuramatho emooniheraka nttittimiho.” 29Awehaka mukhwipimwawe, Yoseefe aamoona munneiye Benyamini aayariwe ni amayaya amoharu, anaakoha: “Ti yoola munninyu neetthaako mwaakileenlaanyu?” Vahoolowaya aamweerela: “Muluku oovahe mahala, mwanaka.” 30Yoseefe waamuumaxa owanoni mwaha wa munneiye ole moota wooweera aatthuna wiinla. Tivawo aavennyaawe woowaakuveya, anavolowa mukwaartunimwawe, aniinla. 31Asuusulakaru ni omukhurunuwaka murima, aahokolowa, aneera: “Niceeke.” 32Yaamvahera wawawe emwalamwaxaka ni axunneiye mpakatho awExipitu yaaca ni yoowo, niwoko khawaatthunihereya oca ni aHeberi. Wa yaawo ocano ti mwiikhowaaya 33Axunneiye Yoseefe yaakilaathiye ohoolowawe ethataanneene nnenesene okhuma mutokweene mpaka mukhaani, ni yaawehana ncerekhule. 34Yoseefe aalamulela weera eceeke vameesa vamoharu ni yoowo, ni waatta wa yooca ya Benyamini waari wookwana miceco mithanu waapwaha asikhwaawe. Vano, awosa yaapaka efesta, enawura yaatthunelaaya.
Currently Selected:
Epacerero 43: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Epacerero 43
43
Benyamini onrowa ni axunneiye wExipitu
1Etala yaawirima mulaponi. 2Emalihakaru etrigu anamwane a Yakobe yaaruuhalaaya wExipitu, atithaya yaaweerela: “Muhokoleeletho wExipitu weera mwathumetho yooca.” 3Yuda aawaakhula: “Mulopwana ole aanoopereraxa weera nihihokoleelewotho nihimukuxale munnihu ola. 4Mwanivaherera munnihu, nnirowe ni nnoothumeleni yooca. 5Mwaahinivaherera, khanirowa, niwoko mulopwana ole eenre ha: ‘Muhihokoleele kiraaka muhikiruuhenle neetthaako.” 6Yixrayeli aahaakoha: “Heeni munkithananihaanyu munleelaka mulopwana owo weera ookhalatho munna mukinatho?” 7Awo yaawaakhula: “Ti mulopwana owo aanikohakonghe sa emusaahu. Aanikoha: ‘Atithinyu nlelo akumi? Nyuwosa mookhalano munninyu mukina? Vano hiyo naakhunle paahi yeeyo owo aanikonghaawe. Naarowa osuwela hai weera ole aarowa oninyesereriha omukuxa munnihu?” 8Yuda aahaavekela atithawe, Yixrayeli: “Munghiye mmiravo arowe ni miyo. Hiiho nnipwahe woowaakuveya weera hiyo ootheene nikhale ni okumi, nihikhwaaka etala. 9Miyo kohiipereka muneenaaka, kinoomulipano mukiweheke miyo kineera kingwehawehe. Miyo kaahimuhokoloxa, ni kaahimwiikaathi nnenesene va, nkikhale ni nthowa ohoolowanyu mookuminimwaka wootheene. 10Ori woowooneyawene, nahaapinse, sano nirongweene ni nihokolongweene imaara piili.” 11Atithaya, Yixrayeli, yaaweerela: “Hapo yoheereya hiiho, nneere ha: Muhele musaakhonimwanyu itthu soottittikala nraahuno mweelaponi ni mwamvahe mulopwaneene yoowo. Mukuxeke ebalsamu*, oravo, itthu sooreerela, emiira* ni mutteesa a epistasiyo* ni a emandoweira*. 12Mukuxeke musurukhu woopwaha yoowo muhokoloxeringwaanyu weera muhokoloxe yoowo waaheliwe musaakhonimwanyu ni mwathumetho yooca. Apaale waari otapanya. 13Munkuxeketho munninyu, ni muhokoleele wa mulopwana owo. 14Muluku a ikuru sootheene oomoreliweni ikharari vamaithoni wa mulopwaneene yoowo weera owo atthunihere omuhokoloxa munninyu ni Benyamini vamoha ni nyuwosa. Vano, kaahikhalano anamwane, kheewo yooweera.” 15Asilopwana ale yaarowa wExipitu ekuxaka soovaha, musurukhu woopwaha ni Benyamini. Ephiyakaru, yaahiixoonihera wa Yoseefe. 16Yoseefe amoonakaru Benyamini areene ni yaale, aamweerela mutokweene a vaatewawe: “Waaronghe asilopwana ala owannyaka, wiive enama emoha, wareherere, niwoko eniice ni miyo othana eriyari.” 17Mulopwana ole aapaka yeeyo Yoseefe aamulamulenlaawe, anaaroiha asilopwana ale owannyawe Yoseefe. 18Yoonaka weera yaaroihiwa owannyawe Yoseefe, yaapacera woova yeerelanaka: “Ti niwoko na musurukhu hiyo naaphwannyaahu musaakhoni emaara yoopacera. Owo onooniwanano, aninyesereraka weera nikhale ipotthasawe ni onoowaakamelatho abuurwaahu.” 19Evolowaka vaate wa Yoseefe, yaamwaattamela mulopwana aakunxe, enamweerela: 20“Mwiiwe apwiya! Emaara yoopacera hiyo naarwiiyaahu wExipitu nno, vekhaikhai naatthuna othuma etrigu paahi. 21Vano, nihokoleelaka owaani, naaheemela mphironi ni naaphwanya musaakhonimwahu musurukhu wa khula mutthu aaruuhalaawe mpaka wookwaneleene. Tivawo nihokolonxaahu musurukhu ole. 22Nooruuha musurukhu mukinatho weera nithume etrigu. Khanimusuwenle taani aahenle musurukhu ole musaakhonimwahu.” 23Mulopwana ole aawaakhula: “Mukakamuwe. Mulukwaanyu ni Muluku a atithinyu, ti Yoowo aahenle muhakhu musaakhonimwanyu, niwoko musurukhwaanyu kaahaakhelela.” Mulopwana ole aamutaphula Simeyoni, anamuroiha vaavaale yaaraayawo. 24Vahoolowaya aahaaroiha vaate wa Yoseefe, anaavaha maahi weera erapiheke inaawosaya, anaavahatho yooca abuurwaaya. 25Awosa yaareherera soovahasaya, ewehereraka orwa wa Yoseefe othana eriyari, niwoko yaasuwela weera yaarowa oca vaavaale. 26Yoseefe aphiyakaru vaatewawe, awosa yaamvaha soovaha yaaruuhalaaya, enuuramela ohoolowawe. 27Awuulumihakaru, aahaakoha: “Ari salaama atithinyu, mulopwana oowuuluvala mwaakileenlaanyu? Nlelo ori ni okumi?” 28Awosa yaamwaakhula: “Murumeiyaanyu, atithihu, nlelo akumi ni aneetta ni salaama. Vahoolowaya yaahuuramatho emooniheraka nttittimiho.” 29Awehaka mukhwipimwawe, Yoseefe aamoona munneiye Benyamini aayariwe ni amayaya amoharu, anaakoha: “Ti yoola munninyu neetthaako mwaakileenlaanyu?” Vahoolowaya aamweerela: “Muluku oovahe mahala, mwanaka.” 30Yoseefe waamuumaxa owanoni mwaha wa munneiye ole moota wooweera aatthuna wiinla. Tivawo aavennyaawe woowaakuveya, anavolowa mukwaartunimwawe, aniinla. 31Asuusulakaru ni omukhurunuwaka murima, aahokolowa, aneera: “Niceeke.” 32Yaamvahera wawawe emwalamwaxaka ni axunneiye mpakatho awExipitu yaaca ni yoowo, niwoko khawaatthunihereya oca ni aHeberi. Wa yaawo ocano ti mwiikhowaaya 33Axunneiye Yoseefe yaakilaathiye ohoolowawe ethataanneene nnenesene okhuma mutokweene mpaka mukhaani, ni yaawehana ncerekhule. 34Yoseefe aalamulela weera eceeke vameesa vamoharu ni yoowo, ni waatta wa yooca ya Benyamini waari wookwana miceco mithanu waapwaha asikhwaawe. Vano, awosa yaapaka efesta, enawura yaatthunelaaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.