Epacerero 41
41
Yoseefe ontaphulela oloha wa Farawu*
1Siviraleene iyaakha piili, Farawu* aaloha. Owo eera eemenleene mukerekhere wa mooloko Nilu. 2Vano saakhuma mmwe imombe ithiyana ithannapiili sooreeraxa ni sooneneva, sinapacera oca mutiilini. 3Vahoolowaya saakhumatho imombe ithiyana sikina ithannapiili soonanara ni soowoonda, sinarowa saaraayawo soopacera mukerekhere Nilu. 4Imombe ithiyana soowoonda ni soonanara saakhuura imombe ithiyana ithannapiili sooreera ni sooneneva. Vano vahoolowaya Farawu* aavenya mookonanimwawe. 5Aahokoleelatho okona, analoha moota mukina. Yaari makala mathannameeli a etrigu oowiitthwaxa ni ooreera muntathini mmoha. 6Woottharelana yaathapuruwa makala makina mathannameeli oopheepuwa ni oowuuma niwoko na epheyo engweela ninkhuma nsuwa. 7Makala makina mathannameeli oopheepuwa yaamira makala mathannameeli makina yaari oowiitthwaxa ni ooreera. Mwa yeeyo Farawu* aavenya, anoona weera waari oloha. 8Oxaawaya aari oohitteene, analamulela wiitthaniwa anamatthoma ni asuweli ootheene a wExipitu weera etaphulele soolohasawe, mene khaawo aawenre. 9Mutokweene a anamarumeela a soowura aamweerela Farawu*: “Vekhaikhai olelo kinuupuwelelaaka ohiyanyihawaka. 10Ekwaha emoha Farawu* aanyoonyeringwaawe arumeiyaawe eeli, aalamulela okitthuka vamoha ni mutokweene a anamooxa ipaawu vaate wa mutokweene a anamalipelela. 11Ohiyu mmoha, hiyo ooweeli naakhalano yooloha ni khula yooloha yaakhalano etaphulelowaaya. 12Vano, aakhalawo vamoha ni hiyo mmiravo mmoha muHeberi aari murumeiyi a mutokweene a anamalipelela a Farawu*. Naamuthalihera soolohasahu, ni owo aanitaphulela anithaliheraka ooweeli hiyo etaphulelo ya khula yooloha. 13Sootheene saaheereya mooteene yoowo aanitaphulenlaawe: Farawu* ookihokoloxera mutekwaaka, vaheera mukina ootthukeleliwa. ” 14Farawu* aalamulela wiitthaniwa Yoseefe, aaruuhiwe woowaakuveya okaliposo. Ametthiwakaru, aaceendya yoowara, aniixoonihera wa Farawu*. 15Farawu* aamweerela Yoseefe: “Miyo kooloha, mene khaawo owenre okitaphulela. Miyo kohiiwa yeeriwaka wiiwa yakhalaru yooloha onoowera otaphulela.” 16Yoseefe aamwaakhula: “Iwo khoohiyono owerawaka. Ti Muluku anaavahe aFarawu* yoowaakhula yooreerela.” 17Vanonto Farawu* aamuthalihera Yoseefe yoolohaawe: “Miyo kilonghe keemenleene mukerekhere mooloko Nilu, 18sikhumakaru mmoolokoni imombe ithiyana ithannapiili sooneneva ni sooreera saapacera oca mutiilini. 19Vahoolowaya saakhuma sikina ithannapiili samarewe, soowoonda ni soonanara, moota miyo kihitonkwaaka woona wExipitu wootheene nno. 20Imombe soowoonda ni soonanara ithannapiili saakhuura iye ithannapiili sooneneva saapacenre okhuma. 21Naari saarookhuuraru, kasaasuwanyeya weera sookhuura, niwoko sannapwaherera woonda ntoko seerenlaaya woopacera. Vahoolowaya kaavenya. 22Kaalohatho moota mukina. Kaahoona makala mathannameeli a etrigu yoowiitthwaxa ni yooreera muntathini mmoha. 23Woottharelana yaathapuruwatho makala makina mathannameeli oonyaala, oopheepuwa ni oowuumeene niwoko na epheyo engweela ninkhuma nsuwa. 24Makala mathannaneeli makina oopheepuwa yaamira makina ale ooreera. Kohaathalihera yeeyo anamatthoma, mene khaawo aawenre otaphulela.” 25Yoseefe aamweerela Farawu*: “Sooloha soopiili sa Farawu* vekahaikhai sintaphulela etthu emoharu paahi. Ti Muluku ontthuna owoonihera aFarawu* yeeyo Owo aneeraawe apake. 26Imombe ithannapiili sooreera sintaphulela iyaakha ithannapiili, ni makala mathannameeli ooreera antaphulelatho iyaakha ithannapiili. Ti yooloha emohamoharu yeeyo paahi. 27Imombe ithannapiili soowoonda ni soonanara, saakhumme vahoolowaya sinoolikanatho iyaakha ithannapiili, hiiho ntoko makala mathannameeli oopheepuwa yuumihiwe ni epheyo engweela ninkhuma nsuwa. Iyo siri iyaakha ithannapiili sa etala sineera siweeke. 28Ti yeeyoweene ntoko kooleenlaakani aFarawu: Muluku oowoonihera aFarawu* yeeyo aneeraawe apake. 29Sinimoowa iyaakha ithannapiili sa oruwera otokotoko wExipitu wootheene. 30Vahoolowaya nsiwe iyaakha ithannapiili sa etala. Vano ehuhu yootheene yooruwera eniittiwaliwe hapo etala eniihele mathala elapo yootheene. 31Etala eniirwe eniikhale etokotoko moota wooweera iyaakha sooruweriwa sivinre khasirwa suupuweleliwa. 32aFarawu* yaaloha imaara piili, niwoko Muluku oolakela okwanihera yeeyo ni eniyereye woowaakuveya. 33Tivawo, mmwaase nyuwo aFarawu* mulopwana mmoha a miruku ni oosuwela weera eettihe itthu sootheene sineera sikhumelele mweelaponi ya wExipitu. 34Ontthuneya waakhalihatho ahooleli mweelaponi yootheene weera elamuleke nnenesene ni ethokorore mpatta wanaathanu wa yoohepha ya wExipitu mpuwa mwa iyaakha ithannapiili sooruweriwa. 35Awo ethukumanyihe sooca iyo sa iyaakha sooruweriwa sinrwa. Ethokororeketho etrigu musidadeni sootheene weera sikhale sooca sa muhoolo. Sootheene iyo silamuleliweke ni aFarawu*. 36Yeeyo eneera ethokororiweke ekhale yoowiisungera wa iyaakha ithannapiili sa etala eneera eweeke wExipitu. Hiiho etala kheewa ephwata elapo.”
Yoseefe onimuhoolela Farawu*.
37Yoovaanela ya Yoseefe yaamusiveliha Farawu* nitho anamalakaawe. 38Farawu* aahaakoha anamalakaawe: “Weeraka nnoomphwanya mukina ntoko mulopwana ola ookhalano Munepa wa oMuluku?” 39Vano aamweerela Yoseefe: “Eenre Muluku awooniheraka itthu sootheene iya, khawowo mukina a miruku ni oosuwela ntoko weyo. 40Okhaleke mutokweene oolamula vaatewaka ni mulokwaaka wootheene wiiweleleke malamulowaawo. Miyo paahi nkikhale mutokweene oowoopwaha weyo, niwoko ti mwene.” 41Farawu* aapwaherera: “Vanonto kingwinnyerera weyo ohoolela elapo yootheene ya wExipitu.” 42Ahimakaru yeeyo, Farawu* aamurula munelaawe oottittano aangwanraawe vakathani, anangwariha Yoseefe, anangwarihatho soowara sooreeraxa ni aangwariha muxikomwawe onyooro wa eyuuma yoorikaxa. 43Vahoolowaya, aangweliha mukaaroni yanaaveeli ya omwene, ni atthu yannakhuwela vahoolowawe: “Muhule ephiro!” Hiiho Yoseefe aavahereriwa ohoolela elapo yootheene ya wExipitu. 44Farawu* aamweerelatho Yoseefe: “Miyo ti Farawu*, mene weyo waahilamulela etthu, khaawo aneera apakeke yakhalaru etthu wExipitu nno.” 45Farawu* aamutteha Zafenati-Paneya, anamvaha Asenati, mwaana muthiyana a Potifari, musaserdoti* a wOni, weera amutheleke. Vahoolowaya, Yoseefe aapacera weetteetta elapo yootheene ya wExipitu. 46Yoseefe aarino iyaakha miloko miraru sa oyariwawawe aapacenraawe omurumeela Farawu*, mwene a wExipitu. Vahoolowaya, aamulaxera Farawu*, anapacera weetteetta elapo ya wExipitu yootheene. 47Mweehuhuni ya iyaakha itthannapiili sa oruweriwa, elapo ya wExipitu yaaruwera soohepa soowaattaxa. 48Hiihaawo owo aalamulela othukumanyiwa sooca saathokororiwe mweehuhuni ya iyaakha ithannapiili sooruweriwa wExipitu, analamulelatho othokororiwa musidade etrigu yaahanle mmamattani wa khula muttetthe. 49Hiiho Yoseefe aawera othokorora etrigu yoowaattaxa, ntoko muhaava wa mphareiyani. Aathokorora etrigu yoowaattaxa moota wooweera Yoseefe aahiya ophima niwoko khaawo yeera ewere waalikela. 50Nlelo sihinaaye ophiyera iyaakha sa etala, Asenati, mwaana muthiyana a Potifari, musaserdoti* a wOni, aamuyarela Yoseefe anamwane asilopwana eeli. 51Wa antthaara, Yoseefe aamutteha Manaxe, eeraka: “Muluku ookittiwaliha ohaawawaka wootheene, ni vaate wa atithaka wootheene.” 52Wa mwaana anaaveeli, aamutteha Efrayimi, eeraka: “Muluku ookiweriha oyara mweelaponi kihaawiyaaka.” 53Hiiho waaphiya ommaleloni wa iyaakha iye sooruweriwa wExipitu. 54Vanonto saapacera iyaakha ithannapiili sa etala mooteene yoole Yoseefe aahimmaawe. Mweelaponi sootheene sikina yaakhala etala etokotoko, vaheera wExipitu yaakhalawo yooca. 55wExipitu wootheene opacerakaru ohaaweya mwaha wa etala, muloko ole waapacera omukhuwelela Farawu* mwaha wa yooca. Owo aahaakhula ha: “Murowe wa Yoseefe ni mwapakeke yeeyo owo aneeraawe oolamulelekeni.” 56Vanonto yaakwanenlaaya etala mweelaponi yootheene ya wExipitu, Yoseefe aalamulela ohuleliwa impa sootheene yaathokororiwe etrigu, anapacera waathumihera atthu a wExipitu. 57Vano atthu a ilapo sootheene yannarowa wa Yoseefe weera ethume etrigu wExipitu, niwoko etaleene yeele yaatepaxa waatta mweelaponi yootheene.
Currently Selected:
Epacerero 41: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Epacerero 41
41
Yoseefe ontaphulela oloha wa Farawu*
1Siviraleene iyaakha piili, Farawu* aaloha. Owo eera eemenleene mukerekhere wa mooloko Nilu. 2Vano saakhuma mmwe imombe ithiyana ithannapiili sooreeraxa ni sooneneva, sinapacera oca mutiilini. 3Vahoolowaya saakhumatho imombe ithiyana sikina ithannapiili soonanara ni soowoonda, sinarowa saaraayawo soopacera mukerekhere Nilu. 4Imombe ithiyana soowoonda ni soonanara saakhuura imombe ithiyana ithannapiili sooreera ni sooneneva. Vano vahoolowaya Farawu* aavenya mookonanimwawe. 5Aahokoleelatho okona, analoha moota mukina. Yaari makala mathannameeli a etrigu oowiitthwaxa ni ooreera muntathini mmoha. 6Woottharelana yaathapuruwa makala makina mathannameeli oopheepuwa ni oowuuma niwoko na epheyo engweela ninkhuma nsuwa. 7Makala makina mathannameeli oopheepuwa yaamira makala mathannameeli makina yaari oowiitthwaxa ni ooreera. Mwa yeeyo Farawu* aavenya, anoona weera waari oloha. 8Oxaawaya aari oohitteene, analamulela wiitthaniwa anamatthoma ni asuweli ootheene a wExipitu weera etaphulele soolohasawe, mene khaawo aawenre. 9Mutokweene a anamarumeela a soowura aamweerela Farawu*: “Vekhaikhai olelo kinuupuwelelaaka ohiyanyihawaka. 10Ekwaha emoha Farawu* aanyoonyeringwaawe arumeiyaawe eeli, aalamulela okitthuka vamoha ni mutokweene a anamooxa ipaawu vaate wa mutokweene a anamalipelela. 11Ohiyu mmoha, hiyo ooweeli naakhalano yooloha ni khula yooloha yaakhalano etaphulelowaaya. 12Vano, aakhalawo vamoha ni hiyo mmiravo mmoha muHeberi aari murumeiyi a mutokweene a anamalipelela a Farawu*. Naamuthalihera soolohasahu, ni owo aanitaphulela anithaliheraka ooweeli hiyo etaphulelo ya khula yooloha. 13Sootheene saaheereya mooteene yoowo aanitaphulenlaawe: Farawu* ookihokoloxera mutekwaaka, vaheera mukina ootthukeleliwa. ” 14Farawu* aalamulela wiitthaniwa Yoseefe, aaruuhiwe woowaakuveya okaliposo. Ametthiwakaru, aaceendya yoowara, aniixoonihera wa Farawu*. 15Farawu* aamweerela Yoseefe: “Miyo kooloha, mene khaawo owenre okitaphulela. Miyo kohiiwa yeeriwaka wiiwa yakhalaru yooloha onoowera otaphulela.” 16Yoseefe aamwaakhula: “Iwo khoohiyono owerawaka. Ti Muluku anaavahe aFarawu* yoowaakhula yooreerela.” 17Vanonto Farawu* aamuthalihera Yoseefe yoolohaawe: “Miyo kilonghe keemenleene mukerekhere mooloko Nilu, 18sikhumakaru mmoolokoni imombe ithiyana ithannapiili sooneneva ni sooreera saapacera oca mutiilini. 19Vahoolowaya saakhuma sikina ithannapiili samarewe, soowoonda ni soonanara, moota miyo kihitonkwaaka woona wExipitu wootheene nno. 20Imombe soowoonda ni soonanara ithannapiili saakhuura iye ithannapiili sooneneva saapacenre okhuma. 21Naari saarookhuuraru, kasaasuwanyeya weera sookhuura, niwoko sannapwaherera woonda ntoko seerenlaaya woopacera. Vahoolowaya kaavenya. 22Kaalohatho moota mukina. Kaahoona makala mathannameeli a etrigu yoowiitthwaxa ni yooreera muntathini mmoha. 23Woottharelana yaathapuruwatho makala makina mathannameeli oonyaala, oopheepuwa ni oowuumeene niwoko na epheyo engweela ninkhuma nsuwa. 24Makala mathannaneeli makina oopheepuwa yaamira makina ale ooreera. Kohaathalihera yeeyo anamatthoma, mene khaawo aawenre otaphulela.” 25Yoseefe aamweerela Farawu*: “Sooloha soopiili sa Farawu* vekahaikhai sintaphulela etthu emoharu paahi. Ti Muluku ontthuna owoonihera aFarawu* yeeyo Owo aneeraawe apake. 26Imombe ithannapiili sooreera sintaphulela iyaakha ithannapiili, ni makala mathannameeli ooreera antaphulelatho iyaakha ithannapiili. Ti yooloha emohamoharu yeeyo paahi. 27Imombe ithannapiili soowoonda ni soonanara, saakhumme vahoolowaya sinoolikanatho iyaakha ithannapiili, hiiho ntoko makala mathannameeli oopheepuwa yuumihiwe ni epheyo engweela ninkhuma nsuwa. Iyo siri iyaakha ithannapiili sa etala sineera siweeke. 28Ti yeeyoweene ntoko kooleenlaakani aFarawu: Muluku oowoonihera aFarawu* yeeyo aneeraawe apake. 29Sinimoowa iyaakha ithannapiili sa oruwera otokotoko wExipitu wootheene. 30Vahoolowaya nsiwe iyaakha ithannapiili sa etala. Vano ehuhu yootheene yooruwera eniittiwaliwe hapo etala eniihele mathala elapo yootheene. 31Etala eniirwe eniikhale etokotoko moota wooweera iyaakha sooruweriwa sivinre khasirwa suupuweleliwa. 32aFarawu* yaaloha imaara piili, niwoko Muluku oolakela okwanihera yeeyo ni eniyereye woowaakuveya. 33Tivawo, mmwaase nyuwo aFarawu* mulopwana mmoha a miruku ni oosuwela weera eettihe itthu sootheene sineera sikhumelele mweelaponi ya wExipitu. 34Ontthuneya waakhalihatho ahooleli mweelaponi yootheene weera elamuleke nnenesene ni ethokorore mpatta wanaathanu wa yoohepha ya wExipitu mpuwa mwa iyaakha ithannapiili sooruweriwa. 35Awo ethukumanyihe sooca iyo sa iyaakha sooruweriwa sinrwa. Ethokororeketho etrigu musidadeni sootheene weera sikhale sooca sa muhoolo. Sootheene iyo silamuleliweke ni aFarawu*. 36Yeeyo eneera ethokororiweke ekhale yoowiisungera wa iyaakha ithannapiili sa etala eneera eweeke wExipitu. Hiiho etala kheewa ephwata elapo.”
Yoseefe onimuhoolela Farawu*.
37Yoovaanela ya Yoseefe yaamusiveliha Farawu* nitho anamalakaawe. 38Farawu* aahaakoha anamalakaawe: “Weeraka nnoomphwanya mukina ntoko mulopwana ola ookhalano Munepa wa oMuluku?” 39Vano aamweerela Yoseefe: “Eenre Muluku awooniheraka itthu sootheene iya, khawowo mukina a miruku ni oosuwela ntoko weyo. 40Okhaleke mutokweene oolamula vaatewaka ni mulokwaaka wootheene wiiweleleke malamulowaawo. Miyo paahi nkikhale mutokweene oowoopwaha weyo, niwoko ti mwene.” 41Farawu* aapwaherera: “Vanonto kingwinnyerera weyo ohoolela elapo yootheene ya wExipitu.” 42Ahimakaru yeeyo, Farawu* aamurula munelaawe oottittano aangwanraawe vakathani, anangwariha Yoseefe, anangwarihatho soowara sooreeraxa ni aangwariha muxikomwawe onyooro wa eyuuma yoorikaxa. 43Vahoolowaya, aangweliha mukaaroni yanaaveeli ya omwene, ni atthu yannakhuwela vahoolowawe: “Muhule ephiro!” Hiiho Yoseefe aavahereriwa ohoolela elapo yootheene ya wExipitu. 44Farawu* aamweerelatho Yoseefe: “Miyo ti Farawu*, mene weyo waahilamulela etthu, khaawo aneera apakeke yakhalaru etthu wExipitu nno.” 45Farawu* aamutteha Zafenati-Paneya, anamvaha Asenati, mwaana muthiyana a Potifari, musaserdoti* a wOni, weera amutheleke. Vahoolowaya, Yoseefe aapacera weetteetta elapo yootheene ya wExipitu. 46Yoseefe aarino iyaakha miloko miraru sa oyariwawawe aapacenraawe omurumeela Farawu*, mwene a wExipitu. Vahoolowaya, aamulaxera Farawu*, anapacera weetteetta elapo ya wExipitu yootheene. 47Mweehuhuni ya iyaakha itthannapiili sa oruweriwa, elapo ya wExipitu yaaruwera soohepa soowaattaxa. 48Hiihaawo owo aalamulela othukumanyiwa sooca saathokororiwe mweehuhuni ya iyaakha ithannapiili sooruweriwa wExipitu, analamulelatho othokororiwa musidade etrigu yaahanle mmamattani wa khula muttetthe. 49Hiiho Yoseefe aawera othokorora etrigu yoowaattaxa, ntoko muhaava wa mphareiyani. Aathokorora etrigu yoowaattaxa moota wooweera Yoseefe aahiya ophima niwoko khaawo yeera ewere waalikela. 50Nlelo sihinaaye ophiyera iyaakha sa etala, Asenati, mwaana muthiyana a Potifari, musaserdoti* a wOni, aamuyarela Yoseefe anamwane asilopwana eeli. 51Wa antthaara, Yoseefe aamutteha Manaxe, eeraka: “Muluku ookittiwaliha ohaawawaka wootheene, ni vaate wa atithaka wootheene.” 52Wa mwaana anaaveeli, aamutteha Efrayimi, eeraka: “Muluku ookiweriha oyara mweelaponi kihaawiyaaka.” 53Hiiho waaphiya ommaleloni wa iyaakha iye sooruweriwa wExipitu. 54Vanonto saapacera iyaakha ithannapiili sa etala mooteene yoole Yoseefe aahimmaawe. Mweelaponi sootheene sikina yaakhala etala etokotoko, vaheera wExipitu yaakhalawo yooca. 55wExipitu wootheene opacerakaru ohaaweya mwaha wa etala, muloko ole waapacera omukhuwelela Farawu* mwaha wa yooca. Owo aahaakhula ha: “Murowe wa Yoseefe ni mwapakeke yeeyo owo aneeraawe oolamulelekeni.” 56Vanonto yaakwanenlaaya etala mweelaponi yootheene ya wExipitu, Yoseefe aalamulela ohuleliwa impa sootheene yaathokororiwe etrigu, anapacera waathumihera atthu a wExipitu. 57Vano atthu a ilapo sootheene yannarowa wa Yoseefe weera ethume etrigu wExipitu, niwoko etaleene yeele yaatepaxa waatta mweelaponi yootheene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.