Okhuma 37
37
Otekiwa wa Arka* a Wiiraana
1Bezaleli aahaapaka Arka* a mwiri wa akaasiya* ni miringo iya: emeetru* emoha ni vakhaani, vamoha ni eriyari ya emeetru* emoha, vamoha ni eriyari ya emeetru* emoha. 2Aahaahuruwela mpuwa ni omokoni ni eyuuma yoorikaxa yooreera alepelelaka mukhwipimwaya ni eyuuma yoorikaxa. 3Aahaapaka annela axexe a eyuuma yoorikaxa aatthukelelaka mmaloothoni oomaxexe; annela eeli wa khula mpatta. 4Vahoolowaya aapaka ikopo sa mwiri wa akaasiya*, anahuruwela ni eyuuma yoorikaxa. 5Vano aavolonghera mwa annelani mpararini mwa Arka* weera eteexiwekeno. 6Aapaka yookhuneelano ya eyuuma yoorikaxa yooreera ni miringo iya: emeetru* emoha ni vakhaani, vamoha ni eriyari ya emeetru* emoha. 7Vahoolowaya aahaapaka akerubini* eeli a eyuuma yoorikaxa oohaniwa, enakhomeleliwa mukhwipimwaya yookhuneelano. 8Aampakatho kerubini* mmoha mukerekhere wa mpatta mmoha ni anaaveeli mpatta mukina; ooweeli awo ekhalaka emohamoharu ni yookhuneelano. 9Akerubini* yaakhalano mapuphaaya ookungeela ohoolo ekhuneelakano yookhuneelano. Awo yaakhalelana ohoolo ewehaka yookhuneelano.
Otekiwa wa meesa a epaawu ya Okhala*
10Aapaka meesa a mwiri wa akaasiya* ni miringo iya: wookwanaka emeetru* emoha, vamoha ni eriyari ya emeetru* emoha, vamoha ni eriyari ya emeetru* emoha. 11Aahuruwela ni eyuuma yoorikaxa yooreera alepelelaka mukhwipimwaya ni eyuuma yoorikaxa. 12Aaxoratho mukhwipimwaya, mwiittaaya waari isentimeetru* ithannatthaaru, analepelela ni icaambulo sa eyuuma yoorikaxa mukhwipimwaya. 13Aahanela mesa annela axexe a eyuuma yoorikaxa atthukelelaka mmaloothonimwaya oomaxexe simvolowaayamo nyettosaya mixexe. 14Vano annela yaatthukeleliwa mukerekhere mooxoriwa weera sivolongheriwe ikopo sooteexerano meesa. 15Vano ikopo sooteexerano meesa saapakiwe ni mwiri wa akaasiya* sihuruweliwaka eyuuma yoorikaxa. 16Aapaka ikaruma sa meesa a eyuuma yoorikaxa yooreeraxa: Isasaanisaya nitho ikhope, ibasiya ni ikoomixi simvareliwa muteko woovuuvihera sooveleela soowura.
Onyaari wa eyuuma yoorikaxa
17Aapaka onyaari wa eyuuma yoorikaxa yooreera woohaniwa. Nnaawonaya, mwettwaaya, ikoomixisaya, soottuvasaya ni ithutusaya sootheene saakhala etthu emohamoharu paahi. 18Iphandi ithannamosa saakhuma woonyaarini – khula mpatta wa mwettwaaya tthaaru tthaaru. 19Saakhala ithutu tthaaru sa emandoweira* sikhalanaka soottuvasaya ni makukhwaaya a ephandi emoha – ni hiihotho wa iphandi sootheene sikina sikhumme woonyaarini. 20Vamwettoniwaya waakhalano ithutu ixexe sa emandoweira* sikhalanaka soottuvasaya ni makukhwaaya. 21Ethutu yoopacera ya mwetto yaakhala vathi wa iphandi piili soopacera sinkhuma woonyaarini; yanaaveeli vathi wa piili sinttharelana ni yanaararu vathi wa piili soomalihera – opwexerera saari ithannamosa. 22Iphandi ni ithutusaya saakhala etthu emohamoharu ni onyaari, sootheene soopakiwa ni eyuuma yoorikaxa yooreera ni soohaniwa. 23Vahoolowaya aapakelatho soomwaleela ithannapiili vamoha ni soorehererano mutthambo ni soocipiherasaya sa eyuuma yoorikaxa yooreera. 24Aapaka onyaari ni ikarumasaya sootheene avarelaka muteko ikiilu* miloko miraru niithanu sa eyuuma yoorikaxa yooreera.
Altaari* a erubani
25Aahaapaka altaari* a erubani* a mwiri wa akaasiya*. Yaari oolikanela ni miringo iya: eriyari ya emeetru* emoha, vamoha ni eriyari ya emeetru* emoha, vamoha ni wookwanaka emeetru* emoha. Manyakaaya yaari etthu emohamoharu ni altaari*. 26Aahuruwela mpatta wa osulu, mipatta sikina sootheene, nitho manyaka ni eyuuma yoorikaxa alepelelaka mukhwipimwaya ni eyuuma yoorikaxa. 27Aahaapakela altaari* annela eeli a eyuuma yoorikaxa wa khula mpatta vathi wa ehuruwelelo weera sivolongheriwe ikopo sooteexerano. 28Aapaka ikopo ni mwiri wa akaasiya*, anahuruwela ni eyuuma yoorikaxa. 29Aaheekatho makhura ootteela oottikitthelano ni erubani* yoowunkhelaxa yooreera – oopakiwa ni namweeka.
Currently Selected:
Okhuma 37: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 37
37
Otekiwa wa Arka* a Wiiraana
1Bezaleli aahaapaka Arka* a mwiri wa akaasiya* ni miringo iya: emeetru* emoha ni vakhaani, vamoha ni eriyari ya emeetru* emoha, vamoha ni eriyari ya emeetru* emoha. 2Aahaahuruwela mpuwa ni omokoni ni eyuuma yoorikaxa yooreera alepelelaka mukhwipimwaya ni eyuuma yoorikaxa. 3Aahaapaka annela axexe a eyuuma yoorikaxa aatthukelelaka mmaloothoni oomaxexe; annela eeli wa khula mpatta. 4Vahoolowaya aapaka ikopo sa mwiri wa akaasiya*, anahuruwela ni eyuuma yoorikaxa. 5Vano aavolonghera mwa annelani mpararini mwa Arka* weera eteexiwekeno. 6Aapaka yookhuneelano ya eyuuma yoorikaxa yooreera ni miringo iya: emeetru* emoha ni vakhaani, vamoha ni eriyari ya emeetru* emoha. 7Vahoolowaya aahaapaka akerubini* eeli a eyuuma yoorikaxa oohaniwa, enakhomeleliwa mukhwipimwaya yookhuneelano. 8Aampakatho kerubini* mmoha mukerekhere wa mpatta mmoha ni anaaveeli mpatta mukina; ooweeli awo ekhalaka emohamoharu ni yookhuneelano. 9Akerubini* yaakhalano mapuphaaya ookungeela ohoolo ekhuneelakano yookhuneelano. Awo yaakhalelana ohoolo ewehaka yookhuneelano.
Otekiwa wa meesa a epaawu ya Okhala*
10Aapaka meesa a mwiri wa akaasiya* ni miringo iya: wookwanaka emeetru* emoha, vamoha ni eriyari ya emeetru* emoha, vamoha ni eriyari ya emeetru* emoha. 11Aahuruwela ni eyuuma yoorikaxa yooreera alepelelaka mukhwipimwaya ni eyuuma yoorikaxa. 12Aaxoratho mukhwipimwaya, mwiittaaya waari isentimeetru* ithannatthaaru, analepelela ni icaambulo sa eyuuma yoorikaxa mukhwipimwaya. 13Aahanela mesa annela axexe a eyuuma yoorikaxa atthukelelaka mmaloothonimwaya oomaxexe simvolowaayamo nyettosaya mixexe. 14Vano annela yaatthukeleliwa mukerekhere mooxoriwa weera sivolongheriwe ikopo sooteexerano meesa. 15Vano ikopo sooteexerano meesa saapakiwe ni mwiri wa akaasiya* sihuruweliwaka eyuuma yoorikaxa. 16Aapaka ikaruma sa meesa a eyuuma yoorikaxa yooreeraxa: Isasaanisaya nitho ikhope, ibasiya ni ikoomixi simvareliwa muteko woovuuvihera sooveleela soowura.
Onyaari wa eyuuma yoorikaxa
17Aapaka onyaari wa eyuuma yoorikaxa yooreera woohaniwa. Nnaawonaya, mwettwaaya, ikoomixisaya, soottuvasaya ni ithutusaya sootheene saakhala etthu emohamoharu paahi. 18Iphandi ithannamosa saakhuma woonyaarini – khula mpatta wa mwettwaaya tthaaru tthaaru. 19Saakhala ithutu tthaaru sa emandoweira* sikhalanaka soottuvasaya ni makukhwaaya a ephandi emoha – ni hiihotho wa iphandi sootheene sikina sikhumme woonyaarini. 20Vamwettoniwaya waakhalano ithutu ixexe sa emandoweira* sikhalanaka soottuvasaya ni makukhwaaya. 21Ethutu yoopacera ya mwetto yaakhala vathi wa iphandi piili soopacera sinkhuma woonyaarini; yanaaveeli vathi wa piili sinttharelana ni yanaararu vathi wa piili soomalihera – opwexerera saari ithannamosa. 22Iphandi ni ithutusaya saakhala etthu emohamoharu ni onyaari, sootheene soopakiwa ni eyuuma yoorikaxa yooreera ni soohaniwa. 23Vahoolowaya aapakelatho soomwaleela ithannapiili vamoha ni soorehererano mutthambo ni soocipiherasaya sa eyuuma yoorikaxa yooreera. 24Aapaka onyaari ni ikarumasaya sootheene avarelaka muteko ikiilu* miloko miraru niithanu sa eyuuma yoorikaxa yooreera.
Altaari* a erubani
25Aahaapaka altaari* a erubani* a mwiri wa akaasiya*. Yaari oolikanela ni miringo iya: eriyari ya emeetru* emoha, vamoha ni eriyari ya emeetru* emoha, vamoha ni wookwanaka emeetru* emoha. Manyakaaya yaari etthu emohamoharu ni altaari*. 26Aahuruwela mpatta wa osulu, mipatta sikina sootheene, nitho manyaka ni eyuuma yoorikaxa alepelelaka mukhwipimwaya ni eyuuma yoorikaxa. 27Aahaapakela altaari* annela eeli a eyuuma yoorikaxa wa khula mpatta vathi wa ehuruwelelo weera sivolongheriwe ikopo sooteexerano. 28Aapaka ikopo ni mwiri wa akaasiya*, anahuruwela ni eyuuma yoorikaxa. 29Aaheekatho makhura ootteela oottikitthelano ni erubani* yoowunkhelaxa yooreera – oopakiwa ni namweeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.