Okhuma 16
16
Emana* ni anapiri a wiirimu
1aYixrayeli ootheene yaattimula wElimi, enaphiya onikareni na oSini weenre nno wElimi ni oSinayi. Naari nihuku nanaamuloko ni mathanu na mweeri wanaaveeli evennyeene wExipitu. 2Munikareni muloko wootheene wa aYixrayeli waamuttaandawula Moisesi ni Aharoni. 3aYixrayeli yaaweerela: “Eya! Fataari Yave aaniivenle wExipitu! Wuuwu naakilaathi nrinceene nyaapu sa enama ni naaca yooca naatthunelaahu. Vaheera nyuwo muniruuhenle munikarenimu weera nakupa ootheene ola akhwe etala.” 4Wa soothesene, Yave aamweerela Moisesi: “Miyo kinoowiitthelelasani sooca sa wiirimu. Khula nihuku muloko onoovenyera ottottaka yookwana oca wa nihukuni. Mwa yeeyo kinoowoota murima weera kiwoone yaattharaka hoye hoye yaahittharaka ikanosaka. 5Vano, vanihukuni nanaathannamosa, yiittotteleke ya mahuku meeli weera erehereriwe.” 6Hiiho Moisesi ni Aharoni yaaweerelasa aYixrayeli ootheene: “Wiilaka mmwisuwele weera ti Yave ookhumihaleni wExipitu. 7Vano omaalo ohinaxeru munimoonasa ovuwa wa Yave, niwoko ohiiwa omuttaandawulawanyu. Hiyo taani weera nyuwosa munikhupanye?” 8Moisesi aaweerelatho: “Yave onimoovahasani enama yookhuura waaxekuwaka, ni sooca muntthunelaanyu oxeexelo, niwoko ohiiwa omuttaandawulawanyu. Hiyo taani? Khamunnikhupanya hiyo, mene Yave.” 9Vano Moisesi aamweerela Aharoni: “Muleele muloko wootheene wa aYixrayeli: ‘Mwiixoonihere ohoolo wa Yave, niwoko Owo ohiiwa wiikhupanyerawanyu.’” 10Aharoni uulumaka ni muloko wootheene, yaawehasa ootheene onikareni ni ovuwa wa Yave waakhumelelawo vanihutteni. 11Yave aamweerela Moisesi: 12“Kohiiwa ottaandawula wa aYixrayeli. Mwaaleele: ‘Wiilaka munookhuura enama; waaxaaka munoovonasa yooca. Hiiho munoosuwelasa weera Miyo ti Yave Mulukwaanyu.’” 13Wiilaka yaahoorwa anapiri yaakonenlaayawo ni oxeexelo naahiima nikame nincipalexa nirukureenreene yaakonelasiyaayawo. 14Nimorakaru nikame, saahalahala vathi itthu sikhaanene sivaranneene pharamanda. 15Vano aYixrayeli yoonakaru yeeyo yaaheerelana: “Eheeni yeela?” Khayaasuwelasa yeereiya. Moisesi aaweerela: “Ela ti yooca Yave oovahasiyaaweni weera muce. 16Yave aavaha nlamulo nna: ‘Khula pwattapwattha a emusi akhupeke ontthunelaawe. Akuxe ikiilu* piili wa khula mutthu a muheemanimwawe.’” 17aYixrayeli yaapaka yeeyo yaaleeliwaaya – akina yaakhupa yoowaatta; akina vakhaaneene. 18Eringakaru ni waatta wa ikiilu* piili yaawo yaakhumpe yincipale khayaahanle, ni yaawo yaakhumpe vakhaani yaakwanela. Khula mutthu aakhupa aatthunelaawe. 19Vano Moisesi aahaalamulela: “Ahikhale aneera axeelele ya omaalo.” 20Wa soothesene, akina a yaawo khayaamwiiwelenle Moisesi ni yaaxeelela vakhaani mpaka waaxiiye. Mene yeeyo yaasareya nyuungu ni yaahunkha woovirula. Tivawo Moisesi aanyoonyeringwaawe. 21Khula oxeexelo ootheene yannakhupasa yaatthunelaaya, niwoko nsuwa naavihaaya iyo sannatothowa. 22Nihuku nanaathannamosa yaakhupasa ya mahuku meeli – ikiilu* ixexe wa khula mutthu. Vano asitokweene a aYixrayeli yaarowa omuthalihera Moisesi. 23Owo aahaathalihera: “Nlamulo na Yave ti nna: ‘Omaalo nnikhale nihuku na wiitthuuwa; eSaabadu yootteeliheriwa Yave. Mooxeke ni mwaapeyeke muntthunelaanyu. Muthokororeke enghala mpaka waaxiiye.” 24Hiiho yaathokorora yeeyo mpaka waaxiiye, ntoko Moisesi aalamulenlaawe ni khayunkhaleru hata khayaarino nyuungu. 25Moisesi aaweerela: “Mucaaseke olelo, niwoko olelo ti eSaabadu ya Yave. Olelo nyuwosa khamuphwanyawo. 26Wa mahuku mathannamosa mukhupaseke, vaheera nihuku nanaathanameeli khamuphwanya etthu.” 27Waarookhalaru hiiho, akina a yaawo yaavenya nihuku nanaathannameeli weera yakhupe, mene khayaaphwannye etthu. 28Vano Yave aamweerela Moisesi: “Mpaka yaakhani muneeraanyu muhiye orambura ikanosaka ni malamulowaaka? 29Muupuwelele weera Yave ohoovahani nihuku na eSaabadu, tivawo nihuku nanaathannamosa Owo onnoovahani sooca sa mahuku meeli. Nihuku na eSaabadu, khula mutthu akhaleke vanipuroniwawe; ahikhale aneera avenye. 30Vano muloko waahiitthuuwa nihuku nanaathannameeli. 31aYixrayeli yaatteha yooca ele emana*. Yaari yootteela ntoko etthabwe ni yaasiva ntoko mukotto wa oravo. 32Moisesi aaheera: “Nlamulo na Yave ti nna: ‘Mukuxe ikiilu* piili sa emana* weera mukhapelelele ikhapira sa muhoolo weera yoone sooca koovanghaakani munikareni Miyo kookhumihaakani wExipitu.’” 33Moisesi aamweerela Aharoni: “Muhele mutthuni yookwana ikiilu* ixexe sa emana*. Vahoolowaya mwiikaathi ohoolo wa Yave weera ekhapeleleye wa ikhapira sa muhoolo.” 34Aharoni aahiikaathi emana* ohoolo wa Namoona* weera ekhapeleleye vaavaale, ntoko Yave aamulamulenlaawe Moisesi. 35aYixrayeli yaahooca emana* wa iyaakha miloko mixexe mpaka yaaphiyaaya elapo yoomakeya. Yaahooca emana* mpaka yaaphiyaaya mwiinano wa oKanaani. 36Vano miringo yaakhupelaya khula nihuku ti mpatta wanaamuloko wa efa*.
Currently Selected:
Okhuma 16: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Okhuma 16
16
Emana* ni anapiri a wiirimu
1aYixrayeli ootheene yaattimula wElimi, enaphiya onikareni na oSini weenre nno wElimi ni oSinayi. Naari nihuku nanaamuloko ni mathanu na mweeri wanaaveeli evennyeene wExipitu. 2Munikareni muloko wootheene wa aYixrayeli waamuttaandawula Moisesi ni Aharoni. 3aYixrayeli yaaweerela: “Eya! Fataari Yave aaniivenle wExipitu! Wuuwu naakilaathi nrinceene nyaapu sa enama ni naaca yooca naatthunelaahu. Vaheera nyuwo muniruuhenle munikarenimu weera nakupa ootheene ola akhwe etala.” 4Wa soothesene, Yave aamweerela Moisesi: “Miyo kinoowiitthelelasani sooca sa wiirimu. Khula nihuku muloko onoovenyera ottottaka yookwana oca wa nihukuni. Mwa yeeyo kinoowoota murima weera kiwoone yaattharaka hoye hoye yaahittharaka ikanosaka. 5Vano, vanihukuni nanaathannamosa, yiittotteleke ya mahuku meeli weera erehereriwe.” 6Hiiho Moisesi ni Aharoni yaaweerelasa aYixrayeli ootheene: “Wiilaka mmwisuwele weera ti Yave ookhumihaleni wExipitu. 7Vano omaalo ohinaxeru munimoonasa ovuwa wa Yave, niwoko ohiiwa omuttaandawulawanyu. Hiyo taani weera nyuwosa munikhupanye?” 8Moisesi aaweerelatho: “Yave onimoovahasani enama yookhuura waaxekuwaka, ni sooca muntthunelaanyu oxeexelo, niwoko ohiiwa omuttaandawulawanyu. Hiyo taani? Khamunnikhupanya hiyo, mene Yave.” 9Vano Moisesi aamweerela Aharoni: “Muleele muloko wootheene wa aYixrayeli: ‘Mwiixoonihere ohoolo wa Yave, niwoko Owo ohiiwa wiikhupanyerawanyu.’” 10Aharoni uulumaka ni muloko wootheene, yaawehasa ootheene onikareni ni ovuwa wa Yave waakhumelelawo vanihutteni. 11Yave aamweerela Moisesi: 12“Kohiiwa ottaandawula wa aYixrayeli. Mwaaleele: ‘Wiilaka munookhuura enama; waaxaaka munoovonasa yooca. Hiiho munoosuwelasa weera Miyo ti Yave Mulukwaanyu.’” 13Wiilaka yaahoorwa anapiri yaakonenlaayawo ni oxeexelo naahiima nikame nincipalexa nirukureenreene yaakonelasiyaayawo. 14Nimorakaru nikame, saahalahala vathi itthu sikhaanene sivaranneene pharamanda. 15Vano aYixrayeli yoonakaru yeeyo yaaheerelana: “Eheeni yeela?” Khayaasuwelasa yeereiya. Moisesi aaweerela: “Ela ti yooca Yave oovahasiyaaweni weera muce. 16Yave aavaha nlamulo nna: ‘Khula pwattapwattha a emusi akhupeke ontthunelaawe. Akuxe ikiilu* piili wa khula mutthu a muheemanimwawe.’” 17aYixrayeli yaapaka yeeyo yaaleeliwaaya – akina yaakhupa yoowaatta; akina vakhaaneene. 18Eringakaru ni waatta wa ikiilu* piili yaawo yaakhumpe yincipale khayaahanle, ni yaawo yaakhumpe vakhaani yaakwanela. Khula mutthu aakhupa aatthunelaawe. 19Vano Moisesi aahaalamulela: “Ahikhale aneera axeelele ya omaalo.” 20Wa soothesene, akina a yaawo khayaamwiiwelenle Moisesi ni yaaxeelela vakhaani mpaka waaxiiye. Mene yeeyo yaasareya nyuungu ni yaahunkha woovirula. Tivawo Moisesi aanyoonyeringwaawe. 21Khula oxeexelo ootheene yannakhupasa yaatthunelaaya, niwoko nsuwa naavihaaya iyo sannatothowa. 22Nihuku nanaathannamosa yaakhupasa ya mahuku meeli – ikiilu* ixexe wa khula mutthu. Vano asitokweene a aYixrayeli yaarowa omuthalihera Moisesi. 23Owo aahaathalihera: “Nlamulo na Yave ti nna: ‘Omaalo nnikhale nihuku na wiitthuuwa; eSaabadu yootteeliheriwa Yave. Mooxeke ni mwaapeyeke muntthunelaanyu. Muthokororeke enghala mpaka waaxiiye.” 24Hiiho yaathokorora yeeyo mpaka waaxiiye, ntoko Moisesi aalamulenlaawe ni khayunkhaleru hata khayaarino nyuungu. 25Moisesi aaweerela: “Mucaaseke olelo, niwoko olelo ti eSaabadu ya Yave. Olelo nyuwosa khamuphwanyawo. 26Wa mahuku mathannamosa mukhupaseke, vaheera nihuku nanaathanameeli khamuphwanya etthu.” 27Waarookhalaru hiiho, akina a yaawo yaavenya nihuku nanaathannameeli weera yakhupe, mene khayaaphwannye etthu. 28Vano Yave aamweerela Moisesi: “Mpaka yaakhani muneeraanyu muhiye orambura ikanosaka ni malamulowaaka? 29Muupuwelele weera Yave ohoovahani nihuku na eSaabadu, tivawo nihuku nanaathannamosa Owo onnoovahani sooca sa mahuku meeli. Nihuku na eSaabadu, khula mutthu akhaleke vanipuroniwawe; ahikhale aneera avenye. 30Vano muloko waahiitthuuwa nihuku nanaathannameeli. 31aYixrayeli yaatteha yooca ele emana*. Yaari yootteela ntoko etthabwe ni yaasiva ntoko mukotto wa oravo. 32Moisesi aaheera: “Nlamulo na Yave ti nna: ‘Mukuxe ikiilu* piili sa emana* weera mukhapelelele ikhapira sa muhoolo weera yoone sooca koovanghaakani munikareni Miyo kookhumihaakani wExipitu.’” 33Moisesi aamweerela Aharoni: “Muhele mutthuni yookwana ikiilu* ixexe sa emana*. Vahoolowaya mwiikaathi ohoolo wa Yave weera ekhapeleleye wa ikhapira sa muhoolo.” 34Aharoni aahiikaathi emana* ohoolo wa Namoona* weera ekhapeleleye vaavaale, ntoko Yave aamulamulenlaawe Moisesi. 35aYixrayeli yaahooca emana* wa iyaakha miloko mixexe mpaka yaaphiyaaya elapo yoomakeya. Yaahooca emana* mpaka yaaphiyaaya mwiinano wa oKanaani. 36Vano miringo yaakhupelaya khula nihuku ti mpatta wanaamuloko wa efa*.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.