awEfeso 6
6
Sootthuneya sa asitiithi ni anamwane
1Anamwane, ngwiiweleleke asinaangolowaanyu mwa Apwiya, niwoko eyo ti ya ororomeleya. 2“Mwaattittimihe atithinyu ni amayinyu,” nna ti nlamulo noopacera nrino yoororomelihiwa: 3“weera sootheene siweetteleni nnene ni mukhalane iyaakha sincipale mweelaponi.” 4Asitiithi, muhaatannyeke anamwanaanyu. Ohiyanawaya, mwaahuweke moolakani ni mmahusihoni a Apwiya.
Sootthuneya sa ipottha ni asineene
5Ipottha, ngwiiweleleke asineene a nyuwo a vathi ni nttittimiho, woova, ni murima wootheene, ntoko wa Kristu. 6Muhiwiiwelele paahi weera mwaasivelihe awo yoowehawehakani, mene, ntoko ipottha sa Kristu, mpakeke otthuna wa Muluku ni murima wootheene. 7Mwaarumeeleke ni murima wooreera ntoko wa Apwiya, ohikhanle wa atthu, 8niwoko moosuwela weera Apwiya eniimutthuvele khula mutthu wa yooreera ompakaawe, hata ekhale epottha, naari akhale neethi. 9Nyuwo asineene, mweetteleke mooteene yoowo ni ipotthasanyu. Musuwelaka weera Apwiyaaya ni Apwiyaanyu ari wiirimu, ni awo khaanono nthalu ni atthu, muhoopopihe ipotthasanyu.
Soowarela sa mmunepani soowanela ekhotto
10Vanonto, mwiilipihe mwa Apwiya ni mwa ikurusaya sitokotoko. 11Ngwareke soowarela soowanela ekhotto sootheene sa Muluku weera ngwere okhala oolipa opwaha mikhalelo sa Diyabu*, 12niwoko owanawahu khoohiyono ni erutthu, naari ephome, mene ni ikuru ni asitokweene a mmunepani, ni malamulelo a elapo ya vathi ela ya mpiphini, aani owanawahu ori ni minepa soonanara sa wiirimu. 13Tivawo, ngwareke sowarela sowanela ekhotto sootheene sa Muluku weera ngwere wiixaakiha munihukuni na onanara, ni mwaamalihaka opaka sootheene, mukhale yeemelelo. 14Hiiho mweemele oolipeene, mwiitthukelaka ni laamba a ekhaikhai, ngwaraka malaya a eyuuma ari oowaakheliwa ni Muluku, 15ni ngwanreene ni isapato soolikana sinrweela wa masu ooreeraxa a murettele. 16Mukuxeketho exikudu* ya nroromelo, mwa yeeyo nyuwo mmwiwere ocipiha nyuupa sootheene sivarelaka sa namatakhala. 17Ngwareke ekapasete ya ovuluxiwa ni ekatana ya Munepa, eri masu a Muluku. 18Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene. 19Mukivekeleleketho miyo, weera Muluku akivahe masu, weera kithaliheke woohoova ntikhinelo na masu ooreeraxa, 20mwa yaawo kiri namutthenga ootthukiweene. Muvekele weera miyo kuulume ni olipa murima, ntoko ontthuneyaaya weera kipake.
Isalaama sookisera
21Tikhiko, munna oosiveleya ni murumeiyi oororomeleya a Apwiya, anooleeleni sootheene weera nyuwotho musuwele ihaalisaka ni mitekosaka. 22Koorumihenleni owo niwoko na etthweene yeela, weera musuwele ihaalisahu, ni weera owo oolipiheni murima. 23Murettele okhale ni axunna, ni osivela vamoha ni nroromelo onrweela wa Muluku Atiithi ni wa Apwiya Yeesu Kristu. 24Mahala ekhale ni ootheene anaasivela Apwiyaahu Yeesu Kristu ni osivela woohimala.
Currently Selected:
awEfeso 6: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
awEfeso 6
6
Sootthuneya sa asitiithi ni anamwane
1Anamwane, ngwiiweleleke asinaangolowaanyu mwa Apwiya, niwoko eyo ti ya ororomeleya. 2“Mwaattittimihe atithinyu ni amayinyu,” nna ti nlamulo noopacera nrino yoororomelihiwa: 3“weera sootheene siweetteleni nnene ni mukhalane iyaakha sincipale mweelaponi.” 4Asitiithi, muhaatannyeke anamwanaanyu. Ohiyanawaya, mwaahuweke moolakani ni mmahusihoni a Apwiya.
Sootthuneya sa ipottha ni asineene
5Ipottha, ngwiiweleleke asineene a nyuwo a vathi ni nttittimiho, woova, ni murima wootheene, ntoko wa Kristu. 6Muhiwiiwelele paahi weera mwaasivelihe awo yoowehawehakani, mene, ntoko ipottha sa Kristu, mpakeke otthuna wa Muluku ni murima wootheene. 7Mwaarumeeleke ni murima wooreera ntoko wa Apwiya, ohikhanle wa atthu, 8niwoko moosuwela weera Apwiya eniimutthuvele khula mutthu wa yooreera ompakaawe, hata ekhale epottha, naari akhale neethi. 9Nyuwo asineene, mweetteleke mooteene yoowo ni ipotthasanyu. Musuwelaka weera Apwiyaaya ni Apwiyaanyu ari wiirimu, ni awo khaanono nthalu ni atthu, muhoopopihe ipotthasanyu.
Soowarela sa mmunepani soowanela ekhotto
10Vanonto, mwiilipihe mwa Apwiya ni mwa ikurusaya sitokotoko. 11Ngwareke soowarela soowanela ekhotto sootheene sa Muluku weera ngwere okhala oolipa opwaha mikhalelo sa Diyabu*, 12niwoko owanawahu khoohiyono ni erutthu, naari ephome, mene ni ikuru ni asitokweene a mmunepani, ni malamulelo a elapo ya vathi ela ya mpiphini, aani owanawahu ori ni minepa soonanara sa wiirimu. 13Tivawo, ngwareke sowarela sowanela ekhotto sootheene sa Muluku weera ngwere wiixaakiha munihukuni na onanara, ni mwaamalihaka opaka sootheene, mukhale yeemelelo. 14Hiiho mweemele oolipeene, mwiitthukelaka ni laamba a ekhaikhai, ngwaraka malaya a eyuuma ari oowaakheliwa ni Muluku, 15ni ngwanreene ni isapato soolikana sinrweela wa masu ooreeraxa a murettele. 16Mukuxeketho exikudu* ya nroromelo, mwa yeeyo nyuwo mmwiwere ocipiha nyuupa sootheene sivarelaka sa namatakhala. 17Ngwareke ekapasete ya ovuluxiwa ni ekatana ya Munepa, eri masu a Muluku. 18Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene. 19Mukivekeleleketho miyo, weera Muluku akivahe masu, weera kithaliheke woohoova ntikhinelo na masu ooreeraxa, 20mwa yaawo kiri namutthenga ootthukiweene. Muvekele weera miyo kuulume ni olipa murima, ntoko ontthuneyaaya weera kipake.
Isalaama sookisera
21Tikhiko, munna oosiveleya ni murumeiyi oororomeleya a Apwiya, anooleeleni sootheene weera nyuwotho musuwele ihaalisaka ni mitekosaka. 22Koorumihenleni owo niwoko na etthweene yeela, weera musuwele ihaalisahu, ni weera owo oolipiheni murima. 23Murettele okhale ni axunna, ni osivela vamoha ni nroromelo onrweela wa Muluku Atiithi ni wa Apwiya Yeesu Kristu. 24Mahala ekhale ni ootheene anaasivela Apwiyaahu Yeesu Kristu ni osivela woohimala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.