aKolosi 3
3
Mweettelo wa ootteela
1Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku. 2Mutthokelele itthu sa wiirimu ohiya sa vathi. 3Nyuwo mohookhwa, ni vano okumaanyu woovithiwa ni Kristu mwa Muluku. 4Kristu ori okumaanyu ooniheriwaka, vano nyuwotho mmooniheriwe ni Yoowo moovuwani. 5Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina. 6Ti niwoko na itthusene seiyo sineeraaya saarweele isara sa Muluku yaale ankhala ni ohiiwelela. 7Mwaakhovelela otthara itthusene seiyo mookuminimwanyu wa khalayi. 8Vanonto, muhiye itthu sootheene iya: isara, onyoonyiwa, otakhala, waapa, masu oonanara ni wuulumawanyu. 9Muhootherane mukina ni mukhwaawe, mweenre nyuwo murulaka mukhalelo wa khalayi ni mitekosaya, 10ni moowara onyowani onrehereriwa woohihiyerereya moosuwelani, ntoko ekhalelo ya Mpattuxaanyu. 11Mwa Yoowo khawowo muGrego, naari muYuda; oowiineliwa, naari oohiineliwa; mmalapo, naari muXitha*; epottha, naari neethi, mene Kristu ti sootheene ni ori mwa ootheene. 12Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima. 13Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani. 14Opwaha soothesene, mwiiwarihe osivela ori yookumanela enkhaliha omoha wookwanela. 15Murettele wa Kristu okhale mphuki mmirimanimwanyu, woonaka weera nyuwo mwiitthaniwe weera mukhale mmuretteleni ntoko mipatta sa erutthu emoha paahi. Ni mutthapeliwe. 16Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu. 17Sootheene mumpakaanyu, hata mmasuni, naari mmutekoni, mupake yeeyo mwa Nsina na Apwiya Yeesu, muntthapelaka Muluku Atiithi mwa Yaawo.
Sootthuneya sa vaate
18Axaara, ngwiiweleleke asiiyinyu, ntoko ontthuneyaaya mwa Apwiya. 19Axiiya, mwaasivele axaarinyu ni muhiwuumele murima yaawo. 20Anamwane, ngwiiweleleke asinaangolowaanyu, niwoko eyo enaasiveliha Apwiya. 21Asitiithi, muhaatannyeke anamwaniinyu weera awo ehiporore. 22Ipottha, ngwiiweleleke asineene a vathi mwa sootheene, khoohiyono paahi weera mwaasivelihe, naari awo yoowehexexakani, mene ni murima wa ekhaikhai ngwoovaka Apwiya. 23Sootheene mumpakaanyu, mupakeke ni murima wootheene ntoko wa Apwiya, ohikhanle wa atthu, 24musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu. 25Yoowo ompaka sootakhala anaakheletho sootakhala, ni mwa yeeyo khaniwowo nthalu.
Currently Selected:
aKolosi 3: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
aKolosi 3
3
Mweettelo wa ootteela
1Tivawo, woonaka weera nyuwo moovenyerera vamoha ni Kristu, mwaasaase itthu seiyo siri wiirimu, weiwo Kristu okilaathiyaawe moono mulopwana wa Muluku. 2Mutthokelele itthu sa wiirimu ohiya sa vathi. 3Nyuwo mohookhwa, ni vano okumaanyu woovithiwa ni Kristu mwa Muluku. 4Kristu ori okumaanyu ooniheriwaka, vano nyuwotho mmooniheriwe ni Yoowo moovuwani. 5Tivawo mwiive sootheene siri sa mukhalelo wa erutthu yootthekeya: oraruwa, ohitteela, soohaawela sa olavilavi, soohaawela soonanara, ni wiinlela mihakhu, ori olapa miluku sikina. 6Ti niwoko na itthusene seiyo sineeraaya saarweele isara sa Muluku yaale ankhala ni ohiiwelela. 7Mwaakhovelela otthara itthusene seiyo mookuminimwanyu wa khalayi. 8Vanonto, muhiye itthu sootheene iya: isara, onyoonyiwa, otakhala, waapa, masu oonanara ni wuulumawanyu. 9Muhootherane mukina ni mukhwaawe, mweenre nyuwo murulaka mukhalelo wa khalayi ni mitekosaya, 10ni moowara onyowani onrehereriwa woohihiyerereya moosuwelani, ntoko ekhalelo ya Mpattuxaanyu. 11Mwa Yoowo khawowo muGrego, naari muYuda; oowiineliwa, naari oohiineliwa; mmalapo, naari muXitha*; epottha, naari neethi, mene Kristu ti sootheene ni ori mwa ootheene. 12Tivawo, ntoko muloko woothanliwa ni Muluku, wootteela ni woosiveleya, mwiiwarihe murima wa ikhararixa, murima wooreera, wiiyeviha, murima woomaala ni moopixani murima. 13Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani. 14Opwaha soothesene, mwiiwarihe osivela ori yookumanela enkhaliha omoha wookwanela. 15Murettele wa Kristu okhale mphuki mmirimanimwanyu, woonaka weera nyuwo mwiitthaniwe weera mukhale mmuretteleni ntoko mipatta sa erutthu emoha paahi. Ni mutthapeliwe. 16Masu a Kristu ekhaleke mwa nyuwo moota wookwana. Muxuttihane ni mulakane mukina ni mukhwaawe ni miruku sootheene, ni mwiipe masalimu ni icipo sikina sa mmunepani, muntthapelaka Muluku mmirimanimwanyu. 17Sootheene mumpakaanyu, hata mmasuni, naari mmutekoni, mupake yeeyo mwa Nsina na Apwiya Yeesu, muntthapelaka Muluku Atiithi mwa Yaawo.
Sootthuneya sa vaate
18Axaara, ngwiiweleleke asiiyinyu, ntoko ontthuneyaaya mwa Apwiya. 19Axiiya, mwaasivele axaarinyu ni muhiwuumele murima yaawo. 20Anamwane, ngwiiweleleke asinaangolowaanyu, niwoko eyo enaasiveliha Apwiya. 21Asitiithi, muhaatannyeke anamwaniinyu weera awo ehiporore. 22Ipottha, ngwiiweleleke asineene a vathi mwa sootheene, khoohiyono paahi weera mwaasivelihe, naari awo yoowehexexakani, mene ni murima wa ekhaikhai ngwoovaka Apwiya. 23Sootheene mumpakaanyu, mupakeke ni murima wootheene ntoko wa Apwiya, ohikhanle wa atthu, 24musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu. 25Yoowo ompaka sootakhala anaakheletho sootakhala, ni mwa yeeyo khaniwowo nthalu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.