Amosi 1
1
Othorihiwa wa miloko soowaattamela oYixrayeli
1Ala masu aakhenlaawe mmooneloni Amosi, mukukhuli mmoha a oTekowa, mwaha wa aYixrayeli, sivinreene iyaakha piili ehinaaye otetereya etthaya. Ehuhuweene yeele, Uziya aari mwene a oYuda ni Yerobowami, mwaana mulopwana a Yehowaxi, aari mwene a oYixrayeli. 2Owo aaheera: “Yave ontturuma oSiyoni ni onkukutteya oYerusaleemu; onuuma ancihaayamo akukhuli, ni ennyaala etthomela ya mwaako Karemeli.” 3Yave oneera ha: “Niwoko na sootakhala sincipale seereiye oDamasku, nkirwa kihiya ottaruxa. Awosa ahaamana aGiliyade ni iyuuma soosongowa, 4kinoohisa empa ya Hazayeli, ni malumi a mooro anoolaliha moolipamo mwa Ben-Hadade. 5Kinookurumula mulako wa oDamasku; kinoomphwata mwene ori mureyareyani na wAveni, vamoha ni yoole omvarelela ekopo ya emwene oBete-Edomi. Muloko wa wAsiriya onooronghiwa wootthukiwani elapo ekina ya oKiri,” onghima Yave. 6Yave oneera ha: “Niwoko na sootakhala sincipale seereiye oGaza, nkirwa kihiya ottaruxa. Waaronghasa muloko wootheene wootthukiwani elapo ekina enaathumihera awEdomi. 7Tivawo kineeraaka kirumihele mooro ixiri sa oGaza, ni malumi a mooro anoolaliha moolipamwaya. 8Kinoomphwata mwene a wAsdode ni yoole omvarelela ekopo ya emwene wAskaloni. Kinootheteela Ntatanaka wEkroni, mpaka aneeraawe akhwe ookisera a aFilisti,” onghima Yave onlamula sootheene. 9Yave oneera ha: “Niwoko na sootakhala sincipale seereiye oTiro, nkirwa kihiya ottaruxa. Vano aathumiha muloko wootheene, yaathumiheraka awEdomi, enyoosaka wiiraana wa axunna, 10Tivawo kineeraaka kihise ixiri sa oTiro ni malumi a mooro anoolaliha moolipamwaya.” 11Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe. 12Tivawo kineeraaka kirumihele mooro oTemani, olaliheke moolipamo mwa oBozera.” 13Yave oneera ha: “Niwoko na sootakhala sincipale seereiye wAmoni, nkirwa kihiya ottaruxa. Vano oophula irukulu sa asithiyana oorupala a oGiliyade, weera aandyeerere nyiinanosawe. 14Tivawo kineeraaka kirumihele mooro ixiri sa oRaba olaliheke moolipamwaya. Vano vanihukuni na owana onimwiiwanyeya okhuweliwa wa ekhotto, yoopaxaka epheyo yoowuupaxa vanihukuni na ettheku. 15Mwenaawe onooronghiwa wootthukiwani vamoha ni asitokweenaawe,” onghima Yave.
Currently Selected:
Amosi 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Amosi 1
1
Othorihiwa wa miloko soowaattamela oYixrayeli
1Ala masu aakhenlaawe mmooneloni Amosi, mukukhuli mmoha a oTekowa, mwaha wa aYixrayeli, sivinreene iyaakha piili ehinaaye otetereya etthaya. Ehuhuweene yeele, Uziya aari mwene a oYuda ni Yerobowami, mwaana mulopwana a Yehowaxi, aari mwene a oYixrayeli. 2Owo aaheera: “Yave ontturuma oSiyoni ni onkukutteya oYerusaleemu; onuuma ancihaayamo akukhuli, ni ennyaala etthomela ya mwaako Karemeli.” 3Yave oneera ha: “Niwoko na sootakhala sincipale seereiye oDamasku, nkirwa kihiya ottaruxa. Awosa ahaamana aGiliyade ni iyuuma soosongowa, 4kinoohisa empa ya Hazayeli, ni malumi a mooro anoolaliha moolipamo mwa Ben-Hadade. 5Kinookurumula mulako wa oDamasku; kinoomphwata mwene ori mureyareyani na wAveni, vamoha ni yoole omvarelela ekopo ya emwene oBete-Edomi. Muloko wa wAsiriya onooronghiwa wootthukiwani elapo ekina ya oKiri,” onghima Yave. 6Yave oneera ha: “Niwoko na sootakhala sincipale seereiye oGaza, nkirwa kihiya ottaruxa. Waaronghasa muloko wootheene wootthukiwani elapo ekina enaathumihera awEdomi. 7Tivawo kineeraaka kirumihele mooro ixiri sa oGaza, ni malumi a mooro anoolaliha moolipamwaya. 8Kinoomphwata mwene a wAsdode ni yoole omvarelela ekopo ya emwene wAskaloni. Kinootheteela Ntatanaka wEkroni, mpaka aneeraawe akhwe ookisera a aFilisti,” onghima Yave onlamula sootheene. 9Yave oneera ha: “Niwoko na sootakhala sincipale seereiye oTiro, nkirwa kihiya ottaruxa. Vano aathumiha muloko wootheene, yaathumiheraka awEdomi, enyoosaka wiiraana wa axunna, 10Tivawo kineeraaka kihise ixiri sa oTiro ni malumi a mooro anoolaliha moolipamwaya.” 11Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe. 12Tivawo kineeraaka kirumihele mooro oTemani, olaliheke moolipamo mwa oBozera.” 13Yave oneera ha: “Niwoko na sootakhala sincipale seereiye wAmoni, nkirwa kihiya ottaruxa. Vano oophula irukulu sa asithiyana oorupala a oGiliyade, weera aandyeerere nyiinanosawe. 14Tivawo kineeraaka kirumihele mooro ixiri sa oRaba olaliheke moolipamwaya. Vano vanihukuni na owana onimwiiwanyeya okhuweliwa wa ekhotto, yoopaxaka epheyo yoowuupaxa vanihukuni na ettheku. 15Mwenaawe onooronghiwa wootthukiwani vamoha ni asitokweenaawe,” onghima Yave.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.