Miteko 27
27
Mukwaha wa Pawulo wa oRooma
1Waalakeliwaaya weera naarowa olapuwa wookela wItaliya, Pawulo ni ootthukiwa akina yaavahereriwa wa kenturiyoni* mmoha iithaniwa Yuliyo, aari a anakhotto a Seesari. 2Naavolowa munikulani na wAdramito neera nirowe mapuro makina a elapo ya wAsiya, ni naapacera mukwaha areene ni hiyo Aristarko, mutthu a oTesalonika, a elapo ya oMasedoniya. 3Oxaawaya naaphiya oSidoni, ni Yuliyo, amooniheraka Pawulo murima wooreera, aamutthunihera weera akumane ni asinthamwenaawe weera awo emvahe soohaawelasawe. 4Nivenyaka iwe, naavira ottuttuwani wa oKipro, niwoko epheyo yaanivirikanyiha. 5Nilapuwaka ephareiya ya oSilisiya ni ya oPanfiliya, naaheemexa oMira, elapo ya oLisiya. 6Weiwo kenturiyoni* aaphwanya nikula ntokotoko na wAlesandriya neera nipwahe nirowaka wItaliya, ni mwa nenno aaniwelihamo. 7Naalapuwa vakhaani vakhaani, eviraka mahuku mancipale, ni naaphiya ni ohaawa oKnido. Woonaka weera epheyo yaanooceeliha opwaherera mpattaahu, naavira ohitto wa oKreta, okhopela wa oSalmona. 8Naalapuwa okerekherewaya ni ohaawa, ni naaphiya nipuro niitthaniwa Mixelo Sooreera, vakhiviru wa esidade yiitthaniwa oLaseya. 9Naayeleela ehuhu yincipale, ni weettawahu waathatuwa woopiha niwoko yaaviratho ehuhu ya otthuka. Tivawo Pawulo aawooperenraawe: 10“Atthu nyuwo, kinoona weera mukwahaahu eniikhumelele yoothananiha, khoohiyono paahi wa nikula ni mirindi, mene wa okumaahutho.” 11Vaheera Kenturiyoni* aahiiwelela olaka wa namweettiha ni wa mwaneene a nikula, akhoottaka olaka wa Pawulo. 12Woonaka weera khawaawereya ovira mulaala vamuxeloni vale, atthu ancipale yaalakela weera waatthuneya opwaherera, eroromelaka ophiya oFeniki, weera nakhale weiwe ehuhu ya mulaala wootheene. Owo waari muxelo wa oKreta, waaweha ninkela nsuwa osulu vakhaani ni ohitto vakhaani.
Ettheku
13Epaceraka woopa vakhaani epheyo okhuma ohitto, awo yaahuupuwela weera yoophiya ehuhu yaahaawelaaya; tivawo yaataphunlaaya soolipano nikula ni yaapacera weettiha erowaka mukerekhere wa oKreta. 14Vahoolo vakhaani, epheyo etokotoko yiitthaniwa Eurokloni, ekhumaka mpatta wa ecirumba, yaamana nikula. 15Nikula naavariwa ni ettheku ele, nihiweraka weettiha mpatta naarowaahu, ni hiiho naahiya weerera ni naapacera okakheliwa okerekhere. 16Niviraka ohitto wa ecirumba ekhaani yiitthaniwa Kawuda, naawera otthukelela ni ohaawa nikula noowoopola*. 17Evoleihaka munikulani, yaalipihera nikula ntokotoko, evitikelelaka ni mikoyi. Vano, yoovaka weera nikula nnikhitte muhaava wa oSirti, yaakuruxa iveela sa nikula, ni hiiho naaheettihiwa ni epheyo. 18Oxaawaya, nimaniweene vancipale ni ettheku, yaapacera ovonyera mirindi mphareiyani. 19Nihuku nanaararu yaapacera ovonyera ni matataaya itthu soolemelaxa sikina saari munikulani. 20Nihooneyaka nsuwa, hata ithenyeeri wa mahuku mancipale ni epwahereraka onimana ettheku etokotoko, ommaleloni waanimalela ororomela wa ovuluxiwa. 21Hapo asilopwana yaaviriha ehuhu yincipale ehicaaka, Pawulo aaheemela ohoolowaya ni aaweerela: “Atthu, nyuwo waatthuneya weera mwiiwelele olakawaka weera nihivenye oKreta, niwoko hiiho saano musembeene onanariheya ni ohoononeya wu. 22Mene vano kinoolakani weera mulipihe murima, niwoko khaawo mmoha a nyuwo aneera akhwe; nikula paahi nniphwateiye. 23Ohiyu wa osilo, aakirweela ndyelo mmoha a Muluku mwa Yoowo miyo kiraaka awawe ni mwa Yoowo kinimulapaka, ni ndyelo owo aakeerela: 24‘Pawulo, muhoove. Ontthuneya weera nyuwo muphiye ohoolo wa Seesari. Muluku aahoovahani mmahalanimwawe okumi wa ootheene anlapuwa ni nyuwo.’ 25Hiiho mukhale ni murima woolipa! Kinimuroromela Muluku weera eniikhumelele mooteene yoowo kileeliwaaka. 26Ontthuneya weera hiyo nikakheliwe ecirumba ekina.”
Okakhiwa wa nikula
27Siviraka isimana piili okhuma ovenyawahu, ohiyu owo hiyo nikuxiwaka nlelo mpatta mukina ni mukina mphareiyani ya wAdriya, oreene ohiyu eriyari anamiteko a nikula yaahuupuwela weera naahaattamela vakhiviru wa etthaya. 28Evonyeraka mmaahini eyuuma yooringa wiixa, yaahoona weera wiixawaya waari imeetru* miloko miraru niithannapiili. Vahoolo vakhaani, yaavonyera veeli eyuuma ni yaaphwanya wiixawaya wa imeetru* miloko miili niithannapiili. 29Noovaka weera nnikakheliwe vamalukuni, yaavonyera ottuli wa nikula iyuuma ixexe sooweemexa* nikula, ni naahaawela weera waaxiiye. 30Anamiteko a nikula yaatthuna otthawa munikulani ntokotoko, ni yaakuruxela nikula noowoopola* mphareiyani, yiixeeraka weera yaatthuna ovonyera ohoolo wa nikula iyuuma sooweemexa* nikula. 31Vano Pawulo aamweerela kenturiyoni* ni anakhotto: “Alopwana ala yaahikhala munikulani, nyuwo khamungwera ovuluwa.” 32Tivawo anakhotto yaapansaaya mikhoyi saatthukeleliwe nikula noowoopola* ni yaahiya nimoraka. 33Ohanleene vakhaani oxa, Pawulo aahaanyesereriha weera ootheene ece, eeraka: “Olelo nimmala mahuku muloko ni maxexe nyuwo mureene munnaweherera muhicaaka etthu. 34Vano miyo kinoolakani oca etthu, niwoko hiiho, munoowera okhala ni okumi. Khaawo mmoha a nyuwo aneera ayeleele naari niihi nimoha na muruwaawe.” 35Ahimaka yeeyo, aakuxa epaawu ni aamutthapela Muluku ohoolo wa ootheene. Aameyanya ni aapacera okhuura. 36Ootheene yaalipa murima ni yaakhuuratho etthu. 37Yaari munikulani atthu macira meeli ni miloko mithannamiili niithannamosa. 38Emalihaka oca mpaka ovona, yaavukula olemela wa nikula, evonyeraka etrigu yootheene mphareiyani. 39Oxaakaru, khayaasuwenle elapo ele, mene yaahoona muxelo ni mukerekheremwaya weiwo yaalakenlaaya weettiha nikula wawereya. 40Ethikilaka iyuuma sooweemexa nikula, yaahiya mphareiyani, ni ehuhuweene yeele yaataphula mikhoyi sa etthaabwa eneettiha mpatta wa nikula*. Yaaheemexa ohoolo wa nikula ekuwo etokotoko opheyoni ni yaaheettiha wookela mukerekhere wa ephareiya. 41Nikulatho naakhitta nipuro na muhaava ni naakhalawo niheettaka. Mpatta wa ohoolo wa nikula waavara wa muhaavani, weemelakawo, ni mpatta wa ottuli waaphweeya niwoko na ikuru sa mitekuteku. 42Anakhotto yaalakela owiiva ootthukiwa weera ahitthawe naari mmoha a yaale, iivonyeraka mphareiyani. 43Vaheera kenturiyoni* aatthuna wuurela okumi wa Pawulo ni aawooceeliha opaka ovaanelawaya. Vano aahaalamulela yaawo yaawera orapela weera ekhumbwele toko mphareiyani mpatta wa mukerekhere. 44Akina waatthuneya wiixoopola evarelaka itthaabwa, naari itthu sikina sa nikula. Moota ole, ootheene yaavuluwa, ephiyaka mukerekhere.
Currently Selected:
Miteko 27: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
Miteko 27
27
Mukwaha wa Pawulo wa oRooma
1Waalakeliwaaya weera naarowa olapuwa wookela wItaliya, Pawulo ni ootthukiwa akina yaavahereriwa wa kenturiyoni* mmoha iithaniwa Yuliyo, aari a anakhotto a Seesari. 2Naavolowa munikulani na wAdramito neera nirowe mapuro makina a elapo ya wAsiya, ni naapacera mukwaha areene ni hiyo Aristarko, mutthu a oTesalonika, a elapo ya oMasedoniya. 3Oxaawaya naaphiya oSidoni, ni Yuliyo, amooniheraka Pawulo murima wooreera, aamutthunihera weera akumane ni asinthamwenaawe weera awo emvahe soohaawelasawe. 4Nivenyaka iwe, naavira ottuttuwani wa oKipro, niwoko epheyo yaanivirikanyiha. 5Nilapuwaka ephareiya ya oSilisiya ni ya oPanfiliya, naaheemexa oMira, elapo ya oLisiya. 6Weiwo kenturiyoni* aaphwanya nikula ntokotoko na wAlesandriya neera nipwahe nirowaka wItaliya, ni mwa nenno aaniwelihamo. 7Naalapuwa vakhaani vakhaani, eviraka mahuku mancipale, ni naaphiya ni ohaawa oKnido. Woonaka weera epheyo yaanooceeliha opwaherera mpattaahu, naavira ohitto wa oKreta, okhopela wa oSalmona. 8Naalapuwa okerekherewaya ni ohaawa, ni naaphiya nipuro niitthaniwa Mixelo Sooreera, vakhiviru wa esidade yiitthaniwa oLaseya. 9Naayeleela ehuhu yincipale, ni weettawahu waathatuwa woopiha niwoko yaaviratho ehuhu ya otthuka. Tivawo Pawulo aawooperenraawe: 10“Atthu nyuwo, kinoona weera mukwahaahu eniikhumelele yoothananiha, khoohiyono paahi wa nikula ni mirindi, mene wa okumaahutho.” 11Vaheera Kenturiyoni* aahiiwelela olaka wa namweettiha ni wa mwaneene a nikula, akhoottaka olaka wa Pawulo. 12Woonaka weera khawaawereya ovira mulaala vamuxeloni vale, atthu ancipale yaalakela weera waatthuneya opwaherera, eroromelaka ophiya oFeniki, weera nakhale weiwe ehuhu ya mulaala wootheene. Owo waari muxelo wa oKreta, waaweha ninkela nsuwa osulu vakhaani ni ohitto vakhaani.
Ettheku
13Epaceraka woopa vakhaani epheyo okhuma ohitto, awo yaahuupuwela weera yoophiya ehuhu yaahaawelaaya; tivawo yaataphunlaaya soolipano nikula ni yaapacera weettiha erowaka mukerekhere wa oKreta. 14Vahoolo vakhaani, epheyo etokotoko yiitthaniwa Eurokloni, ekhumaka mpatta wa ecirumba, yaamana nikula. 15Nikula naavariwa ni ettheku ele, nihiweraka weettiha mpatta naarowaahu, ni hiiho naahiya weerera ni naapacera okakheliwa okerekhere. 16Niviraka ohitto wa ecirumba ekhaani yiitthaniwa Kawuda, naawera otthukelela ni ohaawa nikula noowoopola*. 17Evoleihaka munikulani, yaalipihera nikula ntokotoko, evitikelelaka ni mikoyi. Vano, yoovaka weera nikula nnikhitte muhaava wa oSirti, yaakuruxa iveela sa nikula, ni hiiho naaheettihiwa ni epheyo. 18Oxaawaya, nimaniweene vancipale ni ettheku, yaapacera ovonyera mirindi mphareiyani. 19Nihuku nanaararu yaapacera ovonyera ni matataaya itthu soolemelaxa sikina saari munikulani. 20Nihooneyaka nsuwa, hata ithenyeeri wa mahuku mancipale ni epwahereraka onimana ettheku etokotoko, ommaleloni waanimalela ororomela wa ovuluxiwa. 21Hapo asilopwana yaaviriha ehuhu yincipale ehicaaka, Pawulo aaheemela ohoolowaya ni aaweerela: “Atthu, nyuwo waatthuneya weera mwiiwelele olakawaka weera nihivenye oKreta, niwoko hiiho saano musembeene onanariheya ni ohoononeya wu. 22Mene vano kinoolakani weera mulipihe murima, niwoko khaawo mmoha a nyuwo aneera akhwe; nikula paahi nniphwateiye. 23Ohiyu wa osilo, aakirweela ndyelo mmoha a Muluku mwa Yoowo miyo kiraaka awawe ni mwa Yoowo kinimulapaka, ni ndyelo owo aakeerela: 24‘Pawulo, muhoove. Ontthuneya weera nyuwo muphiye ohoolo wa Seesari. Muluku aahoovahani mmahalanimwawe okumi wa ootheene anlapuwa ni nyuwo.’ 25Hiiho mukhale ni murima woolipa! Kinimuroromela Muluku weera eniikhumelele mooteene yoowo kileeliwaaka. 26Ontthuneya weera hiyo nikakheliwe ecirumba ekina.”
Okakhiwa wa nikula
27Siviraka isimana piili okhuma ovenyawahu, ohiyu owo hiyo nikuxiwaka nlelo mpatta mukina ni mukina mphareiyani ya wAdriya, oreene ohiyu eriyari anamiteko a nikula yaahuupuwela weera naahaattamela vakhiviru wa etthaya. 28Evonyeraka mmaahini eyuuma yooringa wiixa, yaahoona weera wiixawaya waari imeetru* miloko miraru niithannapiili. Vahoolo vakhaani, yaavonyera veeli eyuuma ni yaaphwanya wiixawaya wa imeetru* miloko miili niithannapiili. 29Noovaka weera nnikakheliwe vamalukuni, yaavonyera ottuli wa nikula iyuuma ixexe sooweemexa* nikula, ni naahaawela weera waaxiiye. 30Anamiteko a nikula yaatthuna otthawa munikulani ntokotoko, ni yaakuruxela nikula noowoopola* mphareiyani, yiixeeraka weera yaatthuna ovonyera ohoolo wa nikula iyuuma sooweemexa* nikula. 31Vano Pawulo aamweerela kenturiyoni* ni anakhotto: “Alopwana ala yaahikhala munikulani, nyuwo khamungwera ovuluwa.” 32Tivawo anakhotto yaapansaaya mikhoyi saatthukeleliwe nikula noowoopola* ni yaahiya nimoraka. 33Ohanleene vakhaani oxa, Pawulo aahaanyesereriha weera ootheene ece, eeraka: “Olelo nimmala mahuku muloko ni maxexe nyuwo mureene munnaweherera muhicaaka etthu. 34Vano miyo kinoolakani oca etthu, niwoko hiiho, munoowera okhala ni okumi. Khaawo mmoha a nyuwo aneera ayeleele naari niihi nimoha na muruwaawe.” 35Ahimaka yeeyo, aakuxa epaawu ni aamutthapela Muluku ohoolo wa ootheene. Aameyanya ni aapacera okhuura. 36Ootheene yaalipa murima ni yaakhuuratho etthu. 37Yaari munikulani atthu macira meeli ni miloko mithannamiili niithannamosa. 38Emalihaka oca mpaka ovona, yaavukula olemela wa nikula, evonyeraka etrigu yootheene mphareiyani. 39Oxaakaru, khayaasuwenle elapo ele, mene yaahoona muxelo ni mukerekheremwaya weiwo yaalakenlaaya weettiha nikula wawereya. 40Ethikilaka iyuuma sooweemexa nikula, yaahiya mphareiyani, ni ehuhuweene yeele yaataphula mikhoyi sa etthaabwa eneettiha mpatta wa nikula*. Yaaheemexa ohoolo wa nikula ekuwo etokotoko opheyoni ni yaaheettiha wookela mukerekhere wa ephareiya. 41Nikulatho naakhitta nipuro na muhaava ni naakhalawo niheettaka. Mpatta wa ohoolo wa nikula waavara wa muhaavani, weemelakawo, ni mpatta wa ottuli waaphweeya niwoko na ikuru sa mitekuteku. 42Anakhotto yaalakela owiiva ootthukiwa weera ahitthawe naari mmoha a yaale, iivonyeraka mphareiyani. 43Vaheera kenturiyoni* aatthuna wuurela okumi wa Pawulo ni aawooceeliha opaka ovaanelawaya. Vano aahaalamulela yaawo yaawera orapela weera ekhumbwele toko mphareiyani mpatta wa mukerekhere. 44Akina waatthuneya wiixoopola evarelaka itthaabwa, naari itthu sikina sa nikula. Moota ole, ootheene yaavuluwa, ephiyaka mukerekhere.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.