2 aKorinto 3
3
1Weeraka hiyo nimpacera veeli wiivuwiha asineenaahu? Weeraka hiyo nintthuna, ntoko akina, ikaratta sa olaihera wa nyuwo, hoye hoye sa nyuwo? 2Nyuwo asineenaanyu muri ekarattaahu, elempwe mmurimanimwahu, esuweliwe ni esommwe ni ootheene. 3Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu. 4Ti nna nroromelo hiyo ninkhalaahuno ohoolo wa Muluku niwoko na Kristu. 5Eyo kheenoonihera weera hiyo ningwera opaka etthu ni owerawahu asineenaahu, ohiyanawaya, owerawahu onrweela wa Muluku. 6Owo ooniweriha weera nikhale arumeiyi a wiiraana onyowani, khoohiyono wa soolempwa, mene wa Munepa, niwoko soolempwa siniiva, mene Munepa omvaha okumi.
Ovuwa wa wiiraana onyowani
7Vano muteko oruuhale okhwa owiiye ni ovuwa, ni olempwe ni soolempwa vanlukuni, moota wooweera aYixrayeli khayaawenre owehexexa ekhove ya Moisesi niwoko na otutha wa ekhovaawe, hata oreene otutha woovireya. 8Waari hiiho, wootepa ovuwaxa ti muteko wa Munepa! 9Waari woovuwa muteko onruuhela othoriha, ovuwa heeni wootepaxa onuukhale muteko onruuhela waakhuleliwa ni Muluku? 10Vano, yeeyo yaari yoovuwa khalayi, kheehiyono ovuwa woolikanxera ni ovuwa wu woohilikanxereya. 11Ni yeeyo yaavira yaari yoonihenre ovuwa, otepaxa heeni onuukhale ovuwa onkhala mahuku ootheene? 12Tivawo, woonaka weera nookhalano oweherera wu, hiyo nri oolipa murima. 13Hiyo khanihiyono ntoko Moisesi, iiyaathi ecireemba owiithowawe weera aYixrayeli ehoone otutha woovira. 14Vekhaikhai, soowuupuwelasaya soowaliwa, niwoko mpaka olelo ecireemba eyo enkhala waasommwaka Wiiraana wa Khalayi. Kheevenxiwe, niwoko emvenxiwa mwa Kristu paahi. 15Mwa yeeyo mpaka olelo, saasommwaka ilivuru sa Moisesi, ecireemba enkhuneela mirimasaya. 16Mukinatho aarukunxelaka murimaawe Apwiya, ecireemba enoovenxiwa. 17Moone, Apwiya ti Munepa, ni weiwo oraaya Munepa wa Apwiya, iwo wookhalawo oneethi. 18Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.
Currently Selected:
2 aKorinto 3: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
2 aKorinto 3
3
1Weeraka hiyo nimpacera veeli wiivuwiha asineenaahu? Weeraka hiyo nintthuna, ntoko akina, ikaratta sa olaihera wa nyuwo, hoye hoye sa nyuwo? 2Nyuwo asineenaanyu muri ekarattaahu, elempwe mmurimanimwahu, esuweliwe ni esommwe ni ootheene. 3Nyuwo munoonihera weera muri ekaratta ya Kristu, emalihero ya mitekosahu, ehilempwale ni owiini, mene ni Munepa wa Muluku mukumi, kheelempwale vatthaabwani wa nluku, mene vatthaabwani wa mirima sa atthu. 4Ti nna nroromelo hiyo ninkhalaahuno ohoolo wa Muluku niwoko na Kristu. 5Eyo kheenoonihera weera hiyo ningwera opaka etthu ni owerawahu asineenaahu, ohiyanawaya, owerawahu onrweela wa Muluku. 6Owo ooniweriha weera nikhale arumeiyi a wiiraana onyowani, khoohiyono wa soolempwa, mene wa Munepa, niwoko soolempwa siniiva, mene Munepa omvaha okumi.
Ovuwa wa wiiraana onyowani
7Vano muteko oruuhale okhwa owiiye ni ovuwa, ni olempwe ni soolempwa vanlukuni, moota wooweera aYixrayeli khayaawenre owehexexa ekhove ya Moisesi niwoko na otutha wa ekhovaawe, hata oreene otutha woovireya. 8Waari hiiho, wootepa ovuwaxa ti muteko wa Munepa! 9Waari woovuwa muteko onruuhela othoriha, ovuwa heeni wootepaxa onuukhale muteko onruuhela waakhuleliwa ni Muluku? 10Vano, yeeyo yaari yoovuwa khalayi, kheehiyono ovuwa woolikanxera ni ovuwa wu woohilikanxereya. 11Ni yeeyo yaavira yaari yoonihenre ovuwa, otepaxa heeni onuukhale ovuwa onkhala mahuku ootheene? 12Tivawo, woonaka weera nookhalano oweherera wu, hiyo nri oolipa murima. 13Hiyo khanihiyono ntoko Moisesi, iiyaathi ecireemba owiithowawe weera aYixrayeli ehoone otutha woovira. 14Vekhaikhai, soowuupuwelasaya soowaliwa, niwoko mpaka olelo ecireemba eyo enkhala waasommwaka Wiiraana wa Khalayi. Kheevenxiwe, niwoko emvenxiwa mwa Kristu paahi. 15Mwa yeeyo mpaka olelo, saasommwaka ilivuru sa Moisesi, ecireemba enkhuneela mirimasaya. 16Mukinatho aarukunxelaka murimaawe Apwiya, ecireemba enoovenxiwa. 17Moone, Apwiya ti Munepa, ni weiwo oraaya Munepa wa Apwiya, iwo wookhalawo oneethi. 18Hiyo ootheene nri ni ekhove yookhunuliwa, ninoonihera ovuwa wa Muluku. Ni hiiho nintatuxiwa moovuwani woowunnuwa onrweela wa Apwiya ori Munepa, weera nilikanyihiwe ntoko mukhalelo wa Yoowo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.