Arumi 12
12
Uduvi mu utumami wa Muungu
1Gwa uvii, arunaane, nene ngumunena nyenye, gwa gëhe ga Muungu, vëki mëërë anyu, mwino ikumbëko nëifanga, ryëru na raunjisya kunë Muungu, unë ikuryo ra nkhoo. 2Mutakhuvëywe na urëmi uruu ëgweeso mufëntuwe gwa ufya wa ihaa ranyu. Uvii nyenye mudahe uraghëëra tutë ntuni në mafenji a Muungu, ntuni në njija nanë auyanjisya nanë ëkhondekekie.
3Gusoko gwa mboto në nene nafewe nene ngumunena mu muntu mukhatë anyu atagighemee mughonjo ukëanëya ukëra mwino unoneye gighema. Ëgweeso ighemi itambëëmwe na uramwui në wë moomo, mu muntu gwa uhonga na ngeero a uhuvëi unë Muungu wamufee mweeso. 4Gusoko mwino chu mu mwëërë rumwe gwina nongo nyingë, na nongo yoong'e itiutendaa mwëmo rumwedu. 5Vii uvii na nësese në gwëë vingë gwë mwëërë rumwedu mukhatë amwa Kiristo, na nongo, muu nongo gwa muuyakwe. 6Gwa utenda gwina vifewa në vihiya gwa uhonga na mboto në sese gwafewe reki sese guvittumëe viesi; nësa unyagëdaghu, gwa uning'anëya mu uhuvëi witu. 7Nësa utumami, mung'ë a utumami witu; mweeso unë ugusëyaa, mung'ë a usëyi wakwe. 8Mweeso unë ugufunyaa, ufunye gwa uhaghaaro. Mweeso unë ugufunyaa waarëëyi, gwa nguu yoong'e. Mweeso unë ugutendaa ntendo ya gëhe, atende uvii gwa uyanjo.
9Uyanjo utatendeke una lakuno. Rëhuri rasëë në ivë, samwikwatëëre na rasëë në ija. 10Iyanji mu muntu na muyakwe gwa uyanjo wa gënyandughu; ikerii mu muntu na muyakwe mung'ë a uraghëëra ikuryo. 11Kamwe mutaleghekee, mung'ë a gikunkunyaya, mubankare itambëëmwe na Mwahu, mutumëkëi Müküü. 12Gwa ndolyo, muyanje, mu makhasëko, mugiindëëra, mu marombi, muhinëntëe. 13Vafi aruna woyanyu mantu nëvëuyafenja nëvëtiyakweti, tendi samwina gëhe, gwa ughenyifa aghenyi, samwikunkunyaye. 14Vaforii nëvëumuhurisyaa, forii, taja mujumane. 15Yanji itambëëmwe na avoo nëvanjëte, rëi itambëëmwe na avoo nëvëurëa. 16Mwiyanjëëye masëgho anyu nyenye gwa nyenye. Mutasëghee në makuu nanguu, ëgweeso muyanje uhweetiwa na mantu në malegheku. Mutatendee antu va gëdida gusoko a mahaa anyu. 17Mutamurëfee muntu uvë gwa ubë. Raraavi në maja u miho a antu voong'e. 18Nësa ëgudahëka, gwa uvaru wanyu, mwikhee mu majeghana na antu voong'e. 19Ayanjwi, mutairëfisye ubë, ëgweeso ineghi na ukharë wa Muungu, gusoko yiandekiwe, “Urefisye unë nene, nene ngurëfisya,” uguhanya Müküü. 20Ëgweeso, murughu wako nësa wina njaa, mulësye, nësa wina nyweta, munywesye gusoko nëwatenda uvii, ugumutenda mweeso one mënyaa. 21Utahumwe na uvë, ëgweeso uwuhume uvë gwa uja.
Currently Selected:
Arumi 12: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
Arumi 12
12
Uduvi mu utumami wa Muungu
1Gwa uvii, arunaane, nene ngumunena nyenye, gwa gëhe ga Muungu, vëki mëërë anyu, mwino ikumbëko nëifanga, ryëru na raunjisya kunë Muungu, unë ikuryo ra nkhoo. 2Mutakhuvëywe na urëmi uruu ëgweeso mufëntuwe gwa ufya wa ihaa ranyu. Uvii nyenye mudahe uraghëëra tutë ntuni në mafenji a Muungu, ntuni në njija nanë auyanjisya nanë ëkhondekekie.
3Gusoko gwa mboto në nene nafewe nene ngumunena mu muntu mukhatë anyu atagighemee mughonjo ukëanëya ukëra mwino unoneye gighema. Ëgweeso ighemi itambëëmwe na uramwui në wë moomo, mu muntu gwa uhonga na ngeero a uhuvëi unë Muungu wamufee mweeso. 4Gusoko mwino chu mu mwëërë rumwe gwina nongo nyingë, na nongo yoong'e itiutendaa mwëmo rumwedu. 5Vii uvii na nësese në gwëë vingë gwë mwëërë rumwedu mukhatë amwa Kiristo, na nongo, muu nongo gwa muuyakwe. 6Gwa utenda gwina vifewa në vihiya gwa uhonga na mboto në sese gwafewe reki sese guvittumëe viesi; nësa unyagëdaghu, gwa uning'anëya mu uhuvëi witu. 7Nësa utumami, mung'ë a utumami witu; mweeso unë ugusëyaa, mung'ë a usëyi wakwe. 8Mweeso unë ugufunyaa, ufunye gwa uhaghaaro. Mweeso unë ugufunyaa waarëëyi, gwa nguu yoong'e. Mweeso unë ugutendaa ntendo ya gëhe, atende uvii gwa uyanjo.
9Uyanjo utatendeke una lakuno. Rëhuri rasëë në ivë, samwikwatëëre na rasëë në ija. 10Iyanji mu muntu na muyakwe gwa uyanjo wa gënyandughu; ikerii mu muntu na muyakwe mung'ë a uraghëëra ikuryo. 11Kamwe mutaleghekee, mung'ë a gikunkunyaya, mubankare itambëëmwe na Mwahu, mutumëkëi Müküü. 12Gwa ndolyo, muyanje, mu makhasëko, mugiindëëra, mu marombi, muhinëntëe. 13Vafi aruna woyanyu mantu nëvëuyafenja nëvëtiyakweti, tendi samwina gëhe, gwa ughenyifa aghenyi, samwikunkunyaye. 14Vaforii nëvëumuhurisyaa, forii, taja mujumane. 15Yanji itambëëmwe na avoo nëvanjëte, rëi itambëëmwe na avoo nëvëurëa. 16Mwiyanjëëye masëgho anyu nyenye gwa nyenye. Mutasëghee në makuu nanguu, ëgweeso muyanje uhweetiwa na mantu në malegheku. Mutatendee antu va gëdida gusoko a mahaa anyu. 17Mutamurëfee muntu uvë gwa ubë. Raraavi në maja u miho a antu voong'e. 18Nësa ëgudahëka, gwa uvaru wanyu, mwikhee mu majeghana na antu voong'e. 19Ayanjwi, mutairëfisye ubë, ëgweeso ineghi na ukharë wa Muungu, gusoko yiandekiwe, “Urefisye unë nene, nene ngurëfisya,” uguhanya Müküü. 20Ëgweeso, murughu wako nësa wina njaa, mulësye, nësa wina nyweta, munywesye gusoko nëwatenda uvii, ugumutenda mweeso one mënyaa. 21Utahumwe na uvë, ëgweeso uwuhume uvë gwa uja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.