2 Timoteo 4
4
Faulo Ugumuraghëëya Timoteo Ufwaghëëra Utënda Mwëmo Wakwe Gwa Uhuvëi
1Nene nguguraghëëya veve usonge a Muungu nanë usonge amwa Kiristo Yesu në ujie uvaramwua antu në afanga nanë vakure, nanë idwëëra rakwe nanë utemi wakwe: 2tanantya ukhani wa Muungu, ëse wighondanëye gwa matungo në ënoneye nanë ëtinoneye. Veve inoneye uvakhanëa antu mantu nëvayatëndie vivë, uvakenea nanë uvafefeheya. Fwaghëëra ughimëëya na usëya. 3Gusoko itungo rëjie në antu vëjie uhita masëyo në atutë. Ëgweeso, gusoko vina matwë në ëgwagha, veeso vëjie gihangwëëya maburi na maburia asëyi nëvëjie uvasëya asaa në ëmünkümbü yawe. 4Veeso vëjie ukhondya utëgheeya masëyo a tutë na vëjie ufëtukëa mahumo a uregheeghe. 5Mwino kunë veve, matiku oong'e veve wibale mughonjo, ghimëëya makhasëko, tenda mwëmo wa utananti, hinëntëya mwëmo wako wa utumami.
6Gusoko nene nighondanëyaa mu itungo ra umiminwa. Itungo ranë ra uwuka mu uduvi urui raghea. 7Nene nihomie wihomi në uja, nameeye uduvi wane, nahuvëe faka mpeo. 8Ufuma itungwee nanë matiku në ejie nëindëwe na ngaa a tutë, në Müküü wanjikëye, në muramwui wa tutë nëujie umpa nene mu Itiku rasëë. Na ti nene gutufu ëgweeso noo gwa voong'e në vindëe ukunukuwa kunë mweeso.
Faulo Ugumufa Timoteo Nkhani Yakwe
9Ikunkunyaye uje künu ruvi. 10Gusoko Dema, gwa uwuyanja urëmi uruu wandekie nene na wendie uTesalonike. Kireseni wendie uGalatia na Tito wendie uDalimatia. 11Luka imwene wë itambëëmwe na nee. Muhoreeye Mariko muje itambëëmwe mwinakwe. Gusoko mweeso unonëye vija mung'ë a mwëmo. 12Nene namutumie Tikiko uko Efeso. 13Itungo në veve ujie, eteeya khaanju në nene namërekie kunë Karipusi uko uTuroa. Kangë noo ëtëëya vitabu nanguu iyio në vitëndiwe gwa mëkunja a maimwana. 14Alekisanda mutyana wa machuma wambaariye gwa njëa nyingë. Müküü winjë umurëfa gwa uhonga na ntendo yakwe. 15Veve wighoje na mweeso gusoko wafëngie gwa nguu sayu itu. 16Itungo ra mwandyo nënaa nene nginenera mung'ë a Barasa,#4:16 Barasa: Nyumba a urongea na utënëa nkhani. gutie mba umwe nëagatenda we guuvaru wane, voong'e vëgandeka Muungu avaonee uvavi veeso. 17Ëgweeso Müküü agaëmëka gu uvaru wane. Mweeso wampee nene nguu ya utanantya sayu, uvii antu va ndughu ingëja vëdahe utëgheeya. Uvii nene nëgatyowa ufuma u momo wa ng'imba. 18Müküü winjë untyoa nene ufuma gu uvë woong'e na ung'ora nëmuteere ryu faka utemi wakwe wa girunde, kunë mweeso ëtendeke üküü khae na khae. Amina.
Maramucho a umpeo
19Muramuche Pirisika nanë Akwila. Varamuche nanë antu va ukhaya amwa Onesiforo. 20Erasito wasighie uko u muji wa uKorinto. Turofimo namurekie uko u Mileto uwaire. 21Veve ikunkunyaye uje nëkëë itungo ra mpefo a muntumba rinaja. Eubula ugutuma maramucho kunë veve. Viuyi viuyi Fude, nanë Lina nanë Kulaudia nanë aruna vitu voong'e vëutuma maramucho kunë veve. 22Müküü atënde wë itambëëmwe na nkhoo ako. Mboto ëtende itambëëmwe na vee.
Currently Selected:
2 Timoteo 4: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
2 Timoteo 4
4
Faulo Ugumuraghëëya Timoteo Ufwaghëëra Utënda Mwëmo Wakwe Gwa Uhuvëi
1Nene nguguraghëëya veve usonge a Muungu nanë usonge amwa Kiristo Yesu në ujie uvaramwua antu në afanga nanë vakure, nanë idwëëra rakwe nanë utemi wakwe: 2tanantya ukhani wa Muungu, ëse wighondanëye gwa matungo në ënoneye nanë ëtinoneye. Veve inoneye uvakhanëa antu mantu nëvayatëndie vivë, uvakenea nanë uvafefeheya. Fwaghëëra ughimëëya na usëya. 3Gusoko itungo rëjie në antu vëjie uhita masëyo në atutë. Ëgweeso, gusoko vina matwë në ëgwagha, veeso vëjie gihangwëëya maburi na maburia asëyi nëvëjie uvasëya asaa në ëmünkümbü yawe. 4Veeso vëjie ukhondya utëgheeya masëyo a tutë na vëjie ufëtukëa mahumo a uregheeghe. 5Mwino kunë veve, matiku oong'e veve wibale mughonjo, ghimëëya makhasëko, tenda mwëmo wa utananti, hinëntëya mwëmo wako wa utumami.
6Gusoko nene nighondanëyaa mu itungo ra umiminwa. Itungo ranë ra uwuka mu uduvi urui raghea. 7Nene nihomie wihomi në uja, nameeye uduvi wane, nahuvëe faka mpeo. 8Ufuma itungwee nanë matiku në ejie nëindëwe na ngaa a tutë, në Müküü wanjikëye, në muramwui wa tutë nëujie umpa nene mu Itiku rasëë. Na ti nene gutufu ëgweeso noo gwa voong'e në vindëe ukunukuwa kunë mweeso.
Faulo Ugumufa Timoteo Nkhani Yakwe
9Ikunkunyaye uje künu ruvi. 10Gusoko Dema, gwa uwuyanja urëmi uruu wandekie nene na wendie uTesalonike. Kireseni wendie uGalatia na Tito wendie uDalimatia. 11Luka imwene wë itambëëmwe na nee. Muhoreeye Mariko muje itambëëmwe mwinakwe. Gusoko mweeso unonëye vija mung'ë a mwëmo. 12Nene namutumie Tikiko uko Efeso. 13Itungo në veve ujie, eteeya khaanju në nene namërekie kunë Karipusi uko uTuroa. Kangë noo ëtëëya vitabu nanguu iyio në vitëndiwe gwa mëkunja a maimwana. 14Alekisanda mutyana wa machuma wambaariye gwa njëa nyingë. Müküü winjë umurëfa gwa uhonga na ntendo yakwe. 15Veve wighoje na mweeso gusoko wafëngie gwa nguu sayu itu. 16Itungo ra mwandyo nënaa nene nginenera mung'ë a Barasa,#4:16 Barasa: Nyumba a urongea na utënëa nkhani. gutie mba umwe nëagatenda we guuvaru wane, voong'e vëgandeka Muungu avaonee uvavi veeso. 17Ëgweeso Müküü agaëmëka gu uvaru wane. Mweeso wampee nene nguu ya utanantya sayu, uvii antu va ndughu ingëja vëdahe utëgheeya. Uvii nene nëgatyowa ufuma u momo wa ng'imba. 18Müküü winjë untyoa nene ufuma gu uvë woong'e na ung'ora nëmuteere ryu faka utemi wakwe wa girunde, kunë mweeso ëtendeke üküü khae na khae. Amina.
Maramucho a umpeo
19Muramuche Pirisika nanë Akwila. Varamuche nanë antu va ukhaya amwa Onesiforo. 20Erasito wasighie uko u muji wa uKorinto. Turofimo namurekie uko u Mileto uwaire. 21Veve ikunkunyaye uje nëkëë itungo ra mpefo a muntumba rinaja. Eubula ugutuma maramucho kunë veve. Viuyi viuyi Fude, nanë Lina nanë Kulaudia nanë aruna vitu voong'e vëutuma maramucho kunë veve. 22Müküü atënde wë itambëëmwe na nkhoo ako. Mboto ëtende itambëëmwe na vee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.