2 Atesalonike 2
2
Murughu Uyoo
1Itungwee ukhani wa uja kunë Müküü witu Yesu Kiristo na uhaangwëëywa kunë see na utang'ana na mweeso, vaunaanë, sese guumuromba ino 2mutahingihuke ruvë mu ihaa na mbesa umutenda mwoghofe, mbesa gwa nkhoo mba gwa ukhani, mba gwa keeti nëëgughemwa ruvë ifumie kunë sese, na ughema mwino itiku ra Müküü raghea. 3Mutayanjee ukhongwa na muntu mbanduvë gwa njëa mba ëmwe. Gusoko itiku rasëë rëtiijie faka tanju uruvëki në üküü udwëëre na muntu nëatikwatëra seria adwëëre, na mwana wa uyaghao. 4Mweeso müfëngi na gihumbua gunto a mu gëntu nëgëëtanwa muungu na gëntu gaukuriwa. Na mbesa mweeso ugikhaa gitumbë mung'ë a hekalu ra Muungu, na ugitanantya mughonjo mwino Muungu.
5Wurë, mutikümbükiwe mwino ngamwëëra ayaa oong'e itungo nënaa nëitambëëmwe nanyeena? 6Gweeso guna intu nërëughëëya itungwee, nyeenoo murëmanyie. Uvii, mweeso ugudwëëra itungo rakwe nërënoneye. 7Mbesa uvii, gëmpëhe ga uyaghaa nëgëfihekie gëutenda mwëmo itungwee, gweeso atiudwëëra faka wasuu nëugumughëëyaa aheiywe. 8Faafo unë mwana wa uyaghao ujie ukunukuwa, gweeso Müküü Yesu nëujie ügümüüragha gwa mwahu wa mwoomo wakwe na umuruvanga gwa udwëëra na uja kunë mweeso. 9Mwana wa uyaghao ujie, na udaho woong'e wamwa Setani na utenda matako na maküra a weegheeghe, 10na itambëëmwe na mantu oong'e në mavë na weegheeghe gwa vasaa nëvëëuyaghaa. Vasaa vahitie umëyanja tutë na uvii vëdahe utyowewa. 11Gwa uvii Muungu wavëtee nguu ya uyaghai, na vatenda veeso vehuvëe në a weegheeghe. 12Gusoko voong'e vëdahe uramwuwa unë vinahuvëa tutë ëgweeso arë vëgiyanjisya gwa mantu nëti atutë.
Mwahwaaniywe muhange utyoi
13Igunoneye ümürümba Muungu matiku oong'e gusoko anyu, nyenye vaunaanë, nyenye nëmwaanjëtwe na Müküü, gusoko Muungu wamuhwaaniye ufuma mwandyo mudahe utyowa gwa nguu ya Mwahu, mutendwe antu vakwe nëveru gwa uhuvëi wanyu mütutë. 14Gwa ërëë wamutaanie gwa njëa a sayu itu në njija, gusoko nyenye mudahe uhanga üküü wa Müküü witu Yesu Kiristo. 15Uvii, vaunaanë, ëmëki vija na yakwateeri masëyo a va kükü unë nyenye mwasëiywe na sese, mbesa gwa ukhani wa moomo mba gwa keeti.
16Itungwee Müküü witu Yesu Kiristo mughonjo na Muungu Tata witu nëwaguyanjie sese na agagufa ufefeheeyi wa khae na khae na ighonje në ija ukëërëa mboto, 17aifefeheeye nkhoo yanyu na uyikhamya mung'ë a mu mwëëmo në uja na ukhani.
Currently Selected:
2 Atesalonike 2: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
2 Atesalonike 2
2
Murughu Uyoo
1Itungwee ukhani wa uja kunë Müküü witu Yesu Kiristo na uhaangwëëywa kunë see na utang'ana na mweeso, vaunaanë, sese guumuromba ino 2mutahingihuke ruvë mu ihaa na mbesa umutenda mwoghofe, mbesa gwa nkhoo mba gwa ukhani, mba gwa keeti nëëgughemwa ruvë ifumie kunë sese, na ughema mwino itiku ra Müküü raghea. 3Mutayanjee ukhongwa na muntu mbanduvë gwa njëa mba ëmwe. Gusoko itiku rasëë rëtiijie faka tanju uruvëki në üküü udwëëre na muntu nëatikwatëra seria adwëëre, na mwana wa uyaghao. 4Mweeso müfëngi na gihumbua gunto a mu gëntu nëgëëtanwa muungu na gëntu gaukuriwa. Na mbesa mweeso ugikhaa gitumbë mung'ë a hekalu ra Muungu, na ugitanantya mughonjo mwino Muungu.
5Wurë, mutikümbükiwe mwino ngamwëëra ayaa oong'e itungo nënaa nëitambëëmwe nanyeena? 6Gweeso guna intu nërëughëëya itungwee, nyeenoo murëmanyie. Uvii, mweeso ugudwëëra itungo rakwe nërënoneye. 7Mbesa uvii, gëmpëhe ga uyaghaa nëgëfihekie gëutenda mwëmo itungwee, gweeso atiudwëëra faka wasuu nëugumughëëyaa aheiywe. 8Faafo unë mwana wa uyaghao ujie ukunukuwa, gweeso Müküü Yesu nëujie ügümüüragha gwa mwahu wa mwoomo wakwe na umuruvanga gwa udwëëra na uja kunë mweeso. 9Mwana wa uyaghao ujie, na udaho woong'e wamwa Setani na utenda matako na maküra a weegheeghe, 10na itambëëmwe na mantu oong'e në mavë na weegheeghe gwa vasaa nëvëëuyaghaa. Vasaa vahitie umëyanja tutë na uvii vëdahe utyowewa. 11Gwa uvii Muungu wavëtee nguu ya uyaghai, na vatenda veeso vehuvëe në a weegheeghe. 12Gusoko voong'e vëdahe uramwuwa unë vinahuvëa tutë ëgweeso arë vëgiyanjisya gwa mantu nëti atutë.
Mwahwaaniywe muhange utyoi
13Igunoneye ümürümba Muungu matiku oong'e gusoko anyu, nyenye vaunaanë, nyenye nëmwaanjëtwe na Müküü, gusoko Muungu wamuhwaaniye ufuma mwandyo mudahe utyowa gwa nguu ya Mwahu, mutendwe antu vakwe nëveru gwa uhuvëi wanyu mütutë. 14Gwa ërëë wamutaanie gwa njëa a sayu itu në njija, gusoko nyenye mudahe uhanga üküü wa Müküü witu Yesu Kiristo. 15Uvii, vaunaanë, ëmëki vija na yakwateeri masëyo a va kükü unë nyenye mwasëiywe na sese, mbesa gwa ukhani wa moomo mba gwa keeti.
16Itungwee Müküü witu Yesu Kiristo mughonjo na Muungu Tata witu nëwaguyanjie sese na agagufa ufefeheeyi wa khae na khae na ighonje në ija ukëërëa mboto, 17aifefeheeye nkhoo yanyu na uyikhamya mung'ë a mu mwëëmo në uja na ukhani.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.