2 Akorinto 9
9
Warëëyi gwa Akiristo Woyitu
1Itungwee nene ntiudaha goona soko kunë nene umwandëkëa nyenye ifunya ra ng'angu gwa antu va Muungu, 2gusoko nene nëmanyie utayari wanyu. Na nene ngitenda kunë nyenye gwa Akiristo va uMakedonia mwino nyenye Akiristo va Akaya mwadahie gëghondanëya gwa mwakha woong'ë. Itungwee nkumbu anyu a ufunya avatëndie veeso vëfenje ufunya. 3Ëgweeso nene ngamutuma Tito na aruna vitu vavëë, ëyëë në uraghëëra witendeo witu kunë nyenye arë ti wa ndeende. Uvii nyenye mudaha gighondanëya uduya, mwino naa nahanyiye gwa antu vangëja mwino muduya. 4Nësa antu vëgëtunga ufuma uMakedonia vajaa itambëëmwe nanee na uhanga mwino nyenye mutiighondaneye, sese gutendeka gwina mënyaa (guwurya ra uhanya) gusoko a ërëë në sese arë gurëhuvëe. 5Nene ngughema inoneye uvasusutëya aruna vitu uja kunë nyenye usonge ane, na utenda mantu ëghoke vija. Gusoko gifewa ëkëë në nyenye mwaraghanie nëgëtënde gakhondaa gusoko nene ntaje udwëëra mwino ngumwonyeya nyenye uduya.
6Intu në nene ngufenja uhanya në tëërë: antu unë vëufandëa mbeyu nkeevu vinjë uhangwëëya ntënange nyughuu. Na antu avoo unë vëufandëa mbeyu nyingë vinjë uhangwëëya ntënange nkuu. 7Mu muntu mukhatë anyu inoneye aduye mwino mweeso wadahie uramwua munkhoo akwe. Mweeso në aduye gwa uyanjo na ti gusoko muntu ungëja ugumwonyeya nyenye utënda uwuu, gusoko Muungu uyanjëtë antu unë vëyanjëtë uduya gwa uyanjo. 8Na Muungu wina udaho wa umukununtya mboto nyingë gusoko anyu, gusoko nyenye mudahe utënda mukweti mantu mingë mwitiku. Na mweeso udahëtë umufa mboto në nyingë gusoko a uvarëëya antu nëvëtikweti. 9Mwino ëandëkiwe,
“Mweeso wafaghatiye,
na uguvafaa
antu në atuki;
tutë akwe ëtina mpeo.”
10Mweeso [Muungu] në ugufuyaa mbeyu gwa mufandëi na winjë ufunya mukaatë gusoko a ilëwa. Na mweeso winjë umufa mbeyu nyingë, na mweeso winjë gongeeya rasëë në nyenye mukweti gusoko nyenye mudaha uvafa avoo nëvëtikweti intu. 11Nyenye mwinjë ughwëfiwa gwa njëa yoong'e gusoko muhange gëhe gëkuu ga ufunya. Uvii antu vingë vinjë umurumba Muungu ukëërëa kunë sese. 12Itungo në sese gutënda utumami uruu në weru, nyenye mufunya ti gutufu gwa Akiristo va Gëyahudi nëvë uYerusalemu në atuki. Ëgweeso noo antu vaingë vinjë umufa Muungu irumbi në ikuu. 13Gwa gëfiimo ga utumami urui, veeso vinjë umufa Muungu ikuryo gwa ikuryo ranyu mung'ë a umanyi wa Sayu Njija amwa Kiristo, na gwa gihenga ng'angu anyu gusoko awe na gusoko a antu vangëja. 14Itungo në veeso vëufenja umwona nyenye na uromba gusoko anyu, gusoko a mboto në inankëe mëmbë në Muungu ugumufa nyenye. 15Sese gumurumba Muungu gusoko a mboto akwe në gutië nkhani ya udona.
Currently Selected:
2 Akorinto 9: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
2 Akorinto 9
9
Warëëyi gwa Akiristo Woyitu
1Itungwee nene ntiudaha goona soko kunë nene umwandëkëa nyenye ifunya ra ng'angu gwa antu va Muungu, 2gusoko nene nëmanyie utayari wanyu. Na nene ngitenda kunë nyenye gwa Akiristo va uMakedonia mwino nyenye Akiristo va Akaya mwadahie gëghondanëya gwa mwakha woong'ë. Itungwee nkumbu anyu a ufunya avatëndie veeso vëfenje ufunya. 3Ëgweeso nene ngamutuma Tito na aruna vitu vavëë, ëyëë në uraghëëra witendeo witu kunë nyenye arë ti wa ndeende. Uvii nyenye mudaha gighondanëya uduya, mwino naa nahanyiye gwa antu vangëja mwino muduya. 4Nësa antu vëgëtunga ufuma uMakedonia vajaa itambëëmwe nanee na uhanga mwino nyenye mutiighondaneye, sese gutendeka gwina mënyaa (guwurya ra uhanya) gusoko a ërëë në sese arë gurëhuvëe. 5Nene ngughema inoneye uvasusutëya aruna vitu uja kunë nyenye usonge ane, na utenda mantu ëghoke vija. Gusoko gifewa ëkëë në nyenye mwaraghanie nëgëtënde gakhondaa gusoko nene ntaje udwëëra mwino ngumwonyeya nyenye uduya.
6Intu në nene ngufenja uhanya në tëërë: antu unë vëufandëa mbeyu nkeevu vinjë uhangwëëya ntënange nyughuu. Na antu avoo unë vëufandëa mbeyu nyingë vinjë uhangwëëya ntënange nkuu. 7Mu muntu mukhatë anyu inoneye aduye mwino mweeso wadahie uramwua munkhoo akwe. Mweeso në aduye gwa uyanjo na ti gusoko muntu ungëja ugumwonyeya nyenye utënda uwuu, gusoko Muungu uyanjëtë antu unë vëyanjëtë uduya gwa uyanjo. 8Na Muungu wina udaho wa umukununtya mboto nyingë gusoko anyu, gusoko nyenye mudahe utënda mukweti mantu mingë mwitiku. Na mweeso udahëtë umufa mboto në nyingë gusoko a uvarëëya antu nëvëtikweti. 9Mwino ëandëkiwe,
“Mweeso wafaghatiye,
na uguvafaa
antu në atuki;
tutë akwe ëtina mpeo.”
10Mweeso [Muungu] në ugufuyaa mbeyu gwa mufandëi na winjë ufunya mukaatë gusoko a ilëwa. Na mweeso winjë umufa mbeyu nyingë, na mweeso winjë gongeeya rasëë në nyenye mukweti gusoko nyenye mudaha uvafa avoo nëvëtikweti intu. 11Nyenye mwinjë ughwëfiwa gwa njëa yoong'e gusoko muhange gëhe gëkuu ga ufunya. Uvii antu vingë vinjë umurumba Muungu ukëërëa kunë sese. 12Itungo në sese gutënda utumami uruu në weru, nyenye mufunya ti gutufu gwa Akiristo va Gëyahudi nëvë uYerusalemu në atuki. Ëgweeso noo antu vaingë vinjë umufa Muungu irumbi në ikuu. 13Gwa gëfiimo ga utumami urui, veeso vinjë umufa Muungu ikuryo gwa ikuryo ranyu mung'ë a umanyi wa Sayu Njija amwa Kiristo, na gwa gihenga ng'angu anyu gusoko awe na gusoko a antu vangëja. 14Itungo në veeso vëufenja umwona nyenye na uromba gusoko anyu, gusoko a mboto në inankëe mëmbë në Muungu ugumufa nyenye. 15Sese gumurumba Muungu gusoko a mboto akwe në gutië nkhani ya udona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.