1 Timoteo 3
3
Maaskofu
1Murighëëtyo urui wa tutë: Nësa muntu woong'e uhunukiwe mwëmo wa uaskofu, mweeso uhunukiwe mwëmo wa ikuryo iküü. 2Askofu#3:2 Maaskofu: Aghondanëyi në aküü mu Kanisa. imunoneye atende muntu në atiunang'anwa, mughosya në wina mukhema umwedu. Askofu imunoneye atënde muntu në wë moomo, muntu në wë ihaa, muntu në uduvi wakwe uja, muntu në wë gëhe nanë wina udaho wa usëya. 3Mweeso imunoneye atatendeke mughai, mba nëuguhangwa makuo ruvi. Mweeso ugufenjiwa atënde mughimu, usonge a antu vangëja, ti muntu nëuyanjëtë wikhuvi, na atatende muntu nëuyanjëte hela. 4Mweeso imunoneye atënde wina udaho wa gibala antu va ukhaakwe mughonjo, uvii uvasacha anakwe vëtende vina winyumpii nanë ikuryo gwa njëa yoong'e. 5Muntu unë atimanyie gibala antu va ukhakwe mughonjo tutë atiumanya urëghondanëya kanisa ra Muungu. 6Mweeso atatende muntu nëwamuhuvëe Yesu fifë, mba mweeso nkhoo akwe ëtaje gijuwa na gëdida na udaha uramuiywa mwino Ibilisi uguramuiywa. 7Gunto a asaa antu nëvëmuhuvëe Yesu vinjë umughema mweeso vija, mba mweeso udahëte mung'ë a antu nëvëtimuhuvëe Yesu vëtinjë urighëëtya në mavë na ukwatiwa na mutegho wamwa Ibilisi.
Masemasi
8Viuyi viuyi masemasi#3:8 Masemasi: Vaarëëyi mung'ë a kanisa. inoneye vëtende antu në va ikuryo, ti antu në vina meomo ëvëë, ti antu nëvëunywa muvinyo nanguu, na ti antu në araku u hela. 9Veeso inoneye vëkwatëre gëmpihe ga uhuvëi itambëëmwe na nkhoo në njija. 10Nëvëfimwee noo tanju; uvii nësa veeso varaghëëra aghonjo mwino vëtikweti ihondwe veeso nëvërekewe vëtumame mwino masemasi. 11Viuyi viuyi masemasi në akhema inoneye vëtënde antu në va ikuryo, vëtatënde antu në va meomo ëvëë, ëgweeso nëvëmomo, ahuvëi mung'ë a mantu oong'ë. 12Reki masemasi në akhema vëtënde ahuvëi gwa mughosya umwedu na reki veeso vibale anaawe na antu va ukhaao vija. 13Gwa avoo unë vëutumama mwino masemasi vëuhangaa ikuryo rikuu kunë veeso aghonjo, na noo veeso vëudaha urighëëtya gwa nguu nëëghokee mwino veeso vëmuhuvëe Kiristo Yesu.
14Nene ngufenja uja kunë veve ruvi. Ëgweeso nene ngugwandëkëa maraghëëyo ayaa gusoko, 15nësa nene ngutinyiywa, udahe umanya wurë muntu unoneye üdüva mung'ë a antu va Muungu, unë kanisa ra Muungu nëuduvie khae na khae. Kanisa ërëi unë vifandwa na musingi wa umëkwatëra tutë. 16Gwa nguu nküü, sese gukumwua, në gëmpihë ga uhuvëi witu:
“Mweeso [Kiristo] agadwëëra mwino muntu,
Mwahu agamuraghëëra mweeso,
va malaëka vamughune mweeso,
antu vamutanantiye mweeso mukhatë avoo
unë vëtimuhuvëe Muungu,
antu voong'e va mu urëmi vëgamuhuvëa mweeso,
Muungu agamuhora mweeso gunto girunde.”
Currently Selected:
1 Timoteo 3: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Timoteo 3
3
Maaskofu
1Murighëëtyo urui wa tutë: Nësa muntu woong'e uhunukiwe mwëmo wa uaskofu, mweeso uhunukiwe mwëmo wa ikuryo iküü. 2Askofu#3:2 Maaskofu: Aghondanëyi në aküü mu Kanisa. imunoneye atende muntu në atiunang'anwa, mughosya në wina mukhema umwedu. Askofu imunoneye atënde muntu në wë moomo, muntu në wë ihaa, muntu në uduvi wakwe uja, muntu në wë gëhe nanë wina udaho wa usëya. 3Mweeso imunoneye atatendeke mughai, mba nëuguhangwa makuo ruvi. Mweeso ugufenjiwa atënde mughimu, usonge a antu vangëja, ti muntu nëuyanjëtë wikhuvi, na atatende muntu nëuyanjëte hela. 4Mweeso imunoneye atënde wina udaho wa gibala antu va ukhaakwe mughonjo, uvii uvasacha anakwe vëtende vina winyumpii nanë ikuryo gwa njëa yoong'e. 5Muntu unë atimanyie gibala antu va ukhakwe mughonjo tutë atiumanya urëghondanëya kanisa ra Muungu. 6Mweeso atatende muntu nëwamuhuvëe Yesu fifë, mba mweeso nkhoo akwe ëtaje gijuwa na gëdida na udaha uramuiywa mwino Ibilisi uguramuiywa. 7Gunto a asaa antu nëvëmuhuvëe Yesu vinjë umughema mweeso vija, mba mweeso udahëte mung'ë a antu nëvëtimuhuvëe Yesu vëtinjë urighëëtya në mavë na ukwatiwa na mutegho wamwa Ibilisi.
Masemasi
8Viuyi viuyi masemasi#3:8 Masemasi: Vaarëëyi mung'ë a kanisa. inoneye vëtende antu në va ikuryo, ti antu në vina meomo ëvëë, ti antu nëvëunywa muvinyo nanguu, na ti antu në araku u hela. 9Veeso inoneye vëkwatëre gëmpihe ga uhuvëi itambëëmwe na nkhoo në njija. 10Nëvëfimwee noo tanju; uvii nësa veeso varaghëëra aghonjo mwino vëtikweti ihondwe veeso nëvërekewe vëtumame mwino masemasi. 11Viuyi viuyi masemasi në akhema inoneye vëtënde antu në va ikuryo, vëtatënde antu në va meomo ëvëë, ëgweeso nëvëmomo, ahuvëi mung'ë a mantu oong'ë. 12Reki masemasi në akhema vëtënde ahuvëi gwa mughosya umwedu na reki veeso vibale anaawe na antu va ukhaao vija. 13Gwa avoo unë vëutumama mwino masemasi vëuhangaa ikuryo rikuu kunë veeso aghonjo, na noo veeso vëudaha urighëëtya gwa nguu nëëghokee mwino veeso vëmuhuvëe Kiristo Yesu.
14Nene ngufenja uja kunë veve ruvi. Ëgweeso nene ngugwandëkëa maraghëëyo ayaa gusoko, 15nësa nene ngutinyiywa, udahe umanya wurë muntu unoneye üdüva mung'ë a antu va Muungu, unë kanisa ra Muungu nëuduvie khae na khae. Kanisa ërëi unë vifandwa na musingi wa umëkwatëra tutë. 16Gwa nguu nküü, sese gukumwua, në gëmpihë ga uhuvëi witu:
“Mweeso [Kiristo] agadwëëra mwino muntu,
Mwahu agamuraghëëra mweeso,
va malaëka vamughune mweeso,
antu vamutanantiye mweeso mukhatë avoo
unë vëtimuhuvëe Muungu,
antu voong'e va mu urëmi vëgamuhuvëa mweeso,
Muungu agamuhora mweeso gunto girunde.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.