1 Atesalonike 2
2
Utumami wamwa Faulo ukoo uTesalonike
1Gusoko nyenye aghonjo vaunaanë, mumanyie, mwino muhënjo witu wa uja umusoya naa ti wa ndeende. 2Ëgweeso mbesa gugakhasiwa na utendewa mantu a mënyaa ukoo uFilipi, mwino nyenye mumanyie. Sese gwinahangaa nkhoo a wova mung'ë a Muungu witu utanantya kunë nyenye Sayu Njija a Muungu na mbesa gwina urughu üküü usonge itu. 3Gusoko marombi itu arë ti a mahutye mba akhwati, mbesa inatendwa gwa uhughangu. 4Ëgweeso mwino Muungu waguune gunoneye, agagwëkëya Sayu Njija mukhatë itu. Uvii sese gurighëëtya tiese uvayanjisya antu, ëgweeso gufenja umuyanjisya Muungu në wahunguhëe nkhoo yitu. 5Gusoko Sayu Njija itu inajaa kunë nyee ti gwa nkhani gutufu. 6Gwinafenjaa iküryo ufuma gwa antu, mbesa ufuma kunë nyenye mbesa ufuma gwa antu vangëja; mbesa sese në gwa atumwa vamwa Kiristo, naa gudahëte ufenja mantu kunë nyee. 7Gweeso sese naa gwë afoo mukhatë anyu mwino urë nyinya nëuguvarëa na uvaghondanëya vana vakwe. 8Uvii sese gugamuyanja ino nyenye, naarë gwighondanëëye ukhuvëa itambëëmwe gwinaanyu ti Sayu Njija a Muungu gutufu ëgweesonoo nanë uduvi witu. Gusoko nyenye mwatendekie ayanjwi vitu.
9Vauna vitu, gusoko nyenye mükümbükiwe mwino gugatenda mwëmo gwa makhasëko. Naarë sese gwamutananteya Sayu Njija a Muungu gugatenda mwëmo mumwë nanë utiku soko gureke utendeka mürigho kunë muntu mbaumwe mukhatë anyu. 10Nyenye mwë masudanga, nanë Muungu noo, mwino udëa uhondwa arë mwenendo witu kunë nyenye ni mwahuvëi. 11Gusoko nyenye mumanyie mwino sese gugamutendea nyenye, mwino tata uguvatendea anaakwe. Sese gugamunena mu muntu mukhatë anyu umukhomya nkhoo. 12Sese umuraghëëya nyenye mudahe uduva uduvi nëugumuyanjisyaa Muungu nëwamutaanie mutëndeke itambëëmwe mu Utemi nanë üküü wakwe.
13Kangënoo güümürümba Muungu ino gusoko ëyëë: nënaa mwaughenyifa ukhani wa Muungu nëmugautegheeya ufuma kunë see, mugaughenyifa ti mwino ukhani wa anaantu, ëgweeso mwino sayu a Muungu, na tutë unë wëë uyi, wasuu nëugutendaa mwëmo mukhatë anyu nyenye ahuvëi. 14Gusoko nyenye auna vane, nyenye mwatendekie ahongi va makanisa a Muungu mung'ë amwa Kiristo Yesu unë ë mung'ë a Yudea. Gusoko nyenye mwahangie makhasëko ayaayo ayaayo ufuma gwa antu va ung'ë anyu aghonjo mwino veeso vëgatendewa ufuma gwa Ayahudi, 15vasaa nëvëgavooragha voong'e Müküü Yesu nanë anyagëdaghu na ugukhomya sese unji. Antu vasaa vëumuhurisya Muungu, na kangë vëufënga antu voong'e. 16Veeso vëugughiiya sese uvatanantëya antu va Ndughu ingëja sayu në veeso vëudaha utyoeka. Uvii mwino vëdahe gijuya gëfiimo ga mahutye awe matiku oong'e. Gweeso itungwee ikuwo ra Muungu ravagwëaa.
Nkümbü amwa Faulo Uvasoya Kangë Atesalonike
17Ëgweeso vauna vitu, ufuma naarë gwarekanuka ginanyu, gwa itungo ikufë, urekanuka gwinaanyu na gwa itungo ikufë gutufu kangënoo mung'ë a gëmwëërë na ti gwa nkhoo. Sese gugahanga nkümbü nkhüü a umwoona nyenye kangë usyu gwa usyu. 18Gusoko gugafënja kunë nyenye. Nene, Faulo, ngasoya uja kunë nyee kangë na kangë gweeso Setani agagughiiya sese. 19Gusoko ighonje ritu mba uyanjo mbaa ngaa a gitenda usonge a Müküü witu Yesu itungo nëhikwe waja u ntunihe? Tinyenyena? 20Gusoko, nyenye unë mwë üküü witu nanë uyanjo witu.
Currently Selected:
1 Atesalonike 2: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Atesalonike 2
2
Utumami wamwa Faulo ukoo uTesalonike
1Gusoko nyenye aghonjo vaunaanë, mumanyie, mwino muhënjo witu wa uja umusoya naa ti wa ndeende. 2Ëgweeso mbesa gugakhasiwa na utendewa mantu a mënyaa ukoo uFilipi, mwino nyenye mumanyie. Sese gwinahangaa nkhoo a wova mung'ë a Muungu witu utanantya kunë nyenye Sayu Njija a Muungu na mbesa gwina urughu üküü usonge itu. 3Gusoko marombi itu arë ti a mahutye mba akhwati, mbesa inatendwa gwa uhughangu. 4Ëgweeso mwino Muungu waguune gunoneye, agagwëkëya Sayu Njija mukhatë itu. Uvii sese gurighëëtya tiese uvayanjisya antu, ëgweeso gufenja umuyanjisya Muungu në wahunguhëe nkhoo yitu. 5Gusoko Sayu Njija itu inajaa kunë nyee ti gwa nkhani gutufu. 6Gwinafenjaa iküryo ufuma gwa antu, mbesa ufuma kunë nyenye mbesa ufuma gwa antu vangëja; mbesa sese në gwa atumwa vamwa Kiristo, naa gudahëte ufenja mantu kunë nyee. 7Gweeso sese naa gwë afoo mukhatë anyu mwino urë nyinya nëuguvarëa na uvaghondanëya vana vakwe. 8Uvii sese gugamuyanja ino nyenye, naarë gwighondanëëye ukhuvëa itambëëmwe gwinaanyu ti Sayu Njija a Muungu gutufu ëgweesonoo nanë uduvi witu. Gusoko nyenye mwatendekie ayanjwi vitu.
9Vauna vitu, gusoko nyenye mükümbükiwe mwino gugatenda mwëmo gwa makhasëko. Naarë sese gwamutananteya Sayu Njija a Muungu gugatenda mwëmo mumwë nanë utiku soko gureke utendeka mürigho kunë muntu mbaumwe mukhatë anyu. 10Nyenye mwë masudanga, nanë Muungu noo, mwino udëa uhondwa arë mwenendo witu kunë nyenye ni mwahuvëi. 11Gusoko nyenye mumanyie mwino sese gugamutendea nyenye, mwino tata uguvatendea anaakwe. Sese gugamunena mu muntu mukhatë anyu umukhomya nkhoo. 12Sese umuraghëëya nyenye mudahe uduva uduvi nëugumuyanjisyaa Muungu nëwamutaanie mutëndeke itambëëmwe mu Utemi nanë üküü wakwe.
13Kangënoo güümürümba Muungu ino gusoko ëyëë: nënaa mwaughenyifa ukhani wa Muungu nëmugautegheeya ufuma kunë see, mugaughenyifa ti mwino ukhani wa anaantu, ëgweeso mwino sayu a Muungu, na tutë unë wëë uyi, wasuu nëugutendaa mwëmo mukhatë anyu nyenye ahuvëi. 14Gusoko nyenye auna vane, nyenye mwatendekie ahongi va makanisa a Muungu mung'ë amwa Kiristo Yesu unë ë mung'ë a Yudea. Gusoko nyenye mwahangie makhasëko ayaayo ayaayo ufuma gwa antu va ung'ë anyu aghonjo mwino veeso vëgatendewa ufuma gwa Ayahudi, 15vasaa nëvëgavooragha voong'e Müküü Yesu nanë anyagëdaghu na ugukhomya sese unji. Antu vasaa vëumuhurisya Muungu, na kangë vëufënga antu voong'e. 16Veeso vëugughiiya sese uvatanantëya antu va Ndughu ingëja sayu në veeso vëudaha utyoeka. Uvii mwino vëdahe gijuya gëfiimo ga mahutye awe matiku oong'e. Gweeso itungwee ikuwo ra Muungu ravagwëaa.
Nkümbü amwa Faulo Uvasoya Kangë Atesalonike
17Ëgweeso vauna vitu, ufuma naarë gwarekanuka ginanyu, gwa itungo ikufë, urekanuka gwinaanyu na gwa itungo ikufë gutufu kangënoo mung'ë a gëmwëërë na ti gwa nkhoo. Sese gugahanga nkümbü nkhüü a umwoona nyenye kangë usyu gwa usyu. 18Gusoko gugafënja kunë nyenye. Nene, Faulo, ngasoya uja kunë nyee kangë na kangë gweeso Setani agagughiiya sese. 19Gusoko ighonje ritu mba uyanjo mbaa ngaa a gitenda usonge a Müküü witu Yesu itungo nëhikwe waja u ntunihe? Tinyenyena? 20Gusoko, nyenye unë mwë üküü witu nanë uyanjo witu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.