1 Fetero 4
4
Ahuvëi Vëufenjiwa Vëduve Uduvi në Wëhiya
1Gusoko gwa uvii Kiristo wakhasiywe u musalaba gusoko itu, ighondaneyi aghonjo ughema gwa njëa ëyëëyo në mweeso waghemie. Gusoko wasuu woong'e nëwadahie uvaara mung'ë a mwëërë warekie utenda mahutye. 2Uvii mwino gusoko a itungo nërinjë usonge duvi gwa uduvi wanyu wa mu urëmi gwa uhonga mafenji a Muungu ëgweeso ti gwa uhonga mafenji a mwëërë. 3Itungo nërakëire rakhondye kunë nyenye utenda asaa në antu va Ndughu ingëja vëutendaa. Veeso vëuduvaa mung'ë a nkumbu nküü ya uvaya, ughai wa mwitiku, ughaa mung'ë a sigunkuu, ughai itambëëmwe na mukindo, na ukurya arungu va wegheghe. 4Veeso vëtakëte gusoko nyenye itungwee mutikhuvëe na veeso mung'ë a uduvi në wikhwete na wa maimwana nanë uvaya, na gwa uvii veeso vëumutakaa nyenye. 5Ëgweeso veeso vinjë uduya sayu a mantu oong'e nëvayatendie kunë mweeso unë wighondanëye uramwua antu në afanga nanë vëkure. 6Gusoko ëyëë në soko në Sayu Njija atanantiywe mbesa gwakuyi, uvii mbesa waaramwue mung'ë a mwëërë mwino ugumuramwua mu muntu, veeso vëudaha uduva mung'ë a nkhoo mwino Muungu uduvie.
Aghondanëyi në Aja va Vifewa vya Muungu
7Mpeo a mantu oong'e ahumbeera; gwa uvii mahaa anyu nëëfëtie na mwibale nyenye aghonjo gusoko mudahe uromba mwino inoneye. 8Gunto a asaa oong'e kwatëëri uyanjo nëutiukëëra wa giyanja mu muntu na muyakwe gusoko uyanjo ugukunëkea wingë wa mahutye. 9Ighenyifi nyenye gwa nyenye u makhaya anyu ëse mutiunang'ana. 10Mwino mu muntu waghenyifie gëfewa, gëtumëi gusoko a giarëëya nyenye gwa nyenye, mwino aghondanëyi në aja va mboto hiya hiya ya Muungu. 11Wasuu në ugurighëëtya, arighëëtye mwino Muungu uguhanya. Wasuu në ugutumama, atumame gwa nguu në Muungu ugumufa; gusoko uvii Muungu adahe ukuriwa u mantu oong'e ukëërëa Yesu Kiristo. Kunë Mweeso urëfo üküü nanë wibali khae na khae. Amini.
Uvaara Mwino Mukiristo
12Ayanjwi, nyenye mutatake itungo në maëghëëyo nëugufësya mwino moto unë ëjie kunë nyenye gwa umufiima nyenye, mwino gënya intu në ighenyi nërëudwëëra kunë nyenye. 13Ëgweeso yanji gusoko nyenye mukhasëka gwa njëa ëyëëyo në Kiristo mweeso wakhasëkie, uvii nyenye mudahe noo uyanja na giririsya itungo në üküü wakwe wadwëëra. 14Nësa nyenye mukheefewa gusoko a rina ramwa Kiristo, nyenye mwina bahu, gusoko Mwahu wa udaho nanë wa Muungu ugikhaa gunto anyu. 15Ëgweeso atagighee muntu mba umwedu nëugukhasëka mwino muuraghi, mba muhëmbi mba nëugutendaa mantu në mavë, nëugiingëya mu wikhuvi. 16Nësa kë muntu umwedu ugukhasëka mwino Mukiristo mweeso ataonee mënyaa, ëgweeso gusoko a rina rasëë mweeso në amukürye Muungu. 17Gusoko itungo rafikaa në uramwuiyi ugwandya unyumba a Muungu. Na nësa Muungu ugwandya uguramwuëya sese ëgutendeka gukaku nanguu gwa antu avoo nëvëtimuhuvëe Muungu. 18Nësa gukaku gwa muntu në wa tutë utyowa, ëgutendeka gukaku nanguu gwa muntu në atiumukuryaa Muungu nanë munya mahutye utyowa. 19Gwa uvii avoo në vëukhasëka gwa uhonga mafenji a Muungu vinjë utenda vija na uvëka nkhoo yawe kunë Matunda nëmuhuvëwa.
Currently Selected:
1 Fetero 4: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Fetero 4
4
Ahuvëi Vëufenjiwa Vëduve Uduvi në Wëhiya
1Gusoko gwa uvii Kiristo wakhasiywe u musalaba gusoko itu, ighondaneyi aghonjo ughema gwa njëa ëyëëyo në mweeso waghemie. Gusoko wasuu woong'e nëwadahie uvaara mung'ë a mwëërë warekie utenda mahutye. 2Uvii mwino gusoko a itungo nërinjë usonge duvi gwa uduvi wanyu wa mu urëmi gwa uhonga mafenji a Muungu ëgweeso ti gwa uhonga mafenji a mwëërë. 3Itungo nërakëire rakhondye kunë nyenye utenda asaa në antu va Ndughu ingëja vëutendaa. Veeso vëuduvaa mung'ë a nkumbu nküü ya uvaya, ughai wa mwitiku, ughaa mung'ë a sigunkuu, ughai itambëëmwe na mukindo, na ukurya arungu va wegheghe. 4Veeso vëtakëte gusoko nyenye itungwee mutikhuvëe na veeso mung'ë a uduvi në wikhwete na wa maimwana nanë uvaya, na gwa uvii veeso vëumutakaa nyenye. 5Ëgweeso veeso vinjë uduya sayu a mantu oong'e nëvayatendie kunë mweeso unë wighondanëye uramwua antu në afanga nanë vëkure. 6Gusoko ëyëë në soko në Sayu Njija atanantiywe mbesa gwakuyi, uvii mbesa waaramwue mung'ë a mwëërë mwino ugumuramwua mu muntu, veeso vëudaha uduva mung'ë a nkhoo mwino Muungu uduvie.
Aghondanëyi në Aja va Vifewa vya Muungu
7Mpeo a mantu oong'e ahumbeera; gwa uvii mahaa anyu nëëfëtie na mwibale nyenye aghonjo gusoko mudahe uromba mwino inoneye. 8Gunto a asaa oong'e kwatëëri uyanjo nëutiukëëra wa giyanja mu muntu na muyakwe gusoko uyanjo ugukunëkea wingë wa mahutye. 9Ighenyifi nyenye gwa nyenye u makhaya anyu ëse mutiunang'ana. 10Mwino mu muntu waghenyifie gëfewa, gëtumëi gusoko a giarëëya nyenye gwa nyenye, mwino aghondanëyi në aja va mboto hiya hiya ya Muungu. 11Wasuu në ugurighëëtya, arighëëtye mwino Muungu uguhanya. Wasuu në ugutumama, atumame gwa nguu në Muungu ugumufa; gusoko uvii Muungu adahe ukuriwa u mantu oong'e ukëërëa Yesu Kiristo. Kunë Mweeso urëfo üküü nanë wibali khae na khae. Amini.
Uvaara Mwino Mukiristo
12Ayanjwi, nyenye mutatake itungo në maëghëëyo nëugufësya mwino moto unë ëjie kunë nyenye gwa umufiima nyenye, mwino gënya intu në ighenyi nërëudwëëra kunë nyenye. 13Ëgweeso yanji gusoko nyenye mukhasëka gwa njëa ëyëëyo në Kiristo mweeso wakhasëkie, uvii nyenye mudahe noo uyanja na giririsya itungo në üküü wakwe wadwëëra. 14Nësa nyenye mukheefewa gusoko a rina ramwa Kiristo, nyenye mwina bahu, gusoko Mwahu wa udaho nanë wa Muungu ugikhaa gunto anyu. 15Ëgweeso atagighee muntu mba umwedu nëugukhasëka mwino muuraghi, mba muhëmbi mba nëugutendaa mantu në mavë, nëugiingëya mu wikhuvi. 16Nësa kë muntu umwedu ugukhasëka mwino Mukiristo mweeso ataonee mënyaa, ëgweeso gusoko a rina rasëë mweeso në amukürye Muungu. 17Gusoko itungo rafikaa në uramwuiyi ugwandya unyumba a Muungu. Na nësa Muungu ugwandya uguramwuëya sese ëgutendeka gukaku nanguu gwa antu avoo nëvëtimuhuvëe Muungu. 18Nësa gukaku gwa muntu në wa tutë utyowa, ëgutendeka gukaku nanguu gwa muntu në atiumukuryaa Muungu nanë munya mahutye utyowa. 19Gwa uvii avoo në vëukhasëka gwa uhonga mafenji a Muungu vinjë utenda vija na uvëka nkhoo yawe kunë Matunda nëmuhuvëwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.