1 Akorinto 9
9
Mëëmo a Atumami
1Nene ntina uhaghaarona? Nene nti mutumamina? Nene ntina mwoona Müküü Yesuna? Nyenye muti atenda mwëëmo woyane mung'ë a Müküüna? 2Nësa gwa antu vangëja nene nti mutumami, ëgweeso kunë nyenye nene në mutumami. Gusoko nyenye mwë gëmanyëko ga utumami wane mung'ë a Müküü.
3Uruu në witëtei wane mughonjo gwa antu në vëunkosoa#9:3 Vëunkosoa: Ukumwua mahutye gwa nkhoo nëmbë. 4Kunë sese inoneye ughenyifa ilëwa na intu ra unywa gusoko a mwëmo witu. 5Sese gutinoneyena ukhuvëa na akhema mwino atumami vangëja nanë aruna va Müküü, nanë Kefa? 6Mba sese, Barinaba nanë nene në atumami gutufu nëvëghiywe gwa gihangëa hela gwa gëtuma mwemona? 7Musikee woong'e kamwe atigërëfaa ufuma mantu akwe mughonjo. Na muntu unë ugufandëa musabibu uraravie ula nkhari nkeevu ufuma u musabibu. Na muntu nëutugie mëtugho uraravie unywa maya ufuma u mëtugho akwe.
8Nene ntiuhanya vii gwa udaho wa gëuntuna? Seria noo ëtihanyiye viina? 9Gusoko ëandëkiwe vivi mu Seria amwa Musa, “Veve utamëtunge njiku momo nëëgufura ngano.” Itungwee mung'ë a wikhori uroo Muungu atiurighëëtya sayu a njiku. 10Gwa tutë mweeso ugurighëëtya wuu gusoko itu. Ayaa aandëkiwe gusoko itu, gusoko munyaurëma ugurëma gwa uhuvëi wa uja uhanga intu nanë munya ufura ugufura gwa uhuvëi wa uja uhanga ntënange. 11Sese gwadahie ufandëa mbeyu ya gënkhoo mukhatë anyu, gwa uvii ti vivë kunë sese urarava mwino gudaha utënanga ntënange nküü ufuma u mantu në nyenye muyakwetë. 12Nësa vangëja vënoneye uhanga ufuma kunë nyenye, sese ti nanguuna? Mbesa uvii, sese gwinamëtumëa tutë ëyëë, ëgweeso sese gwadahie ughimëëya mu intu gusoko gutavëke gëtungo mung'ë a njëa a Sayu Njija amwa Kiristo. 13Nyenye mumanyie tutë ëyëë, mwino avoo nëvëfewe mwemo mung'ë a utumami wa hekalu vëuhangaa ilëwa rawe ufuma u hekalu. Na itungo në veeso vëufunya dahwa gëkumbëkëo veeso vëuhanga gëhabanga ga dahwa yasii. 14Viuyi viuyi, Müküü waraghëëye mwino avoo unë vëutanantya Sayu Njija inoneye uhanga malëwa awe ufuma u mwëmo wa utanantya Sayu Njija.
15Ëgweeso nene ntinatumëa haki#9:15 Haki: Udaho wa muntu uhanga intu nëunoneye uhanga mba ëmwe mukhatë a iyii, mba ngwandëka vii gusoko nëfenje haki mwino yasii nene mughonjo. Gusoko naa guja nanguu kunë nene ukuya ukera muntu gëkaku ung'egheya soko ane a gëtënda. 16Gusoko nësa nene ngutanantya Sayu Njija, ësëë ëtiumpa nene soko a gëtënda. Gusoko Muungu wendie undaghëëya nene utënda uwuu. Hëhe kunë nene nësa ntiinje utanantya Sayu Njija. 17Gusoko nësa nene ngutënda vii gwa iyanjë rane ra tutë, nene nguhanga gënyamwëmo. Ëgweeso nësa ti gwa iyanjë rane ra tutë, Muungu wong'waniye nene mu mwëmo uruu. 18Uvii gënyamwëmo u ntunihe? Në chëëkë mwino nene nëtanantye Sayu Njija ndeende, nene ntafenjee haki yane mung'ë a utanantya Sayu Njija.
19Gusoko mbesa nene nti mutughwa wa antu voong'e, nene nitëndie mughonjo mutughwa wa antu voong'e gusoko nene nedahe uvahanga antu vingë nanguu. 20Gwa Ayahudi nene ngatendeka mwino Muyahudi gusoko nëvahange Ayahudi. Kunë avoo në vë fangë a seria nene ngatendeka në fang'ë a seria (mbesa nene mughonjo nti fang'ë a seria) uvii nëdahe uvahanga avoo në vë fang'ë a seria. 21Kunë avoo nëvëgunji a seria nene ngatendeka mwino muntu në wë gunji a seria (tiese ntina seria usonge a Muungu ëgweeso fang'ë a seria amwa Kiristo) uvii nene nëdahe uvahanga avoo në vë gunji a seria. 22Gwa alegheku nene ngatendeka në mulegheku uvii nene nëdahe uvahanga alegheku. Nene natëndekie në mantu oong'e gwa antu voong'e, gusoko nene nëdahe gwa njëa yoong'e uvatyoa antu vëgëtunga. 23Nene ngutënda mantu oong'e gusoko a Sayu Njija nëdahe ukhuvëa mung'ë a mboto nëifumie u sayu ësëë.
24Nyenye mumanyie tutë ëyëë mwino mung'ë a anyaumanka voong'e munya umanka umwedu gutufu uguhangaa gënyamwëmo gakwe. Uvii nyenye noo mufenjiwa mumanke gosoko nyenye mudahe uhanga gënyamwëmo. 25Mu munya umanka woong'e uginegha na mantu oong'e. Veeso vëutënda wuu vëhange ngaa nëëguruvëkaa, ëgweeso sese gutënda vii gusoko guhange ngaa nëëtiuruvëkaa. 26Vija, nene ngumankaa nëghokie gusoko a umarëya mukëërë. Nene në mwino munya gëtura nkundë në atiuyaghayaa nkundë yakwe. 27Nene nguutura mwëërë wane utënde ukhomie na nëwuhume weeso, gusoko Muungu ëke unjughuta nene në nene nadaha uvatanantëya antu vangëja.
Currently Selected:
1 Akorinto 9: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Akorinto 9
9
Mëëmo a Atumami
1Nene ntina uhaghaarona? Nene nti mutumamina? Nene ntina mwoona Müküü Yesuna? Nyenye muti atenda mwëëmo woyane mung'ë a Müküüna? 2Nësa gwa antu vangëja nene nti mutumami, ëgweeso kunë nyenye nene në mutumami. Gusoko nyenye mwë gëmanyëko ga utumami wane mung'ë a Müküü.
3Uruu në witëtei wane mughonjo gwa antu në vëunkosoa#9:3 Vëunkosoa: Ukumwua mahutye gwa nkhoo nëmbë. 4Kunë sese inoneye ughenyifa ilëwa na intu ra unywa gusoko a mwëmo witu. 5Sese gutinoneyena ukhuvëa na akhema mwino atumami vangëja nanë aruna va Müküü, nanë Kefa? 6Mba sese, Barinaba nanë nene në atumami gutufu nëvëghiywe gwa gihangëa hela gwa gëtuma mwemona? 7Musikee woong'e kamwe atigërëfaa ufuma mantu akwe mughonjo. Na muntu unë ugufandëa musabibu uraravie ula nkhari nkeevu ufuma u musabibu. Na muntu nëutugie mëtugho uraravie unywa maya ufuma u mëtugho akwe.
8Nene ntiuhanya vii gwa udaho wa gëuntuna? Seria noo ëtihanyiye viina? 9Gusoko ëandëkiwe vivi mu Seria amwa Musa, “Veve utamëtunge njiku momo nëëgufura ngano.” Itungwee mung'ë a wikhori uroo Muungu atiurighëëtya sayu a njiku. 10Gwa tutë mweeso ugurighëëtya wuu gusoko itu. Ayaa aandëkiwe gusoko itu, gusoko munyaurëma ugurëma gwa uhuvëi wa uja uhanga intu nanë munya ufura ugufura gwa uhuvëi wa uja uhanga ntënange. 11Sese gwadahie ufandëa mbeyu ya gënkhoo mukhatë anyu, gwa uvii ti vivë kunë sese urarava mwino gudaha utënanga ntënange nküü ufuma u mantu në nyenye muyakwetë. 12Nësa vangëja vënoneye uhanga ufuma kunë nyenye, sese ti nanguuna? Mbesa uvii, sese gwinamëtumëa tutë ëyëë, ëgweeso sese gwadahie ughimëëya mu intu gusoko gutavëke gëtungo mung'ë a njëa a Sayu Njija amwa Kiristo. 13Nyenye mumanyie tutë ëyëë, mwino avoo nëvëfewe mwemo mung'ë a utumami wa hekalu vëuhangaa ilëwa rawe ufuma u hekalu. Na itungo në veeso vëufunya dahwa gëkumbëkëo veeso vëuhanga gëhabanga ga dahwa yasii. 14Viuyi viuyi, Müküü waraghëëye mwino avoo unë vëutanantya Sayu Njija inoneye uhanga malëwa awe ufuma u mwëmo wa utanantya Sayu Njija.
15Ëgweeso nene ntinatumëa haki#9:15 Haki: Udaho wa muntu uhanga intu nëunoneye uhanga mba ëmwe mukhatë a iyii, mba ngwandëka vii gusoko nëfenje haki mwino yasii nene mughonjo. Gusoko naa guja nanguu kunë nene ukuya ukera muntu gëkaku ung'egheya soko ane a gëtënda. 16Gusoko nësa nene ngutanantya Sayu Njija, ësëë ëtiumpa nene soko a gëtënda. Gusoko Muungu wendie undaghëëya nene utënda uwuu. Hëhe kunë nene nësa ntiinje utanantya Sayu Njija. 17Gusoko nësa nene ngutënda vii gwa iyanjë rane ra tutë, nene nguhanga gënyamwëmo. Ëgweeso nësa ti gwa iyanjë rane ra tutë, Muungu wong'waniye nene mu mwëmo uruu. 18Uvii gënyamwëmo u ntunihe? Në chëëkë mwino nene nëtanantye Sayu Njija ndeende, nene ntafenjee haki yane mung'ë a utanantya Sayu Njija.
19Gusoko mbesa nene nti mutughwa wa antu voong'e, nene nitëndie mughonjo mutughwa wa antu voong'e gusoko nene nedahe uvahanga antu vingë nanguu. 20Gwa Ayahudi nene ngatendeka mwino Muyahudi gusoko nëvahange Ayahudi. Kunë avoo në vë fangë a seria nene ngatendeka në fang'ë a seria (mbesa nene mughonjo nti fang'ë a seria) uvii nëdahe uvahanga avoo në vë fang'ë a seria. 21Kunë avoo nëvëgunji a seria nene ngatendeka mwino muntu në wë gunji a seria (tiese ntina seria usonge a Muungu ëgweeso fang'ë a seria amwa Kiristo) uvii nene nëdahe uvahanga avoo në vë gunji a seria. 22Gwa alegheku nene ngatendeka në mulegheku uvii nene nëdahe uvahanga alegheku. Nene natëndekie në mantu oong'e gwa antu voong'e, gusoko nene nëdahe gwa njëa yoong'e uvatyoa antu vëgëtunga. 23Nene ngutënda mantu oong'e gusoko a Sayu Njija nëdahe ukhuvëa mung'ë a mboto nëifumie u sayu ësëë.
24Nyenye mumanyie tutë ëyëë mwino mung'ë a anyaumanka voong'e munya umanka umwedu gutufu uguhangaa gënyamwëmo gakwe. Uvii nyenye noo mufenjiwa mumanke gosoko nyenye mudahe uhanga gënyamwëmo. 25Mu munya umanka woong'e uginegha na mantu oong'e. Veeso vëutënda wuu vëhange ngaa nëëguruvëkaa, ëgweeso sese gutënda vii gusoko guhange ngaa nëëtiuruvëkaa. 26Vija, nene ngumankaa nëghokie gusoko a umarëya mukëërë. Nene në mwino munya gëtura nkundë në atiuyaghayaa nkundë yakwe. 27Nene nguutura mwëërë wane utënde ukhomie na nëwuhume weeso, gusoko Muungu ëke unjughuta nene në nene nadaha uvatanantëya antu vangëja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.