1 Akorinto 7
7
Mawëyo neeghokee Maroghoe
1Uhonga mantu në nyenye mwanyandëkëe nee, në vija gwa mughosya vëkeutang'ana gwëërë na mukhema. 2Ëgweeso gusoko a iëghëëyo ra ulehadi wa gëbwabwa, mu mughosya inoneye atënde wina mukhema wakwe mughonjo na mu mukhema atende wina mughonsya wakwe mughonjo. 3Mughosya imunoneye arekee mwëërë wakwe wa gëghosya kunë mukhema wakwe, na mukhema noo arekee mwëërë wakwe wa gëkhema kunë mughosya wakwe. 4Gusoko mukhema atiwibalëtë mwëërë wakwe mughonjo, ëgweeso mughosya uwëbalëtë. Viuyi viuyi mughosya atiwibalëtë mwëërë wakwe mughonjo, ëgweeso mukhema wibalëte. 5Mutareke utang'ana gëmwëërë ëgweeso ruvë në nyenye mwirumëyaa nyoong'e ureka utënda uwuu gusoko a itungo ra marombi. Ëgweeso në itungo rasëë rakëra nyenye munoneye ufwaghëëra utang'ana gëmwëëre kangë. Gwa njëa ëyëë Setani atinjë udaha umughema nyenye mutënde ihutye gusoko a nyenye udëa gëbala itang'ana ranyu ra gëmwëëre. 6Nene ntiumuraghëëya nyenye mureke utënda wuu, ëgweeso në umurekea nyenye mutënde mwino mufenja. 7Nene ngufenja mwino voongë samwë mwino nene. Ëgweeso mu muntu wafewe gëfëwe nëgësya ufuma kunë Muungu. Umwedu wafewe gëfewa ëkëë na ungëja wafewe gëfewa gëngëja.
8Itungwee, nene nguvasëya aghosya avoo mukhatë anyu nëkëë vëtëroghoe nanë ahimbë mwino në vija nanguu kunë nyenye mufwaghëëre usigha mutiroghoe mwino nene mughonjo. 9Ëgweeso nesa veeso vëtiudaha gibala veeso aghonjo, inoneye veeso vëroghoe. Gusoko në vija nanguu uroghoa ukëra ufësiwa na nkumbu a utang'ana gëmwëërë.
10Gwa avoo nëviroghoe nene guvafa iraghëëyo, ti nene ëgweeso Müküü, mwino mukhema atinoneye utëmanuka ufuma kunë mughosya wakwe. 11(Ëgweeso nësa mweeso ugutenda wuu, bahu mweeso asighe imwene në ti uvii bahu amusukëe mughosya wakwe). Na uvii mughosya atinoneye umureka mukhema wakwe.
12Gwa avoo nëvësigie nene nguhanya, ti Müküü, mwino nesa mughosya gëkaku Mukiristo wina mukhema unë atihuvëe, na mweeso urumëyë uduva vinakwe, mughosya atinoneye umureka mukhema wakwe. 13Nesa mukhema gëkaku wina mughosya unë atihuvëe, na mughosya urumëye uduva vinakwe, mukhema atinoneye amureke mughosya wakwe. 14Gusoko mughosya në atihuvëe ugukhuvëywa kunë Muungu ukëërëa kunë mukhema wakwe, na mukhema në ti Mukiristo ugukhuvëywa kunë Muungu ukëërëa mughosya wakwe. Mbesa ti uwuu, vana vanyu sa vëkhombekie, ëgweeso mwino chu gwë uwuu veeso veru. 15Ëgweeso nesa umwedu wa anyagiroghoa në atihuvëe wahunukwa utëmanuka, mureki mweeso atënde uwuu. Mung'ë a ihanyo mwino ërëë mughosya në muhuvëi mba mukhema në muhuvëi ugutënda atitungiwe mu maroghoe. Gusoko Muungu wamwëtaanie nyenye muduve gwa majëghana. 16Mukhëma në Mukiristo, ugumanyawure fangëja veve udahëtë umutyoa mughosya wako? Mughosya në Mukiristo, ugumanya wurë fangëja veve udahëtë umutyoa mukhema wako?
Imunoneye Nyenye Muduve Mwino Muungu Ugufenja Nyenye muduve
17Mu muntu nëaduve uduvo unë Müküü wamuvaghaniye mweeso, na unë Muungu wamwëtanie mweeso. Ërëë në iraghëëyo rane gwa makanisa oong'e. 18Urëfo muntu anyu nënaa utowe ngovi itungo nënaa Muungu wamwëtaanie nyenye? Muntu mwino wasuu ataheyee mavamba a utowa ngovi, urëfo muntu mukhatë anyu naatitowe ngovi itungo nënaa Muungu wamwëtaanie nyenye? Muntu mwino wasuu atafenje mavamba a utowa ngovi. 19Gusoko ti gëntu mba mughosya watowa ngovi mba inatowa ngovi, ëgweeso në rina ryana nëutënda asaa në Muungu uguyaraghëëya. 20Mu muntu inoneye asighe uwuu mwino naa urë itungo nënaa Muungu wamwëtaanie mweeso. 21Veve naa umutughwa itungo nënaa Muungu wagwëtanie vevena? A, utakeere mbanduvë. Ëgweeso nesa veve ukwetë iyoma ra utëndeka muntu në winauhaghaaro, rëtumëe iyoma rasëë. 22Gusoko mweeso unë arë Müküü wamwëtanie mwino mutughwa në muntu nëwafewe uhaghaaro wa Müküü. Viuyi viuyi mweeso unë arë wina uhaghaaro itungo në arë waëtaniwe në mutughwa wamwa Kiristo. 23Muungu wamughurye nyenye; uvii utatëndeke umutughwa, wa muntu ungëja. 24Uvii arunaane, itungo nënaa Muungu wamwëtaanie nyenye, mu muntu mukhatë anyu naa wë uwuu mwino naa urë. Uvii mweeso nëasighe uvii usonge a Muungu.
Mawëyo neeghokee Antu nëvëtiiroghoe nanë Ahimbë
25Itungwee gwa uhonga avoo nëvëtiroghoe mba uroghowa, Müküü inampaa nene iraghëëyo roomg'e. Ëgweeso nene nguduya masëgho ane mwino umwedu unë gwa gëhe ga Müküü nene në muhuvëi. 26Nene ngughema gwa gihenga makhasëko nëërëfo, në vija nanguu gwa muntu usigha mwino urë. 27Kunë veve neuroghoe utungiwe na mukhemana? Utafenje utënda wina uhaghaaro. Veve wina uhagharo ufuma kunë mukhemana? Kunë veve nëutiroghoe utafenje uroghoa. 28Ëgweeso nësa uguroghoa, utiutenda ihutye, na nesa muncha uguroghowa mweeso atiutënda ihutye. Kë nyenye nëmuroghoe mba uroghowa mwinjë uhanga mampënga a mu urëmi, na nene ngumughoja nyenye na mampënga asaa. 29Nene nina ryana tëërë arunaane, itungo në sese guduvie rëtiurifëcha nanguu. Ufuma itungwee na gwenda usonge, avoo në vina akhema nëvëduve mwino antu nëvinaroghoa. 30Na avoo unë vëuhongeya nëvëtënde mwino antu nëvinahongeeya. Na avoo unë vëgiririsya nëvëtënde mwino antu vëvinagiririsya. Na avoo nëvëughura nëvëtënde mwino antu nëvëtikweti mantu. 31Na avoo unë nëvëunyomekaa na mantu a mu urëmi nëvëtënde mwino antu nëvëtiunyomekaa na urëmi. Gusoko urëmi uruu ugukëra na mantu ayo.
32Nene ngufenja nyenye mutënde mwë veru ufuma nkumbu yoong'e. Mughosya në atiroghoe wë nkumbu na mantu a Mukhuu, mwino ugumuyanjisya Müküü. 33Ëgweeso mughosya nëuroghoe wina nkumbu na mantu a mu urëmi, mwino ugumuyanjisya mukhema, 34na mafenji ina nkhoo ivëë. Na mukhema në atiroghowe mba muncha wë nkumbu na mantu a Müküü, mwino ugutëndeka mweru mu mwëërë nanë mu nkhoo. Ëgweeso mukhema në uroghowe wë nkumbu na mantu a mu urëmi mwino ugumuyanjisya mughosya wakwe. 35Nene ngurighëëtya vii gusoko a sao anyu, nene ntiumughiya nyenye gwa njëa oong'e. Ëgweeso nene ngufenja nyenye muduve uduvi në uja na mudahe giduya nyee mwë woong'e mung'ë a umwitumëkëa Müküü.
36Nesa muntu gëkaku ugoona mwino mweeso atiudaha uduva vija usonge a muchumba wakwe, nësa nkumbu ya utang'ana gëmwëërë ina muchumba wakwe yina nguu, na mweeso ugitëgheeya mwino inoneye veeso viroghoe, uvii inoneye veeso viroghoe mwino mweeso ugufenja. Gutie ihutye gwa utënda uwuu. 37Ëgweeso muntu woong'e nëugumëtukanëya nkhoo akwe, gutië muntu nëugumwonyeya atënde uwuu. Ëgweeso nesa wina udaho wa gibala nkumbu yakwe, na waramwue utënda uwuu munkhoo akwe, afwaghëëre umutënda muchumba wakwe, uvii ugutënda vija gwa udëa umuroghoa muncha wasuu. 38Uvii mughosya wasuu nëugumuroghoa muncha nëutureywe ikhomo ugutenda vija; na mweeso unë ugighiya umuroghoa muncha nëuturëywe ikhomo winjë utënda vija nanguu.
39Mukhema utungiwe na mughosya wakwe itungo nëvëuduva vinakwe. Nësa mughosya wakuya mweeso wë mwarye uroghowa na muntu unë mweeso wamuyanjaa, ëgweeso inoneye maroghoe ëtende a Gëkitisto. 40Ëgweeso gwa uramwui wane mukhema uguyanjëcha nësa winjë usagha mwino mweeso urë. Na nene ngughema mwino Mwahu Mweru untongeere nene.
Currently Selected:
1 Akorinto 7: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Akorinto 7
7
Mawëyo neeghokee Maroghoe
1Uhonga mantu në nyenye mwanyandëkëe nee, në vija gwa mughosya vëkeutang'ana gwëërë na mukhema. 2Ëgweeso gusoko a iëghëëyo ra ulehadi wa gëbwabwa, mu mughosya inoneye atënde wina mukhema wakwe mughonjo na mu mukhema atende wina mughonsya wakwe mughonjo. 3Mughosya imunoneye arekee mwëërë wakwe wa gëghosya kunë mukhema wakwe, na mukhema noo arekee mwëërë wakwe wa gëkhema kunë mughosya wakwe. 4Gusoko mukhema atiwibalëtë mwëërë wakwe mughonjo, ëgweeso mughosya uwëbalëtë. Viuyi viuyi mughosya atiwibalëtë mwëërë wakwe mughonjo, ëgweeso mukhema wibalëte. 5Mutareke utang'ana gëmwëërë ëgweeso ruvë në nyenye mwirumëyaa nyoong'e ureka utënda uwuu gusoko a itungo ra marombi. Ëgweeso në itungo rasëë rakëra nyenye munoneye ufwaghëëra utang'ana gëmwëëre kangë. Gwa njëa ëyëë Setani atinjë udaha umughema nyenye mutënde ihutye gusoko a nyenye udëa gëbala itang'ana ranyu ra gëmwëëre. 6Nene ntiumuraghëëya nyenye mureke utënda wuu, ëgweeso në umurekea nyenye mutënde mwino mufenja. 7Nene ngufenja mwino voongë samwë mwino nene. Ëgweeso mu muntu wafewe gëfëwe nëgësya ufuma kunë Muungu. Umwedu wafewe gëfewa ëkëë na ungëja wafewe gëfewa gëngëja.
8Itungwee, nene nguvasëya aghosya avoo mukhatë anyu nëkëë vëtëroghoe nanë ahimbë mwino në vija nanguu kunë nyenye mufwaghëëre usigha mutiroghoe mwino nene mughonjo. 9Ëgweeso nesa veeso vëtiudaha gibala veeso aghonjo, inoneye veeso vëroghoe. Gusoko në vija nanguu uroghoa ukëra ufësiwa na nkumbu a utang'ana gëmwëërë.
10Gwa avoo nëviroghoe nene guvafa iraghëëyo, ti nene ëgweeso Müküü, mwino mukhema atinoneye utëmanuka ufuma kunë mughosya wakwe. 11(Ëgweeso nësa mweeso ugutenda wuu, bahu mweeso asighe imwene në ti uvii bahu amusukëe mughosya wakwe). Na uvii mughosya atinoneye umureka mukhema wakwe.
12Gwa avoo nëvësigie nene nguhanya, ti Müküü, mwino nesa mughosya gëkaku Mukiristo wina mukhema unë atihuvëe, na mweeso urumëyë uduva vinakwe, mughosya atinoneye umureka mukhema wakwe. 13Nesa mukhema gëkaku wina mughosya unë atihuvëe, na mughosya urumëye uduva vinakwe, mukhema atinoneye amureke mughosya wakwe. 14Gusoko mughosya në atihuvëe ugukhuvëywa kunë Muungu ukëërëa kunë mukhema wakwe, na mukhema në ti Mukiristo ugukhuvëywa kunë Muungu ukëërëa mughosya wakwe. Mbesa ti uwuu, vana vanyu sa vëkhombekie, ëgweeso mwino chu gwë uwuu veeso veru. 15Ëgweeso nesa umwedu wa anyagiroghoa në atihuvëe wahunukwa utëmanuka, mureki mweeso atënde uwuu. Mung'ë a ihanyo mwino ërëë mughosya në muhuvëi mba mukhema në muhuvëi ugutënda atitungiwe mu maroghoe. Gusoko Muungu wamwëtaanie nyenye muduve gwa majëghana. 16Mukhëma në Mukiristo, ugumanyawure fangëja veve udahëtë umutyoa mughosya wako? Mughosya në Mukiristo, ugumanya wurë fangëja veve udahëtë umutyoa mukhema wako?
Imunoneye Nyenye Muduve Mwino Muungu Ugufenja Nyenye muduve
17Mu muntu nëaduve uduvo unë Müküü wamuvaghaniye mweeso, na unë Muungu wamwëtanie mweeso. Ërëë në iraghëëyo rane gwa makanisa oong'e. 18Urëfo muntu anyu nënaa utowe ngovi itungo nënaa Muungu wamwëtaanie nyenye? Muntu mwino wasuu ataheyee mavamba a utowa ngovi, urëfo muntu mukhatë anyu naatitowe ngovi itungo nënaa Muungu wamwëtaanie nyenye? Muntu mwino wasuu atafenje mavamba a utowa ngovi. 19Gusoko ti gëntu mba mughosya watowa ngovi mba inatowa ngovi, ëgweeso në rina ryana nëutënda asaa në Muungu uguyaraghëëya. 20Mu muntu inoneye asighe uwuu mwino naa urë itungo nënaa Muungu wamwëtaanie mweeso. 21Veve naa umutughwa itungo nënaa Muungu wagwëtanie vevena? A, utakeere mbanduvë. Ëgweeso nesa veve ukwetë iyoma ra utëndeka muntu në winauhaghaaro, rëtumëe iyoma rasëë. 22Gusoko mweeso unë arë Müküü wamwëtanie mwino mutughwa në muntu nëwafewe uhaghaaro wa Müküü. Viuyi viuyi mweeso unë arë wina uhaghaaro itungo në arë waëtaniwe në mutughwa wamwa Kiristo. 23Muungu wamughurye nyenye; uvii utatëndeke umutughwa, wa muntu ungëja. 24Uvii arunaane, itungo nënaa Muungu wamwëtaanie nyenye, mu muntu mukhatë anyu naa wë uwuu mwino naa urë. Uvii mweeso nëasighe uvii usonge a Muungu.
Mawëyo neeghokee Antu nëvëtiiroghoe nanë Ahimbë
25Itungwee gwa uhonga avoo nëvëtiroghoe mba uroghowa, Müküü inampaa nene iraghëëyo roomg'e. Ëgweeso nene nguduya masëgho ane mwino umwedu unë gwa gëhe ga Müküü nene në muhuvëi. 26Nene ngughema gwa gihenga makhasëko nëërëfo, në vija nanguu gwa muntu usigha mwino urë. 27Kunë veve neuroghoe utungiwe na mukhemana? Utafenje utënda wina uhaghaaro. Veve wina uhagharo ufuma kunë mukhemana? Kunë veve nëutiroghoe utafenje uroghoa. 28Ëgweeso nësa uguroghoa, utiutenda ihutye, na nesa muncha uguroghowa mweeso atiutënda ihutye. Kë nyenye nëmuroghoe mba uroghowa mwinjë uhanga mampënga a mu urëmi, na nene ngumughoja nyenye na mampënga asaa. 29Nene nina ryana tëërë arunaane, itungo në sese guduvie rëtiurifëcha nanguu. Ufuma itungwee na gwenda usonge, avoo në vina akhema nëvëduve mwino antu nëvinaroghoa. 30Na avoo unë vëuhongeya nëvëtënde mwino antu nëvinahongeeya. Na avoo unë vëgiririsya nëvëtënde mwino antu vëvinagiririsya. Na avoo nëvëughura nëvëtënde mwino antu nëvëtikweti mantu. 31Na avoo unë nëvëunyomekaa na mantu a mu urëmi nëvëtënde mwino antu nëvëtiunyomekaa na urëmi. Gusoko urëmi uruu ugukëra na mantu ayo.
32Nene ngufenja nyenye mutënde mwë veru ufuma nkumbu yoong'e. Mughosya në atiroghoe wë nkumbu na mantu a Mukhuu, mwino ugumuyanjisya Müküü. 33Ëgweeso mughosya nëuroghoe wina nkumbu na mantu a mu urëmi, mwino ugumuyanjisya mukhema, 34na mafenji ina nkhoo ivëë. Na mukhema në atiroghowe mba muncha wë nkumbu na mantu a Müküü, mwino ugutëndeka mweru mu mwëërë nanë mu nkhoo. Ëgweeso mukhema në uroghowe wë nkumbu na mantu a mu urëmi mwino ugumuyanjisya mughosya wakwe. 35Nene ngurighëëtya vii gusoko a sao anyu, nene ntiumughiya nyenye gwa njëa oong'e. Ëgweeso nene ngufenja nyenye muduve uduvi në uja na mudahe giduya nyee mwë woong'e mung'ë a umwitumëkëa Müküü.
36Nesa muntu gëkaku ugoona mwino mweeso atiudaha uduva vija usonge a muchumba wakwe, nësa nkumbu ya utang'ana gëmwëërë ina muchumba wakwe yina nguu, na mweeso ugitëgheeya mwino inoneye veeso viroghoe, uvii inoneye veeso viroghoe mwino mweeso ugufenja. Gutie ihutye gwa utënda uwuu. 37Ëgweeso muntu woong'e nëugumëtukanëya nkhoo akwe, gutië muntu nëugumwonyeya atënde uwuu. Ëgweeso nesa wina udaho wa gibala nkumbu yakwe, na waramwue utënda uwuu munkhoo akwe, afwaghëëre umutënda muchumba wakwe, uvii ugutënda vija gwa udëa umuroghoa muncha wasuu. 38Uvii mughosya wasuu nëugumuroghoa muncha nëutureywe ikhomo ugutenda vija; na mweeso unë ugighiya umuroghoa muncha nëuturëywe ikhomo winjë utënda vija nanguu.
39Mukhema utungiwe na mughosya wakwe itungo nëvëuduva vinakwe. Nësa mughosya wakuya mweeso wë mwarye uroghowa na muntu unë mweeso wamuyanjaa, ëgweeso inoneye maroghoe ëtende a Gëkitisto. 40Ëgweeso gwa uramwui wane mukhema uguyanjëcha nësa winjë usagha mwino mweeso urë. Na nene ngughema mwino Mwahu Mweru untongeere nene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.