1 Akorinto 4
4
Sese gwe Atumami unë Gumwëtumëkëa Kiristo
1Ëyëë në mwino muntu winjë ugughema sese, mwino atumwa vamwa Kiristo nanë aghondanëyi va gëmpëhë ga Muungu. 2Nërëufenjiwa ino gwa aghondanëyi në veeso vëtende ahuvëi. 3Ëgweeso kunë nene në intu inyui nanguu në nene ninjë uramwuwa na nyenye mba na barasa gëkaku a gëuntu. Mbesa nene ntinjë giramwua mughonjo. 4Nene ntimanyie intu ra untenda nigione në muhutii mughonjo; ëgweeso ntigivarëya tutë. Në Müküü unë unoneye undamwua nene. 5Uvii mutaje uramwua në itungo kë rinafika, në këë Mukuu inaja. Mweeso winjë uyavëka mantu mu weru në itungwee ifihie mu kitë na ujie uraghëëra daaji ndolyo ya nkhoo ya antu. Uvii Muungu winjë umufa mu muntu asi në mweeso unoneye.
6Nene nendie uyakengeya oong'e ayaa kunë nene mughonjo nanë kunë Afolo gwa sao anyu aruna ane, uvii mudahe gisëya gwa nyinkhori itu ti gunji gwa ayoo nëëandëkiwe, atadwëëre muntu mukhatë anyu nëwinjë gitenda gusoko amwa uyuu hiya na ungëja. 7Gusoko anyu nëugonaa gëntu në gë hiya mukhatë anyu? Ntuni në nyenye mukhwete në mwinaghenyifaa? Gusoko Muungu wamufee nyenye mantu ayaa, nyenye mutina soko a gitenda.
8Nyenye mwadahie gijuywa! Nyenye mwadahie utendeka mwi aghwarë! Nyenye mwatendekie mwë atemi ti gusoko itu. Nene ngufenja mwende utema gusoko sese gudahe utema itambëëmwe nanyee. 9Nene ngughema mwino Muungu wadahie uguhwania sese atumami antu va mpeo mu Kanisa, gwikhwetë na antu nëvaramwueywe ukuya. Gusoko urëmi woong'e wa va malaëka nanë wa anantu veugurarava sese intu ra uhecha mba giisëywa. 10Sese gwë afutu gusoko amwa Kiristo, ëgweeso nyenye mwë ihaa mukhatë amwa Kiristo. Sese gwe alegheku, ëgweeso nyenye mwinanguu. Antu vëmukuriye nyee, ëgweeso veeso vëguhoriye see. 11Gwa itungo nërërefo sese gutëgheeye njaa nanë nyweta, sese gwëgëfuyu nanë ukhuwa nkundë. Sese gutina wikhoo nëudwëëre, 12na sese gutenda mwëëmo, gutenda mwëmo gwa mëkhono itu. Itungo në antu vëugutuka sese, sese guvaforya veeso; itungo në veeso vëugukhasya sese, sese gudaha ughimëëya makhasëko ayaa. 13Itungo në sese gutonerwa, sese gusucha gwa nkhani ni mpoo. Sese gwatëndekie, na gwe uwu itungwee, mwino antu nëvëuhitwaa mu urëmi, mwino mpaara nëyauhunuwa gëkhandë.
14Nene nti gwandëka vii umuvirya nyenye mënyaa, ëgweeso umusëya nyenye mwino anaane në ayanjwi. 15Gusoko mbesa nyenye mukwetë atongeeri maghana a njou na maghana a njou mung'ë amwa Kiristo, kë nyenye mutikwetë va tata vingë. Nene natëndekie mwino tata kunë nyenye mung'ë amwa Yesu Kiristo ukëërëa Sayu Njija. 16Uvii, nene ngumunena nyenye, mwino muhonge nyinkhori në nene nadahie uvëka gusoko anyu. 17Uvii nene ngumutuma Timoteo, muyanjwi wane na mwanane në muhuvëi mung'ë a Müküü. Mweeso ugumusacha nyenye ukumbukwa ntende ëyoo në nene niihongie mung'ë a ukhuvëi itambëëmwe na Kiristo. Ntende iyii unë nene nguisëëya mu maburi oong'e a Akiristo ng'andë yoong'e. 18Antu vëgëtunga vatendie vëgëdida mwino mbesa nene ntiudaha uja umusoya nyenye. 19Ëgweeso nene nëjie kunë nyenye matiku ayaya, nesa Müküü wayanja. Nene nëjie umanya gwa tutë ti murighëtyo wa anyagëdëda avaa gutufu ëgweeso udaho wawe. 20Utëmi wa Muungu uguraghëërwa mung'ë a uduvi wa antu gwa asaa nëvëuyatënda ukëëra gwa ayo në veeso vëuhanya. 21Nyenye mufenja ntuni? Nene nëje kunë nyenye na mwanga, inoneye nëje umuhutua mba nene nëje na uyanjo na nkhoo a ufoo?
Currently Selected:
1 Akorinto 4: RNT
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.
1 Akorinto 4
4
Sese gwe Atumami unë Gumwëtumëkëa Kiristo
1Ëyëë në mwino muntu winjë ugughema sese, mwino atumwa vamwa Kiristo nanë aghondanëyi va gëmpëhë ga Muungu. 2Nërëufenjiwa ino gwa aghondanëyi në veeso vëtende ahuvëi. 3Ëgweeso kunë nene në intu inyui nanguu në nene ninjë uramwuwa na nyenye mba na barasa gëkaku a gëuntu. Mbesa nene ntinjë giramwua mughonjo. 4Nene ntimanyie intu ra untenda nigione në muhutii mughonjo; ëgweeso ntigivarëya tutë. Në Müküü unë unoneye undamwua nene. 5Uvii mutaje uramwua në itungo kë rinafika, në këë Mukuu inaja. Mweeso winjë uyavëka mantu mu weru në itungwee ifihie mu kitë na ujie uraghëëra daaji ndolyo ya nkhoo ya antu. Uvii Muungu winjë umufa mu muntu asi në mweeso unoneye.
6Nene nendie uyakengeya oong'e ayaa kunë nene mughonjo nanë kunë Afolo gwa sao anyu aruna ane, uvii mudahe gisëya gwa nyinkhori itu ti gunji gwa ayoo nëëandëkiwe, atadwëëre muntu mukhatë anyu nëwinjë gitenda gusoko amwa uyuu hiya na ungëja. 7Gusoko anyu nëugonaa gëntu në gë hiya mukhatë anyu? Ntuni në nyenye mukhwete në mwinaghenyifaa? Gusoko Muungu wamufee nyenye mantu ayaa, nyenye mutina soko a gitenda.
8Nyenye mwadahie gijuywa! Nyenye mwadahie utendeka mwi aghwarë! Nyenye mwatendekie mwë atemi ti gusoko itu. Nene ngufenja mwende utema gusoko sese gudahe utema itambëëmwe nanyee. 9Nene ngughema mwino Muungu wadahie uguhwania sese atumami antu va mpeo mu Kanisa, gwikhwetë na antu nëvaramwueywe ukuya. Gusoko urëmi woong'e wa va malaëka nanë wa anantu veugurarava sese intu ra uhecha mba giisëywa. 10Sese gwë afutu gusoko amwa Kiristo, ëgweeso nyenye mwë ihaa mukhatë amwa Kiristo. Sese gwe alegheku, ëgweeso nyenye mwinanguu. Antu vëmukuriye nyee, ëgweeso veeso vëguhoriye see. 11Gwa itungo nërërefo sese gutëgheeye njaa nanë nyweta, sese gwëgëfuyu nanë ukhuwa nkundë. Sese gutina wikhoo nëudwëëre, 12na sese gutenda mwëëmo, gutenda mwëmo gwa mëkhono itu. Itungo në antu vëugutuka sese, sese guvaforya veeso; itungo në veeso vëugukhasya sese, sese gudaha ughimëëya makhasëko ayaa. 13Itungo në sese gutonerwa, sese gusucha gwa nkhani ni mpoo. Sese gwatëndekie, na gwe uwu itungwee, mwino antu nëvëuhitwaa mu urëmi, mwino mpaara nëyauhunuwa gëkhandë.
14Nene nti gwandëka vii umuvirya nyenye mënyaa, ëgweeso umusëya nyenye mwino anaane në ayanjwi. 15Gusoko mbesa nyenye mukwetë atongeeri maghana a njou na maghana a njou mung'ë amwa Kiristo, kë nyenye mutikwetë va tata vingë. Nene natëndekie mwino tata kunë nyenye mung'ë amwa Yesu Kiristo ukëërëa Sayu Njija. 16Uvii, nene ngumunena nyenye, mwino muhonge nyinkhori në nene nadahie uvëka gusoko anyu. 17Uvii nene ngumutuma Timoteo, muyanjwi wane na mwanane në muhuvëi mung'ë a Müküü. Mweeso ugumusacha nyenye ukumbukwa ntende ëyoo në nene niihongie mung'ë a ukhuvëi itambëëmwe na Kiristo. Ntende iyii unë nene nguisëëya mu maburi oong'e a Akiristo ng'andë yoong'e. 18Antu vëgëtunga vatendie vëgëdida mwino mbesa nene ntiudaha uja umusoya nyenye. 19Ëgweeso nene nëjie kunë nyenye matiku ayaya, nesa Müküü wayanja. Nene nëjie umanya gwa tutë ti murighëtyo wa anyagëdëda avaa gutufu ëgweeso udaho wawe. 20Utëmi wa Muungu uguraghëërwa mung'ë a uduvi wa antu gwa asaa nëvëuyatënda ukëëra gwa ayo në veeso vëuhanya. 21Nyenye mufenja ntuni? Nene nëje kunë nyenye na mwanga, inoneye nëje umuhutua mba nene nëje na uyanjo na nkhoo a ufoo?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kirimi New Testament © Bible Society of Tanzania, 2008.