Tito Mbaa naaituruku
Mbaa naaituruku
Kore Tito naa keti apa ninye ltung'ana lekue loo Lgirriki ooiruko Yeso tankaraki nkisiaayiare e Paulo. Naa kore apa, kebaki naa nkop e Antiok eti ninche te inia kata. Nesioki apa Paulo agelu ninye metaa laretoni lenye neya meeirukurukore aapuo nkiguana ee Lkipaareta te Yerusalem ta lari le artam o saal eidipaki atiuu Yeso. Indim aing'urai inia ta mpalai naigeroka ꞉Paulo Lgalatia 2:1–3. Ketereto apa ꞉Tito Paulo inia kata apa payie ebik te lkerenket le Epeso ta ng'amata e lototo enye e uni e likoroto ee Lomon Supati. Kore payie eim inia neirruaaya ꞉Paulo ninye mechomo nkanisa e Korinto. Kore tesiedi, neng'asu pukura nkanisa to nkop e Kirete. Kore payie elo kue te inia lototo e likoroto ee Lomon Supati, nejoki Tito payie ewuon te Kirete aing'or inia anisa.
Kebaki naa keigero Paulo ana palai aigeroki Tito te lari le ntomoni ile o ile eidipaki atiuu Yeso, tesiedi ake peneu payie eidip aigero mpalai ekue naigeroka Timoti. Kore inia kata naa kebaki naa ebikito apa te Korinto. Nejoki Tito payie ejing'u meli alotu lkerenket le Nikapolis otii nchepata e nkare ta mbata e ndoroto e ndama e nkop ee Lgirriki. Ng'urai kuna baa to 3:12. Kore ana palai naa ltung'ani oji Sena o Apolos ooyakita Tito. Indim aitoki aisoma ana to 3:13.
Kore mbaa o lkilikuai lena palai naa nchere, keitaparru ꞉Paulo Tito ajoki mbae e tipat oleng teneaku kore larikok ta nkanisa o lkulie ltung'ana pooki le nkanisa, neaku ltung'ana lemeata naporokini te lwuenet lenche. Kore inia, naa tankaraki keyieloi apa Kirete to loloito. Keichiaakino paa kore ltung'ana ooiruko Yeso, newueni lwuenet oiririkino nkiteng'ena supat, aa taa meata ajo pee meaku ltung'ana oocho nkuechi neata nkanyit, neiteng'ena ꞉munyani e Nkai metewueni te nkichon naiting'id Nkai. Kore nkichon natiu nejia naa keata limunoto narrapa alang rereii kumo.
Currently Selected:
Tito Mbaa naaituruku: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy