Tito 1
1
Nkirorokino naing'uaa Paulo
1Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai. 2Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai. 3Naa kore ta nkata nategelua ꞉Nkai nara Laitejeunoni lang, /neibalunyie ele kilikuai te likoroto ai laaing'urie matilikoi ana naaitanapa.
4 #
2Lkor 8:23; Lga 2:3; 2Tim 4:10 Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.
Mbaa naayieuni ta larikoni le nkanisa
5Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa. 6#1Tim 3:2–7Kore larikoni le nkanisa, naa meata ajo meaku ltung'ani lemeata nakurrieki, nera lpayian le ntomononi nabo ake, neiruko ꞉nkera enyena Laitoriani namara nkera naaichirkal anaa nemening'icho. 7Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani. 8Meata ajo mera ltung'ani oitoomonicho, necham mbaa supati, neibooyo koon. 9Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori. 10Amu keatae ltung'ana kumo lemeyanyit rikore, lolo ooiro mbaa nemeata tipat nera lasapak, naleng lolo Yiaudi ooiruko Yeso. 11Meata ajo mijoki metiripa nkutukie, amu keing'oling'olita nkang'ite eiteng'enicho mbaa nemeyiere neiteng'enicho tankaraki keiyieu ninche netum ntoki to nkoitiei e monkoichio. 12Ketii abaki lobo lenche, loiboni lenche loo Lkirete otejo,
<<Kore chiaake ltung'ana loo Lkirete naa lasapak,
ng'uesi torrok, naa ltachala oogut.>>
13Kore ana limunoto naa kesipa. Tankaraki inia, ng'odia ninche te mpijan, payie etum aaipidari to nkurukoto 14nemeitoki aairukurukore nkatinin ee Lyiaudi anaa nkitanapat ee ltung'ana ooibelekenyete aaing'uaa ndedei. 15Kore mbaa pooki naa keichiaakino tekue Nkai too ltung'ana ooituko nera supati, kake kore too lolo oaatarroitie nemeiruk naa meatae ntoki naichiaakino tekue Nkai. Kore abaki mparrunot enche o nkidimata namusunyie ntoki supat o ntorno naa ketarroitie. 16Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.
Currently Selected:
Tito 1: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
Tito 1
1
Nkirorokino naing'uaa Paulo
1Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai. 2Kore ana dedei naa keicho ninche siligi le nkichon ee ntarasi, le lekutuk oitayia apa ꞉Nkai ewuon apake eitu eitibiruni nkop, nemesapicho Nkai. 3Naa kore ta nkata nategelua ꞉Nkai nara Laitejeunoni lang, /neibalunyie ele kilikuai te likoroto ai laaing'urie matilikoi ana naaitanapa.
4 #
2Lkor 8:23; Lga 2:3; 2Tim 4:10 Kaairoroki iyie Tito, nkerai ai nadede to nkurukoto niking'ar. Metaa munyani o sotua oing'uaa Nkai Papa o Kristo Yeso Laitejeunoni lang, tenebo o iyie.
Mbaa naayieuni ta larikoni le nkanisa
5Ana apa payie aatung'aiyie te lkuran le Kirete, nchere payie itum atererio mbaa naawuon eng'or, nigelu larikoni le nkanisa tee lkerenketi pooki ana naaitanapa apa. 6#1Tim 3:2–7Kore larikoni le nkanisa, naa meata ajo meaku ltung'ani lemeata nakurrieki, nera lpayian le ntomononi nabo ake, neiruko ꞉nkera enyena Laitoriani namara nkera naaichirkal anaa nemening'icho. 7Kore tankaraki nara larikoni le nkanisa laing'urani le siaai le Nkai, meata ajo meaku ltung'ani lemeata nakurrieki, namara ltung'ani laa koon ake echam, nemerrirriu asioki, namara lamerani, nemeipatipata, nemeata lubo ee ropiyiani. 8Meata ajo mera ltung'ani oitoomonicho, necham mbaa supati, neibooyo koon. 9Meata ajo meibung akurraki nkiteng'ena nadede ana naiteng'enaki, payie eidim aitogolo ltung'ana ltauja te inia kiteng'ena nadede, neitodol lolo ooibooyo ndedei ajo ketopong'ori. 10Amu keatae ltung'ana kumo lemeyanyit rikore, lolo ooiro mbaa nemeata tipat nera lasapak, naleng lolo Yiaudi ooiruko Yeso. 11Meata ajo mijoki metiripa nkutukie, amu keing'oling'olita nkang'ite eiteng'enicho mbaa nemeyiere neiteng'enicho tankaraki keiyieu ninche netum ntoki to nkoitiei e monkoichio. 12Ketii abaki lobo lenche, loiboni lenche loo Lkirete otejo,
<<Kore chiaake ltung'ana loo Lkirete naa lasapak,
ng'uesi torrok, naa ltachala oogut.>>
13Kore ana limunoto naa kesipa. Tankaraki inia, ng'odia ninche te mpijan, payie etum aaipidari to nkurukoto 14nemeitoki aairukurukore nkatinin ee Lyiaudi anaa nkitanapat ee ltung'ana ooibelekenyete aaing'uaa ndedei. 15Kore mbaa pooki naa keichiaakino tekue Nkai too ltung'ana ooituko nera supati, kake kore too lolo oaatarroitie nemeiruk naa meatae ntoki naichiaakino tekue Nkai. Kore abaki mparrunot enche o nkidimata namusunyie ntoki supat o ntorno naa ketarroitie. 16Keibalie ninche aajo keyielo Nkai kake neitodolu asat enche aajo keany ninye. Kore ninche naa ltung'ana ooitai ntabo, nemening'icho, nemeichiaakino te siaai pooki supat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy