Rroman 3
3
1Naaku amaa, nyo kiret tinira Lyiaudii? Anaa nyo tipat nayau muratare? 2Ikiret tinirara Lyiaudi too nkoitieii kumo. Kore nekue naa Lyiaudi apa eing'urieki rerei lenye. 3Oo sa tenetii lbata lenche lemeata nkurukoto, keicho inia metaa meisiligai Nkai? 4#SNk 51:4Nakaiting'o! Kera Nkai asipani, abaki era pooki tung'ani lasapani,
<<Payie kinkeni iyie Nkai aajo ira loosipat tee rerei linono,
nimiricho tininguanicho>>, ana naigero too lkigerot sinyat.
5-6Keidim ltung'ani neiparu ajo, <<Kake amaa tanaa keicho ntorroni aang metelioi sipata e Nkai, aa naa kijo iyioo? Naa amaa tenegoro Nkai near iyioo, ketaasa sa nemeichiaakino?>> Kukoino! Tanajo nchi, naa kairo ake ana neiko ltung'ana teneiro. Kore tanaa nejia etiu, aji naa eiko Nkai teneiguanare nkop? 7Keidim ltung'ani neiparu ajo, <<Amaa tanaa keibalai sipata e Nkai oleng ta sapare ai payie eichori ninye nkisisa, aanyo naa payie aaiguanareki nanu aajo loo ng'ok?>> 8Kedekita naa iyioo lkulikae aajo, ikijo, <<Mataas naa ntorrok payie eipung'unyie supaticho!>> Naa kedung'oki ninche ꞉Nkai nkiguana naichiaakino.
Etaasa pooki ng'ok
9Naaku kaa taata kijo? Ikilang iyioo Lyiaudi lkulikae? Mikilang hooyia! Amu kindipa duo aaitodolu nchere kore ltung'ana pooki naa taabori ngolon ee ng'ok etii, pee era Lyiaudii anaa Lgirriki 10#SNk 14:1–3, 53:1–3ana nejo Lkigerot,
<<Meatae hoo ltung'ani oara loosipat,
abaki obo.
11Meatae loning'u,
meatae loyieita Nkai,
12keiminaitie pooki,
eima pooki siu,
meatae hoo loasita supat,
abaki obo.>>
13 #
SNk 5:9,
SNk 140:3
<<Kore lgoso lenche naa nkurarei nabolo,
neasichere lng'ejepa lenche aasapichere,
Ketii sayiet e lasurai nkutukie enche.>>
14 #
SNk 10:7
<<Neiro ldeketa torrok oome.>>
15 #
Isa 59:7,8 <<Neten nkejek enche epuo aar ltung'ana metuata,
16neyau mutai o sina neimita,
17nemeyielo ꞉ninche nkoitiei e seriani.>>
18 #
SNk 36:1
<<Nemeata ꞉ninche uriata e Nkai.>>
19Ikiyielo aajo kore mbaa pooki naajo Nkitanapat e Nkai, naa lolo ootii taabori nenia Kitanapat ejoki, payie meatae hoo obo oata mbae najo, nepiki nkop pooki taabori nkiguana e Nkai. 20#SNk 143:2; Lga 2:16Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.
Sipata nayau sotua oipida o Nkai
21Kake kore taata naa eibalunyieki sipata naing'uaa Nkai, nayau sotua oipida o ninye mikimbung ana nayieu nkitanapat. Ketilimutua Nkitanapat o loibonok le Nkai inia sipata. 22#Lga 2:16Kore inia sipata e Nkai naa ketumi to nkoitiei e nkurukoto taatua Yeso Kristo, neichori lolo pooki ooiruk menya ajo ng'ae era. 23Amu etaasa pooki ng'ok, nelau nkitoo e Nkai, 24naa keitaa ꞉Nkai ltung'ani loosipat pecheu to munyani enye tankaraki ketalakua ninche ꞉Kristo Yeso. 25-26Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.
27Naaku naa, nyo kilachie iyioo? Meitoki kilachie. Aanyo payie kijo nejia? Tankaraki nikimbung'a nkitanapat? Mara, kake tankaraki nikimbung'a nkurukoto. 28Amu ikinken nchere te nkurukoto eitaa ꞉Nkai ltung'ani loosipat, namara teneas naayieu Nkitanapat. 29-30#Nkit 6:4; Lga 3:20Anaa amaa, kera Nkai Nkai ee Lyiaudi aapeny? Mera sii ninye Nkai ee lkulie oreren? Kore amu nabo Nkai naitaa Lyiaudi loosipat teneiruk ninye, neitaa sii lkulie oreren loosipat to nkurukoto, naaku kesipa kera sii Nkai e lkulie oreren. 31Naa amaa, ikintaa nkitanapat meitoki tankaraki ana kurukoto? Mikintaa hooyia! Kake ikimbung Nkitanapat.
Currently Selected:
Rroman 3: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Rroman 3
3
1Naaku amaa, nyo kiret tinira Lyiaudii? Anaa nyo tipat nayau muratare? 2Ikiret tinirara Lyiaudi too nkoitieii kumo. Kore nekue naa Lyiaudi apa eing'urieki rerei lenye. 3Oo sa tenetii lbata lenche lemeata nkurukoto, keicho inia metaa meisiligai Nkai? 4#SNk 51:4Nakaiting'o! Kera Nkai asipani, abaki era pooki tung'ani lasapani,
<<Payie kinkeni iyie Nkai aajo ira loosipat tee rerei linono,
nimiricho tininguanicho>>, ana naigero too lkigerot sinyat.
5-6Keidim ltung'ani neiparu ajo, <<Kake amaa tanaa keicho ntorroni aang metelioi sipata e Nkai, aa naa kijo iyioo? Naa amaa tenegoro Nkai near iyioo, ketaasa sa nemeichiaakino?>> Kukoino! Tanajo nchi, naa kairo ake ana neiko ltung'ana teneiro. Kore tanaa nejia etiu, aji naa eiko Nkai teneiguanare nkop? 7Keidim ltung'ani neiparu ajo, <<Amaa tanaa keibalai sipata e Nkai oleng ta sapare ai payie eichori ninye nkisisa, aanyo naa payie aaiguanareki nanu aajo loo ng'ok?>> 8Kedekita naa iyioo lkulikae aajo, ikijo, <<Mataas naa ntorrok payie eipung'unyie supaticho!>> Naa kedung'oki ninche ꞉Nkai nkiguana naichiaakino.
Etaasa pooki ng'ok
9Naaku kaa taata kijo? Ikilang iyioo Lyiaudi lkulikae? Mikilang hooyia! Amu kindipa duo aaitodolu nchere kore ltung'ana pooki naa taabori ngolon ee ng'ok etii, pee era Lyiaudii anaa Lgirriki 10#SNk 14:1–3, 53:1–3ana nejo Lkigerot,
<<Meatae hoo ltung'ani oara loosipat,
abaki obo.
11Meatae loning'u,
meatae loyieita Nkai,
12keiminaitie pooki,
eima pooki siu,
meatae hoo loasita supat,
abaki obo.>>
13 #
SNk 5:9,
SNk 140:3
<<Kore lgoso lenche naa nkurarei nabolo,
neasichere lng'ejepa lenche aasapichere,
Ketii sayiet e lasurai nkutukie enche.>>
14 #
SNk 10:7
<<Neiro ldeketa torrok oome.>>
15 #
Isa 59:7,8 <<Neten nkejek enche epuo aar ltung'ana metuata,
16neyau mutai o sina neimita,
17nemeyielo ꞉ninche nkoitiei e seriani.>>
18 #
SNk 36:1
<<Nemeata ꞉ninche uriata e Nkai.>>
19Ikiyielo aajo kore mbaa pooki naajo Nkitanapat e Nkai, naa lolo ootii taabori nenia Kitanapat ejoki, payie meatae hoo obo oata mbae najo, nepiki nkop pooki taabori nkiguana e Nkai. 20#SNk 143:2; Lga 2:16Amu meatae ltung'ani oikeni aajo loosipat too nkonyek e Nkai eji tankaraki naibung'a nkitanapat e Nkai, amu kore siaai loo Nkitanapat naa payie eiteyielo ltung'ana ajo nyo ng'ok.
Sipata nayau sotua oipida o Nkai
21Kake kore taata naa eibalunyieki sipata naing'uaa Nkai, nayau sotua oipida o ninye mikimbung ana nayieu nkitanapat. Ketilimutua Nkitanapat o loibonok le Nkai inia sipata. 22#Lga 2:16Kore inia sipata e Nkai naa ketumi to nkoitiei e nkurukoto taatua Yeso Kristo, neichori lolo pooki ooiruk menya ajo ng'ae era. 23Amu etaasa pooki ng'ok, nelau nkitoo e Nkai, 24naa keitaa ꞉Nkai ltung'ani loosipat pecheu to munyani enye tankaraki ketalakua ninche ꞉Kristo Yeso. 25-26Ninye eibukori lodo, neitaa ꞉Nkai tekue ltung'ana pooki lasar loo ng'ok, naa to nkurukoto eng'amari ninye. Neas ana payie eitodolu sipata enye, amu kore apa te ng'iriata enye naa keichoo ltung'ana mechomo eitu eitalak ng'ok enche. Neitodolu taata tana ng'amata sipata enye nchere, kera ninye loosipat naa keitaa ilo tung'ani oiruko Yeso loosipat.
27Naaku naa, nyo kilachie iyioo? Meitoki kilachie. Aanyo payie kijo nejia? Tankaraki nikimbung'a nkitanapat? Mara, kake tankaraki nikimbung'a nkurukoto. 28Amu ikinken nchere te nkurukoto eitaa ꞉Nkai ltung'ani loosipat, namara teneas naayieu Nkitanapat. 29-30#Nkit 6:4; Lga 3:20Anaa amaa, kera Nkai Nkai ee Lyiaudi aapeny? Mera sii ninye Nkai ee lkulie oreren? Kore amu nabo Nkai naitaa Lyiaudi loosipat teneiruk ninye, neitaa sii lkulie oreren loosipat to nkurukoto, naaku kesipa kera sii Nkai e lkulie oreren. 31Naa amaa, ikintaa nkitanapat meitoki tankaraki ana kurukoto? Mikintaa hooyia! Kake ikimbung Nkitanapat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy