Rroman 16
16
1Karrepaki ntae nkanache ang Pibi, nkaisiayiani ta nkanisa natii Kenkerea, 2payie ing'amaa taatua Laitoriani ana naichiaakino sinyat le Nkai, niretret to pooki nayieunyie ninye ntae, amu ketaa ninye nkaretoni too ltung'ana kumo ati sii nanu. 3#Asat 18:2Eroroki Pirisila o Akuila naasita siaai le Kristo Yeso tenebo o nanu. 4Kore apa ninche, ketachamaitie aanang nanu. Naa karrinyoki ninche nache, namara nanu apeny orrinyoki kake abaki nkanisani pooki ee loreren lamara loo Lyiaudi. 5Eroroki aitoki nkanisa nati nkaji enche, nirorokiki sii sotua lai lacham oji Epaneto, ilo oara ltung'ani lekue ta mbata e Asia oibelekenyakine Kristo tankaraki likoroto ai, 6nirorokiki Maria inia natonyuaa aasaki ntae siaai oleng, 7nirorokiki ltung'ana lo lorere lai, Andironika o Yunias o lolo ooteenaki tenebo o nanu, nera sii ltung'ana oaayanyiti taatua Lkipaareta, naa ketii apa ninche atua Kristo tekue nanu, 8nirorokiki aitoki Apilianto sotua lai lacham taatua Laitoriani, 9nirorokiki Urbano naasita siaai le Kristo tenebo o iyioo, nirorokiki sii sotua lai lacham oji Sitakisi, 10nirorokiki Apeles ilo oatasaanaki nechamari taatua Kristo, nirorokiki lolo le nkaji e Arisitobulo, 11nirorokiki Erodion, ltung'ani lo lorere lai, nirorokiki lolo tung'ana le nkaji e Naresiso, oaara la Laitoriani 12nirorokiki Tiripena o Tiriposa, ntomonok naasicho to nyuata taatua Laitoriani, nirorokiki Peris ntomononi nachami, inia natonyuaa taatua Laitoriani, 13#Mrk 15:21nirorokiki Rrupo, ilo oisul taatua Laitoriani o ng'otonye nara sii yieyio lai, 14nirorokiki Asinkirito o Pilegon o Armas o Patirrobas o Ermes o lalachera ootii tenebo o ninche 15nirorokiki Pilogo o Yulia, nintokiki Nereo o nkanache enye, nirorokiki Olimpa o sinyat pooki ootii tenebo o ninche. 16Erorokinoto ntae to ngusoto e nchaman.#16:16 Kore ngusoto naa nkoitiei apa nairorokinereki te inia kata. Eiroroki ntae ꞉nkanisani pooki e Kristo.
Nkitaarriyiana e siedi
17Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche! 18Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae. 19Kake keyielo pooki ng'ae ajo ining'ining ntae Lomon Supati, naa ikinting'idita nanu te inia. Kayieu niatata ntae ng'eno taa mbaa supati, niakuku lemeata ntioto taa mbaa torrok. 20Kore te nkini kata, kerrar ꞉Nkai e sotua Chitani taabori nkejek inchi. Metaa munyani e Laitoriani lang Yeso Kristo tenebo o ntae.
Nkirorokino e siedi
21 #
Asat 16:1
Eiroroki ntae Timoti, oasicho tenebo o nanu, neiroroki sii ntae Lusio o Yason o Sosipita, oaara ltung'ana lo lorere lang. 22Kore sii nanu Tertio oigerito ana palai, naa kairoroki ntae taatua Laitoriani, 23#Asat 19:29; 1Lkor 1:14, 2Tim 4:20neiroroki ntae Gayo, ilo laa nkaji enye awuenie naa ta nkang enye sii etumo nkanisa pooki. Eiroroki ntae Erasito ilo oara laibung'ani loo ropiyiani e ele kerenket, neiroroki sii ntae lalache lang Kuarto.
Nkisisa e siedi
25-27Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.
Currently Selected:
Rroman 16: saq
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy
Rroman 16
16
1Karrepaki ntae nkanache ang Pibi, nkaisiayiani ta nkanisa natii Kenkerea, 2payie ing'amaa taatua Laitoriani ana naichiaakino sinyat le Nkai, niretret to pooki nayieunyie ninye ntae, amu ketaa ninye nkaretoni too ltung'ana kumo ati sii nanu. 3#Asat 18:2Eroroki Pirisila o Akuila naasita siaai le Kristo Yeso tenebo o nanu. 4Kore apa ninche, ketachamaitie aanang nanu. Naa karrinyoki ninche nache, namara nanu apeny orrinyoki kake abaki nkanisani pooki ee loreren lamara loo Lyiaudi. 5Eroroki aitoki nkanisa nati nkaji enche, nirorokiki sii sotua lai lacham oji Epaneto, ilo oara ltung'ani lekue ta mbata e Asia oibelekenyakine Kristo tankaraki likoroto ai, 6nirorokiki Maria inia natonyuaa aasaki ntae siaai oleng, 7nirorokiki ltung'ana lo lorere lai, Andironika o Yunias o lolo ooteenaki tenebo o nanu, nera sii ltung'ana oaayanyiti taatua Lkipaareta, naa ketii apa ninche atua Kristo tekue nanu, 8nirorokiki aitoki Apilianto sotua lai lacham taatua Laitoriani, 9nirorokiki Urbano naasita siaai le Kristo tenebo o iyioo, nirorokiki sii sotua lai lacham oji Sitakisi, 10nirorokiki Apeles ilo oatasaanaki nechamari taatua Kristo, nirorokiki lolo le nkaji e Arisitobulo, 11nirorokiki Erodion, ltung'ani lo lorere lai, nirorokiki lolo tung'ana le nkaji e Naresiso, oaara la Laitoriani 12nirorokiki Tiripena o Tiriposa, ntomonok naasicho to nyuata taatua Laitoriani, nirorokiki Peris ntomononi nachami, inia natonyuaa taatua Laitoriani, 13#Mrk 15:21nirorokiki Rrupo, ilo oisul taatua Laitoriani o ng'otonye nara sii yieyio lai, 14nirorokiki Asinkirito o Pilegon o Armas o Patirrobas o Ermes o lalachera ootii tenebo o ninche 15nirorokiki Pilogo o Yulia, nintokiki Nereo o nkanache enye, nirorokiki Olimpa o sinyat pooki ootii tenebo o ninche. 16Erorokinoto ntae to ngusoto e nchaman.#16:16 Kore ngusoto naa nkoitiei apa nairorokinereki te inia kata. Eiroroki ntae ꞉nkanisani pooki e Kristo.
Nkitaarriyiana e siedi
17Kaitaarriyian ntae lalachera o nkanachera, entodol lolo ooyau oro o mbaa naaitopong'oo aaitung'aa ntae inia kiteng'ena apa naiteng'enaki ntae. Naaku entalam ninche! 18Amu kore ltung'ana ootuwuana lolo, naa meisiaita Kristo Laitoriani lang, kake nkochuaa naarikito. Naa kore tee rereii supati nemelok, neitamae ꞉ninche ltung'ana oaamae. 19Kake keyielo pooki ng'ae ajo ining'ining ntae Lomon Supati, naa ikinting'idita nanu te inia. Kayieu niatata ntae ng'eno taa mbaa supati, niakuku lemeata ntioto taa mbaa torrok. 20Kore te nkini kata, kerrar ꞉Nkai e sotua Chitani taabori nkejek inchi. Metaa munyani e Laitoriani lang Yeso Kristo tenebo o ntae.
Nkirorokino e siedi
21 #
Asat 16:1
Eiroroki ntae Timoti, oasicho tenebo o nanu, neiroroki sii ntae Lusio o Yason o Sosipita, oaara ltung'ana lo lorere lang. 22Kore sii nanu Tertio oigerito ana palai, naa kairoroki ntae taatua Laitoriani, 23#Asat 19:29; 1Lkor 1:14, 2Tim 4:20neiroroki ntae Gayo, ilo laa nkaji enye awuenie naa ta nkang enye sii etumo nkanisa pooki. Eiroroki ntae Erasito ilo oara laibung'ani loo ropiyiani e ele kerenket, neiroroki sii ntae lalache lang Kuarto.
Nkisisa e siedi
25-27Meeichori inia Ai ake nabo ng'en naidim aichoo ntae ngolon, nkisisa te Yeso Kristo! Keidim ninye aitogolo ntae ana neiteng'en ntae likoroto ai ee Lomon Supati, inia likoroto naipirita Kristo Yeso, ndedei nemeidimai payie eyielouni kake neibalunyieki taata. Keisudoro apa too ntowuon o ntowuon, kake kore taata, naa keibalunyieki neiteyieloki loreren pooki too lkigerot le naibon, ana naitanapa ꞉Nkai ee ntarasi, payie etum ninche aatining Nkai teneiruk Lomon Supati likilikorita. Metaa nenye nkisisa ntarasi, Aamin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2021, Bible Translation and Literacy