Pilemon 1
1
1Kore nanu Paulo oena tankaraki Laitejeunoni Yeso o lalache lang Timoti, naa ikiroroki iyie Pilemon lchore lang likicham, kiasaki Nkai siaai tenebo. 2#Lkol 4:17Nikiroroki sii iyie Apia nkanache ang o iyie Arkipo lboitiei lang kira sikarini te Kristo, o looiruko Kristo ootumo aasai Nkai ta nkaji ino. 3Meichoo ntae Nkai Papa lang o Laitoriani lang Yeso Kristo munyani o seriani.
Nache o nkomono e Paulo tankaraki Pilemon
4Kaicho Nkai nache nkatitin pooki tanaaparru iyie to nkomono ai, 5tananing nkurukoto niata ta Laitoriani Yeso o nchaman niata too sinyat lenyena pooki. 6Naomon metaa kore inia kurukoto niking'ar tenebo, neaku keasicho te yielounoto e ntoki pooki supat nikiata taatua Kristo. 7Kore nchaman ino naa kaaiting'ida oleng naaitogol sii, amu keisiate ltauja loo sinyat tankaraki iyie, lalache lai.
Etoomono ꞉Paulo Pilemon metapaliki Onesimas
8Kore tankaraki inia, abaki duo aitieu atiaki taasa mbaa naaichiaakino nias taatua Kristo, maajoki taasa. 9Kore naas tankaraki nchaman, kaalej nanu ꞉Paulo, lpayian arrarri oena taata tankaraki Kristo Yeso. 10#Lkol 4:9Kaalej tankaraki nkerai ai naji Onesimas,#1:10 Kore Onesimas neipirita Ilo oata dikir naa nkarna apa ee rrindiki nayieloi. inia nataa ꞉papa lenye le nkiyeng'et, apa ewuon aena. 11Meata apa ninye dikir te iyie, kake keata taata te iyie o ta nanu. 12Naa kore ninye lacham oleng, kareu nitii. 13Kore tana kata aena tankaraki Lomon Supati, naa kayieu duo naaboitiere ꞉ninye tene payie aatum aisiaayia ta mpaach ino. 14Kake mayieu apa naas ntoki eitu ichamaa, payie meaku ntoki ino pooki supat nias, ne nkisimakinoto kake ne yieunoto. 15Kebaki naa kore apa payie kitoorieki Onesimas te nkiti kata naa payie itum atoboitiere ninye ntarasi. 16Merokure aa rrindik, kake kelang rrindik, nera lalache lino licham te Kristo. Aa kore ta nanu, naa lacham oleng. Nebaa sa icham iyie ninye, era ltung'ani, nera sii lobo taatua Laitoriani!
17Naa kore tanaa ikimbung nanu tana lboitiei lino, tang'amai sii ninye ana nikinko duo tiniking'amaa nanu. 18Tanaa ikintarruoka apa ninye taa mbaa naaje, anaa sii eata sile ino, nchoo eaku nanai. 19Nanu Paulo oigero ana ta nkaina ai, nchere kalak, namaimaki abaki ajo iata sile ai, naa iyie koon inia sile. 20Ee lalache, kore taatua Laitoriani, kayieu nikiret taa naaduo baa naimaka. Ntogolo ltau lai taatua Kristo! 21Amu kaata sipata ajo ining'icho, nayielo ajo ias abaki naalang nenia najo nanu. 22Naa kore aitoki, ntibirakaaki ng'oji nalotu awuenie, amu kaata siligi nchere kore to nkomono inchi naa kaapaluni maeu nitii.
Nkirorokino e siedi
23 #
Lkol 1:7, 4:12 Ikiroroki ꞉Epaparas, ilo oteenaki tenebo o nanu tankaraki Laitejeunoni Yeso. 24#Asat 12:12,25, 13:13, 15:37–39; Lkol 4:10, Asat 19:29, 27:2; Lkol 4:10, Lkol 4:14; 2Tim 4:10, Lkol 4:14; 2Tim 4:11Nikiroroki sii ꞉Marko o Arisitarko o Demas o Luka oaara laisiaayiak tenebo o nanu. 25Metowuana munyani e Laitoriani Yeso Kristo taatua ltauja linchi.
Currently Selected:
Pilemon 1: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
Pilemon 1
1
1Kore nanu Paulo oena tankaraki Laitejeunoni Yeso o lalache lang Timoti, naa ikiroroki iyie Pilemon lchore lang likicham, kiasaki Nkai siaai tenebo. 2#Lkol 4:17Nikiroroki sii iyie Apia nkanache ang o iyie Arkipo lboitiei lang kira sikarini te Kristo, o looiruko Kristo ootumo aasai Nkai ta nkaji ino. 3Meichoo ntae Nkai Papa lang o Laitoriani lang Yeso Kristo munyani o seriani.
Nache o nkomono e Paulo tankaraki Pilemon
4Kaicho Nkai nache nkatitin pooki tanaaparru iyie to nkomono ai, 5tananing nkurukoto niata ta Laitoriani Yeso o nchaman niata too sinyat lenyena pooki. 6Naomon metaa kore inia kurukoto niking'ar tenebo, neaku keasicho te yielounoto e ntoki pooki supat nikiata taatua Kristo. 7Kore nchaman ino naa kaaiting'ida oleng naaitogol sii, amu keisiate ltauja loo sinyat tankaraki iyie, lalache lai.
Etoomono ꞉Paulo Pilemon metapaliki Onesimas
8Kore tankaraki inia, abaki duo aitieu atiaki taasa mbaa naaichiaakino nias taatua Kristo, maajoki taasa. 9Kore naas tankaraki nchaman, kaalej nanu ꞉Paulo, lpayian arrarri oena taata tankaraki Kristo Yeso. 10#Lkol 4:9Kaalej tankaraki nkerai ai naji Onesimas,#1:10 Kore Onesimas neipirita Ilo oata dikir naa nkarna apa ee rrindiki nayieloi. inia nataa ꞉papa lenye le nkiyeng'et, apa ewuon aena. 11Meata apa ninye dikir te iyie, kake keata taata te iyie o ta nanu. 12Naa kore ninye lacham oleng, kareu nitii. 13Kore tana kata aena tankaraki Lomon Supati, naa kayieu duo naaboitiere ꞉ninye tene payie aatum aisiaayia ta mpaach ino. 14Kake mayieu apa naas ntoki eitu ichamaa, payie meaku ntoki ino pooki supat nias, ne nkisimakinoto kake ne yieunoto. 15Kebaki naa kore apa payie kitoorieki Onesimas te nkiti kata naa payie itum atoboitiere ninye ntarasi. 16Merokure aa rrindik, kake kelang rrindik, nera lalache lino licham te Kristo. Aa kore ta nanu, naa lacham oleng. Nebaa sa icham iyie ninye, era ltung'ani, nera sii lobo taatua Laitoriani!
17Naa kore tanaa ikimbung nanu tana lboitiei lino, tang'amai sii ninye ana nikinko duo tiniking'amaa nanu. 18Tanaa ikintarruoka apa ninye taa mbaa naaje, anaa sii eata sile ino, nchoo eaku nanai. 19Nanu Paulo oigero ana ta nkaina ai, nchere kalak, namaimaki abaki ajo iata sile ai, naa iyie koon inia sile. 20Ee lalache, kore taatua Laitoriani, kayieu nikiret taa naaduo baa naimaka. Ntogolo ltau lai taatua Kristo! 21Amu kaata sipata ajo ining'icho, nayielo ajo ias abaki naalang nenia najo nanu. 22Naa kore aitoki, ntibirakaaki ng'oji nalotu awuenie, amu kaata siligi nchere kore to nkomono inchi naa kaapaluni maeu nitii.
Nkirorokino e siedi
23 #
Lkol 1:7, 4:12 Ikiroroki ꞉Epaparas, ilo oteenaki tenebo o nanu tankaraki Laitejeunoni Yeso. 24#Asat 12:12,25, 13:13, 15:37–39; Lkol 4:10, Asat 19:29, 27:2; Lkol 4:10, Lkol 4:14; 2Tim 4:10, Lkol 4:14; 2Tim 4:11Nikiroroki sii ꞉Marko o Arisitarko o Demas o Luka oaara laisiaayiak tenebo o nanu. 25Metowuana munyani e Laitoriani Yeso Kristo taatua ltauja linchi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy