Lburania 3
3
Keikitok Yeso alang Musa
1Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie. 2#Nki 12:7Keisiligai apa ninye ta Nkai nategelua, ana apake naisiligai Musa too ltung'ana pooki le Nkai. 3Kake ketoduaaki nchere kore Yeso, naa keiririkino nkanyit kitok alang Musa, ana ake payie eiririkino lachetani le nkaji nkanyit kitok alang inia aji natecheta. 4Amu meata nkaji nemeata lachetani lenye, kake kore loitibira ntokitin pooki naa Nkai.
5Naaku kesipa keisiligai apa Musa too ltung'ana pooki le Nkai ana laisiaayiani, neaku siaai lenye nkitodolunoto ee mbaa naalimuni kenya. 6Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.
Entodol eming'uaa nkurukoto
7 #
SNk 95:7–11
Naaku kore ana nejo Ltau Sinyati,
<<Kore tinining'ining anapar ltoilo lenye
8emintogol nkuechi inchi,
aany ining'ining Nkai,
ana netaasa apa lmakui linchi mparri naaitimitu te lkees.
9Te inie aatasaana ninche,
abaki etoduaa asat ainien taa larin artam.
10Naaku kaaitogorito lolo tung'ana
najo, <Kepong'ori chiaake ninche,
nemeyieu neyielou nkoitieii ainien.>
11Naa inia paa kore to ngoro, naimie te lekutuk nchere,
<Mejing katukul atua nkiyeng'iyeng'ata ai.> >>
12Entodol naa, lalachera o nkanachera, payie meatae ake lobo linchi oata ltau torno lemeiruk oibelekenya aing'uaa Nkai naichu. 13Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki. 14Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop. 15#SNk 95:7,8Amu kejo lkigerot Sinyat, <<Kore tinining'ining anapar ltoilo lenye, emintogol nkuechi nchi ana lolo oaatanya apa ening Nkai.>> 16#Nki 14:1–35Oo ng'ae apa lolo oaatanya ening Nkai abaki etining'o ltoilo lenye? Mara apake lolo ootirikua Musa aipung'unyie to nkop e Misiri? 17Naa oo ng'ae apa etogorokine ꞉Nkai taa larin artam? Mara apa lolo oaataasa ng'ok, neye neperioo lpopoki lenche te lkees? 18Naa oo ng'ae apa eitaka Nkai lekutuk nchere mejing katukul atua nkiyeng'iyeng'ata enye? Mara apake lolo oaatanya ening ninye? 19Naaku ikidol naa aajo eitu eidim ninche aatum nkiyeng'iyeng'ata enye tankaraki nemeata nkurukoto.
Currently Selected:
Lburania 3: saq
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy
Lburania 3
3
Keikitok Yeso alang Musa
1Naaku taa, lalachera o nkanachera ainien sinyat, niking'ar tenebo nkipototo e chumata, entaparrai naa Yeso oara lkipaaret oiriwua ꞉Nkai nera laitainoni kitok la lasar, ilo laa ninye kiruk nikimbalie. 2#Nki 12:7Keisiligai apa ninye ta Nkai nategelua, ana apake naisiligai Musa too ltung'ana pooki le Nkai. 3Kake ketoduaaki nchere kore Yeso, naa keiririkino nkanyit kitok alang Musa, ana ake payie eiririkino lachetani le nkaji nkanyit kitok alang inia aji natecheta. 4Amu meata nkaji nemeata lachetani lenye, kake kore loitibira ntokitin pooki naa Nkai.
5Naaku kesipa keisiligai apa Musa too ltung'ana pooki le Nkai ana laisiaayiani, neaku siaai lenye nkitodolunoto ee mbaa naalimuni kenya. 6Kore sii ilo Aitejeunoni apa oanyutae naa keisiligai te nkitachekinoto ee ltung'ana le Nkai, amu kera ninye Nkerai e Nkai. Naa ikira iyioo lolo tung'ana lenyena tinikimbung aaitirrichaki ilo siligi lang liking'idare nimikincho metigilata iyioo ltauja.
Entodol eming'uaa nkurukoto
7 #
SNk 95:7–11
Naaku kore ana nejo Ltau Sinyati,
<<Kore tinining'ining anapar ltoilo lenye
8emintogol nkuechi inchi,
aany ining'ining Nkai,
ana netaasa apa lmakui linchi mparri naaitimitu te lkees.
9Te inie aatasaana ninche,
abaki etoduaa asat ainien taa larin artam.
10Naaku kaaitogorito lolo tung'ana
najo, <Kepong'ori chiaake ninche,
nemeyieu neyielou nkoitieii ainien.>
11Naa inia paa kore to ngoro, naimie te lekutuk nchere,
<Mejing katukul atua nkiyeng'iyeng'ata ai.> >>
12Entodol naa, lalachera o nkanachera, payie meatae ake lobo linchi oata ltau torno lemeiruk oibelekenya aing'uaa Nkai naichu. 13Kake kore ntae entogoloto likae o likae mperot pooki, ewuon kiata nkata, payie meatae ake lobo linchi oaku ltung'ani ogol kue tankaraki nasapaa ꞉ng'oki. 14Amu ikiata sotua tenebo o Kristo, tinikimbung aaitirrichaki inia sipata nikiata apake tekue payie kiruk ninye, ana metabau nkiting'oto e nkop. 15#SNk 95:7,8Amu kejo lkigerot Sinyat, <<Kore tinining'ining anapar ltoilo lenye, emintogol nkuechi nchi ana lolo oaatanya apa ening Nkai.>> 16#Nki 14:1–35Oo ng'ae apa lolo oaatanya ening Nkai abaki etining'o ltoilo lenye? Mara apake lolo ootirikua Musa aipung'unyie to nkop e Misiri? 17Naa oo ng'ae apa etogorokine ꞉Nkai taa larin artam? Mara apa lolo oaataasa ng'ok, neye neperioo lpopoki lenche te lkees? 18Naa oo ng'ae apa eitaka Nkai lekutuk nchere mejing katukul atua nkiyeng'iyeng'ata enye? Mara apake lolo oaatanya ening ninye? 19Naaku ikidol naa aajo eitu eidim ninche aatum nkiyeng'iyeng'ata enye tankaraki nemeata nkurukoto.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2021, Bible Translation and Literacy